Мінадукацыі вызначыла графік школьных канікул у новым навучальным годзе
Міністэрства адукацыі вызначыла графік школьных канікул у новым навучальным годзе. Ён апублікаваны на сайце ведамства. Першая чвэрць будзе з 1 верасня па 31 кастрычніка, другая – з 9 лістапада па 24 снежня, трэцяя – з 11 студзеня па 27 сакавіка 2021 года, чацвёртая – з 5 красавіка па 31 мая 2021 года. Адпаведна, восеньскія канікулы будуць працягвацца 8 дзён (1–8 лістапада), зімовыя – 17 дзён (25 снежня – 10 студзеня), вясновыя – 8 дзён (28 сакавіка – 4 красавіка). БЕЛТА
«Я пайду на выбары, таму што...». Меркаванне настаўніка Антона Лабаноўскага
– Зусім хутка ў нашай краіне адбудзецца важная для ўсіх нас, грамадзян, падзея – выбары Прэзідэнта Рэспублікі Беларусь. Сёння ў нас ёсць магчымасць назіраць, як дынамічна развіваецца наша дзяржава, ідзе наперад, як з кожным годам яна становіцца лепшай, прыгажэйшай, багацейшай.
Намеснік кіраўніка паліклінікі: у тэорыі мы ўсе ведалі, заставалася ўжыць веды ў барацьбе з COVID-19
У тэорыі нашы медыкі ўсё ведалі, заставалася толькі ўжыць наяўныя веды ў барацьбе з COVID-19. Такім меркаваннем падзялілася намеснік галоўнага ўрача па медыцынскай частцы Магілёўскай цэнтральнай паліклінікі Ала Ляховіч.
Нагрузка на грамадскія прыёмныя РГА «Белая Русь» у апошнія дні прыкметна ўзрасла
У грамадскіх прыёмных рэспубліканскага грамадскага аб’яднання «Белая Русь» шматлюдна. Грамадзян з іх пытаннямі і праблемамі тут прымаюць заўсёды, але ў перыяд выбарчых кампаній актыўнасць насельніцтва традыцыйна вырастае. Не выключэнне і Магілёўская вобласць. Роля грамадскіх прыёмных у вырашэнні надзённых праблем насельніцтва немалая. Намеснік старшыні Магілёўскай абласной арганізацыі РГА «Белая Русь» Барыс Зінкевіч прыводзіць некалькі цікавых прыкладаў:
Юным Магілёўскім музыкантам прысвоены ўзнагароды спецыяльнага фонду Прэзідэнта Беларусі па падтрымцы таленавітай моладзі
Навучэнцам Магілёўскай дзяржаўнай гімназіі-каледжа мастацтваў імя Яўгена Глебава ўручылі пасведчанні аб прысваенні ўзнагарод спецыяльнага фонду Прэзідэнта Рэспублікі Беларусь па падтрымцы таленавітай моладзі і падзячныя лісты Міжнароднага дабрачыннага фонду Уладзіміра Співакова. Пра гэта паведаміла выкладчык музычна-тэарэтычных дысцыплін Валянціна Сяўрук.
Магілёўцаў запрашаюць да прагляду фестывальнага кіно
Магілёўскае дзяржаўнае прадпрыемства «Кінавідэапракат» запрашае на фестывальнае кіно ў бліскучым выкананні зорак сусветнага кінематографа. Увазе гледачоў прадстаўлены кінакарціны – удзельнікі і намінанты міжнародных кінафестываляў: Венецыянскага і Берлінскага, у Мельбурне і Таронта. У праграме заяўлены чатыры стужкі: «Тры сэрцы», «Рамантыкі “303”», «Мая спадарыня», «Вышэйшае грамадства». Кінапаказы пройдуць у кінатэатры «Радзіма» (малая зала) з 23 па 29 ліпеня.
100 тон ягад адправіў у Літву і Польшчу Магілёўскі аблспажыўсаюз
Больш за 220 тон чарніц закупілі ў насельніцтва прадпрыемствы Магілёўскага аблспажыўсаюза. У гэтым годзе ўраджай лясных ягад паспеў значна пазней, чым звычайна, таму зрушыліся і тэрміны нарыхтоўкі. У Літву і Польшчу ўжо адпраўлена 100 тон ягад. Закупленую прадукцыю таксама рэалізуюць на рынках спажыўкааперацыі, у гандлёвай сетцы, пастаўляюць у грамадскае харчаванне.
Усе раёны Магілёўскай вобласці завяршылі ўборку азімай сурэпіцы
Усе раёны Магілёўскай вобласці завяршылі ўборку азімай сурэпіцы. Ураджайнасць у сярэднім па рэгіёне склала 10,1 ц/га, – паведамілі ў Камітэце па сельскай гаспадарцы і харчаванні аблвыканкама.
Да канца года ў прыватным сектары Магілёва змогуць цалкам сартаваць адходы
Амаль 15 тыс. домаўладанняў Магілёва ўжо атрымалі свае кантэйнеры для паасобнага збору смецця. Яшчэ каля 8 тыс. дамоў атрымае іх у гэтым годзе. Такім чынам, да канца года жыхары прыватнага сектара абласнога цэнтра змогуць цалкам сартаваць бытавыя адходы. Для зручнасці прадстаўнікі спецаўтапрадпрыемства штодня выязджаюць на раёны прыватнага сектара для перадачы насельніцтву пластыкавай тары для бытавых адходаў.
Унікальны абраз знаходзіцца ў Магілёве
Абраз Святой Варвары прыбыў ў Магілёў. Рэліквію аднавіў майстар-ювелір Мікалай Кузьміч – аўтар сучаснага крыжа Еўфрасінні Полацкай. Убачыць абраз у Магілёве можна толькі некалькі дзён: яна знаходзіцца ў Магілёўскім саборы Успення Панны Марыі і Святога Станіслава. ТРК «Магілёў»
Адзенне дзелавога стылю для школьнікаў выпускае 10 прадпрыемстваў «Беллегпрама»
Адзенне дзелавога стылю для школьнікаў выпускае 10 швейных і трыкатажных прадпрыемстваў канцэрна «Беллегпрам», – паведамілі ў прэс-службе канцэрна. Сярод іх – «Славянка», «Світанак», Жлобінская швейная фабрыка, «Калінка» і іншыя. Частка прадпрыемстваў вырабляе лінейку спартыўнага адзення для заняткаў фізічнай культурай і спортам.
Студэнтаў будуць уключаць у спісы выбаршчыкаў па месцы пастаяннай рэгістрацыі
Выбаршчыкаў з ліку навучэнцаў і студэнтаў будуць уключаць у спісы для галасавання па пастаянным месцы жыхарства. Такое рашэнне прынята на пасяджэнні ЦВК.
Эколагам Магілёўскай вобласці прадставілі новага кіраўніка
Старшынёй Магілёўскага абласнога камітэта прыродных рэсурсаў і аховы навакольнага асяроддзя сёння прызначаны Канстанцін Ільіч Цеплякоў. Раней ён займаў пасаду намесніка старшыні камітэта.
ЦВК: праз эпідсітуацыю колькасць назіральнікаў на выбарчых участках паменшаць
Праз эпідэміялагічную сітуацыю колькасць назіральнікаў падчас цяперашняй выбарчай кампаніі на ўчастках для галасавання паменшаць. Такая пастанова прынята сёння на пасяджэнні ЦВК.
Анестэзіёлаг-рэаніматолаг: мы з годнасцю вытрымалі экзамен, які нам паднесла жыццё
Мы з годнасцю вытрымалі экзамен, які нам паднесла жыццё. Такім меркаваннем падзялілася анестэзіёлаг-рэаніматолаг аддзялення анестэзіялогіі і рэанімацыі Магілёўскай бальніцы № 1 Алеся Валахановіч.
Карту стрыт-арт аб’ектаў стварылі ў Магілёве
Магілёў быў адным з першых у Беларусі, дзе сталі з’яўляцца працы вулічных мастакоў. Цэнтр гарадскіх ініцыятыў з партнёрамі ў розныя гады садзейнічаў развіццю вулічнага мастацтва ў абласным цэнтры. Напрыклад, у чэрвені 2020 года ў межах праграмы развіцця моладзі «Далучайся!» у горадзе прайшоў маштабны фестываль «Doma». «Мы вырашылі сабраць разам усё, што было створана з 2012 года, каб паказаць маштаб праведзенай працы і тое, як грамадскасць можа актыўна ўплываць на змяненне і пераўтварэнне гарадскога асяроддзя», – расказалі суразмоўцы.
У Магілёўскай вобласці плануюць пачаць масавае жніво на наступным тыдні
У Магілёўскай вобласці плануюць пачаць масавае жніво на наступным тыдні. Пра гэта паведаміў першы намеснік старшыні Камітэта па сельскай гаспадарцы і харчаванні аблвыканкама Андрэй Кажамякін.
Футбалісткі «Бабруйчанкі» разграмілі БАЦАР у жаночым чэмпіянаце Беларусі
Футбалісткі «Бабруйчанкі» разграмілі выхаванак Брэсцкага абласнога цэнтра алімпійскага рэзерву (БАЦАР) на старце 11-га тура жаночага чэмпіянату Беларусі. У першым тайме сустрэчы ў Бабруйску гаспадыні двойчы пабілі вароты саперніц, а пасля перапынку вызначыліся яшчэ тры разы. Госці змаглі адказаць толькі голам Вікторыі Марчык на апошняй хвіліне гульні–5:1. Гэта быў першы гол брастаўчанак у 11 матчах цяперашняга першынства.
Новы рэзідэнт СЭЗ «Магілёў» плануе займацца перапрацоўкай драўніны
У СЭЗ «Магілёў» зарэгістраваны новы рэзідэнт– ТАА «Сіберыя». Пра гэта паведамілі ў адміністрацыі свабоднай эканамічнай зоны. Паводле слоў суразмоўцаў, інвестыцыйны праект, створаны пры ўдзеле беларускага, літоўскага і расійскага капіталу, звязаны са стварэннем вытворчасці па перапрацоўцы драўніны на ўчастку № 4 свабоднай эканамічнай зоны. Тут з’явіцца не менш за 40 новых працоўных месцаў. «Праект дазволіць прывабіць замежныя інвестыцыі ў эканоміку вобласці, а таксама павялічыць аб’ём рэгіянальнага экспарту», – адзначылі ў адміністрацыі СЭЗ «Магілёў».
Леанід Заяц прадставіў новага намесніка старшыні і кіраўніка справамі Магілёўскага аблвыканкама
Сёння старшыня Магілёўскага абласнога выканаўчага камітэта Леанід Заяц прадставіў новага намесніка старшыні аблвыканкама Сяргея Маслава, які раней працаваў дырэктарам камунальнага ўнітарнага прадпрыемства па праектаванні, рамонце і будаўніцтве дарог «Магілёўаблдарбуд».
Людзі цэняць складаную працу брыгад хуткіх – намеснік кіраўніка Бабруйскай станцыі хуткай дапамогі
Людзі бачаць складаную працу брыгад «хуткіх» і высока яе цэняць. Такім меркаваннем падзялілася намеснік галоўнага ўрача Бабруйскай станцыі хуткай неадкладнай медыцынскай дапамогі Наталля Вежнавец. «Самааддача, з якой мы працуем, і складанасці, з якімі сутыкаемся, не застаюцца незаўважанымі. Людзі бачаць нашу працу і высока яе цэняць. Каранавірусная інфекцыя стала сур’ёзным выпрабаваннем для ўсёй сістэмы аховы здароўя, але мы з гонарам выстаялі», – адзначыла Наталля Вежнавец.
Магілёўскі майстар Аляксандр Мінькоў прыступіў да стварэння скульптуры да Дня пісьменства ў Бялынічах
Магілёўскі майстар Аляксандр Мінькоў прыступіў да стварэння скульптуры «З’ява іконы». Гранітны анёл будзе ўстаноўлены ў Бялынічах, урачыстае адкрыццё адбудзецца ў Дзень пісьменства, 6 верасня. Пра гэта расказаў сам скульптар.
Шклоўскі «Спартак» лідзіруе ў чэмпіянаце Магілёўскай вобласці па футболе
Шклоўскі «Спартак» умацаваў сваё лідарства ў чэмпіянаце Магілёўскай вобласці па футболе. У чарговым матчы турніру «Спартак» 19 ліпеня пазмагаўся са сваім галоўным канкурэнтам у барацьбе за залатыя медалі – клубам «Сервалюкс-Агра» з аграгарадка Мяжысеткі. Наймацнейшымі ў гэтай гульні былі шклаўчане – 2:1, якія пакуль перамагаюць ва ўсіх матчах сезона. У іншых паядынках мінулага тура Быхаўскі «Днепр» быў слабейшым за «Краснаполле» – 0:2, а каманда «Касцюковічы» разышлася мірам з чавускай «Нівай» – 0:0.
Слаўгарадскі раён адзначыў 96 гадоў з дня ўтварэння
Слаўгарадскаму раёну – 96 гадоў. Знакавую дату Прысожскі край адзначыў 17 ліпеня.
Аляксандр Лукашэнка разгледзеў кадравыя пытанні: у Магілёўскім аблвыканкаме – новы намеснік старшыні і кіраўнік спраў
У прыватнасці, Прэзідэнт даў згоду на прызначэнне: Маслава Сяргея Мікалаевіча – намеснікам старшыні Магілёўскага аблвыканкама; Дзядкова Мікалая Леанідавіча – кіраўніком спраў Магілёўскага аблвыканкама.
У «Магілёўліфтмаша» новы гендырэктар
Прэзідэнт Беларусі Аляксандр Лукашэнка ўзгадніў прызначэнне Сяргея Чарткова генеральным дырэктарам Магілёўскага завода ліфтавага машынабудавання.
Прамая лінія па пытаннях развіцця і падтрымкі прадпрымальніцтва адбудзецца 28 ліпеня
Прамую тэлефонную лінію правядзе 28 ліпеня намеснік старшыні камітэта эканомікі Магілёўскага аблвыканкама Павел Леанідавіч Марыненка. У гэты дзень з 10.00 да 12.00 па нумары тэлефона (80222) 22-17-22 жыхары рэгіёна могуць задаць пытанні па тэме развіцця і падтрымкі прадпрымальніцтва.
Прамую тэлефонную лінію правядзе 25 ліпеня намеснік старшыні Магілёўскага аблвыканкама Руслан Страхар
Прамую тэлефонную лінію правядзе 25 ліпеня намеснік старшыні Магілёўскага аблвыканкама Руслан Барысавіч Страхар. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Магілёўскай вобласці вызначаны месцы для агітацыйных матэрыялаў выбарнай тэматыкі
Мясцовымі выканаўчымі органамі ўлады Магілёўскай вобласці вызначаны месцы для агітацыйных матэрыялаў кандыдатаў у Прэзідэнты Рэспублікі Беларусь. Традыцыйна, як адзначаюць у абласной камісіі, да іх, перш за ўсё, адносяцца размешчаныя на ўчастках для галасавання інфармацыйныя стэнды. Сярод іншых дазволеных месцаў – дошкі аб’яў, стэнды, вітрыны прамысловых прадпрыемстваў і арганізацый гандлю, грамадскага харчавання, жыллёва-камунальнай гаспадаркі, бытавога абслугоўвання, а таксама будаўнічых і праектных арганізацый, устаноў аховы здароўя, адукацыі, культуры і спорту.
Аб любові да малой радзімы, працавітасці і мэтанакіраванасці: у Магілёве адбыўся адкрыты дыялог з удзельнікамі цягніка «#Беларусь. Моладзь. Натхненне»
Пазітывам, энергіяй мэтанакіраванасці і веры ў свае сілы, душэўнай цеплынёй да малой радзімы быў напоўнены адкрыты дыялог з удзельнікамі рэспубліканскага цягніка «#Беларусь. Моладзь. Натхненне». Гутарка праходзіла сёння ў сценах Магілёўскага дзяржаўнага ўніверсітэта імя А. А. Куляшова.