У Магілёўскай вобласці 7-11 кастрычніка пройдзе тактыка-спецыяльнае вучэнне
Тактыка-спецыяльнае вучэнне з вайсковай часцю 89417 пройдзе з 7 па 11 кастрычніка ў Магілёўскай вобласці, інфармуе сайт Міністэрства абароны. У ходзе манеўраў будуць адпрацаваны пытанні дастаўкі падраздзяленняў брыгады ў месцы выканання вучэбна-баявых задач рознымі спосабамі: паветраным (парашутным і беспарашутным), чыгуначным, дэсантаванне асабовага складу з самалёта ваенна-транспартнай авіяцыі Іл-76 і верталётаў Мі-8 у розных умовах надвор’я і ў розны час сутак.
Мабільны сэрвіс БРСМ «Галасую!» пачаў працаваць у тэставым рэжыме
Мабільны сэрвіс БРСМ «Галасую!» пачаў працаваць у тэставым рэжыме на платформе Android, паведаміла старшыня Цэнтральнай кантрольнай камісіі БРСМ Кацярына Петрашкевіч. «Сэрвіс распрацаваны студэнтамі Беларускага дзяржаўнага ўніверсітэта інфарматыкі і радыёэлектронікі – актывістамі Мінскай гарадской арганізацыі БРСМ да электаральнай кампаніі», – расказала Кацярына Петрашкевіч.
Пленум пісьменнікаў Саюзнай дзяржавы праходзіць у Магілёве
Больш за 70 майстроў слова з Беларусі і Расіі сабраў у Магілёве пленум пісьменнікаў Саюзнай дзяржавы. Двухдзённае мерапрыемства праходзіць пад знакам некалькіх дат: 75-годдзя вызвалення Беларусі ад нямецка-фашысцкіх захопнікаў, 75-годдзя Вялікай Перамогі і 20-годдзя падпісання Дагавора аб стварэнні Саюзнай дзяржавы. А галоўная тэма дыялогу – «Роля літаратуры ў станаўленні Саюзнай дзяржавы і захаванні гістарычнай памяці аб Вялікай Айчыннай вайне».
Беларускі дзіцячы фонд арганізаваў трохдзённую экскурсію ў Мінск для выхаванцаў дзіцячых дамоў сямейнага тыпу Магілёўскай вобласці
Магілёўскае абласное аддзяленне Рэспубліканскага грамадскага аб’яднання «Беларускі дзіцячы фонд» арганізавала экскурсійную паездку ў Мінск для выхаванцаў дзіцячых дамоў сямейнага тыпу ва ўзросце ад 9 гадоў, іх бацькоў-выхавальнікаў. У падарожжа, якое прымеркавана да 75-годдзя вызвалення Беларусі ад нямецка-фашысцкіх захопнікаў, сёння адправіліся выхаванцы з Бялыніцкага, Крычаўскага, Круглянскага і Краснапольскага раёнаў.
Пагадненне аб супрацоўніцтве падпісалі прафсаюзныя арганізацыі работнікаў культуры Магілёўскай і Смаленскай абласцей
Пагадненне аб супрацоўніцтве падпісалі Магілёўская абласная арганізацыя Беларускага прафсаюза работнікаў культуры, інфармацыі, спорту і турызму і Смаленская рэгіянальная арганізацыя расійскага прафсаюза работнікаў культуры. Зацвярджэнне дакумента адбылося падчас святкавання Дня горада Мсціслава. Свае подпісы пад пагадненнем паставілі старшыні арганізацый – Аляксей Пруднікаў і Святлана Елісеева.
БРУ падпісаў пагадненне аб супрацоўніцтве з Новасібірскім дзяржаўным архітэктурна-будаўнічым універсітэтам
У Новасібірску прайшоў VII Міжнародны форум і выстава тэхналагічнага развіцця «ТЭХНАПРАМ – 2019». Гэта найбуйнейшае тэхналагічнае мерапрыемства Расіі, галоўнай мэтай якога з’яўляецца прасоўванне айчынных навуковых распрацовак і інавацый.
У Савет Рэспублікі ад Магілёўскай вобласці вылучана 8 кандыдатаў
У Магілёўскай вобласці прайшлі сумесныя пасяджэнні прэзідыумаў гарадскіх і раённых Саветаў дэпутатаў і выканаўчых камітэтаў, на якіх вылучаны кандыдаты ў члены верхняй палаты Парламента. Усе яны вядомыя і паважаныя людзі.
У Магілёўскай вобласці праводзяцца мерапрыемствы да Дня пажылых людзей
У Магілёўскай вобласці да Дня пажылых людзей праводзіцца мноства мерапрыемстваў. Пра гэта паведамілі ў камітэце па працы, занятасці і сацыяльнай абароне аблвыканкама. «Гэты дзень заўсёды праходзіць пад знакам міласэрнасці, ўсеагульнай увагі, клопату і павагі да грамадзян пажылога ўзросту, – адзначылі суразмоўцы. – Сёння ва ўсіх раёнах вобласці ладзяцца ўшанаванні ветэранаў сістэмы Міністэрства працы і сацыяльнай абароны рэгіёна, дабрачынныя паказы кінафільмаў, бясплатныя наведванні музеяў, тэатраў для пажылых людзей».
У 2019 годзе на дарогах Магілёўскай вобласці з удзелам пешаходаў адбылося 89 дарожна-транспартных здарэнняў
У 2019 годзе на дарогах рэгіёна з удзелам пешаходаў адбылося 89 дарожна-транспартных здарэнняў. Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама. Нягледзячы на адзіны дарожны закон, пешаходы і кіроўцы пастаянна не аразумеюць адзін аднаго на дарозе, – падкрэслілі суразмоўцы. – Няўважлівасць, бескультур’е і нахабства часта становяцца прычынай аварый з наступствамі».
Ордэнам маці ўзнагароджана работніца сярэдняй школы № 2 горада Бялынічы Вольга Палуяновіч-Карнеева
Ордэнам маці за нараджэнне і выхаванне пяці і больш дзяцей узнагароджаны 17 жыхарак Магілёўскай вобласці і горада Мінска. Адпаведны ўказ падпісаў Прэзідэнт Беларусі Аляксандр Лукашэнка. Узнагароды ўдастоены прадстаўніцы розных сфер дзейнасці, уключаючы адукацыю, ахову здароўя, вытворчы сектар, гандаль, а таксама хатнія гаспадыні. У іх ліку работніца сярэдняй школы №2 горада Бялынічы Вольга Палуяновіч-Карнеева.
У Беларусі адкрываецца сезон загоннага палявання на лася, аленя і казулю
У Беларусі адкрываецца сезон загоннага палявання на капытных жывёл (лася, высакароднага аленя, казулю, дзіка) ў Беларускім таварыстве паляўнічых і рыбаловаў (БТПР).
Кандыдатамі ў дэпутаты ў Беларусі вылучылася ўжо 70 чалавек
Паводле даных на 30 верасня, кандыдатамі ў дэпутаты Палаты прадстаўнікоў сёмага склікання вылучылася 70 чалавек. Такая інфармацыя размешчана на сайце Цэнтрвыбаркама. Большасць прэтэндэнтаў на дэпутацкі мандат – 81,4 % – аддалі перавагу вылучацца адным з трох магчымых спосабаў (шляхам збору подпісаў, ад працоўнага калектыву, ад палітычнай партыі), астатнія скарысталіся двума.
Доўгатэрміновыя назіральнікі ад місіі СНД прыбылі ў Магілёўскую вобласць для маніторынгу выбараў
Доўгатэрміновыя міжнародныя назіральнікі ад выканаўчага камітэта СНД прыбылі ў Магілёўскую вобласць для маніторынгу выбараў дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання. Сёння Размік Хумаран і Марыя Гуцала сустрэліся са старшынёй Магілёўскай абласной выбарчай камісіі Валерыем Бераставым.
Месячнік бяспечнай працы пройдзе ў прамысловых арганізацыях Магілёўскай вобласці
Месячнік бяспечнай працы пройдзе ў прамысловых арганізацыях рэгіёна з 1 кастрычніка да 1 лістапада. Магілёўскі аблвыканкам звяртае ўвагу на неабходнасць захавання нормаў і правілаў аховы працы ў мэтах захавання жыцця і здароўя. Створаны спецыяльныя мабільныя групы, у якія ўваходзяць спецыялісты пажарнай, санітарнай і іншых кампетэнтных службаў. На працягу месяца яны будуць абследаваць усе прамысловыя арганізацыі на адпаведнасць працоўных месцаў, абсталявання, машын і механізмаў патрабаванням нормаў і правілаў аховы працы.
Ордэнам Маці ўзнагароджана 27 жыхарак Магілёўскай вобласці
Ордэнам Маці за нараджэнне і выхаванне пяці і больш дзяцей узнагароджана 160 жыхарак Брэсцкай, Віцебскай, Гомельскай, Гродзенскай і Магілёўскай абласцей. Адпаведны ўказ № 358 падпісаў Прэзідэнт Беларусі Аляксандр Лукашэнка.
Больш за $ 2 млн замежнай бязвыплатнай дапамогі паступіла ў Магілёўскую вобласць за 7 месяцаў 2019 года
Больш за $ 2 млн замежнай бязвыплатнай дапамогі паступіла ў Магілёўскую вобласць за 7 месяцаў 2019 года. Пра гэта на пасяджэнні Каардынацыйнага савета грамадскіх аб’яднанняў і палітычных партый рэгіёна паведаміла намеснік старшыні камітэта па працы, занятасці і сацыяльнай абароне Магілёўскага аблвыканкама Вераніка Дзямідава.
Новы культурна-асветніцкі цэнтр з’явіцца ў Магілёве
У 2020 годзе ў Магілёве павінен адкрыцца новы культурна-асветніцкі цэнтр. Яго будаўніцтва вядзецца насупраць музея Бялыніцкага-Бірулі па пешаходнай вуліцы горада – Ленінскай. На плошчы ў 2 тыс. кв. м плануюць размясціць невялікую школу, дзіцячы сад, творчыя гурткі і спартыўныя секцыі.
Прамую тэлефонную лінію правядзе 28 верасня намеснік старшыні Магілёўскага аблвыканкама Валерый Малашка
Прамую тэлефонную лінію правядзе 28 верасня намеснік старшыні Магілёўскага аблвыканкама Валерый Анатольевіч Малашка. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Магілёўскай вобласці будуць працаваць 104 стацыянарныя перапісныя ўчасткі
Аналізу выканання завяршальнага этапу падрыхтоўчых работ па перапісе насельніцтва, які неўзабаве пачнецца ў Беларусі, было прысвечана пасяджэнне часовай абласной камісіі па яе правядзенні на Магілёўшчыне. Адзначалася планамернасць і мэтанакіраванасць іх ажыццяўлення. У тым ліку па навучанні часовага перапіснога персаналу. Дарэчы, з 27 верасня вучыцца стане ўжо самая шматлікая яго катэгорыя – самі перапісчыкі.
У Магілёўскай вобласці праходзіць вылучэнне кандыдатаў у члены Савета Рэспублікі
З 9 верасня ў краіне пачалося вылучэнне кандыдатаў у члены Савета Рэспублікі Нацыянальнага сходу сёмага склікання. Яно пройдзе па 8 кастрычніка ўключна. Савет Рэспублікі – адна з двух палат парламента Беларусі. У яе ўваходзяць 64 дэпутаты, пры гэтым 56 абіраюцца, а яшчэ 8 прызначае Прэзідэнт Беларусі.
Галоўная тэма АДІ ў верасні – «Перапіс насельніцтва: погляд на сёняшняе – крок у будучыню!»
Адзіны дзень інфармавання, які пройдзе ў верасні ў гарадах і раёнах Магілёўскай вобласці, будзе прысвечаны перапісу насельніцтва Рэспублікі Беларусь. Кіруючыя работнікі аблвыканкама, яго структурных падраздзяленняў і абласных ведамстваў, якія ўваходзяць у склад інфармацыйных груп пад кіраўніцтвам членаў абласнога выканаўчага камітэта, а таксама члены інфармацыйных груп гар- і райвыканкамаў, адміністрацый Магілёва і Бабруйска выступяць у працоўных калектывах рэгіёна. Яны раскажуць пра значнасць перапісу насельніцтва для беларускай дзяржавы і парадку яе правядзення.
КДК Магілёўскай вобласці 24 верасня правядзе «гарачую лінію» па пытаннях гатоўнасці аб’ектаў ЖКГ, сацыяльнага, культурна-бытавога, вытворчага прызначэння да працы ў асенне-зімовы перыяд
Камітэтам дзяржаўнага кантролю Магілёўскай вобласці 24 верасня будзе праводзіцца «гарачая лінія» на тэму «Аб гатоўнасці аб’ектаў жыллёва-камунальнай гаспадаркі, сацыяльнага, культурна-бытавога, вытворчага і іншага прызначэння да працы ў асенне-зімовым перыядзе 2019/2020 года». Жыхары рэгіёна змогуць паведаміць аб неналежнай падрыхтоўцы названых аб’ектаў да ацяпляльнага перыяду, праблемах у забеспячэнні паліўнымі матэрыяламі (брыкетам, дрывамі), недахопах у рабоце адпаведных службаў.
Пасля летняга перапынку прафсаюзы зноў даюць старт бясплатным прававым прыёмам
Практыку правядзення бясплатных прававых прыёмаў адновяць прафсаюзныя юрысты пасля летняга перапынку. Так, чарговыя прававыя кансультацыі грамадзян адбудуцца ў чацвер 19 верасня. Яны пройдуць практычна ва ўсіх раённых цэнтрах Магілёўскай вобласці.
Забарона на наведванне лясоў цалкам знята ў Магілёўскай вобласці
Забарона на наведванне лясоў цалкам знята ў Магілёўскай вобласці. Гэтаму паспрыялі зніжэнне тэмператур паветра і мінулыя дажджы, якія знізілі клас пажарнай небяспекі, паведамляецца на сайце Міністэрства лясной гаспадаркі. На партале размешчана інтэрактыўная карта, па якой можна адсочваць зняцце абмежаванняў па рэгіёнах. Рашэнні па ўвядзенні і зняцці забароны на наведванне лясоў прымаюць мясцовыя органы ўлады па хадайніцтве лесагаспадарчых устаноў або раённых аддзелаў па надзвычайных сітуацыях.
Слухачы Акадэміі кіравання пры Прэзідэнце змогуць праходзіць стажыроўку ў дзяржорганах
Слухачы Акадэміі кіравання пры Прэзідэнце Беларусі змогуць праходзіць стажыроўку ў дзяржаўных органах і арганізацыях. Аб гэтым журналістам паведаміў рэктар ВНУ Генадзь Пальчык.
Жыхарам Магілёўскай вобласці 22 верасня прапануюць далучыцца да міжнароднай акцыі «Дзень без аўтамабіля»
Жыхарам Магілёўшчыны прапануюць далучыцца да міжнароднай акцыі «Дзень без аўтамабіля». У суботу, 22 верасня, абласны камітэт прыродных рэсурсаў і аховы навакольнага асяроддзя заклікае насельніцтва рэгіёна пакінуць аўтамабілі на стаянках і перасесці на грамадскі транспарт або веласіпед.
Аляксадр Лукашэнка расказаў, чаго чакае ад новага складу беларускага парламента
Парламент павінен прадстаўляць усе слаі беларускага грамадства. Аб гэтым Прэзідэнт Беларусі Аляксандр Лукашэнка заявіў сёння на сустрэчы са старшынёй Палаты прадстаўнікоў Уладзімірам Андрэйчанкам. «Будучы парламент павінен быць лепшы за гэты. Калі будзе такі ж або горшы, значыць няма развіцця. Таму, не ў крыўду дэпутатам сказана, павінны прыйсці людзі лепшыя, якія, калі гэта патрэбна будзе, павядуць рэспубліку наперад», - сказаў Аляксандр Лукашэнка.
У акруговыя выбарчыя камісіі Магілёўскай вобласці паступіла 68 заяў на рэгістрацыю ініцыятыўных груп
Па стане на раніцу 16 верасня ў акруговыя выбарчыя камісіі Магілёўскай вобласці ад асоб, якія маюць намер вылучыцца кандыдатам у дэпутаты Палаты прадстаўнікоў Нацыянальнага сходу Рэспублікі Беларусь сёмага склікання, паступіла 68 заяў на рэгістрацыю ініцыятыўных груп. Пра гэта паведаміў старшыня Магілёўскай абласной выбарчай камісіі Валерый Берастаў. Ён патлумачыў, што прыём дакументаў завяршыўся 12 верасня ў 19.00 у адпаведнасці з графікам працы выбарчых камісій.
У Магілёўскай вобласці ўтворана 739 участкаў для галасавання
На тэрыторыі Магілёўскай вобласці ўтворана 739 участкаў для галасавання па выбарах дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання. Пра гэта паведамілі ў Магілёўскай абласной выбарчай камісіі.
Выбаркамы Магілёўскай вобласці ўвядуць акрэдытацыю назіральнікаў
Выбарчыя камісіі па выбарах дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання Магілёўскай вобласці вядуць акрэдытацыю назіральнікаў. Пра гэта карэспандэнту сайта паведамілі ў Магілёўскай абласной выбарчай камісіі. «Па стане на 16 верасня выбарчымі камісіямі Магілёўскай вобласці акрэдытавана 47 назіральнікаў, 42 з іх акрэдытавалі акруговыя камісіі і 5 – абласная», – адзначылі суразмоўцы.