Першы ЭкаФэст пройдзе ў Магілёве 4 красавіка
Першы ЭкаФэст адбудзецца ў Магілёве 4 красавіка. Мерапрыемства пройдзе ў галерэі Вараб’ёва (пр-т Міру, каля ракі Дубравенкі) з 12.00 да 18.00. Праект рэалізуюць слухачы школы гарадскіх ініцыятыў «Теплица». Падчас ЭкаФэста плануецца правесці серыю пазнавальных лекцый. Эксперты раскажуць і пакажуць, што такое «ZeroWaste» («Нуль адходаў») і як жыць так, каб гэты дэвіз стаў часткай жыцця. Яны навучаць правільна сартаваць адходы, свядома чытаць этыкеткі касметычных сродкаў, пазбавіцца ад пераспажывання, укараніўшы «капсульных гардэроб» у сваё жыццё і шафу.
Магілёўская «Стужка» выпускае за дзень да 15 тыс. чатырохслаёвых медыцынскіх масак
Магілёўскае прадпрыемства «Стужка» выпускае чатырохслаёвыя медыцынскія маскі з сыравіны ўласнай вытворчасці. У дзень тут шыюць да 15 тыс. вырабаў, як паведаміла начальнік аддзела рэкламы ААТ «Стужка» Таццяна Сафроненка.
Абласныя ўрачыстыя мерапрыемствы да Дня міліцыі адбудуцца ў Магілёве 5 сакавіка
4 сакавіка беларуская міліцыя адзначыць дзень утварэння. Абласныя ўрачыстыя мерапрыемствы, прысвечаныя прафесійнаму святу, пройдуць у Магілёве 5 сакавіка. У гэты дзень начальнік УУС генерал-маёр міліцыі Ігар Шчарбачэня ў зале калегіі ўпраўлення ўнутраных спраў сустрэнецца з членамі сем’яў супрацоўнікаў, якія загінулі пры выкананні службовага абавязку. У 12.00 у гарадской ратушы пройдзе цырымонія ўручэння ўзнагарод кіраўнікам і супрацоўнікам, якія маюць высокія паказчыкі ў аператыўна-службовай дзейнасці, а таксама ўшанаванне бацькоў супрацоўнікаў.
Дэпутат Ігар Марзалюк стаў вядучым праекта СТВ
Ігар Марзалюк–дэпутат і гісторык – стаў вядучым грамадска-палітычнага ток-шоу«У абстаноўцы міру». Ён і яго госці–палітыкі, грамадскія дзеячы, эксперты–штотыдзень будуць збірацца за гістарычным круглым сталом, каб слухаць і чуць часам палярныя пазіцыі адзін аднаго.
Заснаваны сцяг тэрытарыяльнай абароны Магілёўскай вобласці
Аляксандр Лукашэнка 18 лютага падпісаў указ аб увядзенні сцягоў тэрытарыяльнай бароны. Гэтым жа дакументам зацверджаны палажэнні аб сцягах тэрытарыяльнай абароны ўсіх абласцей Беларусі, іх апісанні і выявы. Войскі тэрытарыяльнай абароны Магілёўскай вобласці атрымалі сцяг з выявай герба рэгіёна ў цэнтры палотнішча.
Кедры дапоўнілі калекцыю дрэў Падмікольскага парку Магілёва
У Падміколлі высадзілі кедры – падарунак ад жыхара Магілёва, які сам праявіў ініцыятыву і прапанаваў дапамогу ў азеляненні, паведаміў начальнік участка гарадскога парку Юрый Макацарыя. Паркавы ансамбль дапоўнілі 30 саджанцаў сібірскай і канадскай хвоі. Яшчэ 12 маленькіх зялёных гадаванцаў падрасцяць на асобнай пляцоўцы, каб затым таксама высадзіць у Падміколле.
Работнікі магілёўскіх будаўнічых арганізацый адзначаць Масленіцу
Каля 300 работнікаў будаўнічых арганізацый Магілёва і членаў іх сем’яў збярэ 29 лютага маштабнае спартыўна-забаўляльнае свята «Масленіца – 2020». Пра гэта паведамілі ў Магілёўскай абласной арганізацыі Беларускага прафсаюза работнікаў будаўніцтва і прамысловасці будаўнічых матэрыялаў.
Апошні званок у школах сёлета празвініць 30 мая
Апошні званок у школах у гэтым годзе празвініць 30 мая, паведамляецца на сайце Міністэрства адукацыі. Сёлетні навучальны год завяршаецца 30 мая, у гэты дзень у школах пройдуць урачыстыя мерапрыемствы «Апошні званок». Выпускныя экзамены для вучняў 9-х і 11-х класаў пройдуць з 1 па 9 чэрвеня (па мовах нацыянальных меншасцяў у 9-м класе – 21 мая, у 11-м класе – 22 мая). Выпускныя вечары рэкамендуецца правесці 10–11 чэрвеня.
Навыкі дзеянняў у НС адпрацуюць службы вобласці падчас маштабнага міжведамаснага мерапрыемства «Адзіны дзень бяспекі» ў Магілёве
Маштабнае абласное міжведамаснае мерапрыемства «Адзіны дзень бяспекі» пройдзе 27 лютага ў Магілёве на базе Лядовага палаца. Тут навыкі дзеянняў у НС адпрацуе кожная служба рэгіёна. Праграмай таксама запланавана праца тэматычных пляцовак, дэманстрацыя спецыяльнай тэхнікі, канцэрт, паказальныя выступленні спецслужбаў (эвакуацыя, пераслед, затрыманне, выбухі і інш.).
«Адзіны дзень бяспекі»: у Магілёве эвакуіравалі людзей з «Атрыума»
Усяго 4 хвіліны спатрэбілася, каб эвакуіраваць наведвальнікаў і персанал «Атрыума» – самага буйнога гандлёвага-забаўляльнага цэнтра Магілёва. Гэта было заданне для спецслужбаў у «Адзіны дзень бяспекі». У 10 раніцы ў «Атрыуме» загучала сірэна і просьба пакінуць будынак гандлёвага цэнтра. Потым з’явіліся машыны хуткай дапамогі, пажарныя, міліцыя, ахова. Так праходзяць навучальныя эвакуацыі падчас абвешчанага ў Беларусі «Адзінага дня бяспекі».
Новыя навучальныя дапаможнікі па сусветнай гісторыі і грамадазнаўстве выдадзены ў Беларусі
Новыя навучальныя дапаможнікі па сусветнай гісторыі і грамадазнаўстве для вучняў старэйшых класаў выдадзеныя аўтарскім калектывам выкладчыкаў БДУ. Пра гэта паведамілі ў прэс-службе ўніверсітэта.
У Беларусі па-ранейшаму не зафіксавана ні аднаго выпадку каранавіруса
У Беларусі захоўваецца спакойная сітуацыя па каранавірусе, не зафіксавана ніводнага выпадку завозу. Пра гэта сёння журналістам паведаміў міністр аховы здароўя Уладзімір Каранік. «У Беларусі сітуацыя па-ранейшаму спакойная, ні аднаго выпадку завозу каранавіруснай інфекцыі не зафіксавана, – сказаў міністр. – Мы ў гэтым плане праводзім супрацьэпідэмічныя мерапрыемствы. Сітуацыя аналізуецца нават не штодня, а некалькі разоў на дзень».
Магілёўскія беспрацоўныя могуць бясплатна навучыцца бізнес-планаванню
У мінулым годзе 110 беспрацоўных магілёўцаў атрымалі дзяржаўную субсідыю на адкрыццё ўласнай справы: большасць – на прадпрымальніцкую дзейнасць, каля чвэрці сталі рамеснікамі. Сёлета такія субсідыі ў Магілёве атрымала ўжо 14 чалавек, паведаміла начальнік аддзела забеспячэння занятасці насельніцтва упраўлення па працы, занятасці і сацыяльнай абароне Магілёўскага гарвыканкама Сняжана Маісеева.
Дзень адчыненых дзвярэй правядуць магілёўскія бібліятэкі 26 лютага
Дзень адчыненых дзвярэй правядуць магілёўскія бібліятэкі 26 лютага, паведаміла загадчыца інфармацыйна-бібліяграфічнага сектара аддзела абслугоўвання насельніцтва і інфармацыі цэнтральнай гарадской бібліятэкі імя Карла Маркса Клаўдзія Ільініч. «Разнастайныя забаўляльныя і пазнавальныя мерапрыемствы як у цэнтральнай бібліятэцы горада, так і ў іншых філіялах будуць праходзіць у гэты дзень. Для гасцей арганізуюць прэзентацыі кніжных навінак. Тых, хто вырашыць стаць нашымі сталымі чытачамі, чакаюць прыемныя сюрпрызы і розыгрышы», – расказала Клаўдзія Ільініч.
«Магілёўзелянбуд» рыхтуе да 8 Сакавіка больш за 20 тыс. кветак
Больш за 20 тыс. кветак рыхтуе «Магілёўзелянбуд» да Міжнароднага жаночага дня. Пра гэта паведаміла начальнік аддзела маркетынгу і збыту прадпрыемства Марціна Багайчук. «У гэтым годзе да 8 Сакавіка мы падрыхтавалі больш за 20 тыс. кветак. У фірмовай гандлёвай сетцы будзе прадстаўлена каля 10 тыс. руж беларускай і імпартнай вытворчасці, каля 9 тыс. цюльпанаў, вырашчаных у цяпліцах нашага прадпрыемства. Гэтыя кветкі працягваюць карыстацца вялікім пакупальніцкім попытам у Міжнародны жаночы дзень», – падзялілася субяседніца.
Начальніку УУС Магілёўскага аблвыканкама Ігару Шчарбачэню прысвоена званне генерал-маёра
Прэзідэнт Рэспублікі Беларусь падпісаў Указ № 64 ад 21.02.2020 аб прысваенні чарговага спецыяльнага звання генерал-маёра міліцыі начальніку УУС Магілёўскага аблвыканкама Ігару Шчарбачэню. Пра гэта паведамілі ва УУС аблвыканкама.
Камітэт дзяржкантролю правядзе 25 лютага прамую тэлефонную лінію на тэму налічэння зарплаты ў бюджэтнай сферы
Камітэт дзяржаўнага кантролю правядзе 25 лютага прамую тэлефонную лінію на тэму налічэння заработнай платы работнікам бюджэтных арганізацый пасля ўвядзення новых умоў аплаты працы. Жыхары ўсіх рэгіёнаў рэспублікі і Мінска могуць паведаміць спецыялістам кантрольнага ведамства аб фактах зніжэння зарплаты за студзень бягучага года ў параўнанні з атрыманай у папярэднія месяцы. Будзе прааналізаваны кожны зварот, дадзена аб’ектыўная ацэнка выкладзеных фактаў. Звярнуцца на прамую тэлефонную лінію можна будзе з 14.00 да 17.00 па нумары 8 (017) 327 20 15.
Дэпутат Палаты прадстаўнікоў Аляксандр Масяйкоў сустрэўся з навучэнцамі архітэктурна-будаўнічага каледжа БРУ
У архітэктурна-будаўнічым каледжы ў складзе міждзяржаўнай адукацыйнай установы вышэйшай адукацыі «Беларуска-Расійскі ўніверсітэт» адбылася сустрэча дэпутата Палаты прадстаўнікоў Нацыянальнага сходу Рэспублікі Беларусь Аляксандра Масяйкова з моладдзю. Заслужаны майстар спорту СССР і краіны, алімпійскі чэмпіён, Ганаровы грамадзянін горада Магілёва расказаў пра сябе, сваю сям’ю, захапленні і спартыўныя дасягненні.
У Магілёве зменіцца месца выдачы пасведчання аб смерці
У Магілёве зменіцца месца рэгістрацыі смерці. Пра гэта паведамілі ў гарвыканкаме. З 2 сакавіка выдача пасведчання аб смерці і даведкі на пахаванне будзе праводзіцца па адрасе: г. Магілёў, вул. Ленінская, 1 (плошча Славы, будынак ЗАГСа, першы паверх, кабінет № 2). Рэжым работы:– панядзелак, серада, пятніца з 8.00 да 17.00;– аўторак, чацвер з 8.00 да 20.00;– субота з 8.30 да 17.00;– абед з 13.00 да 14.00 (штодня);– выхадны – нядзеля. Тэл. 22-19-51, 22-60-29.
Шматфункцыянальны цэнтр плануюць пабудаваць у Магілёве
Забаўляльны шматфункцыянальны цэнтр з добраўпарадкаваннем прылеглай тэрыторыі плануюць пабудаваць на месцы парку атракцыёнаў у Магілёве, – паведаміў начальнік упраўлення архітэктуры і горадабудаўніцтва Магілёўскага гарвыканкама – галоўны архітэктар горада Уладзімір Скачак.
Белстат агучыў першыя даныя перапісу: Магілёўская вобласць – самая малалікая
Насельніцтва Беларусі складае крыху больш за 9,4 млн чалавек. Такія першыя даныя праведзенага ў мінулым годзе перапісу агучыла журналістам старшыня Нацыянальнага статыстычнага камітэта Іна Мядзведзева.
У Магілёве 21 лютага ў сувязі са святкаваннем Дня Абаронцаў Айчыны перакрыюць рух па частцы вуліцы Першамайскай
У Магілёве 21 лютага ў сувязі са святкаваннем Дня Абаронцаў Айчыны і Узброеных Сіл Рэспублікі Беларусь з 8.00 да заканчэння ўрачыстых мерапрыемстваў перакрыюць рух па вуліцы Першамайскай ад вуліцы Болдзіна да плошчы Славы. Пра гэта паведамілі ў гарвыканкаме. Гэтую ж тэрыторыю да 8.00 вызваляць ад транспартных сродкаў і абмяжуюць тут стаянку аўтамабіляў.
«Белпошта» запрашае жыхароў Магілёўскай вобласці прыняць удзел у конкурсе экалагічнага малюнка
«Белпошта» праводзіць рэспубліканскі конкурс экалагічнага малюнка сярод жыхароў Беларусі. Пра гэта паведамляецца на сайце прадпрыемства. Творчае спаборніцтва стартуе 17 лютага. Прыём работ працягнецца да 1 мая. Прыняць удзел могуць беларусы ва ўзросце ад 14 гадоў. Канкурсантам неабходна прыдумаць і адлюстраваць малюнак на тэму «Захаванне экасістэмы – абарона клімату». Творчая задума можа быць выканана на паперы або ў электронным фармаце ў любой тэхніцы з ужываннем розных матэрыялаў.
Сістэма апавяшчэння правяраецца ў Беларусі, абаненты двух мабільных аператараў атрымаюць СМС
Абаненты двух мабільных аператараў атрымаюць СМС падчас праверкі сістэмы апавяшчэння насельніцтва, паведамілі ў МНС. «Сёння стартуе міжведамасная акцыя «Адзіны дзень бяспекі». Будзе правярацца сістэма абвесткі. Абаненты А1 і МТС атрымаюць СМС», – праінфармавалі ў МНС. Будуць разасланыя паведамленні з тэкстам: «Праводзіцца праверка сістэмы абвесткі, ніякіх дзеянняў не патрабуецца».
Больш за Br80 тыс сабрана падчас дабрачыннага марафону «Сагрэем дзіцячыя сэрцы»
Жыхары Магілёўшчыны пералічылі Br81 753 на рахунак Беларускага дзіцячага фондупадчас абласнога дабрачыннага марафону «Сагрэем дзіцячыя сэрцы». Вынікі падвялі ў абласным мастацкім музеі імя П. Масленікава.
Чатыры жыцці выратавана ў Магілёве дзякуючы аўтаномнаму пажарнаму апавяшчальніку
Чацвёра выратаваных, у тым ліку аднагадовае дзіця, – такія вынікі спрацоўкі аўтаномнага пажарнага апавяшчальніка. Пра гэта паведаміла старшы інспектар абласнога ўпраўлення МНС Вольга Нехарошых. 19 лютага каля 6 гадзін раніцы сям’ю, якая жыве ў прыватным жылым доме па вул. Вясновай у Магілёве, разбудзіў гучны гук аўтаномнага пажарнага апавяшчальніка: дом быў напоўнены дымам. 45- гадовы гаспадар, яго 24-гадовы сын разам з жонкай і малым паспяшаліся эвакуявацца. Ніхто не пацярпеў.
СМІ Магілёўскай вобласці – сярод пераможцаў конкурсу на самае лепшае асвятленне пытанняў будаўніцтва і развіцця Узброеных Сіл
У Мінску ўзнагародзілі ўдзельнікаў і пераможцаў штогадовага творчага конкурсу на самае лепшае асвятленне ў сродках масавай інфармацыі пытанняў будаўніцтва і развіцця Узброеных Сіл, патрыятычнага выхавання насельніцтва Беларусі. Пра гэта паведамілі ў Міністэрстве інфармацыі. У спаборніцтве прынялі ўдзел рэдакцыі перыядычных друкаваных выданняў, электронныя сродкі масавай інфармацыі.
Больш за 150 кніг з архіваў Нацыянальнай бібліятэкі падарылі дэпутаты бабруйскаму дзіцячаму дому сямейнага тыпу
У госці да бабруйскай шматдзетнай сям’і Парфёнавых з падарункамі заглянулі дэпутаты Палаты прадстаўнікоў Нацыянальнага сходу Рэспублікі Беларусь Ірына Рынейская, Уладзімір Гацко, Вера Шырокая, прадстаўнікі адміністрацыі Першамайскага раёна. Для юных жыхароў дома сямейнага тыпу візіцёры перадалі ў дар больш за 150 кніг з архіваў Нацыянальнай бібліятэкі. Літаратура самая разнастайная: пазнавальныя энцыклапедыі, руская, беларуская і замежная класіка, казкі, падручнікі. Дарэчы, у доме сямейнага тыпу любяць чытаць. Тут выхоўваецца 9 дзяцей ад 10 месяцаў да 15 гадоў.
У Магілёве і Бабруйску можна будзе бясплатна адправіць паштоўку да 23 лютага
«Белпошта» прапануе бясплатна адправіць паштоўку да 23 лютага, паведамляецца на сайце прадпрыемства. Акцыя пройдзе ў некаторых аддзяленнях паштовай сувязі 20 лютага напярэдадні Дня абаронцаў Айчыны і Узброеных Сіл. Усе жадаючыя могуць набыць тут паштовыя карткі або паштоўкі ў канвертах (да 20 г) і павіншаваць любімых сыноў, унукаў, мужоў, бацькоў, а супрацоўнікі прадпрыемства бясплатна даставяць іх у любую кропку Беларусі.
Ускладанні кветак і святочныя канцэрты прымяркуюць у Магілёўскай вобласці да Дня абаронцаў Айчыны і Узброеных Сіл Беларусі
Ускладанні кветак і святочныя канцэрты прымяркуюць у Магілёўскай вобласці да Дня абаронцаў Айчыны і Узброеных Сіл Рэспублікі Беларусь. Кіраўнікі мясцовых органаў улады, дэлегацыі прадстаўнікоў працоўных калектываў, ветэранаў вайны і Узброеных Сіл, грамадскасці ўскладуць кветкі і вянкі да помнікаў, а таксама брацкіх магіл абаронцаў Айчыны, абеліскаў і пахаванняў воінаў, якія загінулі ў баях за Радзіму.