Абласныя спаборніцтвы па картынгу пройдуць 31 сакавіка ў Бабруйску
Абласныя спаборніцтвы па картынгу пройдуць 31 сакавіка на пляцоўцы перад спартыўным комплексам «Бабруйск-Арэна». Пра гэта паведаміла загадчык аддзела па асноўнай дзейнасці тэхнічнай творчасці Цэнтра творчасці дзяцей і моладзі Бабруйска Таццяна Кізатава. За медалі і кубкі ў розных узроставых катэгорыях будзе змагацца 45 юных спартсменаў з Бабруйска, Кіраўска, Асіповічаў і Глуска. Пачатак спаборніцтваў у 11.00.
Студэнты чатырох ВНУ Магілёўскай вобласці пазмагаюцца за перамогу ў конкурсе на веданне асноў бяспекі жыццядзейнасці
Абласны конкурс па асновах бяспекі жыццядзейнасці «Студэнты. Бяспека. Будучыня» пройдзе 28-29 сакавіка ў Магілёве. Пра гэта карэспандэнту сайта паведаміла старшы інспектар Цэнтра прапаганды і ўзаемадзеяння з грамадскасцю абласнога ўпраўлення МНС Вольга Нехарошых. За пальму першынства паспрачаюцца студэнты з чатырох ВНУ: Магілёўскага дзяржаўнага ўніверсітэта імя А. А. Куляшова, Магілёўскага дзяржаўнага ўніверсітэта харчавання, Беларуска-Расійскага ўніверсітэта і Беларускай дзяржаўнай ордэнаў Кастрычніцкай рэвалюцыі і Працоўнага Чырвонага Сцяга сельскагаспадарчай акадэміі.
Аляксандр Лукашэнка наведаў малочнатаварны комплекс «Сліжы» ААТ «Амкадор-Шклоў»
Прэзідэнт Беларусі Аляксандр Лукашэнка сёння прадоўжыў рабочую паездку па Магілёўскай вобласці. Кіраўнік дзяржавы азнаёміўся з работай аграхолдынга «Купалаўскае».
Лукашэнка: мы не можам кінуць стратныя гаспадаркі і людзей, якія там працуюць
Стратныя сельгаспрадпрыемствы ў Беларусі маюць намер вывесці на рэнтабельную работу. Аб гэтым Прэзідэнт Беларусі Аляксандр Лукашэнка заявіў сёння ў час наведвання малочнатаварнага комплексу «Сліжы» ў Шклоўскім раёне.
Аляксандр Лукашэнка азнаёміцца з работай аграхолдынга «Купалаўскае»
Прэзідэнт Беларусі Аляксандр Лукашэнка прадаўжае рабочую паездку па Магілёўскай вобласці. Кіраўнік дзяржавы сёння азнаёміцца з работай аграхолдынга «Купалаўскае».
Жыхароў Магілёўскай вобласці запрашаюць прыняць удзел у акцыі «Тыдзень лесу – 2019»
Жыхароў Магілёўскай вобласці запрашаюць прыняць удзел у акцыі «Тыдзень лесу – 2019». Традыцыйнае мерапрыемства адбудзецца 13-20 красавіка, паведамілі ў Магілёўскім дзяржаўным вытворчым лесагаспадарчым аб’яднанні.
Пуцеправод праз чыгунку па вуліцы Першамайскай у Магілёве чакае рамонт
Пуцеправод праз чыгунку па вуліцы Першамайскай у Магілёве чакае рамонт. Асноўныя працы запланаваны на 2020 год. Гэты мост – адзін з найстарэйшых у абласным цэнтры: яму амаль 100 гадоў. Бягучы рамонт тут праводзілі дваццаць гадоў таму. Зараз рыхтуюцца дакументы на праектаванне і капітальную рэканструкцыю. На час рамонту транспартную нагрузку возьмуць на сябе вуліцы Ленінская і Грышына. Абмяркоўваецца магчымасць пераносу кантактнай лініі для тралейбусаў.
У Магілёве і Магілёўскім раёне 10 красавіка пройдзе інфармацыйна-адукацыйная акцыя «Лічбы здароўя: артэрыяльны ціск»
У Магілёве і Магілёўскім раёне 10 красавіка пройдзе інфармацыйна-адукацыйная акцыя «Лічбы здароўя: артэрыяльны ціск». Пра гэта карэспандэнту сайта паведамілі ў занальным цэнтры гігіены і эпідэміялогіі. Мерапрыемства пад слоганам «Кантралюем ціск – падаўжаем жыццё» праводзіцца сумесна з акцыяй «Пазбегнуць інсульту» з мэтай павышэння інфармацыйнай граматнасці насельніцтва па пытаннях прафілактыкі хвароб сістэмы кровазвароту, фарміравання навыкаў самакантролю артэрыяльнага ціску.
Аляксандр Лукашэнка чакае ад аграрыяў новых ідэй для развіцця прадпрыемстваў
Прэзідэнт Беларусі Аляксандр Лукашэнка арыентуе сельскагаспадарчую галіну краіны на развіццё новых напрамкаў. Адпаведныя задачы кіраўнік дзяржавы паставіў сёння ў час наведвання сельгаспрадпрыемства «Газавік-Сіпакова» ў аграгарадку Дабрэйка Магілёўскай вобласці.
Аляксандр Лукашэнка азнаёміцца з падрыхтоўкай да вясенніх палявых работ у Магілёўскай вобласці
Прэзідэнт Беларусі Аляксандр Лукашэнка зробіць сёння рабочую паездку ў Магілёўскую вобласць.
Прамую тэлефонную лінію правядзе 30 сакавіка кіраўнік справамі Магілёўскага аблвыканкама Рыгор Варонін
Прамую тэлефонную лінію правядзе 30 сакавіка кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Спрошчаны парадак праходжання граніцы будзе дзейнічаць для ўдзельнікаў і балельшчыкаў ІІ Еўрапейскіх гульняў
У час правядзення ІІ Еўрапейскіх гульняў мытныя аперацыі ў адносінах да грамадзян, якія прыязджаюць на спартыўныя мерапрыемствы, будуць ажыццяўляцца ў першую чаргу. Аб гэтым паведамілі ў Дзяржаўным мытным камітэце. «Удзельнікі, афіцыйныя асобы і балельшчыкі будуць перасякаць мытную граніцу ў спрошчаным парадку, - адзначылі ў ведамстве. - У пунктах пропуску мытныя аперацыі ў адносінах да тавараў, што перамяшчаюцца імі, будуць праводзіцца на асобных спецыяльна абазначаных каналах для руху транспартных сродкаў».
Веснавыя канікулы пачаліся ў беларускіх школьнікаў
Веснавыя канікулы ў школьнікаў працягнуцца ў Беларусі з 25 па 31 сакавіка. На канікулах навучэнцы прымуць удзел у знакавых праектах, прысвечаных 75-годдзю вызвалення Беларусі ад нямецка-фашысцкіх захопнікаў, Году малой радзімы і ІІ Еўрапейскім гульням. Школьнікі змогуць не толькі адпачыць, але і аздаравіцца. У лагерах на канікулах чакаюць 67,2 тыс. дзяцей. У 2018 годзе ў іх аздараўліваліся больш за 50 тыс. хлопчыкаў і дзяўчынак.
На «гарачую лінію» Магілёўскага аблвыканкама па пытанні якасці аказання паслуг сувязі паступіла 19 зваротаў
Магілёўскі аблвыканкам 20 сакавіка праводзіў «гарачую лінію» па вывучэнні меркавання насельніцтва задаволенасцю якасцю аказання паслуг сувязі: працай арганізацый, якія аказваюць паштовыя паслугі, якія прадстаўляюць доступ да сеткі Інтэрнэт і іншыя, звязаныя з глабальнай сеткай паслугі. Жыхары Прыдняпроўскага краю маглі паведаміць пра факты няякаснага іх ажыццяўлення, а таксама выказаць прапановы па ўдасканаленні працы ў названых сферах.
Каля 150 батутыстаў і акрабатаў з чатырох краін разыграюць узнагароды турніру Double Twist у Магілёве
VIII адкрыты рэспубліканскі традыцыйны турнір па скачках на батуце і акрабатычнай дарожцы «Double Twist» на прызы заслужанага майстра спорту, чэмпіёнкі свету і Еўропы, удзельніцы Алімпійскіх гульняў у Афінах, Пекіне, Лондане і Рыа-дэ-Жанейра Таццяны Пятрэні пройдзе 2-5 красавіка ў Палацы гімнастыкі Магілёва. Пра гэта паведамілі ў гарадской спецыялізаванай дзіцяча-юнацкай школе алімпійскага рэзерву «Багіма».
Абраны новы старшыня Магілёўскага гарадскога Савета дэпутатаў
Сёння прайшла дзясятая сесія Магілёўскага гарадскога Савета дэпутатаў 28 склікання, на якой шляхам тайнага галасавання быў абраны новы старшыня гарсавета. Ім стаў Максім Гурын, якіраней займаў пасаду начальніка інспекцыі Міністэрства па падатках і зборах па Кастрычніцкім раёне г. Магілёва. Дэпутаты прагаласавалі за яго кандыдатуру аднагалосна. Андрэй Кіблоў вызвалены ад пасады старшыні гарсавета ў парадку пераводу для далейшай працы на пасадзе генеральнага дырэктара МГКУП «Упраўленне камунальных прадпрыемстваў».
Першым спектаклем «M.@rt.кантакту-2019» стане незалежны Тэатральны беларуска-ўкраінскі праект «Гэтамы»
Першы спектаклем ХIV Міжнароднага моладзевага тэатральнага форуму «M.@rt.кантакт-2019», які стартуе сёння ў Магілёве, стане пастаноўкамаладога рэжысёра, заслужанага артыста Украіны Стаса Жыркова «Гэтамы».
Фан-зона адкрыецца ў Магілёве падчас II Еўрапейскіх гульняў
Фан-зона адкрыецца ў абласным цэнтры падчас II Еўрапейскіх гульняў 2019 года. Пра гэта паведаміў начальнік аддзела спорту і турызму Магілёўскага гарвыканкама Дзмітрый Лацянкоў.
Намеснік начальніка галоўнага кантрольна-аналітычнага ўпраўлення Магілёўскага аблвыканкама 29 сакавіка правядзе прыём грамадзян у Бялынічах
Намеснік начальніка галоўнага кантрольна-аналітычнага ўпраўлення Магілёўскага аблвыканкама Васіль Яўгенавіч Астрашапкін 29 сакавіка правядзе прыём грамадзян у Бялынічах. З 10.00 да 12.00 ён будзе прымаць жыхароў раёна ў кабінеце № 21 Бялыніцкага раённага выканаўчага камітэта.
Делегация Джизакской области Узбекистана с двухдневным визитом посещает Могилевскую область
Дэлегацыя Джызакскай вобласці (Рэспубліка Узбекістан) на чале з намеснікам хокіма па пытаннях сельскай гаспадаркі Махмудам Халбутаевым з двухдзённым візітам знаходзіцца на Магілёўшчыне. Мэта візіту – вывучэнне беларускага вопыту і тэхналогій у сферы развіцця жывёлагадоўлі, вытворчасці мяса-малочнай прадукцыі, а таксама ўстанаўленне гандлёвых і інвестыцыйна-кааперацыйных сувязяў.
Захворванне на туберкулёз у Магілёўскай вобласці знізілася больш чым на 28%
У мінулым годзе захворванне на туберкулёз у нашым рэгіёне знізілася на 28,6% у параўнанні з 2017-м. Пра гэта паведамілі ў час тэматычнай прэс-канферэнцыі спецыялісты Магілёўскага абласнога супрацьтуберкулёзнага дыспансера.
Паркі сямейных дрэў закладуць у Магілёўскай вобласці
Рэспубліканскі праект «Парк сямейных дрэў» стартуе 21 сакавіка ў Магілёўскай вобласці. Першыя ў рэгіёне паркі закладуць у Глуску, Асіповічах і Кіраўску, паведамілі ў абкаме ГА «БРСМ». У Асіповічах паблізу Алеі герояў па вул. Сташкевіч у 14.00 плануецца высадзіць 20 ліп. У мерапрыемстве прыме ўдзел каля 150 чалавек, сярод якіх сем’і-юбіляры, якія пражылі ў шлюбе больш за 40 гадоў, шматдзетныя і маладыя сем’і, прызёры спаборніцтваў, конкурсаў.
Факты парушэння бюджэтнага заканадаўства выяўлены пры праверцы Бялыніцкага лясгаса
Факты парушэння бюджэтнага заканадаўства выяўлены пры праверцы Бялыніцкага лясгаса. Пра гэта паведаміў афіцыйны прадстаўнік упраўлення Дэпартамента фінансавых расследаванняў Камітэта дзяржаўнага кантролю па Магілёўскай вобласці Сяргей Салаўёў. Работнікі фінансавай міліцыі ўстанавілі, што з 2016 па 2018 гады службовыя асобы названай установы неабгрунтавана ўключалі ў аплатныя даручэнні, якія прадастаўляюцца ў органы казначэйства, заработную плату работнікаў, аплата працы якім не павінна ажыццяўляцца за кошт сродкаў рэспубліканскага бюджэту.
Урад вызначыў памер субсідый нарыхтоўшчыкам сельгаспрадукцыі
Урад вызначыў памер субсідый нарыхтоўшчыкам сельгаспрадукцыі. Адпаведная пастанова Савета Міністраў ад 18 сакавіка 2019 года №168 афіцыйна апублікавана сёння на Нацыянальным прававым інтэрнэт-партале. Дакументам зацверджаны пералік нарыхтоўшчыкаў, якім у 2019-2020 гадах прадастаўляюцца субсідыі. Яны прызначаны на выплату часткі працэнтаў за карыстанне крэдытамі, прадастаўленымі банкамі для разлікаў за сельгаспрадукцыю, якая пастаўляецца для рэспубліканскіх дзяржпатрэб. У пералік нарыхтоўшчыкаў увайшло 108 арганізацый.
Семінары «Як на зямлі зарабіць грошы» арганізуюць у Крычаве па праекце ПРААН
Адукацыйны курс «Як на зямлі зарабіць грошы» стартуе ў Крычаве 22 сакавіка, паведамілі ў бізнэс-інкубатары «Моладзевая сацыяльная служба».
Прамую тэлефонную лінію правядзе 22 сакавіка Магілёўская мытня
Прамую тэлефонную лінію правядзе 22 сакавіка намеснік начальніка Магілёўскай мытні Вікторыя Аляксандраўна Альшэўская. З 14.00 да 16.00 па нумары (8 0222) 29-90-01 яна адкажа на пытанні жыхароў Прыдняпроўскага краю.
Міністр культуры Беларусі Юрый Бондар 22 сакавіка правядзе асабісты прыём грамадзян у Магілёве
Міністр культуры Беларусі Юрый Паўлавіч Бондар 22 сакавіка з 10.30 да 11.30 правядзе асабісты прыём грамадзян у Палацы культуры вобласці (пр. Пушкінскі, 7, каб. 110). Папярэдні запіс на прыём ажыццяўляецца па тэлефоне ў Магілёве 32-68-42.
У Магілёве выбяруць найлепшую шматдзетную сям’ю рэгіёна
Найлепшую шматдзетную сям’ю Магілёўшчыны выберуць сёння ў абласным метадычным цэнтры народнай творчасці і культурна-асветнай працы. Пра гэта карэспандэнту сайта паведаміла намеснік старшыні Камітэта па працы, занятасці і сацыяльнай абароне Магілёўскага аблвыканкама Вераніка Дзямідава.
Рэспубліканскую алімпіяду па чатырох вучэбных прадметах прымуць Магілёў і Бабруйск
Рэспубліканскую алімпіяду па чатырох вучэбных прадметах прымуць Магілёў і Бабруйск 25-29 сакавіка. Пра гэта паведамілі ў Галоўным упраўленні па адукацыі аблвыканкама. Так, на базе Магілёўскага прафесійнага электратэхнічнага каледжа пройдзе заключны этап 35-й юбілейнай рэспубліканскай алімпіяды па «Беларускай мове» і «Беларускай літаратуры». Удзельнікамі інтэлектуальных спаборніцтваў стане каля 120 вучняў IX-XI класаў устаноў агульнай сярэдняй адукацыі з усіх абласцей рэспублікі і Мінска, а таксама прадстаўнікі Польшчы.
Галоўная тэма АДІ ў сакавіку - «Канстытуцыя Рэспублікі Беларусь: для людзей і ў імя будучыні краіны»
Адзіны дзень інфармавання, які пройдзе 21 сакавіка ў гарадах і раёнах Магілёўскай вобласці, будзе прысвечаны 25-годдзю з дня прыняцця Канстытуцыі Рэспублікі Беларусь.