У Магілёве на тэрыторыі СШ № 46 адкрылі новы басейн
В дни, когда Беларусь празднует День Независимости, жители Могилева по сложившейся традиции получают подарки, благодаря которым город становится краше и комфортнее. Совсем недавно, 1 сентября 2019 года, прозвенел первый звонок в средней школе №46 микрорайона Казимировка. А сегодня на территории, прилегающей к учебному заведению, открыли бассейн.
Абласная камісія прыняла рашэнні аб устанаўленні колькасці подпісаў грамадзян Магілёўскай вобласці ў падтрымку кандыдатаў у Прэзідэнты Рэспублікі Беларусь
Абласная камісія прыняла рашэнні аб устанаўленні колькасці подпісаў грамадзян Магілёўскай вобласці ў падтрымку кандыдатаў у Прэзідэнты Рэспублікі Беларусь. Пасяджэнне па гэтым пытанні адбылося сёння.
Працоўныя пенсіі павышаюцца ў Беларусі з 1 ліпеня
З 1 ліпеня ў Беларусі праводзіцца пераразлік усіх працоўных пенсій - па ўзросце, за выслугу гадоў, па інваліднасці, па прычыне страты карміцеля - у адпаведнасці з указам Прэзідэнта нумар 232 «Аб павышэнні пенсій». Больш падрабязна аб новых памерах выплат расказалі ў Міністэрстве працы і сацыяльнай абароны. Пераразлік працоўных пенсій будзе праведзены шляхам карэкціроўкі фактычнага заработку пенсіянера зыходзячы з сярэдняй зарплаты, прымененай пры папярэднім пераразліку пенсій, з павышэннем яе велічыні на 6 працэнтаў.
Развіццю Бабруйска надаецца асаблівая ўвага – Леанід Заяц
Развіццю Бабруйска цяпер надаецца асаблівая ўвага. Пра гэта паведаміў старшыня Магілёўскага аблвыканкама Леанід Заяц. «Горад расце, забудоўваецца новы 7-ы мікрараён. Тут ужо пачалося будаўніцтва дзіцячага садка з басейнам. Здаць аб’ект плануем сёлета. У планах на 2021–2022 гады – будаўніцтва сярэдняй школы, якая таксама будзе з басейнам. Прыкладам для яе стане сярэдняя школа № 46 у Магілёве – сучасная, зручная і абсталяваная па апошнім слове тэхнікі», – расказаў Леанід Заяц.
Тэматычныя пляцоўкі, канцэртныя праграмы і феерверк – як Магілёў сустрэне Дзень Незалежнасці
Праграма галоўных святочных мерапрыемстваў у Дзень Незалежнасці ў Магілёве пачнецца ў 11.00 з мітынгу на мемарыяльным комплексе «Буйніцкае поле». Тут жа правядуць экспрэс-экскурсію «Дняпроўскі рубеж», паведамілі ў гарвыканкаме.
Вядучыя тэлеканалы Беларусі пакажуць цыкл перадач аб найлепшых дасягненнях краіны
Агенцтва тэленавін Белтэлерадыёкампаніі і інфармацыйныя дырэкцыі каналаў АНТ і СТВ падрыхтавалі сумесны сацыяльна-палітычны праект, які прадэманструе найлепшыя дасягненні Беларусі за гады суверэнітэту. Прэм’ера штотыднёвай праграмы «Зроблена!» адбудзецца 3 ліпеня, у Дзень Незалежнасці. Пра гэта паведамілі ў прэс-службе медыяхолдынга.
Калектывы і майстры народных мастацкіх рамёстваў чатырох краін прадэманструюць сваю творчасць на свяце «Александрыя збірае сяброў»
Калектывы і майстры народных мастацкіх рамёстваў усіх рэгіёнаў Беларусі і горада Мінска прадэманструюць сваю творчасць на выставе-кірмашы «Александрыйскі кірмаш», якая будзе праходзіць на працягу двух дзён на свяце «Купалле» ў Шклоўскім раёне. Таксама плануецца ўдзел прадстаўнікоў Расіі, Украіны і Літвы.
Магілёўскі «Алімпіец» другім разам прыме матч суперкубка Беларусі па міні-футболе
Суперкубак Беларусі па міні-футболе разыграюць у Магілёве. Такое рашэнне прыняла Беларуская асацыяцыя міні-футбола. Трафей аспрэчаць дзеючы чэмпіён краіны – аршанскі «Вітэн» – і ўладальнік кубка Беларусі – Гомельскі «БЧ». Паядынак пройдзе ў спарткомплексе «Алімпіец» 29 жніўня. Плануецца, што квіткі паступяць у продаж за два тыдні да матчу. Гульню суперкубка наш рэгіён прыме другі раз. У мінулым годзе сустрэча за гэты трафей таксама прайшла ў спарткомплексе «Алімпіец». Тады аршанскі «Вітэн» узяў верх над мінскай «Сталіцай».
Стаўка рэфінансавання з 1 ліпеня зніжаецца да 7,75 працэнта
Стаўка рэфінансавання з 1 ліпеня зніжаецца з 8 працэнтаў да 7,75 працэнта гадавых, стаўка па крэдыце авернайт - з 9 працэнтаў да 8,75 працэнта гадавых, стаўка па дэпазіце авернайт з 7 працэнтаў да 6,75 працэнта гадавых. Адпаведныя рашэнні прыняты праўленнем Нацыянальнага банка па выніках дадатковага пасяджэння па грашова-крэдытнай палітыцы 22 чэрвеня, паведамілі ва ўпраўленні інфармацыі і грамадскіх сувязей Нацбанка.
Установы аховы здароўя Магілёўскай вобласці паэтапна вяртаюцца да звычайнага рэжыму працы
Установы аховы здароўя Магілёўскай вобласці паэтапна вяртаюцца да звычайнага рэжыму працы. Пра гэта паведамілі ў прэс-службе Міністэрства аховы здароўя. Так, на гэтым тыдні праводзіцца дэзапрацоўка і плануецца адкрыццё Бабруйскага анкалагічнага дыспансера. У гэтыя ж дні перапрафілюецца і пачынае працаваць у звычайным рэжыме Магілёўскі абласны скурна-венералагічны дыспансер.
Моладзь Магілёўскай вобласці запрашаюць да ўдзелу ў міжнародным літаратурным конкурсе, прысвечаным вайне і К. Сіманаву
Моладзь Магілёўскай вобласці запрашаюць да ўдзелу ў міжнародным літаратурным конкурсе «Гэта трэба –не мёртвым! Гэта трэба жывым!». Творчае спаборніцтва з’яўляецца часткай міжнароднай патрыятычнай акцыі, прысвечанай памяці вядомага пісьменніка, паэта і журналіста, расказаў старшыня Магілёўскага абласнога аддзялення грамадскага аб’яднання «Саюз пісьменнікаў Беларусі» Аляксандр Казека.
Скульптуру магіляўчаніна Андрэя Вараб’ёва ўстанавілі ў Кітаі
Праца магілёўскага скульптара Андрэя Вараб’ёва заняла сваё месца ў парку Дружбы кітайскага горада Нанкін. Скульптура называецца «Кароль і каралева, або пясочныя гадзіны». Нанкін–пабрацім Магілёва. Выбраць месца для сваёй скульптуры Андрэй Вараб’ёў паспеў у пачатку 2020 года, яшчэ да таго, як праз пандэмію каранавіруса закрыліся ўсе межы. Паводле слоў аўтара, «Кароль і каралева, або пясочныя гадзіны»– гэта філасофскае разважанне пра каханне і рух часу.
У кансалідаваны бюджэт Бабруйска за студзень–май 2020 года паступіла Br 96,7 млн.
У кансалідаваны бюджэт Бабруйска за студзень–май 2020 года паступіла Br 96,7 млн., што на Br7,3 млн. больш, чым за аналагічны перыяд мінулага года. Пра гэта паведамілі ў прэс-службе інспекцыі МПЗ Рэспублікі Беларусь Магілёўскай вобласці. Асноўнымі бюджэтаўтваральнымі крыніцамі з’яўляліся: падаходны падатак з фізічных асоб–39,5%, ПДВ–18,5%, акцызы–10,2%, падатак пры спрошчанай сістэме падаткаабкладання–5,4%, зямельны падатак–3,9%, падатак на нерухомасць–3,6%.
ЕС выдзеліць 30 тыс. еўра на рэалізацыю рэгіянальных ініцыятыў Магілёўскай вобласці
У Магілёўскай вобласці яшчэ шэсць ідэй будуць падтрыманы Еўрапейскім Саюзам. Агульная сума грантаў–30 тыс. еўра. Пра гэта стала вядома на кірмашы «Мясцовыя ініцыятывы для мікрарэгіёнаў развіцця», якая праходзіла напярэдадні ў рэжыме анлайн.
Саўмін з 1 ліпеня адмяняе ўведзеныя ў сувязі з COVID-19 абмежаванні для транзітных перавозчыкаў
Савет Міністраў з 1 ліпеня адмяняе уведзеныя ў сувязі з COVID-19 абмежаванні для транзітных перавозчыкаў. Гэта прадугледжана пастановай урада ад 26 чэрвеня 2020 года № 372, паведамілі ў прэс-службе Міністэрства транспарту і камунікацый.
Спецыяльная стаматалагічная дапамога арганізавана ў Магілёўскай вобласці для тых, хто захварэў COVID-19 або з’яўляецца кантактам 1 ўзроўню
Спецыяльная стаматалагічная дапамога арганізавана ў Магілёўскай вобласці для тых, хто захварэў COVID-19 або з’яўляецца кантактам першага ўзроўню. Стаматалагічная паліклініка–гэта як аперацыйная–зона павышанай кантактнасці, а таму стэрыльнасці тут надаецца вялікая ўвага. Пацыенты на прыёме ў зубнога па інструкцыі–заўсёды ўмоўна небяспечныя. Напрыклад, яны могуць і самі не ведаць, што з’яўляюцца пераносчыкамі гепатыту С, ВІЧ... Таму да каранавіруснай прафілактыкі ў стаматалогіі паставіліся адказна.
У Кіраўску ствараюць комплекс сучаснай экспрэс-дыягностыкі
Высакаякасная медыцынская дапамога стане больш даступнай для жыхароў рэгіёнаў Магілёўшчыны. У Кіраўску на базе цэнтральнай раённай паліклінікі ствараюць сучасны комплекс экспрэс-дыягностыкі. У мінулым годзе тут пачалася маштабная рэканструкцыя. Грашыма падтрымала абласная інвестыцыйная праграма. Здаць раённую паліклініку плануюць да канца лета. Акрамя будынка, абновіцца медыцынскае абсталяванне, прыйдуць маладыя медыкі розных спецыяльнасцяў.
Новы мост рыхтуецца да адкрыцця ў Слаўгарадскім раёне
Мост– сімвал новых магчымасцяў Слаўгарадскага раёна. Левы і правы берагі ракі Сож цяпер злучыў маставы пераход даўжынёй у паўкіламетра. Раней у цёплы сезон даводзілася карыстацца пантонным мостам. А з надыходам халадоў трапіць на левы бераг–там, дзе Блакітная крыніца, – і зусім можна было толькі ў аб’езд, даўжынёй больш за сотню кіламетраў. Цяпер жа–прыгажосць, зручнасць, а яшчэ і вялікія планы на сацыяльна-эканамічнае развіццё левабярэжжа.
Заяўку на ўдзел у рэспубліканскім конкурсе інавацыйных праектаў можна падаць да 30 верасня
Заяўку на ўдзел у рэспубліканскім конкурсе інавацыйных праектаў можна падаць да 30 верасня. Такая інфармацыя размешчана на сайце Дзяржаўнага камітэта па навуцы і тэхналогіях.
«Кіраўск-СДЮШАР» і «Брэст» выйшлі ў паўфінал чэмпіянату Беларусі па пляжным футболе
Першымі паўфіналістамі чэмпіянату Беларусі па пляжным футболе сталі «Кіраўск-СДЮШАР» і «Брэст». Кіраўчане сталі пераможцамі рэгулярнага сезону, набраўшы ў 15 праведзеных гульнях 37 ачкоў пры розніцы мячоў 101:50. У чацвёртым туры, які праходзіў у Мазыры, лідары сезона адолелі «Брэст» з лікам 4:3 і ў авертайме «Шучын» – 6:4, а таксама саступілі ў дадатковы час дзеючаму чэмпіёну краіны «Гроднааблспорту»– 7:8. Другімі фінішавалі брэстаўчане, якія разграмілі кобрынскае «Палессе» з вынікам 14:3 і ўзялі верх над Гродзенскай дружынай–4:2.
Прамую тэлефонную лінію правядзе 4 ліпеня намеснік старшыні Магілёўскага аблвыканкама Валерый Малашка
Прамую тэлефонную лінію правядзе 4 ліпеня намеснік старшыні Магілёўскага аблвыканкама Валерый Анатольевіч Малашка. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Славутасці Крычаўскага раёна абазначаюць QR-кодамі
Праект па абазначэнні славутасцяў Крычаўскага раёна QR-кодамі ўжо стартаваў. У парку Перамогі горада QR-кодамі абазначылі помнік воінам-інтэрнацыяналістам і памятны знак у гонар 100-годдзя ўтварэння пагранічных войскаў. Пра гэта паведаміў дырэктар ДУК «Гістарычны музей Крычава» Уладзімір Мішчанка. Цяпер турысты могуць атрымаць гістарычную даведку, адсканаваўшы код пры дапамозе смартфона. Крычаўскія школы сталі выкарыстоўваць QR-коды для правядзення гістарычных квэстаў. Інтэрактыўныя тэхналогіі робяць больш даступнымі інфармацыю пра гісторыю Крычаўшчыны.
На сайце КДК апублікаваныя планы выбарачных праверак суб’ектаў гаспадарання на другое паўгоддзе 2020 года
На афіцыйным сайце Камітэта дзяржкантролю размешчаны планы выбарачных праверак у абласцях і г.Мінску на другое паўгоддзе 2020 года. Усяго кантралюючымі і нагляднымі органамі на названы перыяд па краіне запланавана 2598 праверак. З іх 338 будуць праведзены ў Магілёўскай вобласці. На Магілёўшчыне праверкамі будзе ахоплена 292 суб’екты. Найбольшая колькасць запланавана Мінпрацы і сацабароны (62, або 18,3%), МНС (61, або 18,0%). Удзельная вага праверак органаў Камітэта дзяржкантролю ў планах другога паўгоддзя складае 2,7%.
У Магілёўскай вобласці выплата пенсій і дапамог аб’ектамі паштовай сувязі будзе праводзіцца ў ліпені датэрмінова
Камітэт працы, занятасці i сацыяльнай абароны Магілёўскага аблвыканкама паведамляе, што ў Магілёўскай вобласці выплата пенсій і дапамог аб’ектамі паштовай сувязі будзе праводзіцца ў ліпені 2020 года датэрмінова: 2 ліпеня – за 5 чысло; у раённых цэнтрах і сельскай мясцовасці 4 ліпеня – за 6 чысло.
Улада не павінна закрываць вочы на праблемы жыхароў – Леанід Заяц
Улада не павінна закрываць вочы на праблемы жыхароў вобласці. Такім меркаваннем падчас прамой тэлефоннай лініі падзяліўся старшыня Магілёўскага аблвыканкама Леанід Заяц.
У кансалідаваны бюджэт Магілёўскай вобласці за студзень–май 2020 года паступіла Br522 млн.
У кансалідаваны бюджэт рэгіёна за студзень–май 2020 года паступіла Br522 млн. Пра гэта паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці. Найбольшыя сумы ў даходах бюджэту склалі паступленні падаходнага падатку – Br202,9 млн. (38,9%), падатку на дабаўленую вартасць – Br106,3 млн. (20,4%), акцызаў – Br32,3 млн. (6,2%), падатку на нерухомасць – Br17,1 млн. (3,3%), падатку пры спрошчанай сістэме падаткаабкладання – Br28,3 млн. (5,4%), зямельнага падатку – Br14,1 млн. (2,7%).
Мерапрыемствы да Дня моладзі пройдуць ва ўсіх гарадах і раёнах Магілёўскай вобласці
Па традыцыі ў апошнюю нядзелю чэрвеня ў Беларусі адзначаецца Дзень моладзі. Ва ўсіх гарадах і раённых цэнтрах Магілёўскай вобласці пройдуць мерапрыемствы з удзелам кіраўніцтва раёнаў і навучальных устаноў, лідараў моладзевых грамадскіх арганізацый, паведамілі ў аблвыканкаме. У арганізацыях і ўстановах рэгіёна запланаваны вечары адпачынку, конкурсна-гульнявыя, танцавальна-забаўныя праграмы, кніжныя выставы, тэматычныя гутаркі, майстар-класы. У рэгіёнах пройдуць раённыя этапы рэспубліканскага конкурсу «Уладар сяла».
У Магілёўскім раёне знялі абмежавальныя меры па купанні
У Магілёўскім раёне знялі абмежавальныя меры па купанні. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя. Па выніках апошніх лабараторных даследаванняў якасць вады на рацэ Днепр у аграгарадку Палыкавічы, а таксама возеры ў вёсцы Вільчыцы стабілізавалася. Узятыя пробы цалкам адпавядаюць гігіенічным нарматывам па мікрабіялагічных паказчыках.
Ідэі «Купалля» і народнага касцюма скразной ніткай будуць праходзіць праз усе мерапрыемствы свята «Александрыя збірае сяброў»
Ідэі «Купалля» і народнага касцюма скразной ніткай будуць праходзіць праз усе мерапрыемствы свята «Александрыя збірае сяброў». На гэта звярнуў увагу падчас тэматычнай прэс-канферэнцыі намеснік старшыні Магілёўскага аблвыканкама Валерый Малашка.
БЧ прызначыла дадатковыя цягнікі для гасцей свята «Купалле» ў Александрыі
Normal 0 false false false RU X-NONE X-NONE Беларуская чыгунка прызначыла дадатковыя цягнікі 11 і 12 ліпеня для дастаўкі гасцей і ўдзельнікаў рэспубліканскага свята «Купалле» («Александрыя збірае сяброў»), паведамілі ў прэс-цэнтры БЧ.