Антысептыкі для апрацоўкі рук з’явіліся на ўсіх чыгуначных вакзалах Магілёўскай вобласці
Дазатары з дэзінфікуючымі сродкамі ўстанавілі на чыгуначных вакзалах у Бабруйску, Крычаве, Асіповічах, Магілёве, а таксама ў 20 залах чакання раённых станцый. Любы пасажыр можа бясплатна скарыстацца антысептыкамі для апрацоўкі рук, паведамілі ў Магілёўскім аддзяленні БЧ.
Дзяржаўтаінспекцыя Магілёўскай вобласці ўзмацніла кантроль за бяспекай дарожнага руху тэхнікі АПК
Пасяўная набірае абароты. Інтэнсіўнасць руху сельскагаспадарчай тэхнікі па дарогах агульнага карыстання прыкметна ўзрасла. У сувязі з чым Дзяржаўтаінспекцыя рэгіёна ўзмацніла кантроль за бяспекай дарожнага руху тэхнікі АПК.
У пунктах правядзення рэпетыцыйнага тэставання Магілёўскай вобласці ўзмоцняць меры прафілактыкі ВРІ і каранавіруса
У пунктах правядзення рэпетыцыйнага тэставання Магілёўскай вобласці ўзмоцняць меры прафілактыкі ВРІ і каранавіруса. Пра гэта паведамілі ў абласным цэнтры гігіены, эпідэміялогіі і грамадскага здароўя.
Лясгасы Магілёўскай вобласці плануюць нарыхтаваць каля 1,5 тыс. т бярозавага соку
Лясгасы Магілёўскага дзяржаўнага вытворчага лесагаспадарчага аб’яднання прыступілі да нарыхтоўкі бярозавага соку. За сезон плануецца сабраць каля 1,5 тыс. т, у тым ліку каля 300 т рэалізаваць насельніцтву. Кошт бярозавага соку ў лясніцтвах непасрэдна ў лясным фондзе складзе ад 11 да 20 кап. за 1 літр, у двары лясгаса або лясніцтва ад –18 да 30 кап, у 5 літровых бутлях –2 рублі 20 капеек.
Каронавірус у Беларусі пацверджаны ў 27 пацыентаў
Каранавірус у Беларусі пацверджаны ў 27 пацыентаў, як паведаміла журналістам начальнік галоўнага ўпраўлення арганізацыі медыцынскай дапамогі, экспертызы, зваротаў грамадзян і юрыдычных асоб Міністэрства аховы здароўя Алена Богдан. «РНК каранавіруса вылучана сумарна ў 27 пацыентаў. Тры пацыенты ўжо паправіліся. Гэта першы пацыент і асобы, якія з’яўляюцца кантактамі першага ўзроўню», – сказала Алена Богдан. Ва ўстановах аховы здароўя знаходзяцца 24 чалавекі, у аднаго захворванне носіць сярэднецяжкі характар, у астатніх–лёгкае або бессімптомнае цячэнне.
75-годдзю Перамогі ў Вялікай Айчыннай вайне «“Беларусь 4” Магілёў» прысвячае тэлевізійны праект «Шляхі Перамогі»
75-годдзю Перамогі ў Вялікай Айчыннай вайне «“Беларусь 4” Магілёў» прысвячае тэлевізійны праект «Шляхі Перамогі». Здымачная група плануе аб’ехаць усе рэгіёны вобласці, каб расказаць аб малавядомых старонках гераічнага подзвігу савецкага народа ў ваенныя гады. Размова пойдзе не толькі аб буйных франтавых бітвах, але і дзейнасці партызанскіх атрадаў, падполля і г. д.
У Магілёўскім абласным кадэцкім вучылішчы плануюць стварыць секцыю пажарна-выратавальнага спорту
У абласным кадэцкім вучылішчы плануюць стварыць секцыю пажарна-выратавальнага спорту. Ініцыятарамі выступілі магілёўскія выратавальнікі. Кіраўніцтва вучылішча ідэю падтрымала, паведамілі ў абласным упраўленні МНС. «Пажарна-выратавальны спорт аб’ядноўвае комплексы разнастайных прыёмаў, якія выкарыстоўваюцца ў практыцы тушэння пажараў і ліквідацыі надзвычайных сітуацый, – растлумачыў дырэктар вучылішча Юрый Грышанаў. – Некаторыя з нашых навучэнцаў у далейшым стануць ратавальнікамі, і гэтыя навыкі ім абавязкова спатрэбяцца».
Першы ўзор МАЗа на газавым паліве быў сабраны на «Магілёўтрансмашы»
Мінскі аўтазавод выпусціў першы серыйны газавы смеццявоз. Навінка была паказана на прэзентацыі ў Магілёве, паведамілі ў прэс-цэнтры ААТ «МАЗ».
У Магілёўскай вобласці за суткі адбылося 3 пажары, адзін з іх скончыўся гібеллю
У Магілёўскай вобласці за суткі адбылося 3 пажары, адзін з іх скончыўся гібеллю. Пра гэта паведаміла старшы інспектар Цэнтра бяспекі Вольга Нехарошых. 12 сакавіка каля 7 гадзін раніцы жыхары в. Курбакі Краснапольскага раёна ўбачылі дымлівы дах дома і выклікалі ратавальнікаў. Ведаючы, што ў«капкане» можа знаходзіцца 71-гадовы пенсіянер, паспрабавалі ўвайсці ў дом, аднак ён увесь быў напоўнены з’едлівым дымам. Дапамагчы пенсіянеру ўжо было немагчыма. Загінулы пражываў адзін. Паводле слоў суседзяў, не паліў. Прычына пажару ўстанаўліваецца.
Кастынгі беларускага шоу X-Factor пройдуць у Магілёве і Бабруйску
Белетэлерадыёкампанія вядзе актыўную падрыхтоўку маштабнага тэлевізійнага праекта X-Factor, які ўпершыню будзе рэалізаваны ў нашай краіне і выйдзе ў эфіры тэлеканала «Беларусь 1» восенню гэтага года. Кастынгі музычнага шоу талентаў пройдуць і ў Магілёўскай вобласці: 21–22 сакавіка – у Магілёве (Палац культуры вобласці), 26 красавіка – у Бабруйску (абласны тэатр драмы і камедыі імя В. І. Дуніна-Марцінкевіча). Пачатак рэгістрацыі–у 10.00. Фінальныя праслухоўванні плануецца правесці ў Мінску ў маі.
На дадзены момант выпадкаў каранавіруса ў Магілёўскай вобласці не выяўлена
На бягучы момант выпадкаў каранавіруса на тэрыторыі Магілёўскай вобласці не выяўлена, якпаведамілі ў Магілёўскім абласным цэнтры гігіены, эпідэміялогіі і грамадскага здароўя. Пад наглядам знаходзіцца 101 чалавек, у стацыянарах–6. Усяго з эпідэмічна небяспечных краін прыбыло ў Магілёўскую вобласць 214 чалавек.
У Беларусі да 6 красавіка абмяжуюць масавыя мерапрыемствы з міжнародным удзелам
У Беларусі да 6 красавіка абмяжуюць масавыя мерапрыемствы з міжнародным удзелам з прычыны сітуацыі з каранавірусам у свеце. Пра гэта паведамляе прэс-служба Міністэрства аховы здароўя. Міністэрства аховы здароўя лічыць, што асноўная задача на сённяшні момант–знізіць рызыку завозу віруса з іншых краін. «Таму сёння на спецыяльнай нарадзе ў Савеце Міністраў прынята рашэнне да 6 красавіка абмежаваць усе культурна-масавыя, спартыўныя і навуковыя мерапрыемствы з міжнародным удзелам», – праінфармавалі ў прэс-службе ведамства.
Прыём грамадзян правядзе 20 сакавіка ў Дрыбіне начальнік галоўнага кантрольна-аналітычнага ўпраўлення Магілёўскага аблвыканкама Алег Дземянкавец
Прыём грамадзян правядзе 20 сакавіка з 12.00 да 14.00 у Дрыбінскім раённым выканаўчым камітэце (г.п. Дрыбін, вул. Леніна, 35) начальнік галоўнага кантрольна-аналітычнага ўпраўлення Магілёўскага аблвыканкама Алег Мікалаевіч Дземянкавец. Папярэдні запіс на прыём па тэлефонах: (802248) 24 8 16, (802248) 25 3 24.
Жыхароў Магілёўскай вобласці запрашаюць прыняць удзел у акцыі «Тыдзень лесу–2020»
Жыхароў Магілёўскай вобласці запрашаюць прыняць удзел у акцыі «Тыдзень лесу – 2020». Традыцыйнае мерапрыемства адбудзецца 28 сакавіка–4 красавіка, паведамілі ў Магілёўскім дзяржаўным вытворчым лесагаспадарчым аб’яднанні.
У Магілёве на выставе «Партызаны Беларусі» прадставяць фотаматэрыялы ўнікальнага інтэрнэт-праекта Выдавецкага дома «Беларусь сёння»
У Палацы культуры вобласці 14 сакавіка адкрыецца інтэрактыўная выстава «Партызаны Беларусі». Экспазіцыя заснавана на дакументах і матэрыялах сумеснага інтэрнэт-праекта Выдавецкага дома «Беларусь сёння», Нацыянальнага архіва Беларусі «Партызаны Беларусі» (partizany.by), дзяржаўнага архіва кінафотафонадакументаў (БДАКФФД).
«Белпошта» часова прыпыніла прыём усіх відаў міжнародных паштовых адпраўленняў у Кітай
РУП «Белпошта» часова прыпыніла прыём усіх відаў міжнародных паштовых адпраўленняў у Кітайскую Народную Рэспубліку. Пра гэта паведамляецца на афіцыйным сайце прадпрыемства. Такое рашэнне было прынята ў сувязі з адменай рэйсаў авіякампаній-партнёраў, якія ажыццяўляюць перавозку міжнародных паштовых адпраўленняў з Беларусі ў КНР.
УУС Магілёўскага аблвыканкама праводзяцца мерапрыемствы па прафілактыцы і выяўленні правапарушэнняў у сферы АПК падчас пасяўной
УУС Магілёўскага аблвыканкама праводзяцца мерапрыемствы па прафілактыцы і выяўленні правапарушэнняў і злачынстваў у сферы аграпрамысловага комплексу ў перыяд падрыхтоўкі і правядзення вяснова-палявых работ. Маніторынг накіраваны на забеспячэнне якаснага правядзення пасяўной кампаніі, прадухіленне злачынных замахаў на маёмасць сельскагаспадарчых арганізацый і папярэджанне крадзяжоў.
У Магілёўскай вобласці на ўліку з паталогіяй слыху знаходзіцца больш за 52 тыс. чалавек
У Магілёўскай вобласці на пачатак 2020 года на ўліку з паталогіяй слыху знаходзіліся 52 тыс. 575 чалавек. З іх 82% – пацыенты з нейрасенсарнай глухавухасцю, 4% – хранічным гнойным сярэднім атытам, 14% – іншымі захворваннямі парушэння слыху. Пра гэта расказала загадчык сурдалагічнага кабінета Магілёўскай цэнтральнай паліклінікі Аксана Цой. Паводле слоў суразмоўніцы, за мінулы год аўдыялагічны скрынінг прайшло 9 655 нованароджаных, лячэнне ва ўрача-сурдолага –7 277 дарослых і 475 дзяцей, слыхапратэзаванне – 2 273 пацыентаў.
На асобных участках Клімавіцкага раёна з 19 сакавіка адмяняецца кантрольна-прапускны рэжым
На асобных участках Клімавіцкага раёна з 19 сакавіка адмяняецца кантрольна-прапускны рэжым. Такое рашэнне было прынята на калегіі Дэпартамента па ліквідацыі наступстваў катастрофы на Чарнобыльскай АЭС Міністэрства па надзвычайных сітуацыях Беларусі. У прыватнасці, з-пад кантролю адміністрацыі зон адчужэння і адсялення выводзяцца наступныя ўчасткі тэрыторый і аб’екты: – кварталы лесу агульнай плошчай 411,2 гектараў–кварталы №№ 70, 71, 73 Савініцкага лясніцтва і квартал № 100 Клімавіцкага лясніцтва ДЛГУ «Клімавіцкі лясгас»;
«М.@rt.кантакт» адмяняецца, але спектаклі беларускіх калектываў адбудуцца
Нягледзячы на адмену «М.@rt.кантакт», паказы спектакляў беларускіх калектываў адбудуцца. Усе яны пройдуць на сцэне Магілёўскага абласнога драматычнага тэатра, як паведамілі ва ўстанове культуры. 22 сакавіка ў 16.00 – «Убачыць ружовага слана» (незалежная тэатральная кампанія HomoCosmos (г. Мінск). Квіткі, набытыя раней, сапраўдныя. Даведкі аб дадатковых квітках і іх кошце– у касе тэатра. 23 сакавіка ў 19.00 – «Тарцюф» (Магілёўскі абласны драматычны тэатр). Квіткі ў продажы! Кошт: 10, 9, 8, 7 р.
Старшыня Магілёўскага аблвыканкама Леанід Заяц 19 сакавіка правядзе прыём грамадзян у Слаўгарадзе
У Слаўгарадскім раённым выканаўчым камітэце 19 сакавіка з 09.00 выязны прыём грамадзян, іх прадстаўнікоў, прадстаўнікоў юрыдычных асоб будзе праводзіць старшыня Магілёўскага аблвыканкама Леанід Канстанцінавіч Заяц.
Зборная каманда Магілёва атрымала перамогу ў абласных спартыўных сустрэчах «Праз спорт і зносіны – да здароўя кожнага»
Каманда Магілёва атрымала перамогу ў абласных спартыўных сустрэчах «Праз спорт і зносіны – да здароўя кожнага». Спаборніцтва адбылося сёння ў СШ № 45 горада на Дняпры.
У Магілёве працягваецца акцыя «У славу агульнай Перамогі!»
Да міжнароднай акцыі памяці «У славу агульнай Перамогі» ў чарговы раз далучыўся Магілёў. Сёння акцыя прайшла каля помніка невядомаму салдату на вуліцы Мельнікава. Тут сабраліся прадстаўнікі вертыкалі Кастрычніцкага раёна горада, працоўных калектываў і грамадскіх аб’яднанняў, ветэраны і маладое пакаленне, школьнікі і проста неабыякавыя людзі.
Чатыры лясгасы Магілёўскай вобласці прыступілі да збору бярозавага соку
Чатыры лясгасы Магілёўскай вобласці прыступілі да нарыхтоўкі бярозавага соку. Працы пачалі амаль на тры тыдні раней, чым звычайна, як расазаў намеснік гендырэктара па ідэалагічнай працы Магілёўскага дзяржаўнага вытворчага лесагаспадарчага аб’яднання Сяргей Шах. «Цяпер нарыхтоўку соку пачалі ў Глуску, Бабруйску, Асіповічах і Бялынічах. На гэтым тыдні да працы плануюць падключыцца яшчэ два лясгасы ў Быхаве і Магілёве. Звычайна збор соку пачынаецца ў канцы сакавіка–пачатку красавіка, аднак зіма ў гэтым годзе ссунула звыклыя графікі», – падзяліўся Сяргей Шахрай.
Абласны мастацкі музей імя П. В. Масленікава запрашае магілёўцаў паўдзельнічаць у стварэнні прысвечанай СССР экспазіцыі
Магілёўскі абласны мастацкі музей імя П. В. Масленікава пачаў працу па стварэнні новай экспазіцыі ў межах праекта «Настальгія». Жыхароў горада на Дняпры запрашаюць паўдзельнічаць у яе фарміраванні.
Студэнткі Беларуска-Расійскага ўніверсітэта перамаглі ў конкурсе «Стратэгія развіцця Расіі»
Студэнткі спецыяльнасці «Транспартная лагістыка» Аліна Нікалаенка і Кацярына Наркевіч пад кіраўніцтвам дацэнта кафедры «Лагістыка і арганізацыя вытворчасці» Ларысы Наркевіч сталі прызёрамі I Усерасійскага конкурсу стратэгічнага і праектнага кіравання «Стратэгія развіцця Расіі» і XIX Усерасійскай алімпіяды развіцця народнай гаспадаркі Расіі. Пра гэта паведамілі ў адміністрацыі БРУ. Паводле слоў суразмоўцаў, серыя алімпіяд і конкурсаў была арганізавана Маладзёжным саюзам эканамістаў і фінансістаў Расіі і праходзіла ў 2019 годзе.
Выстава старажытных прасаў адкрыецца ў Шклоўскім раённым гісторыка-краязнаўчым музеі
Выстава «Музей праса» адкрыецца сёння ў Шклоўскім раённым гісторыка-краязнаўчым музеі. Тут будзе прадстаўлена больш за 170 эксклюзіўных прасаў з Еўропы, Азіі, Амерыкі ад часоў сярэднявечча і да нашых дзён. Выстава арганізавана пры падтрымцы УП «Мінгардаведка» і з’яўляецца мерапрыемствам месячніка «Карта госця»– турыстычнага сэрвісу, які дазваляе ўсім аматарам падарожжаў і тым, каму цікавая гісторыя Беларусі, аптымальна спланаваць маршруты для азнаямлення са славутасцямі нашай краіны і з максімальнай выгадай для свайго бюджэту.
Зрабіць пашпарт за тыдзень зараз можна ва ўсіх раёнах Магілёўскай вобласці
Зрабіць пашпарт за 7 дзён зараз можна ва ўсіх раёнах Магілёўскай вобласці. Пра гэта паведаміў намеснік начальніка ўпраўлення па грамадзянстве і міграцыі УУС Магілёўскага аблвыканкама Віталь Астанковіч. Паводле слоў суразмоўцы, з 1 сакавіка жыхарам Прыдняпроўскага краю прадастаўляецца дадатковая паслуга па тэрміновай дастаўцы дакументаў у Бюро пашпартызацыі насельніцтва УУС і вяртанні іх у падраздзяленні па грамадзянстве і міграцыі органаў унутраных спраў вобласці (прэйскурант № 5, зацверджаны 28.02.2020).
Тэатральны фестываль «М.@rt.кантакт» адмянілі
Міжнародны моладзевы тэатральны фестываль «М.@rt.кантакт» у Магілёве адмянілі. Пра гэта падчас прэс-канферэнцыі, прысвечанай эпідэміялагічнай сітуацыі ў краіне, заявіў начальнік упраўлення культуры Магілёўскага аблвыканкама Алег Сцельмашок.
Міжнародная навукова-практычная канферэнцыя «Жыццё і творчая спадчына А. С. Дамбавецкага» адбудзецца ў Магілёве
Міжнародная навукова-практычная канферэнцыя «Жыццё і творчая спадчына А. С. Дамбавецкага» адбудзецца 13 сакавіка ў Магілёўскім абласным краязнаўчым музеі. Мерапрыемства прымеркавана да 180-годдзя з дня нараджэння яркай гістарычнай асобы, як паведамілі ва ўстанове культуры. У форуме прыме ўдзел больш за 50 навукоўцаў, у іх ліку 17 дактароў і 21 кандыдат навук з Беларусі, Расіі і Украіны, якія прадстаўляюць вядучыя навуковыя ўстановы.