Сёння ў Магілёўскім райвыканкаме адбылася дыялогавая пляцоўка «Партнёрства дзяржавы і сям'і ў інтарэсах пакаленняў». На мерапрыемства былі запрошаны 85 сем'яў з раёна: маладыя, шматдзетныя і сем'і, якія прабылі ў шлюбе працяглы час.
У Чавускім раёне непадалёку ад вёскі Дрануха будуюць мемарыяльны комплекс. Уздоўж трасы Чавусы-Магілёў ля рэчкі Проня ён будзе нагадваць пра 9 крывавых месяцаў фронту пры вызваленні Беларусі ад нямецка-фашысцкіх захопнікаў.
Святкаванне 105-й гадавіны ўтварэння УЛКСМ адбудзецца 27 кастрычніка ў Магілёўскай дзяржаўнай гімназіі-каледжы мастацтваў імя Яўгена Глебава. Пра гэта паведамілі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».
Камітэт дзяржаўнага кантролю Магілёўскай вобласці правёў тэлефонную гарачую лінію з насельніцтвам рэгіёну па пытанні якасці аўтамабільных дарог, якія знаходзяцца па-за населенымі пунктамі Прыдняпроўскага краю. Пра гэта расказаў першы намеснік старшыні КДК Дзмітрый Захараў.
У Магілёве на электронным кірмашы вакансій суіскальнікам прапануюць больш за 500 працоўных месцаў. Мерапрыемства пройдзе 25 кастрычніка з 10.00 да 12.00, паведамілі ва ўпраўленні па працы, занятасці і сацыяльнай абароне гарвыканкама.