Прэм’ера аўтарскага праекта «Вартаўнікі кахання» адбудзецца ў канцэртнай зале «Магілёў» 25 сакавіка
Прэм’ера аўтарскага праекта беларускіх бардаў Сяргея Кулягіна і Сяргея Антонава «Вартаўнікі кахання» пройдзе 25 сакавіка а 18.30 у канцэртнай зале «Магілёў». Тэму вясны, рамантычных адносін і кахання дуэт «Сяржукі» раскрые праз прызму паэзіі, прозы, песень і гумару. У праграме прагучаць гарадскія рамансы, шансон, аўтарскія песні, а ў другім аддзяленні музыканты прапануюць зале праспяваць разам лірычныя бард-хіты.
Новую паравую турбіну плануюць запусціць у красавіку на Магілёўскай ЦЭЦ-2
Новая, больш эканамічная, паравая турбіна хутка будзе запушчана на Магілёўскай ЦЭЦ-2. Яна будзе працаваць толькі па цеплафікацыйным цыкле, што дасць магчымасць знізіць расход умоўнага паліва на водпуск электраэнергіі. Паводле ацэнкі спецыялістаў, пасля ўводу новай турбіны ў эксплуатацыю ў бягучым годзе ўдасца зэканоміць каля 2,6 тысячы тон умоўнага паліва. Уключыць новую турбіну плануецца ў красавіку. Для паспяховага ўводу абсталявання ў работу неабходна зладжаная работа ўсіх падрадных і субпадрадных арганізацый, занятых мантажом і наладкай цеплатэхнічнага абсталявання.
Спартакіяда абласнога дэпутацкага корпуса пройдзе ў Магілёве 19–20 сакавіка
Спартакіяда дэпутацкага корпуса Магілёўшчыны пройдзе ў абласным цэнтры 19–20 сакавіка. Пра гэта паведамілі ў абласным Савеце дэпутатаў. Як расказалі суразмоўцы, спаборніцтвы будуць праходзіць на працягу двух дзён. Удзел у мерапрыемстве прыме больш за 250 чалавек з усяго рэгіёна. У першы дзень спартакіяды, 19 сакавіка, спартсмены пазмагаюцца за найлепшыя вынікі ў плаванні, дартсе і стральбе. Спаборніцтвы будуць праходзіць у новым ФАКу. Падчас правядзення спаборніцтваў адбудзецца ўрачыстае адкрыццё.
Рэпартаж аб магілёўскіх аптэках: што адбываецца з пастаўкамі прэпаратаў і ці варта закупляцца імі празапас
Нестабільная абстаноўка ў свеце і санкцыйны ціск адбіваецца на настроях людзей. Падстаў для хваляванняў шмат: рост курсу замежнай валюты, пытанне пераарыентацыі рынкаў збыту і магчымага зніжэння экспартных паставак, захаванне дастатковай колькасці на прылаўках магазінаў тавараў замежнай вытворчасці і асабліва – наяўнасць у аптэках і бальніцах неабходных прэпаратаў.
25 маладых людзей з усіх куткоў Магілёўшчыны атрымала свае першыя пашпарты ва ўрачыстай абстаноўцы
У межах абласной маладзёжнай акцыі «Мы – грамадзяне Беларусі!», прысвечанай Дню Канстытуцыі Рэспублікі Беларусь, пашпарт грамадзяніна Рэспублікі Беларусь з рук старшыні Магаблвыканкама Анатоля Ісачанкі ўпершыню атрымала 25 маладых людзей з усіх куткоў вобласці. Сярод іх – выдатнікі вучобы, пераможцы прадметных алімпіяд, актыўныя ўдзельнікі грамадскага, культурнага і спартыўнага жыцця. Падзялілі гэты важны і хвалюючы для моладзі момант і іх бацькі, якія прысутнічалі на цырымоніі ў Палацы культуры вобласці.
У Магілёўскай вобласці дадзены старт новаму экскурсійнаму туру «Гістарычны ваяж па Магілёўшчыне», які прысвечаны Году гістарычнай памяці
У Магілёўскай вобласці дадзены старт новаму экскурсійнаму туру «Гістарычны ваяж па Магілёўшчыне», які прысвечаны Году гістарычнай памяці.
Выстава, прысвечаная Дню Канстытуцыі Рэспублікі Беларусь, адкрылася ў музеі Масленікава
Тэматычная выстава, прысвечаная Дню Канстытуцыі Рэспублікі Беларусь, адкрылася 15 сакавіка ў Магілёўскім абласным мастацкім музеі імя П. В. Масленікава. Пра гэта паведамілі ва ўстанове культуры. Як расказалі суразмоўцы, у экспазіцыі прадстаўлены маштабныя жывапісныя палотны Уладзіміра Маркавіча Пасюкевіча і Анатоля Дзям’янавіча Шыбнёва, якія прысвечаны станаўленню беларускай дзяржаўнасці і з’яўляюцца яркім прыкладам манументальнага жывапісу сацрэалізму з характэрным патрыятычным гучаннем.
75 магіляўчан выйшлі ў фінал рэспубліканскай прадметнай алімпіяды (відэа)
Фіналісты Рэспубліканскай алімпіяды па вучэбных прадметах ад горада Магілёва атрымалі пажаданне на далейшыя перамогі. Разумніцы і разумнікі сустрэліся з прадстаўнікамі ўлады абласнога цэнтра.
Дырэктар «Крычаўцэментнашыфера» аб сітуацыі з экспартам: мы будзем працаваць у любых умовах
Мы будзем працаваць у любых умовах. Такое меркаванне па пытанні пераарыентацыі рынкаў збыту і магчымага зніжэння экспартных паставак выказаў генеральны дырэктар ААТ «Крычаўцэментнашыфер» Уладзімір Карчэўскі.
Патрыятычная акцыя «Гісторыя нашай Канстытуцыі» пройдзе ў Магілёўскай вобласці
Патрыятычную акцыю «Гісторыя нашай Канстытуцыі» правядзе 15 сакавіка Магілёўская абласная арганізацыя прафсаюза работнікаў мясцовай прамысловасці і камунальна-бытавых прадпрыемстваў. Пра гэта паведаміў старшыня грамадскай структуры Павел Жуйкоў.
Работнік МНС у вольны ад службы час выратаваў на пажары чалавека
У нядзелю, 13 сакавіка, а 12.10 выратавальнікам паступіла паведамленне аб пажары ў жылым доме на вуліцы Курака ў Магілёве. Выклікаў ратавальнікаў Яраслаў Ветраў, галоўны спецыяліст аддзела маркетынгу, дагаворнай працы і рэчавага забеспячэння Магілёўскага абласнога ўпраўлення МНС, які жыве ў суседнім пад’ездзе.
Пасля рамонту ў Чавусах адкрылася дзіцячая паліклініка
У Чавусах 14 сакавіка адкрылася пасля рамонту дзіцячая паліклініка, якая будзе прымаць маленькіх жыхароў Чавускага раёна. У нашай краіне ахова здароўя – адзін з найважнейшых напрамкаў у рабоце ўлады ўсіх узроўняў. Шмат робіцца для аказання насельніцтву кваліфікаванай медыцынскай дапамогі.
На тэрыторыі Чэрыкаўскага раёна будзе створана першая дэманстрацыйная пляцоўка па ўкараненні малабюджэтных аўтаномных SMART-міні птушкаферм
Установа «Цэнтр інавацыйнага развіцця» ў партнёрстве з сялянска-фермерскай гаспадаркай «Каладчанка», аграсядзібай «Лілея» пры падтрымцы Чэрыкаўскага раённага выканаўчага камітэта распрацавала ініцыятыву – «Стварэнне дэманстрацыйнай пляцоўкі па ўкараненні малабюджэтных аўтаномных SMART-міні птушкаферм (на сонечных батарэях)», якая аказалася ў ліку пераможцаў конкурсу праграмы малых грантаў глабальнага экалагічнага фонду праграмы развіцця ААН.
Абласны агляд-конкурс «Не старэюць душой ветэраны» пройдзе ў Магілёве 15 сакавіка
15 сакавіка ў Магілёўскім абласным метадычным цэнтры адбудзецца заключнае мерапрыемства абласнога агляду-конкурсу «Не старэюць душой ветэраны» Абласны агляд-конкурс калектываў мастацкай творчасці і індывідуальных выканаўцаў XVI Рэспубліканскага фестывалю народнай творчасці ветэранскіх калектываў «Не старэюць душой ветэраны» пройдзе 15 сакавіка ў Магілёве. Пра гэта паведамілі ў Магілёўскім абласным метадычным цэнтры народнай творчасці і культурна-асветнай працы.
Дзінара Алімбекава выйграла гонку пераследу на Кубку СБР
Беларуска Дзінара Алімбекава стала пераможцай гонкі пераследу на Кубку Саюза біятланістаў Расіі, які праходзіць ва Уфе. На фінішы Дзінара, якая дапусціла па промаху на першым і трэцім агнявых рубяжах, апярэдзіла найбліжэйшую з канкурэнтак больш чым на хвіліну. Сярэбраны медаль пасьюта заваявала пераможца спрынту Ірына Казакевіч, трэцяе месца заняла яшчэ адна расіянка Крысціна Разцова. Беларуска Ірына Лешчанка доўгі час ішла ў лідзіруючай тройцы, але ў выніку фінішавала чацвёртай.
Усебеларуская патрыятычная акцыя «Мы – грамадзяне Беларусі!» з уручэннем пашпартоў пройдзе ў Магілёве 15 сакавіка
У Дзень Канстытуцыі Рэспублікі Беларусь, 15 сакавіка, на Магілёўшчыне пройдзе Усебеларуская акцыя «Мы – грамадзяне Беларусі!». Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі».
Жывёлагадоўчая фабрыка ў Стайках: на Кіраўшчыне рэалізуецца інвестыцыйны праект
Сельскагаспадарчы філіял «Чыгірынка» РУП «Беларуснафта-Магілёўаблнафтапрадукт» – гаспадарка, якая стабільна працуе і развіваецца. На працягу шэрагу гадоў яна ўпэўнена рухаецца наперад, пастаянна ставячы перад сабой новыя задачы і, безумоўна, іх выконваючы.
Прамую тэлефонную лінію правядзе 19 сакавіка кіраўнік спраў Магілёўскага аблвыканкама Мікалай Дзядкоў
Прамую тэлефонную лінію правядзе 19 сакавіка кіраўнік спраў Магілёўскага аблвыканкама Мікалай Леанідавіч Дзядкоў. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Турнір на прызы Аксаны Мяньковай пройдзе ў Магілёве 14-16 сакавіка
Традыцыйны турнір на прызы заслужанага майстра спорту Беларусі малатабойкі Аксаны Мяньковай пройдзе 14–16 сакавіка на базе Магілёўскага спартыўнага комплексу «Алімпіец». Пра гэта паведамілі ў Беларускай федэрацыі лёгкай атлетыкі. Як адзначылі арганізатары спаборніцтваў, камплекты ўзнагарод будуць разыграны прадстаўнікамі розных узроставых катэгорый у кіданні молата, дзіды і дыска, а таксама ў штурханні ядра.
На палях Магілёўскага раёна ўносяць угнаенні
На палях філіяла «Вендараж» РУП «Магілёўэнерга» ў Магілёўскім раёне ідзе ўнясенне мінеральных угнаенняў пад сяўбу яравых збожжавых. Да канца месяца неабходна ўнесці ўгнаенні на плошчы 3,5 тыс га.
У продажы з’явілася новае выданне Канстытуцыі Рэспублікі Беларусь
У рэгіянальны цэнтр прававой інфармацыі Магілёўскай вобласці паступіла новае выданне Канстытуцыі Рэспублікі Беларусь. Набыць яго можна без гандлёвай нацэнкі па безнаяўным разліку і за наяўныя па адрасе: г. Магілёў, вул. Дзяржынскага, 9. Дадатковая інфармацыя па тэлефоне: 76-92-42, 76-92-66. З панядзелка выданне з’явіцца ў продажы ў гандлёвых кропках ААТ «Магілёўсаюздрук».
Будаўніцтва кальцавой дарогі вакол Магілёва ідзе па графіку
Будаўніцтва кальцавой дарогі вакол Магілёва ідзе згодна з устаноўленым графікам. Абласны цэнтр стане другім пасля Мінска беларускім горадам з кальцавым рухам. На новай дарозе прадугледжана будаўніцтва трох штучных збудаванняў: двух мастоў і пуцеправода праз чыгунку. Самым буйным з іх стане мост праз Днепр працягласцю 378 м. Аб’язная дарога будзе на 90% складацца з высокатрывалага цэментабетоннага пакрыцця, асфальтаваць плануюць толькі з’езды, масты і пуцеправод. Шырыня дарожнага палатна складзе 14 м. Тут прадугледжаны дзве паласы руху, абочыны і ўмацаваныя прыпыначныя палосы.
Графік руху цягнікоў на ўчастку Асіповічы–Салігорск зменіцца праз рамонт моста
Графік руху цягнікоў на ўчастку Асіповічы–Салігорск зменіцца ў сакавіку ў сувязі з рамонтам чыгуначнага моста. На ўчастку Асіповічы–Салігорск 17, 24 і 31 сакавіка будуць адменены цягнікі рэгіянальных ліній бізнес-класа №879/880 на напрамку Магілёў–Салігорск–Магілёў. Таксама ў названыя даты некаторыя цягнікі рэгіянальных ліній эканомкласа на ўчастку Асіповічы–Салігорск будуць прытрымлівацца змененых маршрутаў і раскладу. БЧ просіць пасажыраў з разуменнем паставіцца да гэтых абставінаў і ўлічваць іх пры планаванні паездак.
Прыём заявак на радыёконкурс «Маладыя таленты Беларусі» стартуе 15 сакавіка
Прыём заявак на XI Рэспубліканскі творчы радыёконкурс «Маладыя таленты Беларусі» пачынаецца 15 сакавіка, паведамілі ў прэс-службе Белтэлерадыёкампаніі.
Да 25 сакавіка сельгастэхніка да вясновых палявых работ павінна стаяць на лінейцы гатоўнасці
У рамонтным цэху ААТ «Задняпроўскі міжрайаграсэрвіс» кіпіць праца нават у суботу. Да пасяўной рукой падаць – тэхніка ў сельгаспрадпрыемствах патрэбна ў поўнай гатоўнасці і ў тэрмін. На зіму ў рамонт паступіла каля 80 энерганасычаных трактароў, з іх сваім ходам змаглі дабрацца толькі тры машыны. Зараз больш за палову ўжо на хаду, каля двух дзясяткаў у працы. Дырэктар «Задняпроўскага міжрайаграсэрвісу» Алег Грудаў тлумачыць, што дэбіторская запазычанасць кліентаў-сельгаспрадпрыемстваў, перабоі з пастаўкамі імпартных запчастак адбіліся на тэмпах рамонту.
У Магілёўскай вобласці з 15 па 18 сакавіка пройдуць электронныя кірмашы вакансій
У Магілёўскай вобласці на наступным тыдні на адзінай электроннай пляцоўцы http://e-vacancy.by/ пройдуць электронныя кірмашы вакансій. Саіскальнікі атрымаюць магчымасць задаць наймальнікам пытанні, якія цікавяць, атрымаць электронную кансультацыю, запрашэнне на субяседаванне ў рэжыме рэальнага часу, паведамілі ў камітэце па працы, занятасці і сацыяльнай абароне Магілёўскага аблвыканкама. Кірмашы вакансій будуць праводзіцца: 15 сакавіка з 09.00 да 10.00 – упраўленнем па працы, занятасці і сацыяльнай абароне Краснапольскага райвыканкама.
Міністр унутраных спраў Рэспублікі Беларусь Іван Кубракоў 16 сакавіка правядзе прыём грамадзян у Крычаўскім райвыканкаме
Міністр унутраных спраў Рэспублікі Беларусь генерал-лейтэнант міліцыі Іван Уладзіміравіч Кубракоў правядзе прыём грамадзян 16 сакавіка ў памяшканні Крычаўскага райвыканкама па адрасе г. Крычаў, вул. Савецкая, 51. Прыём пачнецца а 10:00 па папярэднім запісе, які ажыццяўляецца па тэлефоне: 8 02241 34745. Запіс заканчваецца за тры дні да правядзення прыёму грамадзян. Рэд.
Форум актывістаў абласнога праекта «#Мая_зямля_Прыдняпроўе» прайшоў у Магілёве
Форум актывістаў абласнога праекта «#Мая_зямля_Прыдняпроўе» сабраў каля 400 дзяцей з усіх куткоў рэгіёна. Узнагароды сёння атрымала 36 устаноў адукацыі з 21 раёна вобласці, а таксама гарадоў Магілёва і Бабруйска, якія прынялі актыўны ўдзел у вывучэнні гісторыі роднага краю.
Фестываль інтэлектуальных гульняў сярод школьнікаў «Кубак Дружбы – 2022» пройдзе ў Магілёве 12 і 13 сакавіка
Адкрыты абласны фестываль інтэлектуальных гульняў сярод школьнікаў «Кубак Дружбы – 2022» пройдзе ў Магілёўскім абласным цэнтры творчасці 12 і 13 сакавіка. Пра гэта паведамілі ва ўстанове дадатковай адукацыі. Плануецца, што ў мерапрыемстве прыме ўдзел 40 каманд устаноў агульнай сярэдняй, дадатковай адукацыі з Магілёўскай, Мінскай, Віцебскай, Гомельскай, Брэсцкай абласцей і Мінска. «У праграме мерапрыемства 4 гульні, – падзяліліся суразмоўцы. – Гэта аўтарская гульня «Беларуская мазаіка»; медыя «Свая гульня»; гульня «Брэйн-рынг» і «Што? Дзе? Калі?».
Спонсарскую дапамогу аказаў прафсаюз Магілёўскай гарадской аўтабазе ўстаноў аховы здароўя
Br2,5 тыс. спонсарскай дапамогі накіраваў прафсаюз Магілёўскай гарадской аўтабазе ўстаноў аховы здароўя.