Матдапамогу ў памеры Br6 тыс. пералічыў прафсаюз аховы здароўя медустановам Магілёўскай вобласці
Рэспубліканскі камітэт Беларускага прафсаюза работнікаў аховы здароўя пералічыў медыцынскім установам Магілёўскай вобласці Br6 тыс. Пра гэта расказаў старшыня абласной арганізацыі галіновага прафсаюза Віктар Суслаў. «Гэта мэтавыя грошы, якія пайшлі на набыццё сродкаў дэзынфекцыі для рэгулярнай апрацоўкі рабочых месцаў і памяшканняў агульнага карыстання, а таксама на закупку сродкаў індывідуальнай абароны – аднаразовых пальчатак, масак, бахіл, медыцынскіх халатаў, – адзначыў суразмоўца. – Гэта пасільная дапамога нашым людзям і, упэўнены, у эпідэміялагічнай сітуацыі яна не лішняя».
У Магілёўскай вобласці зарэгістравана 16 пацверджаных выпадкаў каранавіруснай інфекцыі
Паводле даных на раніцу 6 красавіка, у Магілёўскай вобласці зарэгістравана 16 пацверджаных выпадкаў каранавіруснай інфекцыі. Пра гэта паведаміў начальнік галоўнага ўпраўлення па ахове здароўя Магілёўскага аблвыканкама Аляксандр Старавойтаў.
Прамую тэлефонную лінію правядзе 11 красавіка намеснік старшыні аблвыканкама Валерый Малашка
Прамую тэлефонную лінію правядзе 11 красавіка намеснік старшыні аблвыканкама Валерый Анатольевіч Малашка. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Кіраўскім раёне рэканструіруюць мемарыяльны комплекс памяці спаленых падчас вайны вёсак
У вёсцы Боркі Кіраўскага раёна рэканструіруюць мемарыяльны комплекс памяці спаленых падчас Вялікай Айчыннай вайны вёсак Магілёўскай вобласці. Пра гэта расказала галоўны спецыяліст аддзела ідэалагічнай работы, культуры і па справах моладзі Кіраўскага райвыканкама Вікторыя Бяляўская.
Ігар Марзалюк: чуткі пра COVID-19 распаўсюджваюцца, як вірус, і патрабуюць жорсткай рэакцыі
Чуткі пра COVID-19 распаўсюджваюцца, як вірус, і патрабуюць жорсткай рэакцыі. Такое меркаванне выказаў старшыня Пастаяннай камісіі па адукацыі, навуцы і культуры Палаты прадстаўнікоў Ігар Марзалюк.
З пачатку пажаранебяспечнага перыяду гэтага года ў Магілёўскай вобласці адбылося 257 загаранняў сухой расліннасці
З пачатку пажаранебяспечнага перыяду гэтага года ў Магілёўскай вобласці адбылося 257 загаранняў сухой расліннасці, плошча перавысіла 133 га, 8 пажараў лесу на плошчы больш за 12 га. Загінула 2 чалавекі, 3 пацярпела. Знішчаны дачны будынак і гаспадарчая пабудова, пашкоджана 2 жылыя дамы, 5 гаспадарчых пабудоў. Пра гэта паведаміла старшы інспектар абласнога ўпраўлення МНС Вольга Нехарошых.
Магілёўскі абласны мастацкі музей імя П. В. Масленікава запрашае на выставу эксперыментальных навук
Музей эксперыментальных навук «ЭКСПИРИмЕНтУС» працуе з 4 красавіка 2020 года ў Магілёўскім абласным мастацкім музеі імя П. В. Масленікава. Пра гэта паведамілі ва ўстанове культуры.
Расія перадасць Беларусі 10 тыс. тэстаў на каранавірус
Дыягнастычны матэрыял для правядзення 10 тыс. даследаванняў на каранавірус COVID-19 бясплатна будзе перададзены беларускаму боку. Пра гэта паведаміў журналістам пасол Расіі ў Беларусі Дзмітрый Мезенцаў. Тэставыя сістэмы даставяць аўтамабілем-рэфрыжэратарам, у якім будзе падтрымлівацца спецыяльны тэмпературны рэжым мінус 20 градусаў.
У Глускай школе № 2 вядзецца капітальны рамонт
У Глускай сярэдняй школе № 2 па праекце «Мадэрнізацыя сістэмы адукацыі Рэспублікі Беларусь» пачаўся капітальны рамонт. На абнаўленне школы Міжнародным банкам рэканструкцыі і развіцця выдзелена больш за Br1 млн 545 тыс. Да рамонту будаўнікі падраднай арганізацыі ААТ «Пінсксаўгасбуд – ПМК № 14» прыступілі дзявятага сакавіка.
У Магілёве пры рамонце калектара знайшлі нешта падобнае на падземны ход
У Магілёве па вуліцы Сіманава падчас рамонтных работ па замене камунікацый рабочыя выявілі цагляны мур.
Адзін з найстарэйшых у краіне наладчыкаў музычных інструментаў жыве ў Глуску
Міжнародны дзень наладчыкаў фартэпіяна адзначаюць 4 красавіка. Талковыя майстры, здольныя «вылечыць» музычны інструмент, сёння нават у вялікіх гарадах на вагу золата. Так што калі б існавала Чырвоная кніга выміраючых прафесій, гэтыя спецыялісты патрапілі б у яе абавязкова. Глуску з насельніцтвам каля 7 тысяч чалавек пашанцавала: там жыве прафесіянал, здольны паставіць голас і фартэпіяна, і раялю, і піяніна. Калі трэба, Леанід Макарэвіч – адзін з найстарэйшых у краіне наладчыкаў клавішна-струнных інструментаў – і цымбалы можа «падлячыць».
Ураджэнка Магілёўшчыны Ірына Курачкіна паднялася на трэцяе месца ў рэйтынгу Міжнароднай федэрацыі барацьбы
Беларуская спартсменка Ірына Курачкіна займае трэцюю пазіцыю ў вагавой катэгорыі 57 кг у рэйтынгу Міжнароднай федэрацыі барацьбы (UWW). Як паведаміў галоўны трэнер зборнай Беларусі па жаночай барацьбе Алег Райхлін, раней Ірына Курачкіна займала чацвёртую пазіцыю. Зараз жа беларуска палепшыла свой вынік, падняўшыся на адну пазіцыю (41 пункт). Спартсменка на сусветным форуме-2019 у Нур-Султане стала трэцяй і заваявала няйменную ліцэнзію на Алімпійскія Гульні ў Токіа. На чэмпіянаце Еўропы-2020 у Рыме Ірына Курачкіна паднялася на трэцюю прыступку п’едэстала гонару.
Міністэрства аховы здароўя перагледзела падыходы да назірання за кантактамі інфікаваных COVID-19
Міністэрства аховы здароўя перагледзела падыходы да назірання за пацыентамі, якія з’яўляюцца кантактамі інфікаваных COVID-19, паведаміла намеснік міністра аховы здароўя Алена Богдан.
У Беларусі зарэгістраваны 351 выпадак каранавіруснай інфекцыі
У Беларусі зарэгістраваны 351 выпадак каранавіруснай інфекцыі, паведаміла сёння журналістам намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна Карабан. Адзін выпадак ёсць у Брэсцкай вобласці, два - у Магілёўскай. У Віцебскай вобласці зарэгістравана 89 выпадкаў, у Гомельскай - 13, у Гродзенскай - шэсць. У Мінску выяўлена 190 выпадкаў каранавіруснай інфекцыі, у Мінскай вобласці - 50, праінфармавала Іна Карабан.
Міністэрства аховы здароўя ўстанавіла правілы паводзін у самаізаляцыі людзей, якія прыбылі з-за мяжы
Міністэрства аховы здароўя ўстанавіла правілы паводзінаў у самаізаляцыі людзей, якія прыбылі з краін, у якіх рэгіструюцца выпадкі інфекцыі COVID-19. Гэта прадугледжана пастановай Міністэрства № 24 ад 31 сакавіка 2020 года, паведамляецца на Нацыянальным прававым інтэрнэт-партале.
Газету з подпісам Прэзідэнта перадалі вучню Быхаўскай гімназіі
Газету з подпісам Прэзідэнта ўручыў сёння старшыня Магілёўскага абласнога выканаўчага камітэта Леанід Заяц вучню гімназіі горада Быхава Дзмітрыю Іванову.
Аляксандр Лукашэнка: школьныя канікулы, хутчэй за ўсё, прадоўжым на тыдзень
У Беларусі хутчэй за ўсё будзе прынята рашэнне аб прадаўжэнні вясенніх школьных канікулаў. Аб гэтым Прэзідэнт Беларусі Аляксандр Лукашэнка заявіў сёння ў Смалявіцкім раёне, адказваючы на пытанні журналістаў.
Дзень адчыненых дзвярэй у фармаце анлайн правядзе МДУ імя А. А. Куляшова 11 красавіка
Дзень адчыненых дзвярэй у фармаце анлайн правядзе МДУ імя А. А. Куляшова 11 красавіка. Трансляцыя будзе весціся ў сацыяльнай сетцы УКантакце (афіцыйная група ўніверсітэта) з 11.00 да 12.30. Абітурыенты і іх бацькі змогуць задаць пытанні, якія тычацца асаблівасцей уступнай кампаніі ў 2020 годзе, кіраўніцтву універсітэта, дэканам усіх факультэтаў, адказнаму сакратару прыёмнай камісіі.
СААЗ перадала ў Беларусь наборы для правядзення 6 тыс. тэстаў на каранавірус
Сусветная арганізацыя аховы здароўя перадала ў Беларусь наборы нямецкай вытворчасці для правядзення 6 тыс. тэстаў на каранавірус COVID-19, паведамілі ў прадстаўніцтве ААН у Беларусі. «Усе тэсты ўжо знаходзяцца ў лабараторыі РНПЦ эпідэміялогіі і мікрабіялогіі», - гаворыцца ў паведамленні. СААЗ ужо накіравала больш за 1,5 млн набораў для тэстаў у 120 краін. Як раней паведамлялі ў Міністэрстве аховы здароўя Беларусі, у краіне ёсць як айчынныя, так і імпартныя тэст-сістэмы. Працуюць дзевяць лабараторый, яшчэ тры будуць запушчаны пры неабходнасці.
Прамысловыя прадпрыемствы Магілёва скарацілі працоўны дзень за кошт часткі абедзеннага перапынку
Прамысловыя прадпрыемствы Магілёва скарацілі працоўны дзень за кошт часткі абедзеннага перапынку. Такія дадатковыя меры былі прынятыя, каб людзі маглі дабрацца дадому ў грамадскім транспарце, абыходзячы «гадзіну пік». У арганізацыях па магчымасці адмаўляюцца ад камандзіровак, а дзелавыя перагаворы праходзяць у фармаце анлайн. На вытворчасцях працуюць медыцынскія фільтры. Галоўная задача такіх рэкамендацый – мінімізаваць рызыку заражэння каранавіруснай інфекцыяй.
Рэканструкцыя моста на вуліцы Першамайскай Магілёва падыходзіць да фінішу
На пуцеправодзе ў Магілёве аднавілі работы, якія пачаліся восенню мінулага года. Іх прыпынілі з канца снежня 2019 года да 17 сакавіка 2020 года. Зараз абліцоўваюць гранітам тумбы па абодва бакі моста, а хутка пачнецца ўстаноўка чыгунных агародж. Іх ужо вырабіў Гомельскі ліцейны завод «Цэнтраліт», паведамілі ў МДКУП «Упраўленне камунальных прадпрыемстваў». Работы пачаліся восенню мінулага года. Рэканструкцыя набліжаецца да завяршэння. Дарожнікам трэба будзе пакласці верхні пласт асфальтабетоннага пакрыцця. Для выканання гэтых работ неабходна спрыяльнае надвор’е.
У Магілёве падвялі вынікі конкурсу буктрэйлераў па творах пра вайну
Вынікі конкурсу буктрэйлераў «І памяць кніга ажывіць» падвялі ў Магілёве, як паведамілі ў сацыяльна-культурным грамадскім аб’яднанні «Спадчына». «Творчае спаборніцтва праходзіла сярод навучэнцаў устаноў сярэдняй адукацыі і было прымеркавана да святкавання 75-годдзя Перамогі ў Вялікай Айчыннай вайне, а таксама 20-годдзя падпісання дагавора аб стварэнні Саюзнай дзяржавы Беларусі і Расіі, – расказалі суразмоўцы. – Такія конкурсы прыцягваюць увагу школьнікаў да сучаснай і класічнай літаратуры, папулярызуюць гуманістычныя ідэі і спрыяюць патрыятычнаму выхаванню моладзі».
У стацыянарах Беларусі знаходзяцца 254 пацыенты з каранавірусам
У стацыянарах Беларусі знаходзяцца 254 чалавекі з пацверджанай каранавіруснай інфекцыяй, як паведамілі ў прэс-службе Міністэрства аховы здароўя. «У Беларусі рэгіструецца паступальнае павелічэнне колькасці хворых COVID-19. Большасць выпадкаў–гэта выяўленыя кантакты 1 і 2 узроўняў», – адзначылі ў прэс-службе.
Раннімі збожжавымі ў Кіраўскім раёне засеяна каля 70% плошчаў
У Кіраўскім раёне раннімі збожжавымі культурамі ўжо засеяна каля 70% плошчаў. Пра гэта паведаміў першы намеснік начальніка ўпраўлення сельскай гаспадаркі і харчавання Кіраўскага райвыканкама Анатоль Ланкуць. «Раннімі яравымі культурамі ўжо засеяна амаль 2,7 тыс. га. Усяго неабходна засеяць каля 4,6 тыс. га па ўсім раёне. У дзень пры адпаведным надвор’і на палях высаджваем 330–340 га збожжавых культур. У найбліжэйшыя дні пры спрыяльных умовах надвор’я мы скончым пасяўную», – адзначыў Анатоль Ланкуць.
У БРУ да Дня яднання народаў Беларусі і Расіі правялі адкрыты дыялог «Мы разам!»
Удзельнікі сустрэчы адзначылі, што 2 красавіка, у першую чаргу, сімвалізуе блізкасць народаў на культурным і гістарычным узроўні, бо ў многіх беларусаў і расіян ёсць сваякі і сябры, якія жывуць у абедзвюх краінах. І гэта з’яўляецца магутным аб’яднаўчым фактарам.
Магілёўскі драмтэатр перайшоў у рэпетыцыйны рэжым працы
Кіраўніцтва Магілёўскага абласнога драматычнага тэатра прыняло рашэнне адмяніць усе спектаклі з 1 па 21 красавіка ўключна, а калектыў перавесці ў рэпетыцыйны рэжым працы, паведаміла кіраўнік літаратурна-драматургічнай часткі тэатра Вольга Семчанка. Паводле слоў суразмоўніцы, такое рашэнне было прынята ў сувязі з эпідэміялагічнай сітуацыяй і звязаным з ёй рэзкім зніжэннем наведвальнасці спектакляў.
Сезон фантанаў у Магілёве плануюць адкрыць 1 мая
Сезон фантанаў у Магілёве традыцыйна плануюць адкрыць 1 мая. Пра гэта расказаў галоўны інжынер філіяла «Магілёўскі водаканал» УПКП ВКХ «Магілёўаблводаканал» Андрэй Кротаў. «Адкрыць традыцыйны сезон фантанаў плануем 1 мая, калі іншая дата не будзе ўстаноўлена гарадскім выканаўчым камітэтам. Зараз ідуць прафілактычныя працы: рыхтуем помпавае абсталяванне, станцыі. Прыводзім у парадак знешні выгляд, калі ёсць такая неабходнасць», – адзначыў Андрэй Кротаў.
Кіраўнік Магілёўскай вобласці правёў серыю сустрэч з працоўнымі калектывамі
Старшыня Магілёўскага аблвыканкама Леанід Заяц наведаў працоўныя калектывы найбуйнейшых прадпрыемстваў рэгіёна. «Магілёўхімвалакно»– самае вялікае прадпрыемства ў Магілёўскай вобласці па колькасці рабочых – больш за 5 тысяч чалавек. Паводле слоў генеральнага дырэктара Пятра Рудніка, ва ўсіх цэхах прыняты шэраг прафілактычных мер супраць распаўсюджвання віруса. Прадпрыемства працуе ў спакойным рэжыме. Працоўны маральна-псіхалагічны клімат у калектыве Магілёўскага вагонабудаўнічага завода. І на гэтым прадпрыемстве ішла размова аб эканоміцы і эпідэмічнай сітуацыі.
У Магілёве падвялі вынікі круглагадовай спартакіяды сярод прадпрыемстваў, арганізацый і ўстаноў за 2019 год
Штогод у Магілёве на працягу каляндарнага года праводзяцца спартакіяды сярод калектываў фізічнай культуры прадпрыемстваў, арганізацый і ўстаноў, арганізатарам якой з’яўляецца аддзел спорту і турызму Магілёўскага гарвыканкама. Па выніках спартакіяды за 2019 год у II групе каманда інспекцыі Міністэрства па падатках і зборах па Магілёўскай вобласці заняла ганаровае першае месца з вынікам 26 ачкоў. Другая пазіцыя ў каманды ААТ «Металургічны завод» (27 балаў). Трэцяя–у зборнай УАЗ «Магілёўскі абласны цэнтр гігіены, эпідэміялогіі і грамадскага здароўя» (32 балы).
Народны касцюм Магілёўшчыны рэканструіруюць майстры вобласці
Сёлета тэма беларускага народнага касцюма стане адной з галоўных адметных асаблівасцей свята «Купалле» («Александрыя збірае сяброў»). Праца ў гэтым кірунку ўжо пачалася. У межах «Александрыйскага кірмашу» кожная вобласць і горад Мінск прадставяць інтэрактыўную прэзентацыйную тэматычную экспазіцыю (беларускія падворкі, у аснове мастацкага афармлення якіх–прэзентацыя традыцыйнага рэгіянальнага адзення).