Больш за Вг8,9 млн накіруюць у гэтым годзе на капрамонт і добраўпарадкаванне аб’ектаў інфраструктуры Магілёва
У Магілёве ў 2019 годзе плануецца правесці капрамонт і добраўпарадкаваць 20 аб’ектаў гарадской інфраструктуры. На гэтыя мэты з бюджэту накіруюць больш за Вг8,9 млн. Пра гэта паведаміў сёння на пасяджэнні гарвыканкама намеснік дырэктара па будаўніцтве ГП «Упраўленне камунальных прадпрыемстваў» Сяргей Зяцькоў.
У Магілёве з 1 сакавіка стартуе месячнік па навядзенні парадку на дваровых тэрыторыях
У Магілёве з 1 сакавіка стартуе месячнік па навядзенні парадку на дваровых тэрыторыях. Такое даручэнне даў сёння на пасяджэнні гарвыканкама яго старшыня Уладзімір Цумараў.
Рэканструкцыю дзіцячай бальніцы ў Бабруйску плануюць завяршыць праз два гады
Рэканструкцыю дзіцячай бальніцы ў Бабруйску плануюць завяршыць праз два гады. Аб’ект называюць у ліку самых значных у сацыяльнай сферы вобласці. Праект і карэкціроўкі да яго зрабіў «Магілёўграмадзянпраект». Бальніца як была, так і застанецца на 150 месцаў. Але з’явяцца 4 сучасныя ліфты, прынцыпова новая сістэма вентыляцыі, тэрмашуба, а таксама шатровы дах. Агульная сума, у якую ацэньваецца будоўля, – больш за Br10 млн.
У Магілёўскай вобласці за мінулыя суткі пад вогненную хвалю трапілі жылы дом і гараж
У Магілёўскай вобласці за мінулыя суткі адбылося два пажары. Пра гэта карэспандэнту сайта паведаміла в. а. старшага інспектара Цэнтра бяспекі жыццядзейнасці і ўзаемадзеяння з грамадскасцю рэгіянальнага ўпраўлення МНС Ганна Сташкевіч.
Вялікі тэатр оперы і балета наведае з гастролямі Магілёў і Бабруйск
Нацыянальны акадэмічны Вялікі тэатр оперы і балета Беларусі адправіцца ў гастрольны тур па рэгіёнах краіны, паведамілі ў тэатры.
Спартакіяда навучэнцаў кадэцкіх вучылішчаў пройдзе 20-22 лютага ў Магілёве
Трэцяя спартакіяда навучэнцаў кадэцкіх вучэльняў, спецыялізаваных ліцэяў і Мінскага сувораўскага ваеннага вучылішча па службова-прыкладных і масавых відах спорту пройдзе 20-22 лютага ў Магілёве, паведамілі ў Магілёўскім інстытуце МУС.
Каманда ДТСААФ Магілёўскай вобласці заняла трэцяе месца на Кубку Беларусі па хуткаснай радыётэлеграфіі
Кубак Беларусі па хуткаснай радыётэлеграфіі сярод юніёраў прайшоў у Магілёве на вучэбна-матэрыяльнай базе аб’яднанай арганізацыйнай структуры ДТСААФ.
Кірмаш вакансій пройдзе 27 лютага ў Магілёве
Кірмаш вакансій адбудзецца 27 лютага ў Магілёве. Пра гэта карэспандэнту сайта паведамілі ва ўпраўленні па працы, занятасці і сацыяльнай абароне Магілёўскага гарвыканкама. Мерапрыемства пройдзе з 11.00 да 13.00 у кінатэатры «Радзіма» (вул. Ленінская, 47). Саіскальнікам будзе прадстаўлена магчымасць даведацца аб прапанаваных вакансіях, умовах працы, аплаты, сацыяльных гарантыях ў арганізацыях, парадку навучання запатрабаваным прафесіям па напрамку службы занятасці.
Надзея Скардзіна і Сяргей Новікаў перамаглі на «Гонцы легенд» у змешанай эстафеце
Алімпійская чэмпіёнка Надзея Скардзіна і сярэбраны прызёр Алімпійскіх гульняў 2010 года ў Ванкуверы Сяргей Новікаў перамаглі на «Гонцы легенд» у змешанай эстафеце, якая прайшла «Раўбічах». Цяпер знакаміты біятланіст ўзначальвае ўпраўленне спорту і турызму Магілёўскага аблвыканкама.
Акцёры з Магілёва і Гомеля сыграюць спектакль «Брацікі» на сцэне абласнога драмтэатра
Камедыю «Брацікі» ў абноўленым складзе прадставяць 28 лютага на сцэне Магілёўскага абласнога драматычнага тэатра. Пра гэта паведамілі ва ўстанове культуры. Прэм’ера спектакля паводле п’есы Рэя і Майкла Куні на магілёўскай сцэне адбылася 8 гадоў таму, але дагэтуль пастаноўка карыстаецца папулярнасцю. У апошні дзень зімы яна будзе прадстаўлена ў зусім незвычайным варыянце. На адной сцэне сыграюць артысты з двух розных гарадоў – Магілёва і Гомеля.
Тканіны «Магатэкс» патрапілі ў трэнды Heimtextil-2019
ААТ «Магатэкс» прыняло ўдзел у адной з вядучых сусветных выстаў тканін Heimtextil-2019 у Франкфурце-на-Майне. У спіс трэндаў трапілі і тканіны Магілёўскага вытворцы, паведамілі ў кампаніі.
У Магілёўскай вобласці за тры дні 470 пешаходаў прыцягнута да адказнасці
У Магілёўскай вобласці 15-17 лютага падчас прафілактычнай акцыі «Зробім дарогу бяспечнай!» 470 пешаходаў прыцягнута да адміністрацыйнай адказнасці за парушэнне правілаў, паведамілі ва ўпраўленні ДАІ УУС аблвыканкама.
Будаўніцтва галоўнага каналізацыйнага калектара Магілёва ўступіла ў завяршальную стадыю
Будаўніцтва галоўнага каналізацыйнага калектара Магілёва ўступіла ў завяршальную стадыю. Гатоўнасць аб’екта складае ўжо 93%. Яго маюць намер увесці ў 2019 годзе, паведаміла намеснік дырэктара прадпрыемства «Магілёўаблводаканал» Ірына Красуцкая. Новы калектар – гэта больш за тры кіламетры жалезабетонных труб уздоўж Дняпра і 18 каналізацыйных камер. Будаўніцтва, пачатае ў студзені 2017 года, набліжаецца да фінішу. Новы цэнтральны каналізацыйны калектар прыйдзе на змену старому, які працягвае дзейнічаць, хоць і моцна зношаны.
Сустрэча з рэжысёрам спектакля «Жоўты пясочак» Камілёй Хусаінавай адбудзецца 20 лютага ў Магілёве
У Магілёве 20 лютага адбудзецца незвычайная лекцыя з рэжысёрам спектакля «Жоўты пясочак» Камілёй Хусаінавай. Пра гэта паведамілі ў цэнтры гарадскіх ініцыятыў.
Прамую тэлефонную лінію правядзе 23 лютага намеснік старшыні Магілёўскага аблвыканкама Андрэй Кунцэвіч
Прамую тэлефонную лінію правядзе 23 лютага намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Магілёўскай вобласці стартуе рэспубліканская акцыя «Я служу!»
У Магілёўскай вобласці сёння стартуе рэспубліканская акцыя «Я служу!» і будзе доўжыцца да 23 лютага. Пра гэта карэспандэнту сайта паведамілі ў абласным камітэце ГА «Беларускі рэспубліканскі саюз моладзі». Задача акцыі – сфарміраваць у бацькоў і моладзі, у тым ліку прызыўнога ўзросту, разуменне неабходнасці службы ва Узброеных Сілах, стварэнне станоўчага іміджу службы ў войску.
Каманда МДУ імя А. А. Куляшова заваявала бронзу ў лыжнай эстафеце на «Усебеларускай студэнцкай лыжні-2019»
Каманда МДУ імя А. А. Куляшова заваявала бронзу ў лыжнай эстафеце на фізкультурна-аздараўленчым свяце «Усебеларуская студэнцкая лыжня-2019». Спаборніцтвы прайшлі на лыжаролернай трасе ў Мінску, паведамілі ва ўстанове адукацыі. Наша зборная ў складзе Юліі Бандарэнка, Дар’і Языковай, Сяргея Будагоўскага і Ільі Коршунава паказала трэці вынік, саступіўшы першую пазіцыю спартсменам Беларускага дзяржаўнага ўніверсітэта фізічнай культуры. Другое месца заняла каманда Беларускага дзяржаўнага педагагічнага ўніверсітэта імя Максіма Танка.
Мітынг у Магілёве: афганская вайна застанецца сведчаннем найвышэйшай доблесці і гонару – Дзмітрый Харытончык
Афганская вайна ніколі не будзе выкраслена з народнай памяці і застанецца сведчаннем найвышэйшай доблесці і гонару. На гэта звярнуў увагу, выступаючы сёння на мітынгу, прысвечаным 30-годдзю вываду савецкіх войскаў з Афганістана, старшыня Магілёўскага абласнога Савета дэпутатаў Дзмітрый Харытончык.
Урачысты прыём да 30-годдзя з дня вываду савецкіх войскаў з Афганістана адбыўся ў Магілёўскім аблвыканкаме
Урачыстая сустрэча старшыні Магілёўскага аблвыканкама Уладзіміра Даманеўскага з кіраўнікамі гарадскіх і раённых арганізацый ГА «Беларускі саюз ветэранаў вайны ў Афганістане» адбылася сёння ў Доме саветаў. Мерапрыемства было прымеркавана да 30-й гадавіны вываду савецкіх войскаў з далёкай краіны.
Заслужаным работнікам АПК Магілёўскай вобласці ўручылі юбілейныя медалі і падарункі
У Магілёўскім аблвыканкаме сёння адбылося ўрачыстае ўшанаванне заслужаных работнікаў АПК рэгіёна.
Акцыя па прафілактыцы ІППШ пройдзе ў Магілёўскай вобласці 21 лютага
Акцыя «Думай сёння, каб жыць заўтра!» па прафілактыцы інфекцый, якія перадаюцца палавым шляхам, пройдзе ў рэгіёне 21 лютага. Пра гэта карэспандэнту сайта паведамілі ў Магілёўскім абласным скурна-венералагічным дыспансеры.
30 гадоў таму завяршыўся вывад савецкіх войскаў з Афганістана
30 гадоў таму, 15 лютага 1989 года скончыўся вывад ваеннаслужачых абмежаванага кантынгенту савецкіх войскаў (АКСВ) з Афганістана. Скончылася афганская вайна. Паводле ацэнкі некаторых сучасных палітолагаў, гэта была першая буйная антытэрарыстычная вайна найноўшай гісторыі.
У Магілёўскай вобласці за мінулыя суткі адбылося два пажары
У Магілёўскай вобласці за мінулыя суткі адбылося два пажары. Пра гэта паведамілі ў цэнтры бяспекі жыццядзейнасці і ўзаемадзеяння з грамадскасцю абласнога ўпраўлення МНС.
«Магатэкс» распрацуе ўніформу для ВПС Замбіі
ААТ «Магатэкс» пашырае рынак экспарту і плануе пастаўку тэкстыльнай прадукцыі ў Паўднёвую Афрыку. Пра гэта паведамілі на прадпрыемстве.
У Магілёўскай вобласці пражывае больш за 3 тыс. ветэранаў баявых дзеянняў у Афганістане
У Магілёўскай вобласці пражывае больш за 3 тыс. ветэранаў баявых дзеянняў у Афганістане, у тым ліку 48 інвалідаў вайны і 51 член сем’яў вайскоўцаў, якія загінулі пры выкананні воінскага і службовага абавязку ў далёкай краіне. Пра гэта карэспандэнту сайта паведамілі ў Галоўным упраўленні ідэалагічнай работы і па справах моладзі аблвыканкама.
Магілёўская вобласць адзначае 30-годдзе вываду савецкіх войскаў з Афганістана
Магілёўская вобласць адзначае 30-годдзе вываду савецкіх войскаў з Афганістана. Стартам святкаванняў памятнай даты стала дваццаць першая міжрэгіянальная сустрэча воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў, якая адбылася 8 лютага на базе прафесійнага агралесатэхнічнага каледжа імя К. П. Арлоўскага ў Буйнічах.
Адкрыты турнір па бодзібілдынгу і фітнесу «Кубак жалезнага льва» адбудзецца 13 красавіка ў Магілёве
Адкрыты асабіста-камандны турнір «Кубак жалезнага льва» пяты раз збярэ аматараў бодзібілдынгу і фітнесу ў Магілёве. Спаборніцтва адбудзецца 13 красавіка ў Палацы культуры вобласці, паведамілі ва ўстанове культуры. Акрамя беларускіх атлетаў, у турніры возьмуць удзел госці з расійскіх гарадоў – Масквы, Санкт-Пецярбурга, Бранска і Смаленска. Спартсмены будуць змагацца за медалі ў васьмі намінацыях: бодзібілдынг, класічны бодзібілдынг, пляжны бодзібілдынг, фітнес-бікіні, бодзіфітнес, Muscular Mens Physique, Fit-Model і Wellness Fitness.
У Магілёве 15 лютага часова перакрыюць рух транспарту ў раёне праспекта Пушкінскага і вуліцы Гагарына
У Магілёве 15 лютага часова перакрыюць рух транспарту ў раёне праспекта Пушкінскага і вуліцы Гагарына. Пра гэта паведамілі ў гарвыканкаме. Абмежаванне перамяшчэння транспартных сродкаў выклікана правядзеннем у абласным цэнтры мерапрыемстваў, прысвечаных 30-годдзю вываду савецкіх войскаў з Афганістана.
На рэках у Магілёўскай вобласці небяспечна выходзіць на лёд
На рэках у Магілёўскай вобласці выходзіць на лёд з кожным днём адлігі становіцца ўсё больш небяспечна. Трываласць пакрыцця губляецца пад уздзеяннем плюсавых тэмператур вонкавага паветра і плыні вады, папярэджвае абласная арганізацыя АСВОД. Пасты і выратавальныя станцыі нясуць службу. Супрацоўнікі Асвода папярэджваюць рыбакоў. Рызыкоўна выходзіць на лёд на ўчастках Дняпра, Сожа і Бярэзіны. У Магілёве ў «чорным спісе» па небяспецы лёд на Фацінскай затоцы Дняпра, ніжэй за мост. Лёд тут неаднародны. Рызыка пайсці пад ваду – высокая.
Бабруйскі цяплічны камбінат мае намер інвеставаць у развіццё вытворчасці больш за $ 18 млн
ТАА «Бабруйскі цяплічны камбінат» сёлета прыступае да рэалізацыі інвестпраекта па будаўніцтве кацельні і новых блокаў цяпліц агульнай плошчай 14 га для вырошчвання свежай гародніны. Пра гэта паведаміў генеральны дырэктар камбіната Вугар Садыгаў.