Содержимое

У аграгарадку Радомля Чавускага раёна 17-18 жніўня прайшло этнасвята «У госці да радзімічаў», заснаванае на падзеях і стылістыцы эпохі ранняга Сярэднявечча. Арганізатары падрыхтавалі насычаную двухдзённую праграму з тэатралізаванымі дзеяннямі. Гасцей чакалі этнатанцы, забаўляльныя праграмы, інтэрактыўныя зоны, майстар-класы, паказальныя баі і кухня радзімічаў. Мясцовыя жыхары прапанавалі традыцыйныя рамёствы ў музеі пад адкрытым небам. На выставах-продажах можна было набыць тэматычныя сувеніры.

У Магілёве 16 жніўня адбылося ўручэнне абласных узнагарод па выніках правядзення рэспубліканскага свята «Купалле» («Александрыя збірае сяброў»). Ушанаванне прайшло ў Палацы культуры вобласці. Кіраўнік рэгіёна Леанід Заяц выказаў словы ўдзячнасці прадстаўнікам органаў дзяржаўнага кіравання, арганізацый і прадпрыемстваў, якія прымалі ўдзел у падрыхтоўцы і правядзенні ўнікальнага фестывалю, і ўручыў ім падзякі і ганаровыя граматы Магілёўскага аблвыканкама.