Абраз прападобнага Гаўрыіла Самтаврыйскага прыбудзе ў Бабруйск
У жаночы манастыр Святых жонак-міраносіц Бабруйска сёння прыбудзе абраз прападобнага Гаўрыіла Самтаврыйскага. Сустрэча абраза пройдзе ў 13.00 на тэрыторыі манастыра. Прыкласціся да яе можна будзе ў манастырскім храме ў гонар іконы Божай Маці «Скорапаслушніца» да дзвюх гадзін дня 14 ліпеня. Уваход у храм – з 6.00 да 22.00. Да гэтага абраз святога знаходзіўся ў Сергіеўскім храме пасёлка Туголіца, куды быў дастаўлены 5 ліпеня з падворка Успенскага жаночага манастыра горада Кемерава (Расія).
Онлайн-акцыю «Смачнае чытанне» праводзіць у Магілёве гарадская бібліятэка імя К. Маркса
Цэнтральная гарадская бібліятэка імя К. Маркса запрашае наведвальнікаў прыняць удзел у онлайн-акцыі «Смачнае чытанне». Для гэтага неабходна знайсці ў мастацкіх кнігах цытату, якая мае адносіны да ежы і напояў, прадуктаў або кулінарыі. Гэтыя цытаты да 31 жніўня можна прынесці ў бібліятэку ці запоўніць спецыяльную электронную форму. Самых актыўных удзельнікаў акцыі чакаюць прызы. Узнагароджанне адбудзецца ў бібліятэцы ў рамках святкавання Дня бібліятэк.
Футбольны манеж пабудуюць у Магілёве да канца гэтага года
У Магілёве да канца 2019 года з'явіцца футбольны манеж. Ён размесціцца на тэрыторыі гарадской СДЮШАР №7. Зялёны газон і апорныя канструкцыі прывезлі на васьмі грузавіках. Акрамя гульнявога поля памерам 105 на 68 м, што адпавядае сусветным стандартам, у манежы будуць трыбуны на 500 месцаў і адміністрацыйна-бытавы корпус. Кошт праекта – Br4,2 млн. Ужо ў чацвер тут запрацуюць будаўнічыя брыгады. Да сярэдзіны жніўня пачнуць слаць газон. Плануецца, што ў снежні ў манежы згуляюць першы матч.
Інтэрнэт-каталог старых пахаванняў створаць у Магілёве
Даследаванні на магілёўскіх могілках праводзяць краязнаўцы і моладзь. Яны ствараюць адмысловы інтэрнэт-каталог старых пахаванняў. Гэтым летам даследнікі працуюць на Васкрасенскіх (Лютэранскіх) могілках. Хоць яны і знаходзяцца ў цэнтры Магілёва, але амаль ніхто з гараджан пра іх не ведае. Мэта ўдзельнікаў экспедыцыі – перапісаць і сфатаграфаваць пахаванні, якія датуюцца 19 – пачаткам 20 стагоддзя.
Цэнтр перапрацоўкі і вытворчасці мясцовай сельгаспрадукцыі створаць у Слаўгарадскім раёне
ЕС падтрымае 6 мясцовых ініцыятыў на 30 тыс. еўра ў Магілёўскай вобласці. Такі вынік кірмашу «Мясцовыя ініцыятывы для мікрарэгіёнаў развіцця», які прайшоў у Слаўгарадзе ў рамках праекта «Сеткавае ўзаемадзеянне для паляпшэння магчымасцей занятасці ў сельскіх раёнах Магілёўскай вобласці». Пра гэта паведаміў дырэктар Міжнароднага фонду развіцця сельскіх тэрыторый Сяргей Тарасюк.
Член Савета Рэспублікі Алег Дзячэнка сустрэўся з працоўным калектывам ЗАТ «Агракамбінат “Зара”»
Член Пастаяннай камісіі па адукацыі, навуцы, культуры і сацыяльным развіцці Савета Рэспублікі Нацыянальнага сходу Рэспублікі Беларусь Алег Дзячэнка наведаў адно з найбуйнейшых прадпрыемстваў аграпрамысловага комплексу Магілёўскай вобласці – ЗАТ «Агракамбінат “Зара”». Там ён сустрэўся і пагутарыў з працоўным калектывам на чале з генеральным дырэктарам Кацярынай Зароўскай, а таксама са старшынёй Пашкаўскага сельскага выканаўчага камітэта Віктарам Сцепаненкам.
Моладзь Магілёўшчыны запрашаюць прыняць удзел у паэтычным інтэрнэт-конкурсе да 75-годдзя вызвалення Беларусі ад нямецка-фашысцкіх захопнікаў
Моладзь Магілёўшчыны запрашаюць узяць удзел у міжнародным паэтычным інтэрнэт-конкурсе «Не вырывай старонкі памяці», прысвечаным 75-годдзю вызвалення Беларусі ад нямецка-фашысцкіх захопнікаў.
Памочнік Прэзідэнта Беларусі – інспектар па Магілёўскай вобласці Міхаіл Русы 18 ліпеня правядзе прыём грамадзян у Клічаве
Памочнік Прэзідэнта Беларусі – інспектар па Магілёўскай вобласці Міхаіл Іванавіч Русы 18 ліпеня з 10.00 будзе праводзіць прыём грамадзян, іх прадстаўнікоў, прадстаўнікоў юрыдычных асоб у Клічаўскім раённым выканаўчым камітэце.
Эксперыментальны трохпавярховы электрадом пабудуюць у Магілёве
Эксперыментальны трохпавярховы электрадом пабудуюць у Магілёве, паведамілі ў абласным УКБ. Ён з'явіцца на вуліцы Вароўскага. У доме будзе 24 кватэры. Асаблівасць жылля ў тым, што для яго абагравання выкарыстоўваюць электраэнергію. Замест звыклых радыятараў у пакоях установяць электраканвектары. Падагрэў вады ў новым доме будзе аўтаномным, таксама за кошт электраэнергіі. Эксперыментальны дом зможа абыходзіцца без газазабеспячэння. Кухні абсталююць электраплітамі. Дом пачнуць будаваць у гэтым годзе. У Магілёўскай вобласці праект рэалізуюць упершыню.
Міністр па надзвычайных сітуацыях Беларусі Уладзімір Вашчанка 11 ліпеня правядзе асабісты прыём грамадзян у Шклове
Міністр па надзвычайных сітуацыях Рэспублікі Беларусь Уладзімір Аляксандравіч Вашчанка 11 ліпеня правядзе асабісты прыём грамадзян і прадстаўнікоў юрыдычных асоб у Шклове. Прыём будзе праходзіць з 10.00 да 11.00 у будынку раённага выканаўчага камітэта (вул. Ленінская, 76). Папярэдні запіс на прыём ажыццяўляецца па тэлефонах у Шклове: 8 (02239) 78-207, 78-188.
Сям'я героя Савецкага Саюза Канстанціна Лісіцына наведала брацкую магілу ў Магілёўскім раёне
Сям'я героя Савецкага Саюза Канстанціна Лісіцына наведала Магілёўскую вобласць. Удава, заслужаны работнік культуры Расійскай Федэрацыі Тамара Лісіцына і дачка Алена прыехалі з Масквы на беларускую зямлю, каб пабываць на месцах гераічнага подзвігу Канстанціна Сяргеевіча.
Хрэсны ход адбудзецца 14 ліпеня ў Бабруйскім раёне
Мерапрыемствы, прысвечаныя прастольнаму святу храма ў гонар палажэння рызы Прасвятой Багародзіцы, адбудуцца 14 ліпеня ў аграгарадку Гарбацэвічы Бабруйскага раёна. Пра гэта паведамілі ў Бабруйскай епархіі. Праграмай запланаваны хрэсны ход ад Свята-Іверскага храма ў Кісялевічах да Гарбацэвічаў, які пачнецца ў 11.30. Удзельнікам працэсіі неабходна мець пры сабе галаўны ўбор, зручны абутак, лёгкі плашч або парасон, ваду.
Рэдакцыі бабруйскай раённай газеты «Трыбуна працы» і валагодскай раённай газеты «Маяк» падпісалі пагадненне аб супрацоўніцтве
Рэдакцыі бабруйскай раённай газеты «Трыбуна працы» і валагодскай раённай газеты «Маяк» (Расія) падпісалі пагадненне аб супрацоўніцтве. Подпісы пад дакументам паставілі рэдактары выданняў Вольга Грэк і Данііл Тураў. «Мы хацелі б насыціць пагадненне паміж рэдакцыямі канкрэтнымі справамі. Перш за ўсё, каб чытачы бачылі, чым жывуць нашы дзяржавы, якія праекты рэалізуюцца. Гэта галоўная мэта пагаднення», – адзначылі рэдактары.
Квэсты, конкурс старадаўніх напояў і відовішчныя баі чакаюць гасцей рыцарскага фэсту ў Мсціславе
Свята сярэднявечнай культуры «Рыцарскі фэст – 2019» пройдзе 2-4 жніўня ў Мсціславе, паведамілі ў райвыканкаме. Чакаецца, што ў гэтым годзе на мерапрыемства збяруцца гістарычныя клубы Беларусі, Расіі і Украіны. Гасцей чакаюць традыцыйныя рыцарскія турніры і забавы, спаборніцтвы лучнікаў, масавыя бітвы, конныя прадстаўленні і паказальныя выступленні, майстар-класы па сярэднявечных танцах, розныя вогненныя і светлавыя шоу, выступленні музычных этна- і фолк-груп.
Альманах «Прыдняпроўе: Магілёўшчына літаратурная» прысвяцілі Году малой радзімы
У Магілёве выдадзены альманах «Прыдняпроўе: Магілёўшчына літаратурная», прысвечаны Году малой радзімы, паведаміў старшыня Магілёўскага абласнога аддзялення грамадскага аб'яднання «Саюз пісьменнікаў Беларусі» (СПБ) Аляксандр Казека. У выданне ўвайшлі творы сучаснікаў, напісаныя ў 2017-2019 гадах, з ілюстрацыямі і анатацыямі. «Мы пастараліся ахапіць шырокае кола аўтараў і жанраў з запрашэннем рускіх літаратараў. Атрымалася сузор'е ўжо заваяваўшых сімпатыі імёнаў, крыху новых адкрыццяў, разнастайнасць тэм і далучанасць да тэматыкі малой радзімы», – адзначыў Аляксандр Казека.
Свята «Александрыя збірае сяброў» наведалі больш за 65 тыс. чалавек
Рэспубліканскае свята «Александрыя збірае сяброў» наведалі больш за 65 тыс. чалавек. Пра гэта паведамілі ва УУС Магілёўскага аблвыканкама. Мерапрыемства, якое адбылося 6-7 ліпеня ў аграгарадку Александрыя Шклоўскага раёна, прайшло без здарэнняў.
У Быхаве ўстанавілі помнік камандзіру 1210-га стралковага палка, гвардыі палкоўніку Пятру Юзэфовічу
Помнік камандзіру 1210-га стралковага палка 362-й Чырванасцяжнай стралковай дывізіі, гвардыі палкоўніку Пятру Арэф’евічу Юзэфовічу, які загінуў 28 чэрвеня 1944 года пры вызваленні Быхава, устанавілі ў райцэнтры.
На дабрачынным фестывалі ежы ў Бабруйску сабралі больш за Br3,3 тыс. Грошы пералічаць дзіцячаму сацыяльнаму прытулку
У Бабруйску адбыўся фестываль ежы «Запрашаем смачна есцi», паведамляецца на сайце гарвыканкама. У дабрачыннай акцыі прынялі ўдзел восем прадпрыемстваў горада на Бярэзіне. У іх ліку «Бабруйскі мясакамбінат», УКХ «Бабруйскаграмаш», «Чырвоны харчавік», «Славянка», «Бабруйскі завод біятэхналогій», «Бабруйскі завод трактарных дэталяў і агрэгатаў», «Белшына», «Бабруйскі камбінат хлебапрадуктаў».
Прамую тэлефонную лінію правядзе 13 ліпеня намеснік старшыні Магілёўскага аблвыканкама Руслан Пархамовіч
Прамую тэлефонную лінію правядзе 13 ліпеня намеснік старшыні Магілёўскага аблвыканкама Руслан Віктаравіч Пархамовіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Аляксандр Лукашэнка: свята «Купалле» стала яркім сімвалам братэрскай дружбы народаў Беларусі, Расіі і Украіны
Свята «Купалле» («Александрыя збірае сяброў») за 10 гадоў свайго існавання стала яркім сімвалам братэрскай дружбы народаў Беларусі, Расіі і Украіны. Аб гэтым Прэзідэнт Беларусі Аляксандр Лукашэнка заявіў 6 ліпеня на свяце ў Александрыі.
Магілёўскі дзяржаўны ўніверсітэт харчавання падпісаў дамову аб супрацоўніцтве з кітайскай кампаніяй
Магілёўскі дзяржаўны ўніверсітэт харчавання наведаў паўнамоцны прадстаўнік кансалтынгавага таварыства з абмежаванай адказнасцю «Донг Фанг Хонг Юан» (КНР, Пекін) Сюй Цзывэй. Кампанія, якую ён прадстаўляе, актыўна ўдзельнічае ў праекце развіцця праграмы навучання кітайскіх грамадзян за мяжой, паведамілі ў адміністрацыі ВНУ. Па выніках перамоў падпісана дамова аб супрацоўніцтве. Сюй Цзывэю перададзены рэкламныя матэрыялы і праспекты ўніверсітэта, а таксама выдадзены сертыфікат афіцыйнага партнёра МДУХ па наборы, накіраванні і навучанні грамадзян з Кітая.
Магілёўскі плывец Рыгор Пякарскі заваяваў бронзу на Сусветнай летняй універсіядзе ў Неапалі
Магілёўскі плывец Рыгор Пякарскі стаў уладальнікам бронзавага медаля на дыстанцыі 50 м батэрфляем на Сусветнай летняй універсіядзе ў Неапалі (Італія). Пра гэта паведамілі ў прэс-цэнтры Міністэрства адукацыі. Студэнт МДУ імя А.А. Куляшова пераадолеў адлегласць за 23,47 сек. У фінале Рыгор Пякарскі ўстанавіў асабісты рэкорд, саступіўшы толькі срэбнаму прызёру універсіяды Юю Танаку з Японіі – 23,35 сек. і залатому медалісту з Аўстрыі Янгу Вільму – 23,32 сек.
Вынікі ЦТ па ўсіх прадметах даступны на сайце РІКВ
На сайце Рэспубліканскага інстытута кантролю ведаў (РІКВ) даступны вынікі цэнтралізаванага тэсціравання па ўсіх прадметах. «Цяпер даступны вынікі ЦТ па беларускай і рускай мовах, грамадазнаўстве, матэматыцы, біялогіі, замежных мовах, хіміі, фізіцы, гісторыі Беларусі, геаграфіі, сусветнай гісторыі (навейшы час)», - праінфармавалі ў РІКВ. Абітурыенты, якія не змаглі прайсці ЦТ у асноўны дзень (а такіх больш за тысячу), здаюць яго ў рэзервовыя - 6, 8 і 10 ліпеня.
Перадавікоў АПК Магілёўскай вобласці ўзнагародзілі на свяце «Купалле» ў Александрыі
На республиканском празднике «Купалье» («Александрия собирает друзей») в Александрии сегодня состоялась церемония награждения передовиков АПК Могилевской области по итогам работы в 2018 году.
Магілёўская абласная камісія па кантролі за ходам падрыхтоўкі і правядзення ўступных выпрабаванняў падвяла вынікі кантролю за ЦТ
Магілёўскай абласной камісіяй па кантролі за ходам падрыхтоўкі і правядзення ўступных выпрабаванняў падведзены вынікі кантролю за першым этапам уступнай кампаніі – цэнтралізаваным тэсціраваннем. Адзначана, што тэсціраванне ў рэгіёне прайшло спакойна і арганізавана. Яўка абітурыентаў у сярэднім па вобласці склала 94%, найбольшая – на тэсціраванне па рускай мове (97%), найменшая – па геаграфіі (89%). Як і ў мінулыя гады, кантроль за правядзеннем тэсціравання ажыццяўляўся на ўсіх этапах і ў кожнай з задзейнічаных аўдыторый 7 пунктаў тэсціравання вобласці.
Захоўваць народныя традыцыі важна для будучыні краіны – Ігар Петрышэнка
У аграгарадку Александрыя Шклоўскага раёна адбылася цырымонія адкрыцця рэспубліканскага свята «Купалле» («Александрыя збірае сяброў»), які ў дзясяты раз праходзіць на маляўнічым беразе Дняпра.
Александрыя зноў сабрала сяброў на ўзбярэжжы Дняпра
У Шклоўскім раёне сёння ў дзясяты раз стартавала рэспубліканскае свята «Купалле». Мерапрыемствы пачаліся з дзвюх гадзін дня.
У Магілёўскай вобласці прыпынена купанне ў дванаццаці зонах адпачынку, абмежавана ў адной
У Магілёўскай вобласці прыпынена купанне ў дванаццаці, абмежавана ў адной з 50 афіцыйна вызначаных зон для адпачынку. Пра гэта паведамілі ў абласным цэнтры гігіены, эпідэміялогіі і грамадскага здароўя. Прадпісанне вынеслі супрацоўнікі санітарна-эпідэміялагічнай службы рэгіёна пасля маніторынгу якасці вады. Спецыялісты адабралі 197 пробаў у адкрытых вадаёмах, 27 з якіх не адпавядалі гігіенічным нарматывам па мікрабіялагічных і санітарна-хімічных паказчыках. Па выніках лабараторнага кантролю прыпынена купанне дзяцей і дарослых на:
У Магілёўскім агралесатэхнічным каледжы ўзнаўляюць легендарную «Кацюшу»
Ваенна-гістарычная экспазіцыя пад адкрытым небам на тэрыторыі Магілёўскага дзяржаўнага агралесатэхнічнага каледжа неўзабаве папоўніцца легендарнай баявой машынай – «Кацюшай», паведаміў дырэктар установы адукацыі Георгій Маліноўскі. Машыну практычна з нуля па наяўных чарцяжах узнаўляюць на базе шасі ГАЗ-52 выкладчыкі каледжа ў пазаўрочны час. У кожнай творчай групы свой адказны ўчастак: адна занятая кабінай, іншая сканцэнтраваная на шасі, трэцяя аднаўляе непасрэдна ўстаноўку для залпавага агню.
Дэлегацыя Заканадаўчага сходу Ленінградскай вобласці знаходзіцца з афіцыйным візітам на Магілёўшчыне
Дэлегацыя Заканадаўчага сходу Ленінградскай вобласці знаходзіцца з афіцыйным візітам на Магілёўшчыне. Сёння адбылася сустрэча гасцей са старшынёй абласнога Савета дэпутатаў Дзмітрыем Харытончыкам. Праграмай знаходжання таксама запланавана наведванне абласной дзіцячай бальніцы, ААТ «Бабушкина крынка» і «Магілёўліфтмаш». Для гасцей правядуць аглядную экскурсію па горадзе на Дняпры і Бабруйску. Завершыцца наведванне рэгіёна удзелам у мерапрыемствах свята «Купалле» («Александрыя збірае сяброў»).