Магілёўцаў запрашаюць паўдзельнічаць у спартыўнай акцыі «Марафон #75кмзаПерамогу»
Магілёўцаў запрашаюць паўдзельнічаць у спартыўнай акцыі «Марафон #75кмзаПерамогу», прысвечанай 75-годдзю Перамогі ў Вялікай Айчыннай вайне. Каб стаць удзельнікам праекта, неабходна з 1 па 15 мая ў зручны для сябе час за 15 дзён прабегчы ў суме не менш за 75 кіламетраў у памяць аб ахвярах Вялікай Айчыннай вайны, фіксаваць свае бегавыя вынікі пры дапамозе фітнес-дадаткаў і дзяліцца імі на сваёй старонцы ў сацыяльных сетках з хэштэгам #75кмзаПерамогу.
У Магілёўскай вобласці дэзынфікаваць вуліцы сталі два разы на тыдзень
Камунальныя палівальныя машыны задзейнічалі для санітарнай апрацоўкі растворам хлоркавай вапны асфальтаваных пакрыццяў ва ўсіх гарадах Магілёўскай вобласці. Гэта адна з дадатковых мер па папярэджанні распаўсюджвання каранавіруснай інфекцыі. Як паведамілі ў ГА «Жыллёва-камунальная гаспадарка Магілёўскай вобласці», да апрацоўкі вуліц на днях прыступілі ў райцэнтрах і буйных гарадах рэгіёна. У Магілёве задзейнічана спецтэхніка дарожна-маставога прадпрыемства. Ачыстку дарог хлоркай у абласным цэнтры вядуць двойчы на тыдзень і ў асноўным ноччу, калі менш транспарту.
Кіраўніцтва аблвыканкама падчас суботніка зоймецца азеляненнем тэрыторыі паблізу сярэдняй школы № 45 Магілёва
Кіраўніцтва аблвыканкама падчас рэспубліканскага суботніка зоймецца азеляненнем тэрыторыі паблізу сярэдняй школы № 45 Магілёва. 25 красавіка тут высадзяць каля 100 туй і іншых дрэў.
На Буйніцкім полі адбыўся абласны этап акцыі «На славу агульнай перамогі!»
На Буйніцкім полі сёння адбыўся абласны этап акцыі «На славу агульнай перамогі!». Тут сабраліся прадстаўнікі выканаўчай улады, грамадскіх арганізацый, дэпутаты, вайскоўцы, духавенства, моладзь з усіх раёнаў, Магілёва і Бабруйска.
Ва ўстановах адукацыі Магілёўскай вобласці 25 красавіка – навучальны дзень
Як паведаміў начальнік галоўнага ўпраўлення па адукацыі Магілёўскай вобласці Андрэй Заблоцкі, у найбліжэйшую суботу ва ўстановах адукацыі будзе звычайны навучальны дзень. «У гэты дзень рэкамендавана арганізаваць навучальны працэс у выглядзе стымулюючых заняткаў па асноўных вучэбных прадметах (матэматыка, мовы, хімія, фізіка і г. д.), – адзначыў Андрэй Заблоцкі. – Таксама, улічваючы, што 25 красавіка абвешчаны рэспубліканскі суботнік, будзе наводзіцца парадак у саміх навучальных установах і на прылеглых тэрыторыях».
БРСМ дае старт праекту па добраўпарадкаванні помнікаў і абеліскаў
Беларускі рэспубліканскі саюз моладзі 25 красавіка дае старт дабрачыннаму праекту «Беларусь памятае. Ніхто не забыты, нішто не забыта» па добраўпарадкаванні помнікаў і абеліскаў, як паведаміла сакратар Цэнтральнага камітэта БРСМ Аляксандра Ганчарова.
На электронным кірмашы вакансій 23 красавіка працоўныя месцы прапануюць арганізацыі Магілёўскай вобласці
Камітэт па працы, занятасці і сацыяльнай абароне Мінгарвыканкама пры падтрымцы Міністэрства працы і сацыяльнай абароны Беларусі 23 красавіка з 10.00 да 12.00 правядзе электронны кірмаш вакансій. Згодна з інфармацыяй на сайце камітэта, электронны кірмаш вакансій будзе даступны на сайце e-vacancy.by. Такая паслуга прапануецца ўсім жыхарам краіны і значна скарачае перыяд пошуку працы. У мерапрыемстве прымуць удзел прадпрыемствы Магілёўскай вобласці.
Палявыя работы ў Магілёўскай вобласці ў цэлым праводзяцца арганізавана і своечасова – КДК
У мэтах выканання даручэнняў кіраўніка дзяржавы Камітэт дзяржкантролю Магілёўскай вобласці ажыццяўляе кантроль за правядзеннем вясновай пасяўной кампаніі ў сельгасарганізацыях рэгіёна. Яго вынікі паказалі, што ў цэлым палявыя работы праводзяцца арганізавана і своечасова. На 21 красавіка ў рэгіёне было пасеяна 48% яравых культур.
Магілёўская вобласць пашырае плошчы пад вырошчванне грэчкі
Падчас рабочай паездкі ў Бабруйск Прэзідэнт асаблівую ўвагу звярнуў на апрацоўку грэчкі, у тым ліку ў Магілёўскай вобласці, забеспячэнне сваімі крупамі беларускага рынку. Гэта звязана з павелічэннем попыту на яе і абмежаваннем паставак з суседняй Расіі. Як рэгіён мае намер рэалізаваць патрабаванне кіраўніка дзяржавы і якія для гэтага ёсць магчымасці?
Беларусь плануе спрасціць атрыманне грамадзянства
Беларусь плануе спрасціць парадак атрымання грамадзянства. Ільготныя ўмовы могуць быць прадастаўлены іншаземцам, якія атрымліваюць у краіне прафесійную адукацыю. Гэта прадугледжана папраўкамі ў закон аб грамадзянстве Рэспублікі Беларусь, паведаміла член Пастаяннай камісіі па правах чалавека, нацыянальных адносінах і СМІ Палаты прадстаўнікоў Марыя Васілевіч.
⠀Беларускія рабочыя розных сфер дзейнасці аб’ядналіся, каб падтрымаць суайчыннікаў у барацьбе з COVID-19
Пандэмія COVID-19 ахапіла ўвесь свет. Сёння неабходна з цярпеннем ставіцца да навакольнага, не панікаваць і не губляць сілы духу. Менавіта цяпер той момант, калі клопат адзін пра аднаго важны асабліва. Беларускія рабочыя розных сфер дзейнасці аб’ядналіся, каб падтрымаць суайчыннікаў. «Мы–нацыя, якая годна праходзіла любое выпрабаванне. З цярпеннем ставіцца да навакольнага, не панікаваць, паважаць блізкіх і калег і не губляць сілы духу!». Пад такім дэвізам выйшаў новы відэаролік тэлепраекта АтнБел #Беларусь #МЫРАЗАМ #.
Відэаролік праекта СБ «Абеліскі вялікага подзвігу»: ваенныя мемарыялы Бабруйска
Бабруйск – горад воінскай славы. Фашысцкая акупацыя працягвалася ў Бабруйску роўна тры гады. Гэта быў час пакут і масавых расстрэлаў мірнага насельніцтва, час гераічнай барацьбы падпольшчыкаў і партызан. Глядзіце новы відэаролік праекта СБ «Абеліскі вялікага подзвігу».
Дзяржэкзамены ў МДУ імя А. А. Куляшова праходзяць з улікам мер па захаванні здароўя студэнтаў і педагогаў
З захаваннем усіх рэкамендацый санітарна-эпідэміялагічных службаў, улікам забеспячэння санітарна-эпідэміялагічнага дабрабыту студэнтаў і выкладчыкаў у МДУ імя А. А. Куляшова на гэтым тыдні праходзяць дзяржаўныя экзамены. Атэстат прафесійнай сталасці неўзабаве атрымае больш за 200 студэнтаў факультэта педагогікі і псіхалогіі дзяцінства–лагапеды, спецыялісты дашкольнай адукацыі, псіхолагі, як паведамілі ў ВНУ.
Музычны відэафільм у падтрымку медыкаў падрыхтавалі ў Магілёўскай гімназіі-каледжы мастацтваў
Навучэнцы і педагогі Магілёўскай дзяржаўнай гімназіі-каледжа мастацтваў імя Яўгена Глебава падрыхтавалі музычны відэафільм ў падтрымку медыкаў, якія мужна ратуюць жыццё і здароўе людзей. Пра гэта паведаміў кіраўнік установы адукацыі Аляксандр Курсакоў.
Прамую тэлефонную лінію 23 красавіка правядзе намеснік начальніка Магілёўскай мытні Вікторыя Альшэўская
Прамую тэлефонную лінію 23 красавіка з 14.00 да 16.00 правядзе намеснік начальніка Магілёўскай мытні Вікторыя Аляксандраўна Альшэўская. Свае пытанні жыхары рэгіёна могуць задаць па нумары: 8 (0222) 29 90 03.
Мы разумнейшыя за гэту хваробу, і мы справімся – медык,якая перанесла каранавірус
У Магілёўскай вобласці выздаравела пацыентка, якой першай у рэгіёне паставілі дыягназ COVID-19. Па іроніі лёсу яе прафесія звязана з медыцынай – ужо дзесяць гадоў Ірына Зылёва працуе падлеткавым тэрапеўтам у Крычаўскай цэнтральнай раённай бальніцы. Каб перамагчы хваробу, ёй давялося выключыць у сабе доктара, даверыцца калегам і стаць руплівай пацыенткай.
Стрым прэзентацыі новых спецыяльнасцей адбудзецца 25 красавіка на факультэце матэматыкі і прыродазнаўства МДУ імя А. А. Куляшова
Стрым прэзентацыі новых спецыяльнасцей адбудзецца 25 красавіка на факультэце матэматыкі і прыродазнаўства МДУ імя А. А. Куляшова. Пра гэта паведамілі ў ВНУ. У гэтым годзе факультэт дадаткова набірае студэнтаў на «Медыка-біялагічную справу» і «Праграмнае забеспячэнне інфармацыйных тэхналогій». Абедзве спецыяльнасці запатрабаваныя на рынку працы і прадугледжваюць навучанне, якое грунтуецца на сучасных адукацыйных тэхналогіях і апошніх распрацоўках у сферы IT, экалогіі і прыродазнаўчых ведаў.
Прафсаюзныя прававыя прыёмы пройдуць 23 красавіка па ўсёй краіне
Больш за сотню юрыстаў Федэрацыі прафсаюзаў акажуць кваліфікаваную прававую дапамогу грамадзянам. Юрысты ФПБ пракансультуюць усіх жадаючых па пытаннях, звязаных з абаронай працоўных правоў і сацыяльна-эканамічных інтарэсаў. У гэтым месяцы прафсаюзны прыём праводзіцца без выезду ў рэгіёны. Кансультаванне пройдзе па тэлефонах, нумары якіх можна даведацца на інтэрнэт-партале Федэрацыі прафсаюзаў Беларусі, а таксама патэлефанаваўшы ў арганізацыі прафсаюзаў свайго горада або раёна.
У Магілёўскім абласным тэатры лялек адкрыецца музей
У Магілёўскім абласным тэатры лялек адкрыецца музей. У экспазіцыі будуць прадстаўлены старыя афішы, дэкарацыі, а таксама лялькі, якія пайшлі на заслужаны адпачынак. Ужо створаны макет. Яго аўтар – мастак-канструктар лялек Дзяніс Казлоў – адзначае: «Мэта музея – пазнаёміць маленькіх гледачоў са спектаклямі, якія выйшлі з рэпертуару». Адкрыць культурны аб’ект плануюць у 2021 годзе і прымеркаваць падзею да юбілею тэатра.
У год 75-годдзя Перамогі асабліва значныя патрыятычныя праекты – Эдуард Тамільчык
У год 75-годдзя Вялікай Перамогі асабліва значная рэалізацыя ў школах патрыятычных праектаў, заявіў у час круглага стала начальнік галоўнага ўпраўлення выхаваўчай работы і маладзёжнай палітыкі Міністэрства адукацыі Эдуард Тамільчык.
Дзень Зямлі адзначаецца сёння 50-ы раз
Сёння Дзень Зямлі, абвешчаны Генеральнай Асамблеяй ААН, адзначаюць 50-ы раз. Аб гэтым паведамляе Цэнтр навін ААН. Дзень Зямлі ўпершыню адбыўся ў 1970 годзе. Тады амаль 20 млн чалавек, абураных разлівамі нафты, забруджваннем паветра і рэк, выйшлі на вуліцы, каб выказаць свой пратэст у сувязі з экалагічным крызісам. Гэта была буйнейшая акцыя грамадзянскай актыўнасці, і ўрадам давялося прыслухацца: былі прыняты заканадаўчыя акты па ахове навакольнага асяроддзя і створаны адпаведныя агенцтвы. Гэта была перамога, якая прадэманстравала сілу грамадскага адзінства.
Гуманітарная дапамога з Кітая і Узбекістана прыбыла ў Магілёў
У Магілёў прыбыла гуманітарная дапамога з КНР і Узбекістана. Гэта больш за 10 тыс. медыцынскіх масак і пальчатак, 1 тыс. рэспіратараў, 500 ахоўных камбінезонаў. Таксама медыкі атрымалі 600 пульсаксіметраў. Лічбавы гаджэт здольны за лічаныя секунды паказаць пульс і насычэнне кіслародам крыві ў арганізме чалавека. Партыя гуманітарнага грузу ўжо накіравана ў Магілёўскую цэнтральную паліклініку. На працягу двух сутак сродкі індывідуальнай абароны атрымаюць многія медыцынскія ўстановы вобласці.
Аляксандр Лукашэнка даў згоду на экспарт ахоўных масак пасля насычэння нацыянальнага рынку
Прэзідэнт Беларусі Аляксандр Лукашэнка даручыў наладзіць экспарт ахоўных масак пасля насычэння нацыянальнага рынку. Адпаведныя задачы кіраўнік дзяржавы паставіў сёння ў час наведвання ў Бабруйску прадпрыемства «Славянка».
Запланаванае на 26 красавіка рэпетыцыйнае тэставанне ў пунктах Магілёва пераносіцца
Каб задаволіць попыт абітурыентаў на рэпетыцыйнае тэставанне і каб пры гэтым у пунктаў іх правядзення была магчымасць аператыўна рэагаваць на сітуацыю і забяспечыць усе неабходныя рэкамендацыі, трэці этап рэпетыцыйнага тэставання падоўжаны амаль на месяц (па 24 мая ўключна). Пра гэта паведамляе афіцыйны Telegram-канал Міністэрства адукацыі.
Аўтапрабег «101 кіламетр бяспекі» правяло Магілёўскае абласное ўпраўленне МНС
У сувязі з пажаранебяспечным становішчам у экасістэмах, а таксама напярэдадні велікодных і радаўнічных працяглых выхадных дзён Магілёўскае абласное ўпраўленне МНС правяло аўтапрабег «101 кіламетр бяспекі», у якім прынялі ўдзел аўтаклубы «6 рэгіён» і «Аўтамагілёў», а таксама іншыя неабыякавыя да пытанняў бяспекі і экалогіі аўтаўладальнікі. «Галоўная мэта мерапрыемства – нестандартным і крэатыўным спосабам прыцягнуць увагу грамадскасці да праблемы выпальвання сухой расліннасці», – патлумачыла старшы інспектар абласнога ўпраўлення МНС Вольга Нехарощых.
Чыгірынскае вадасховішча зарыблена карпам і белым амурам
Беларускае таварыства паляўнічых і рыбаловаў правяло зарыбленне Чыгірынскага вадасховішча (Быхаўскі і Кіраўскі раёны). Сюды пасялілі 300 кг белага амура (каля 2-х тыс. асобнікаў) і 2700 кг карпа (каля 14 тыс.). Зарыбленне вадаёма ажыццяўлялася за кошт сродкаў, атрыманых ад выплаты членскіх узносаў рыбаловаў-аматараў – членаў РДГА «БТПР», як паведамляецца на сайце арганізацыі.
Аляксандр Лукашэнка пачаў паездку ў Бабруйск са стану спраў у сельскай гаспадарцы
Прэзідэнт Беларусі Аляксандр Лукашэнка ў час рабочай паездкі ў Бабруйск звярнуў увагу на неабходнасць выканання тэрмінаў пасяўной кампаніі.
ВНУ Магілёўскай вобласці працуюць у новых умовах
Некаторыя беларускія ўніверсітэты на час адмовіліся ад правядзення паточных лекцый. Студэнты правяраюць веды на дыстанцыйным навучанні. Як сёння вучацца і жывуць студэнты МДУ імя А. А. Куляшова? Заняткі ва ўніверсітэце праходзяць у звычайным рэжыме, але расклад крыху скарэктавалі. Напрыклад, на час адмовіліся ад паточных лекцый, пачатак заняткаў перанеслі на 9.50 раніцы. Дзейнічае строгі прапускны рэжым: на ўваходзе студэнтаў і выкладчыкаў чакае абавязковая апрацоўка рук.
У чэрвені 2020 года ў Клічаўскім лясгасе плануюць увесці ў эксплуатацыю пелетны завод
Па даручэнні кіраўніка дзяржавы ў ДЛГУ «Клічаўскі лясгас» і яшчэ 5 лясгасах рэспублікі будуюцца сучасныя пелетныя заводы. Іх увод у эксплуатацыю дазволіць шмат у чым вырашыць праблему перапрацоўкі значных аб’ёмаў адходаў лесанарыхтоўкі і лесапілавання, якія ўтвараюцца на прадпрыемствах Беларусі, у высокаліквідную экспартаарыентаваную прадукцыю, бо сусветны рынак спажывання паліўных пелет, паводле ацэнак экспертаў, штогод прырастае на трэць, як расказаў першы намеснік старшыні Камітэта дзяржаўнага кантролю Магілёўскай вобласці Юрый Фралоў.
Падатковыя інспекцыі Магілёўскай вобласці ў I квартале 2020 года выявілі 26 нелегальных таксістаў
Падатковыя інспекцыі Магілёўскай вобласці ў I квартале 2020 года выявілі 26 грамадзян, якія аказвалі паслугі па перавозцы пасажыраў аўтамабілямі-таксі без дзяржаўнай рэгістрацыі ў якасці суб’ектаў гаспадарання. З іх 7 чалавек займаліся гэтай дзейнасцю з выкарыстаннем мабільнага сэрвісу заказу таксі «Максім», як паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. Кожнаму парушальніку прад’явілі да выплаты адзіны падатак (агульная сума склала Br3,8 тыс.). Звесткі аб усіх унеслі ў базу «Незарэгістраваная прадпрымальніцкая дзейнасць».