Другі этап рэспубліканскага турніру па настольным тэнісе «Кубак Надзей» на прызы РДГА «Прэзідэнцкі спартыўны клуб» пройдзе ў Магілёве з 30 кастрычніка па 1 лістапада.
У зале гульнявых відаў спорту СК «Алімпіец» збяруцца дзяўчаты і юнакі 2013-2015 гг. р. і маладзейшыя з усіх рэгіёнаў Рэспублікі Беларусь, якія занялі з 1 па 16 месцы на першым этапе рэспубліканскага турніру.
Гэтыя спаборніцтвы - выдатная магчымасць для маладых спартсменаў прадэманстраваць свае навыкі, пазмагацца за прызавыя месцы і атрымаць незабыўныя ўражанні ад турніру. Мерапрыемства накіравана на папулярызацыю настольнага тэніса сярод дзяцей, павышэнне ўзроўню спартыўнага майстэрства і ўмацаванне сяброўскіх сувязей.
Расклад спаборніцтваў:
30 кастрычніка (чацвер)
11:00 - пасяджэнне галоўнай судзейскай калегіі з прадстаўнікамі, лёсаванне першага раунда;
11.45 - адкрыццё спаборніцтваў;
12:00 - дзяўчаты, юнакі папярэдні этап (першы раунд);
31 кастрычніка (пятніца)
10:00 - дзяўчаты, юнакі другі раунд (1-4 туры);
14:00 - дзяўчаты, юнакі другі раунд (5-7 туры).
1 лістапада (субота)
10:00 - дзяўчаты, юнакі фінал (1-4 туры);
12:30 - цырымонія ўзнагароджання пераможцаў і прызёраў турніру.
Рэд.
