Рус Бел Eng 中文

Сфера сацыяльнай працы

У сістэме сацыяльнай абароны Магілёўскай вобласці працуе каля 5 тысяч спецыялістаў, чыя праца штодзённа спрыяе паляпшэнню якасці жыцця сацыяльна неабароненых катэгорый насельніцтва – ветэранаў вайны і працы, інвалідаў, дзяцей-сірот, адзінокіх пенсіянераў і малазабяспечаных людзей.

25 тэрытарыяльнымі цэнтрамі сацыяльнага абслугоўвання насельніцтва на пастаяннай аснове аказваюцца розныя віды сацыяльных паслуг, у тым ліку для асоб пенсійнага ўзросту і інвалідаў. Для павышэння якасці абслугоўвання непрацаздольных грамадзян, у першую чаргу жыхароў вёскі, больш поўнага ахопу іх сацыяльным абслугоўваннем працуе 151 сацыяльны пункт цэнтраў.

Грамадзянам, якія цалкам страцілі здольнасць да самаабслугоўвання, у нашай вобласці цэнтры аказваюць паслугі сядзелкі. Імі ў першым паўгоддзі 2021 года скарысталіся 333 чалавекі. Паслугі ў форме сацыяльнага абслугоўвання дома аказаныя 12926 грамадзянам.

Цэнтрамі вядзецца работа па ўкараненні новых формаў работы сацыяльнага абслугоўвання і жыццеўладкавання непрацаздольных грамадзян. На 01.07.2021 ў вобласці працуе 12 прыёмных, 220 гасцявых, 327 патранатных сем’яў, 9 дамоў (кватэр) сумеснага самастойнага (сезоннага) пражывання, 7 дамоў зімоўкі.

У першым паўгоддзі 2021 года функцыянуе 30 замяшчальных сем’яў, у г. Бабруйску і г. Магілёве прадастаўляюцца паслугі «сацыяльнага таксі», паслугамі скарысталася 28 чалавек (аказана 68 паслуг).

У кожным цэнтры функцыянуюць аддзяленні дзённага знаходжання для інвалідаў, у якія залічана 809 чалавек, арганізавана праца 187 гурткоў (клубаў), 44 рэабілітацыйна-працоўныя майстэрні з рознымі відамі дзейнасці.

Спецыялістамі цэнтраў аказваецца дапамога ў афармленні рамесніцтва. У першым паўгоддзі 2021 года аказана дапамога 7 інвалідам.

Усё больш грамадзяне карыстаюцца паслугамі суправаджальнага пражывання для інвалідаў: 96 грамадзян атрымліваюць паслугі памочніка па суправаджэнні, 69 – паслугі асістэнта, 360 – паслугі перакладчыкаў мовы жэстаў.

У першым паўгоддзі 2021 года 12 інвалідам аказана паслуга суправаджальнага працаўладкавання.

Асаблівая ўвага надаецца стварэнню спрыяльных умоў для самаадукацыі і самаўдасканалення пажылых людзей, актывізацыі іх творчага патэнцыялу і захавання пазітыўнага стаўлення да жыцця, атрымання новых ведаў, уменняў і навыкаў.

На 01.07.2021 у Магілёўскай вобласці функцыянавала 25 аддзяленняў дзённага знаходжання для грамадзян пажылога ўзросту, у якія залічана 1475 чалавек.

140 асобных катэгорый сем’яў скарысталіся паслугамі няні.

У 1 паўгоддзі 2021 года ў межах рэалізацыі дзяржаўнага сацыяльнага заказу заключаны дагаворы на прадастаўленне субсідый у Бабруйскім, Магілёўскім, Шклоўскім раёнах, г. Бабруйску і г. Магілёве.

У Бабруйскім раёне для адзінокіх грамадзян хрысціянскім дабрачынным грамадскім аб’яднаннем «Табея» (далей – ХДГА «Табея») аказваюцца кансультацыйна-інфармацыйныя, сацыяльна-педагагічныя, сацыяльна-бытавыя і сацыяльна-пасрэдніцкія паслугі, у Магілёўскім і Шклоўскім раёнах Магілёўская абласная арганізацыя Беларускага таварыства Чырвонага Крыжа (далей – МГА БТЧК) аказвае грамадзянам паслугі індывідуальнага догляду і сацыяльна-бытавыя паслугі. У горадзе Магілёве працуе сацыяльная сталовая ХДГА «Табея» і цэнтр прыёму-перадачы паведамленняў ад асоб з парушэннем слыху. У горадзе Бабруйску МГА БТЧК грамадзянам, якія маюць дыягназ «сухоты» і ВІЧ-інфікаваным, аказваюцца сацыяльна-бытавыя паслугі.

У вобласці функцыянуе 9 дамоў-інтэрнатаў, у якіх на пастаяннай аснове пражывае больш за 2000 чалавек. У іх ёсць магчымасць прадастаўлення часовага, у тым ліку кароткатэрміновага пражывання. У Вясноўскім дзіцячым доме-інтэрнаце створаны ўмовы для прадастаўлення паслугі па сацыяльнай перадышцы.

Ва ўсіх псіханеўралагічных дамах-інтэрнатах створаны аддзяленні суправаджальнага пражывання, у Вясноўскім дзіцячым доме-інтэрнаце створаны тры аддзяленні на тэрыторыі дома-інтэрната, адно – у г. п. Глуск. Праца аддзяленняў суправаджальнага пражывання накіравана на сацыялізацыю грамадзян, якія пражываюць у дамах-інтэрнатах, і падрыхтоўку іх да самастойнага жыцця.

У ліпені 2021 ў Чавускім псіханеўралагічным доме-інтэрнаце адкрыўся дом самастойнага пражывання. Адкрыццё дома самастойнага пражывання дасць магчымасць вырашыць пытанне жыццеўладкавання асоб, адноўленых у дзеяздольнасці, якія могуць пражываць самастойна.

На 01.08.2021 на ўліку ў органах па працы, занятасці і сацыяльнай абароне знаходзілася 1,3 тыс. беспрацоўных грамадзян. Пры гэтым наймальнікамі вобласці было заяўлена 9,8 тыс. вакансій. На аднаго беспрацоўнага ўмоўна прыходзілася каля 8 вакансій.

Узровень зарэгістраванага беспрацоўя на 01.08.2021 склаў 0,3% да колькасці працоўнай сілы.

У студзені-ліпені 2021 года ва ўпраўленні па працы, занятасці і сацыяльнай абароне гаррайвыканкамаў па садзейнічанне ў працаўладкаванні звярнулася 14,1 тыс. чалавек, з іх 6,4 тыс. чалавек зарэгістраваны беспрацоўнымі. Аказана садзейнічанне ў працаўладкаванні 10,9 тыс. грамадзянам, у тым ліку 4,4 тыс. беспрацоўным. Арганізавана навучанне 439 грамадзян. Для арганізацыі ўласнай справы 144 беспрацоўным выдзелены субсідыі. У аплатных грамадскіх работах прыняло ўдзел 3,4 тыс. незанятых грамадзян.

Рэалізацыя асноўных напрамкаў дзяржаўнай палітыкі ў сацыяльна-працоўнай сферы, уключаючы пытанні аплаты працы, таксама з’яўляецца адной з асноўных задач камітэта. Для вырашэння пастаўленай задачы штодня праводзіцца кансультаванне юрыдычных і фізічных асоб. органамі па працы, занятасці і сацыяльнай абароне гаррайвыканкамаў з работнікамі арганізацый вобласці па пытаннях аплаты працы праводзяцца семінары, арганізуюцца выступленні на радыё і тэлебачанні. На рэгулярнай аснове ажыццяўляецца правядзенне «прамых тэлефонных ліній». Акрамя таго, гэта пытанне асвятляецца ў сродках масавай інфармацыі і на інтэрнэт-сайтах аблвыканкама і гаррайвыканкамаў.

У органах па працы, занятасці і сацыяльнай абароне вобласці атрымліваюць розныя віды пенсій 279,4 тыс. чалавек, што складае 27,5% ад колькасці насельніцтва вобласці.

За 7 месяцаў 2021 года колькасць няшчасных выпадкаў з цяжкім зыходам скарацілася на 2,1 % (47 супраць 48), разам з тым дапушчаны рост колькасці няшчасных выпадкаў са смяротным зыходам на 14,3% (8 супраць 7).

Каэфіцыент частаты па няшчасных выпадках са смяротным зыходам па вобласці вырас з 1,8 у 2020 годзе да 2,1 у 2021 годзе (сярэднерэспубліканскі – 1,8).

 

Статьи:

05.04.2021 - 16:19

«Дзень смеху»