Рабоце з сучаснымі інструментамі планавання і арганізацыі мерапрыемстваў навучаць на сустрэчы ў Магілёве
Сустрэча, прысвечаная рабоце з сучаснымі электроннымі інструментамі па планаванні і каардынацыі грамадскіх мерапрыемстваў і кампаній, пройдзе 27 лютага ў Магілёве. Пра гэта паведамілі ў цэнтры гарадскіх ініцыятыў. Удзельнікі заняткаў не толькі даведаюцца, што такое Google Sheets, IFTTT, Zapier, Trello і Dropbox Paper, але і навучацца працаваць з гэтымі інструментамі. Напрыклад, паспрабуюць запланаваць акцыю, зрабіць анонс спікера, стварыць бота мерапрыемствы і інш. Уваход вольны.
Прамая лінія па пытаннях арганізацыі дарожнага руху, рэгістрацыйнай і экзаменацыйнай дзейнасці ДАІ адбудзецца 28 лютага
Прамую тэлефонную лінію правядзе 28 лютага намеснік начальніка ўпраўлення ДАІ УУС Магілёўскага аблвыканкама падпалкоўнік міліцыі Міхаіл Уладзіміравіч Давыдаў. З 10.00 да 12.00 па нумары (80222) 48-50-04 жыхары рэгіёна змогуць задаць пытанні, якія тычацца арганізацыі дарожнага руху, рэгістрацыйнай і экзаменацыйнай дзейнасці Дзяржаўтаінспекцыі.
Прафсаюзныя прававыя прыёмы пройдуць 28 лютага ў Магілёўскай вобласці
Прававыя прафсаюзныя прыёмы грамадзян пройдуць у Магілёўскай вобласці 28 лютага. У гэты дзень кожны жадаючы зможа атрымаць бясплатную кансультацыю юрыстаў па пытаннях, звязаных з абаронай працоўных і сацыяльна-эканамічных правоў і інтарэсаў. Месца і час правядзення прыёму можна даведацца па тэлефоне Магілёўскага абласнога аб’яднання прафсаюзаў: (80222) 65-34-95, 65-32-98. План-графік прафсаюзнага прыёму ў Магілёўскай вобласці на 28 лютага
У Беларускай сельгасакадэміі распрацавалі дражыратар насення
Новая распрацоўка вучонага Беларускай дзяржаўнай сельскагаспадарчай акадэміі – цэнтрабежны дражыратар насення з лопасцевым адбівальнікам – дазволіць значна знізіць кошт у Беларусі насеннага матэрыялу з абалонкай. Пра гэта паведаміў аўтар праекта – намеснік дэкана па вучэбнай рабоце факультэта механізацыі сельскай гаспадаркі Дзяніс Міхееў.
Магілёўскае ТДА «Букініст» будзе ліквідаванае
Эканамічны суд Магілёўскай вобласці прыняў рашэнне аб ліквідацыі таварыства з дадатковай адказнасцю «Букініст», паведамляецца ў прэс-службе суда. Суд устанавіў, што ў працэсе конкурснай вытворчасці ўпраўляючым у рэестр патрабаванняў крэдытораў уключаны патрабаванні на агульную суму звыш Br26,7 тыс., выяўлена маёмасць даўжніка на суму звыш Br4,7 тыс., нерухомая маёмасць і аўтатранспартныя сродкі за даўжніком не зарэгістраваны, грашовыя сродкі на разліковым рахунку даўжніка адсутнічаюць.
Частаваць мёдам і навучаць тонкасцям пчалярства будуць 1-2 сакавіка на форуме ў Крычаве
Другі рэспубліканскі форум пчаляроў збярэ вопытных і паынаючых спецыялістаў па гадоўлі пчол 1-2 сакавіка ў Крычаве, у праграме мерапрыемства-майстар-класы, віктарына, круглы стол, выстава, дэгустацыя. Пра гэта паведамілі ў КУП «Моладзевая сацыяльная служба».
Прафілактычны праект «Час выбіраць здароўе!» стартуе ў Магілёўскай вобласці
Прафілактычны праект «Час выбіраць здароўе!» пройдзе ў Магілёўскай вобласці. Стартуе акцыя 28 лютага ў Чавускім раёне, паведамілі карэспандэнту сайта ў аддзеле грамадскага здароўя абласнога цэнтра гігіены, эпідэміялогіі і грамадскага здароўя. На працягу года да праекта далучацца Магілёў, Бабруйск, а таксама шэсць раённых цэнтраў: Чавусы, Клімавічы, Крычаў, Мсціслаў, Шклоў, Чэрыкаў.
Прамую лінію па пытаннях аховы працы і атэстацыі працоўных месцаў па ўмовах працы правядзе 28 лютага Камітэт па працы, занятасці і сацабароне Магаблвыканкама
Прамая лінія па пытаннях аховы працы і правядзення атэстацыі працоўных месцаў па ўмовах працы адбудзецца 28 лютага. З 11.00 да 12.00 па нумары (8 0222) 22 08 89 на пытанні жыхароў Прыдняпроўскага краю адкажа начальнік аддзела аховы працы і дзяржаўнай экспертызы камітэта па працы, занятасці і сацыяльнай абароне Магілёўскага аблвыканкама Вольга Рыгораўна Лібак.
У Магілёўскай вобласці з дапамогай фотапастак у 2018 годзе выяўлена 45 лесанарушэнняў
Работнікамі лясной аховы ў Магілёўскай вобласці ў 2018 годзе выяўлена 487 парушэнняў ляснога і прыродаахоўнага заканадаўства, паведамілі ў Магілёўскім дзяржаўным вытворчым лесагаспадарчым аб’яднанні. Пры дапамозе сістэм фота- і відэафіксацыі зафіксавана 45 парушэнняў, або на 9 больш, чым у 2017 годзе. У асноўным яны тычыліся незаконнай парубкі лесу і забруджвання ляснога фонду.
Суб’екты малога і сярэдняга прадпрымальніцтва фарміруюць 45,6% бюджэту Магілёўскай вобласці
За студзень 2019 года суб’екты сярэдняга і малога бізнесу рэгіёна заплацілі ў бюджэт Br57,4 млн., або 45,6% ад агульных паступленняў. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. У параўнанні з мінулым годам дадзеныя фінансавыя ўліванні павялічыліся на 20,5%, або на Br9, 8 млн у фактычным вылічэнні. Рост паступленняў ад арганізацый склаў 20,5%, ад індывідуальных прадпрымальнікаў – 20,4%.
Прамую тэлефонную лінію правядзе 2 сакавіка намеснік старшыні Магілёўскага аблвыканкама Руслан Пархамовіч
Прамую тэлефонную лінію правядзе 2 сакавіка намеснік старшыні Магілёўскага аблвыканкама Руслан Віктаравіч Пархамовіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У студзені 2019 года ў Магілёўскай вобласці пабудавана 82 новыя кватэры
У студзені 2019 года ў Магілёўскай вобласці арганізацыямі ўсіх формаў уласнасці пабудавана 82 новыя кватэры. Уведзена ў эксплуатацыю 9 тыс. кв. м агульнай плошчы жылля. Пра гэта паведамілі ў галоўным статыстычным упраўленні рэгіёна. Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 2,5 тыс. кв.м, або 28,3% ад агульнага аб’ёму ўведзенага. Усё жыллё для гэтай катэгорыі жыхароў Прыдняпроўскага краю пабудавана з выкарыстаннем дзяржаўнай падтрымкі.
У бюджэт Магілёўскай вобласці за студзень 2019 года паступіла Br125,9 млн.
У бюджэт рэгіёна за студзень 2019 года паступіла Br125,9 млн. У параўнанні з аналагічным перыядам мінулага года даходы бюджэту ў фактычным вылічэнні павялічыліся на 13,7%, або на Br15,2 млн, паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. Найбольшыя сумы складаюць паступленні падатку на дабаўленую вартасць – Br49,9 млн (39,7%), падаходнага падатку – Br36,6 млн (29,1%), падатку пры спрошчанай сістэме падаткаабкладання – Br12,2 млн (9,7%), акцызаў – Br8,1 млн (6,5%).
Рэйдавыя групы ДПС «Страла» адпрацуюць Магілёўскую вобласць
Рэйдавыя групы спецыяльнага падраздзялення ДПС «Страла» МУС накіраваны на адпрацоўку Магілёўскай вобласці, паведамілі ва УДАІ МУС Беларусі.
МАЗ прэзентаваў у Магілёве звышхуткага «жалезнага дрывасека»
Холдынг «БелаўтаМАЗ» сёння падчас пашыранай нарады з Мінлясгасам у Магілёве на сваім філіяле «Магілёўтрансмаш» прэзентаваў лінейку новай тэхнікі для перавозкі і перапрацоўкі драўніны.
Тэматычныя мерапрыемствы да Дня Абаронцаў Айчыны і Узброеных Сіл Беларусі праходзяць у кінатэатрах Магілёва
Тэматычныя мерапрыемствы да Дня Абаронцаў Айчыны і Узброеных Сіл Беларусі праходзяць у кінатэатрах Магілёва. Пра гэта карэспандэнту сайта паведамілі ў адміністрацыі прадпрыемства «Кінавідэапракат».
Мінабароны папярэджвае аб руху тэхнікі па дарогах Магілёўскай вобласці 22 лютага
Падчас комплекснай праверкі баявой і мабілізацыйнай гатоўнасці Узброеных Сіл 22 лютага будзе перамяшчацца колавая тэхніка па аўтадарогах рэспубліканскага значэння ў Брэсцкай, Мінскай і Магілёўскай абласцей, паведамілі ў прэс-службе Мінабароны. Жыхароў населеных пунктаў і вадзіцеляў транспартных сродкаў просяць улічваць гэтую акалічнасць і быць вельмі ўважлівымі пры перамяшчэнні ваеннай тэхнікі.
Жыхарам Магілёўскай вобласці прапануюць прыдумаць дэвіз акцыі «Тыдзень лесу»
Рэспубліканская акцыя «Тыдзень лесу» пройдзе ў Беларусі з 13 па 20 красавіка. Яе арганізатарам традыцыйна выступіць Міністэрства лясной гаспадаркі Рэспублікі Беларусь, паведамілі ў прэс-службе ведамства. «Упершыню ў межах падрыхтоўкі да правядзення акцыі жыхарам Сінявокай прапануюць стаць аўтарамі дэвізу мерапрыемства. Асноўныя патрабаванні да слогана: ён павінен быць ёмістым і адлюстроўваць тэматычную накіраванасць акцыі», – падкрэслілі спецыялісты.
Стартаваў конкурс «Франтавы альбом» да 75-годдзя вызвалення Беларусі
У межах рэспубліканскай акцыі «Беларусь памятае» Беларускае тэлеграфнае агенцтва, рэдакцыя газеты «7 дней» сумесна з Міністэрствам адукацыі Беларусі, Нацыянальным цэнтрам мастацкай творчасці дзяцей і моладзі, СТАА «Гейм Стрым» далі старт сумеснаму конкурсу «Франтавы альбом», прысвечанаму 75-й гадавіне вызвалення Беларусі ад нямецка-фашысцкіх захопнікаў.
АПК Магілёўскай вобласці ў 2019 годзе будзе нарошчваць экспарт і рэнтабельнасць продажаў
Аграпрамысловы комплекс Магілёўскай вобласці асноўны акцэнт у 2019 годзе зробіць на фінансавае аздараўленне. Пра гэта паведаміў сёння на пасяджэнні аблвыканкама першы намеснік старшыні аблвыканкама Мікалай Кароцін.
Кіраўнікі на месцах павінны ўдзельнічаць у перазагрузцы эканамічнай палітыкі рэгіёна – Уладзімір Даманеўскі
Старшыня Магілёўскага аблвыканкама Уладзімір Даманеўскі сёння падчас разгляду вынікаў сацыяльна-эканамічнага развіцця вобласці ў 2018 годзе засяродзіў увагу на неабходнасці перазагрузкі эканамічнай палітыкі рэгіёна.
Езуіцкі касцёл у Мсціславе закрываюць ахоўнай сеткай
Езуіцкі касцёл у Мсціславе закрываюць ахоўнай сеткай. Гэта адзін са спосабаў выратавання помніка архітэктуры 18 стагоддзя. Супрацьаварыйныя працы на будынку касцёла пачаліся восенню. Цяпер прамысловыя альпіністы на вышыні выконваюць важную працу – нацягваюць банерную сетку. Гэта не толькі клопат аб эстэтыцы, але і абарона будынка ад ападкаў, а людзей – ад падзення абломкаў тынкоўкі і муру. Для прадухілення далейшага разбурэння касцёла ўзводзяцца апорныя і ўмацавальныя канструкцыі, якія спраектавалі спецыялісты ўпраўлення капітальнага будаўніцтва Магілёва.
Праект «Арміі воін славы дастойны!» прэзентуюць на круглым стале ў Магілёве
Традыцыйнае пасяджэнне круглага стала «Сустрэча пакаленняў», прысвечанае Дню Абаронцаў Айчыны, адбудзецца 22 лютага ў Магілёве. Пра гэта паведамілі ў гарвыканкаме. У мерапрыемстве, якое пачнецца ў 10.00 на базе паста памяці загінулым за Айчыну Цэнтра творчасці дзяцей і моладзі «Юнацтва» (вул. Першамайская, 2), прымуць удзел ветэраны Вялікай Айчыннай вайны і Узброеных Сіл, прадстаўнікі ваеннага камісарыята Магілёва і Магілёўскага раёна, Моладзевага парламента пры гарадскім савеце дэпутатаў, вайсковых часцей, школьнікі і інш.
На 40% бюджэт Магілёўскай вобласці сфармавалі плацельшчыкі недзяржаўнага сектара эканомікі
За студзень 2019 года ў кансалідаваны бюджэт Магілёўскай вобласці паступіла Br125,9 млн. Пра гэта паведамілі ў прэс-цэнтры інспекцыі МПЗ рэгіёна. У структуры падатковых паступленняў лідзіравалі арганізацыі дзяржаўнага сектара эканомікі. На іх долю прыпадала 49,8% агульных паступленняў, што склала Br62,7 млн. рублёў. Арганізацыі недзяржаўнага сектара ўнеслі ў бюджэт Br50 млн. (39,8%), індывідуальныя прадпрымальнікі – Br10, 1 млн. (8%), фізічныя асобы – Br3 млн. (2,4%).
На пасяджэнні калегіі КДК Магілёўскай вобласці падвялі вынікі працы за 2018 год
На пасяджэнні калегіі Камітэта дзяржаўнага кантролю Магілёўскай вобласці разгледжаны вынікі працы за 2018 год і вызначаны задачы на найбліжэйшую перспектыву. Пра гэта паведаміў старшыня кантралюючага ведамства Алег Садоўскі. «Асноўныя намаганні камітэта былі сканцэнтраваны на арганізацыі прафілактыкі правапарушэнняў, кантролі за эфектыўным выкарыстаннем бюджэтных сродкаў і дзяржмаёмасці, выяўленні рэзерваў павышэння эфектыўнасці дзейнасці галін эканомікі вобласці, выпрацоўцы прапаноў па ўдасканаленні заканадаўства», – адзначыў ён.
ТРК «Магілёў» адзначана двума дыпломамі творчага конкурсу Мінабароны Беларусі
Тэлерадыёкампанія« Магілёў» адзначана двума дыпломамі творчага конкурсу Мінабароны Беларусі. Напярэдадні ў Мінску ўзнагародзілі пераможцаў штогадовага творчага конкурсу на найлепшае асвятленне ў СМІ пытанняў будаўніцтва і развіцця Узброеных Сіл Беларусі, патрыятычнага выхавання насельніцтва.
Галоўная тэма АДІ ў лютым: магчымасці грамадзян для ажыццяўлення дзейнасці без рэгістрацыі ў якасці суб’екта прадпрымальніцтва
Адзіны дзень інфармавання, які пройдзе сёння ў гарадах і раёнах Магілёўскай вобласці, будзе прысвечаны магчымасцям грамадзян для ажыццяўлення дзейнасці без рэгістрацыі ў якасці суб’екта прадпрымальніцтва. Пра гэта карэспандэнту сайта паведамілі ў Галоўным упраўленні ідэалагічнай работы і па справах моладзі аблвыканкама.
Прадстаўнікі МАРГ 21 лютага правядуць асабісты прыём грамадзян у Магілёве
Прадстаўнікі Міністэрства антыманапольнага рэгулявання і гандлю Рэспублікі Беларусь 21 лютага правядуць асабісты прыём грамадзян у Магілёве. Жыхары рэгіёна могуць звярнуцца да спецыялістаў з 13.00 да 14.00. Прыём адбудзецца ва ўпраўленні па рабоце са зваротамі грамадзян і юрыдычных асоб аблвыканкама (кабінет №115, асобны ўваход з боку пл. Леніна). Папярэдні запіс ажыццяўляецца па тэлефонах: (80222) 32-67-21, 23-02-55.
Губернатары на зборы па ваеннай бяспецы прайшлі агнявую падрыхтоўку ў Асіповіцкім раёне
На базе 51-й артылерыйскай брыгады Асіповіцкага раёна прайшлі зборы «Ваенная бяспека і абарона Рэспублікі Беларусь» са старшынямі выканаўчых камітэтаў абласцей (Мінска) і іх намеснікамі, якія курыруюць пытанні тэрытарыяльнай абароны.
У Магілёве асноўныя работы па капрамонце Першамайскай вуліцы завершаць да канца чэрвеня
У Магілёве ў 2019 годзе плануецца капітальна адрамантаваць 2 км магістральных вуліц. Пра гэта паведаміў сёння на пасяджэнні гарвыканкама дырэктар дзяржаўнага прадпрыемства «УКБ г. Магілёва» Андрэй Маскалёў.