Жыхары Магілёўскай вобласці паказалі высокую выбарчую актыўнасць – аблвыбаркам
Жыхары Магілёўскай вобласці паказалі ў гэтай палітычнай кампаніі высокую выбарчую актыўнасць. Выніковая яўка ў рэгіёне перавысіла адзнаку ў 90% ад спісачнай колькасці выбаршчыкаў і была вышэйшай, чым на папярэдніх прэзідэнцкіх выбарах. Пра гэта паведаміў старшыня Магілёўскай абласной выбарчай камісіі Валерый Берастаў.
ЦВК абнавіў папярэднія даныя аб выніках галасавання на выбарах Прэзідэнта
ЦВК абнавіў папярэднія даныя аб выніках галасавання на выбарах Прэзідэнта Беларусі. Так, у дзеючага кіраўніка дзяржавы Аляксандра Лукашэнкі 80,08% галасоў (яго падтрымаў 4 659 561 выбаршчык). За Святлану Ціханоўскую, паводле абноўленых звестак, прагаласавала 10,09% (587 411), Ганну Канапацкую – 1,68% (97 552), Андрэя Дзмітрыева – 1,21% (70 613), Сяргея Чарачня – 1,15% (66 695), супраць усіх – 4,6% (267 628).
Мітрапаліт Мінскі і Заслаўскі Веніямін, Патрыяршы Экзарх усяе Беларусі сустрэўся з Леанідам Зайцам
У Магілёве сёння праходзяць урачыстасці ў гонар свяціцеля Георгія Каніскага. З нагоды святкаванняў у абласны цэнтр прыбыў Мітрапаліт Мінскі і Заслаўскі Веніямін, Патрыяршы Экзарх усяе Беларусі.
Намеснік старшыні ўчастковай камісіі: арганізавалі галасаванне на першым паверсе – пажылыя людзі дзякуюць
У Магілёўскай вобласці прагаласаваць датэрмінова можна на 697 выбарчых участках. Тут створаныя неабходныя ўмовы, каб выбаршчыкі адчувалі сябе камфортна і бяспечна. Так, на выбарчым участку № 112 Магілёва, які размяшчаецца на базе СШ № 6, датэрміновае галасаванне арганізавана на першым паверсе, практычна побач з уваходам. «Гэта вельмі зручна, асабліва для пажылых людзей, якія ўжо не раз дзякавалі нам за прадбачлівасць», – расказала намесніца старшыні ўчастковай камісіі горада Магілёва № 112 Ірына Аляхновіч.
Пенсіі ў жніўні выплацяць датэрмінова – Мінпрацы
Выплата пенсій у жніўні будзе праведзена датэрмінова, –паведамілі ў Міністэрстве працы і сацыяльнай абароны. У ведамстве ўдакладнілі, што гэта зроблена для «стварэння пенсіянерам зручных умоў атрымання пенсій: мінімізацыі паездак, скарачэння сацыяльных кантактаў». Згодна з заканадаўствам, пенсіі выплачваюцца ў перыяд з 5 па 25 чысло на падставе графікаў выплат праз банкі, паштовыя аддзяленні, прадпрыемствы па дастаўцы пенсій.
Дзяржаўных узнагарод удастоены прадстаўнікі розных сфер дзейнасці Магілёўскай вобласці
Дзяржаўных узнагарод удастоены прадстаўнікі розных сфер дзейнасці. Адпаведныя ўказы падпісаў Аляксандр Лукашэнка. Указам № 287 зацверджана рашэнне аб узнагароджанні ордэнамі, медалямі і прысуджэнні ганаровых званняў за шматгадовую плённую працу, высокі прафесіяналізм, значны асабісты ўклад у ахову здароўя насельніцтва, арганізацыю і аказанне высокакваліфікаванай медыцынскай дапамогі пацыентам з інфекцыяй COVID-19, укараненне новых метадаў дыягностыкі і лячэння.
ЦВК абнародавала звесткі аб колькасці выбаршчыкаў на выбарах Прэзідэнта Беларусі
Цэнтрвыбаркам абнародаваў звесткі аб колькасці выбаршчыкаў у Беларусі і за яе межамі - 6 844 932. Такая інфармацыя размешчана на сайце ЦВК. Паводле даных ЦВК, у Брэсцкай вобласці - 984 601 выбаршчык, у Віцебскай - 849 472, Гомельскай - 1 069 567. У Гродзенскай вобласці налічваецца 751 084 выбаршчыкі, Мінскай - 1 142 043, Магілёўскай - 801 825. Больш за ўсё іх у Мінску - 1 241 021. На ўчастках, размешчаных за мяжой, чакаюць 5 319 чалавек.
Дэпутат запусціла па просьбе выбаршчыкаў флэшмоб #БеларусьПачынаеццазМяне
Намеснік старшыні Пастаяннай камісіі па міжнародных справах Палаты прадстаўнікоў Вольга Петрашова запусціла інтэрнэт-флэшмоб пад назвай #БеларусьПачынаеццазМяне. Ідэя рэалізавана па просьбе выбаршчыкаў Магілёўскай–Кастрычніцкай акругі № 86, паведаміла дэпутат.
Цэнтралізаванае тэставанне ў Магілёўскай вобласці прайшло спакойна і арганізавана – КДК
Магілёўскай абласной камісіяй па кантролі за ходам падрыхтоўкі і правядзення ўступных выпрабаванняў падведзены вынікі кантролю за першым этапам уступнай кампаніі – цэнтралізаваным тэставаннем. Як адзначыў старшыня Камітэта дзяржаўнага кантролю Магілёўскай вобласці, старшыня абласной камісіі Алег Садоўскі, тэставанне ў рэгіёне прайшло спакойна і арганізавана. Яўка абітурыентаў у асноўныя дні ў сярэднім па вобласці склала 92,3%, найбольшая – на тэставанне па рускай мове (96,3%). У рэзервовыя дні (19, 21 і 23 ліпеня) яўка абітурыентаў у сярэднім складала 92%.
Крэатыўнае віншаванне з вышыні птушынага палёту падрыхтавалі для калег бабруйскія ратавальнікі
У Беларусі 25 ліпеня адзначаецца Дзень пажарнай службы. Ратавальнікі – першыя, хто спяшаецца на дапамогу і выязджае на выклік за лічаныя хвіліны. Бабруйскія ратавальнікі не толькі прафесіяналы сваёй справы, але і крэатыўныя, творчыя людзі. Напярэдадні свята яны незвычайна павіншавалі калег. 14 спецыялізаваных машын выстраіліся ў знаёмы нумар 101. Цісніце на відэа і ўбачыце, як выглядае вячэрні Бабруйск і крэатыўнае віншаванне з вышыні птушынага палёту.
Пашпарты гатоўнасці да ацяпляльнага сезона афармляюць аб’екты Магілёўшчыны
Першыя спажыўцы і цеплакрыніцы ў Магілёўскай вобласці ўжо атрымалі допуск да эксплуатацыі ў асенне-зімовы перыяд. Пашпарты гатоўнасці да зімы атрымалі 18% спажыўцоў і 20% цеплакрыніц. Пра гэта паведаміў начальнік аддзела энергетыкі і паліва камітэта эканомікі Магілёўскага аблвыканкама Аляксандр Акулаў.
Дзяржаўтаінспекцыя інфармуе кіроўцаў: у Магілёве дабаўлены дадатковыя палосы для паваротаў налева на вуліцы Язерскую і Міронава
Госавтоинспекция информирует водителей, что на улице Ленинской на участке от улицы Тимирязевской до улицы Миронова изменена организация дорожного движения: добавлены дополнительные полосы для осуществления поворотов налево на улицы Езерскую и Миронова.
Мінадукацыі вызначыла графік школьных канікул у новым навучальным годзе
Міністэрства адукацыі вызначыла графік школьных канікул у новым навучальным годзе. Ён апублікаваны на сайце ведамства. Першая чвэрць будзе з 1 верасня па 31 кастрычніка, другая – з 9 лістапада па 24 снежня, трэцяя – з 11 студзеня па 27 сакавіка 2021 года, чацвёртая – з 5 красавіка па 31 мая 2021 года. Адпаведна, восеньскія канікулы будуць працягвацца 8 дзён (1–8 лістапада), зімовыя – 17 дзён (25 снежня – 10 студзеня), вясновыя – 8 дзён (28 сакавіка – 4 красавіка). БЕЛТА
Нагрузка на грамадскія прыёмныя РГА «Белая Русь» у апошнія дні прыкметна ўзрасла
У грамадскіх прыёмных рэспубліканскага грамадскага аб’яднання «Белая Русь» шматлюдна. Грамадзян з іх пытаннямі і праблемамі тут прымаюць заўсёды, але ў перыяд выбарчых кампаній актыўнасць насельніцтва традыцыйна вырастае. Не выключэнне і Магілёўская вобласць. Роля грамадскіх прыёмных у вырашэнні надзённых праблем насельніцтва немалая. Намеснік старшыні Магілёўскай абласной арганізацыі РГА «Белая Русь» Барыс Зінкевіч прыводзіць некалькі цікавых прыкладаў:
Адзенне дзелавога стылю для школьнікаў выпускае 10 прадпрыемстваў «Беллегпрама»
Адзенне дзелавога стылю для школьнікаў выпускае 10 швейных і трыкатажных прадпрыемстваў канцэрна «Беллегпрам», – паведамілі ў прэс-службе канцэрна. Сярод іх – «Славянка», «Світанак», Жлобінская швейная фабрыка, «Калінка» і іншыя. Частка прадпрыемстваў вырабляе лінейку спартыўнага адзення для заняткаў фізічнай культурай і спортам.
Студэнтаў будуць уключаць у спісы выбаршчыкаў па месцы пастаяннай рэгістрацыі
Выбаршчыкаў з ліку навучэнцаў і студэнтаў будуць уключаць у спісы для галасавання па пастаянным месцы жыхарства. Такое рашэнне прынята на пасяджэнні ЦВК.
Эколагам Магілёўскай вобласці прадставілі новага кіраўніка
Старшынёй Магілёўскага абласнога камітэта прыродных рэсурсаў і аховы навакольнага асяроддзя сёння прызначаны Канстанцін Ільіч Цеплякоў. Раней ён займаў пасаду намесніка старшыні камітэта.
ЦВК: праз эпідсітуацыю колькасць назіральнікаў на выбарчых участках паменшаць
Праз эпідэміялагічную сітуацыю колькасць назіральнікаў падчас цяперашняй выбарчай кампаніі на ўчастках для галасавання паменшаць. Такая пастанова прынята сёння на пасяджэнні ЦВК.
У Магілёўскай вобласці вызначаны месцы для агітацыйных матэрыялаў выбарнай тэматыкі
Мясцовымі выканаўчымі органамі ўлады Магілёўскай вобласці вызначаны месцы для агітацыйных матэрыялаў кандыдатаў у Прэзідэнты Рэспублікі Беларусь. Традыцыйна, як адзначаюць у абласной камісіі, да іх, перш за ўсё, адносяцца размешчаныя на ўчастках для галасавання інфармацыйныя стэнды. Сярод іншых дазволеных месцаў – дошкі аб’яў, стэнды, вітрыны прамысловых прадпрыемстваў і арганізацый гандлю, грамадскага харчавання, жыллёва-камунальнай гаспадаркі, бытавога абслугоўвання, а таксама будаўнічых і праектных арганізацый, устаноў аховы здароўя, адукацыі, культуры і спорту.
У школах Магілёўшчыны ў новым навучальным годзе плануюць прыняць каля 12 тысяч першакласнікаў
У школах Магілёўшчыны ў новым навучальным годзе плануюць прыняць каля 12 тысяч першакласнікаў, – пра гэта паведаміў начальнік галоўнага ўпраўлення адукацыі Магілёўскага аблвыканкама Андрэй Заблоцкі. У той жа час ва ўстановах адукацыі чакаюць каля 300 маладых спецыялістаў. Дакладныя даныя будуць у сярэдзіне жніўня.
У Магілёве паездку ў таксі можна аплаціць па QR-кодзе
У Магілёве некаторыя таксі запусцілі паслугу аплаты праезду з дапамогай QR-кода. Да сённяшняга дня ў пералік відаў транспарту, у якіх можна было разлічыцца за праезд праз мабільны дадатак «Аплаці™», уваходзілі аўтобусы, тралейбусы, маршрутныя таксі. Цяпер гэты спіс папоўніўся звычайнымі таксі. Першапраходцам ва ўкараненні новай сістэмы аплаты праезду стала адна з магілёўскіх кампаній. Зразумець, у якой машыне можна аплаціць праезд праз QR-код, дапамагае налепка «Аплаці.Транспарт».
Больш за 200 школьнікаў Магілёва на канікулах атрымалі першы заробак
З пачатку года ў службе занятасці Магілёўскага гарвыканкама заключылі каля 30 дагавораў на часовае працаўладкаванне падлеткаў. 720 школьнікаў і навучэнцаў сярэдніх спецыяльных устаноў адукацыівырашылі правесціканікулы з карысцю. Для школьнікаў гэта і вопыт, і першы афіцыйны запіс у працоўную кніжку, і выдатная магчымасць зарабіць.
Выпускнік МДУ імя А. А. Куляшова стаў найлепшым маладым вучоным СНД
Выпускнік факультэта матэматыкі і прыродазнаўства Магілёўскага дзяржаўнага ўніверсітэта імя А. А. Куляшова Міхаіл Пагоцкі стаў уладальнікам звання «Найлепшы малады вучоны –2020» сярод навукова-адукацыйных устаноў СНД. Пра гэта распавялі ў прэс-цэнтры ВНУ.
Магіляўчан запрашаюць прыняць удзел у экафесце
Экафест пройдзе 25 ліпеня ў Магілёве. Пра гэта паведамілі ў Цэнтры гарадскіх ініцыятыў. Паводле слоў суразмоўцаў, у межах мерапрыемства запланавана серыя пазнавальных лекцый ад экспертаў. Яны пакажуць, як пазбавіцца ад пераспажывання, ужыўшы «капсульных гардэроб» у сваё жыццё і шафу, навучаць свядома чытаць этыкеткі касметычных сродкаў, раскажуць, што такое zero waste і як укараніць гэта ў сваё жыццё. Арганізатары рыхтуюць мноства сюрпрызаў, у тым ліку розыгрыш каштоўных і экалагічных прызоў.
Гатоўнасць школ да новага навучальнага года пачнуць правяраць у Магілёўскай вобласці
На днях камісіі пачнуць правяраць гатоўнасць устаноў адукацыі Магілёўскай вобласці да новага навучальнага года. Пра гэта паведаміла дырэктар Магілёўскага абласнога цэнтра па забеспячэнні дзейнасці ўстаноў адукацыі Ганна Сіманоўская. На падрыхтоўку ўстаноў адукацыі сёлета з абласнога бюджэту выдзелілі больш за Br11,4 млн. На гэтыя ж мэты традыцыйна выкарыстоўваюць сродкі з мясцовых бюджэтаў, спонсарскія сродкі і даходы школ ад уласнай дзейнасці. Сярод артыкулаў выдаткаў–капітальныя і бягучыя рамонты, закупка мэблі, абнаўленне матэрыяльна-тэхнічнай базы.
ЦВК зарэгістравала пяць кандыдатаў у Прэзідэнты Беларусі
Цэнтрвыбаркам сёння на пасяджэнні зарэгістраваў пяць кандыдатаў у Прэзідэнты. Зарэгістраваны Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская, Сяргей Чэрачань.
Са студзеня 2021 года зменяцца патрабаванні да страхавога стажу
Указ Прэзідэнта № 171 «Аб сацыяльнай падтрымцы асобных катэгорый грамадзян», падпісаны ў маі, ахапіў вялікі спіс напрамкаў сацыяльнай абароны.
Намеснік кіраўніка Адміністрацыі Прэзідэнта Андрэй Кунцэвіч сустрэўся з членамі каардынацыйнага савета Магілёва і Магілёўскай вобласці
Намеснік кіраўніка Адміністрацыі Прэзідэнта Андрэй Кунцэвіч сёння сустрэўся з членамі каардынацыйнага савета Магілёва і Магілёўскай вобласці. Дыялог з кіраўнікамі грамадскіх арганізацый рэгіёна адбыўся ў Доме друку.
У Магілёве пры рэгістрацыі ў ДАІ электрамабіляўіх уладальнікі атрымліваюць зялёныя нумары
У Магілёве пры рэгістрацыі ў ДАІ электрамабіляў іх уладальнікі атрымліваюць зялёныя нумары. Пра гэта паведаміў намеснік начальніка УДАІ УУС Магілёўскага аблвыканкама Уладзіслаў Бардзілоўскі.
Прамую тэлефонную лінію правядзе 14 ліпеня намеснік старшыні камітэта эканомікі Магілёўскага аблвыканкама Павел Марыненка
Прамую тэлефонную лінію правядзе 14 ліпеня намеснік старшыні камітэта эканомікі Магілёўскага аблвыканкама Павел Леанідавіч Марыненка. З 10.00 да 12.00 па нумары (8 0222) 22-17-22 ён адкажа на актуальныя пытанні развіцця і падтрымкі прадпрымальніцтва.