У Магілёўскім раёне 36 шматдзетных сем’яў атрымалі ключы ад новых кватэр
У аграгарадку Буйнічы Магілёўскага раёна здадзены ў эксплуатацыю 40-кватэрны дом. Сёння ключы ад новых кватэр атрымалі 36 шматдзетных сем’яў, як адзначыў начальнік аддзела архітэктуры і будаўніцтва Магілёўскага райвыканкама Уладзімір Ігнатаў. Дом размяшчаецца на вуліцы Легендарнай у раёне дзіцячага садка. Яго будаўніцтва заняло каля дзевяці месяцаў. «Такі дом у Магілёўскім раёне першы. Ён пабудаваны па метадзе маналітнага бетоннага будаўніцтва з няздымнай апалубкай. Падобныя дамы ёсць на вуліцы Алтайскай у Магілёве», – адзначыў Уладзімір Ігнатаў.
Школьнікаў Магілёўскай вобласці на канікулах сустрэлі 252 аздараўленчыя лагеры
У дзіцячых аздараўленчых лагерах Магілёўскай вобласці падчас восеньскіх канікул адпачывае больш за 6 тыс. дзяцей. Яны праводзяць час не толькі ў школах. Лагеры з дзённым знаходжаннем створаны ва ўсіх установах адукацыі. Так, у Бялынічах дзяцей сабраў аздараўленчы лагер «Тайфун» на базе шматпрофільнага цэнтра «Ветразь». У гэтым годзе ва ўстанове абралі актуальную тэматыку арганізацыі адпачынку – «Здорава здаровым быць!» – і кожную раніцу пачынаюць з хвілінкі здароўя.
Завяршаецца праграма па замене акон у дзіцячых садках Магілёва
Усе старыя аконныя рамы ва ўсіх без выключэння дашкольных установах Магілёва павінны быць замененыя на новыя. Такую задачу паставіў год таму старшыня Магілёўскага аблвыканкама Леанід Заяц. На рэалізацыю праекта толькі ў 2020-м годзе накіравалі Br8 млн. Праект па замене састарэлых вокнаў падзялілі на 2 этапы. У межах першага абнаўленне правялі ў дзясятку ўстаноў. Асноўныя ж работы больш чым у 80 садках прыпалі на гэты год. З такой мадэрнізацыяй у большай частцы дашкольных устаноў значна скараціліся цепластраты.
У Магілёўскай вобласці за выходныя адбылося 7 пажараў, адзін скончыўся гібеллю мужчыны
У Магілёўскай вобласці за выхадныя адбылося 7 пажараў, адзін скончыўся гібеллю мужчыны. Пра гэта паведаміла старшы інспектар абласнога ўпраўлення МНС Вольга Нехарошых. Каля 23.00 30 кастрычніка ў службу МНС паступіла трывожнае паведамленне аб палаючым жылым доме ў пас. Туголіца Бабруйскага раёна. Гарэла жыллё, якое належыць 65-гадовай мясцовай жыхарцы. У верандзе на ложку без прыкмет жыцця быў знойдзены 43-гадовы сын гаспадыні. Загінулы пражываў адзін, не працаваў. Прычына пажару ўстанаўліваецца.
Дзіцячы кніжны фестываль стартуе ў бібліятэках Магілёва
Дзіцячы кніжны фестываль «Шостая цывілізацыя» стартуе сёння ў бібліятэках Магілёва. Пра гэта паведаміла загадчыца аддзела бібліятэчнага маркетынгу Цэнтральнай гарадской бібліятэкі імя К. Маркса Алена Шэпелева.
Дыстанцыйны конкурс «Бяспека-анлайн» праводзіць Магілёўскае абласное ўпраўленне МНС
Дыстанцыйны конкурс па АБЖ «Бяспека-online 2.0» запускае Магілёўскае абласное ўпраўленне МНС. Пра гэта карэспандэнту сайта паведамілі ў прэс-цэнтры ведамства. «Набліжаюцца канікулы, а значыць, вялікую частку часу школьнікі будуць праводзіць дома, прадастаўленыя самі сабе, – адзначылі арганізатары. – Для таго каб баўленне часу было карысным, інфарматыўным і бяспечным, Магілёўскае абласное ўпраўленне МНС прапануе навучэнцам праверыць свае веды па бяспецы ў дыстанцыйным конкурсе «Бяспека-online».
Міністэрства аховы здароўя патлумачыла, хто павінен выконваць 10-дзённую самаізаляцыю пры ўездзе ў Беларусь
Міністэрства аховы здароўя ўказала, хто павінен выконваць самаізаляцыю на працягу 10 дзён пры ўездзе ў Беларусь. Адпаведнае тлумачэнне, якое тычыцца прымянення пастановы Савета Міністраў ад 13 кастрычніка 2020 года № 591, размешчана на сайце Міністэрства аховы здароўя. Правіла аб самаізаляцыі распаўсюджваецца на людзей, якія прыбылі з краін, уключаных у пералік краін, дзе рэгіструюцца выпадкі інфекцыі COVID-19 (краіны чырвонай зоны). Гэты пералік размешчаны на сайце Міністэрства аховы здароўя.
У Магілёўскай вобласці выбралі найлепшага прапагандыста
Штогод у кастрычніку ў Магілёўскай вобласці арганізуецца конкурс прафесійнага майстэрства «Найлепшы прапагандыст органаў і падраздзяленняў па надзвычайных сітуацыях Рэспублікі Беларусь». Эпідэміялагічная абстаноўка ўнесла свае карэктывы: у гэтым годзе мерапрыемства праводзілася дыстанцыйна. Як расказала карэспандэнту сайта старшы інспектар абласнога ўпраўлення МНС Вольга Нехарошых, у конкурсе прынялі ўдзел 29 работнікаў сектараў прапаганды і ўзаемадзеяння з грамадскасцю Магілёўскай вобласці.
Сацыяльныя пенсіі, даплаты і надбаўкі пенсіянерам вырастуць з 1 лістапада
У Беларусі з 1 лістапада ў сувязі са змяненнем бюджэту пражытачнага мінімуму (БПМ) у сярэднім на душу насельніцтва праведзены пераразлікі сацыяльных пенсій, надбавак і павышэнняў, даплат пенсіянерам, старэйшым за 75 гадоў, як паведамілі ў Міністэрстве працы і сацыяльнай абароны. БПМ з 1 лістапада 2020 года па 31 студзеня 2021-га ўстаноўлены ў памеры Br258,11. Новы БПМ у сярэднім на душу насельніцтва павысіўся на 0,8% у параўнанні з нарматывам, які дзейнічаў з 1 жніўня па 31 кастрычніка гэтага года. Суразмерна павялічваюцца і пералічаныя вышэй выплаты.
Бюджэт пражытачнага мінімуму павышаецца з 1 лістапада
У Беларусі з 1 лістапада падвысяць бюджэт пражытачнага мінімуму. Гэты паказчык павялічыцца з Br256,1 да Br258,11 і будзе дзейнічаць да канца студзеня 2021 года, як паведамілі ў Міністэрстве працы і сацыяльнай абароны. Пастановай Мінпрацы і сацабароны ад 23 кастрычніка 2020 года № 95 на перыяд з 1 лістапада па 31 студзеня 2021 года зацверджаны памеры бюджэту пражытачнага мінімуму ў сярэднім на душу насельніцтва і па асноўных сацыяльна-дэмаграфічных групах.
Памер дзіцячых дапамог вырасце з 1 лістапада
У Беларусі з 1 лістапада вырасце памер дзіцячых дапамог і некаторых іншых сацыяльных выплат у сувязі з павелічэннем бюджэту пражытачнага мінімуму (БПМ), як паведамілі ў Міністэрстве працы і сацыяльнай абароны. БПМ з 1 лістапада ў разліку на месяц устаноўлены ў памеры Br258,11. Ён павысіўся на 0,8% у параўнанні з нарматывам, які дзейнічаў з 1 жніўня па 31 кастрычніка 2020 года, адпаведна павялічваюцца і сацыяльныя выплаты, у тым ліку дзярждапамогі сем’ям, якія выхоўваюць дзяцей.
Цягнік Гомель – Магілёў – Віцебск будзе хадзіць на рэгулярнай аснове
Беларуская чыгунка працягвае курсіраванне новага цягніка ў зносінах Гомель – Магілёў – Віцебск. Пра гэта паведамляецца на сайце БЧ. Цягнік № 697/698 адпраўляецца з Гомеля па нядзелях у 17.16 і прыбывае ў Віцебск у 23.26. У зваротным кірунку з Віцебска цягнік адпраўляецца ўжо пасля паўночы – а 1.00 панядзелка і а 7.36 прыбывае на станцыю Гомель. У дарозе цягнік робіць прыпынкі на станцыях Буда-Кашалёўская, Жлобін, Рагачоў, Быхаў, Магілёў, Шклоў і Орша. Кошт праезду ў плацкартным вагоне ад Гомеля да Віцебска складае Br10,96, а ў купэйным – Br15, 20.
Вызначаны пераможцы абласнога конкурсу па спартыўных турысцкіх паходах
Вызначаны пераможцы абласнога конкурсу па спартыўных турысцкіх паходах, прысвечанага 75-й гадавіне Перамогі савецкага народа ў Вялікай Айчыннай вайне. Пра гэта карэспандэнту сайта паведаміў метадыст аддзела турызму, спартыўнага арыентавання і экскурсій ДУДА «Абласны цэнтр творчасці» Цімур Таіраў.
Лоўля сома і сіга ў Беларусі забаронена з 1 лістапада
Забарона на лоўлю чудскага сіга і еўрапейскага сома ўводзіцца ў Беларусі з 1 лістапада, паведамілі ў Дзяржаўнай інспекцыі аховы жывёльнага і расліннага свету пры Прэзідэнце. «Для стварэння спрыяльных умоў для ўзнаўлення чудскага сіга з 1 лістапада па 15 снежня ў Беларусі ўстанаўліваецца забарона на яго лоўлю. У гэты перыяд у сіга ідзе нераставанне. Прэснаводны прадстаўнік сямейства ласасёвых не баіцца холаду і пачынае размнажэнне позняй восенню», - расказалі ў інспекцыі.
З пачатку года на дарогах Магілёўскай вобласці з удзелам пешаходаў адбылося 100 ДТЗ
Сёлета на дарогах Магілёўскай вобласці з удзелам пешаходаў адбылося 100 дарожна-транспартных здарэнняў. Пра гэта паведамілі ў аддзяленні па агітацыі і прапагандзе ДАІ УУС аблвыканкама. Нягледзячы на адзіны дарожны закон, пешаходы і вадзіцелі пастаянна не разумеюць адзін аднаго на дарозе. Няўважлівасць, бескультур’е і нахабства часта становіцца прычынай аварый з наступствамі.
Палата прадстаўнікоў працягнула збор прапаноў па зменах у Канстытуцыю
Палата прадстаўнікоў працягнула збор прапаноў па зменах у Канстытуцыю. «У Палату прадстаўнікоў працягваюць паступаць прапановы па карэкціроўцы Асноўнага закона. Акрамя таго, зараз актывізуецца абмеркаванне маючай адбыцца канстытуцыйнай рэформы на рэгіянальных дыялогавых пляцоўках. У сувязі з гэтым праца па зборы і аналізе прапаноў па ўнясенні змяненняў у Канстытуцыю (у тым ліку з выкарыстаннем электроннай пошты Zakon@house.gov.by) будзе ажыццяўляцца і пасля 25 кастрычніка», – гаворыцца ў паведамленні на сайце.
Электронны кірмаш вакансій у Магілёве пераносіцца
У Магілёве пераносяць электронны кірмаш вакансій, які быў запланаваны на сёння, як паведамілі ва ўпраўленні па працы, занятасці і сацыяльнай абароны Магілёўскага гарвыканкама. Па тэхнічных прычынах мерапрыемства пераносіцца на 27 кастрычніка. 27 кастрычніка кірмаш пройдзе з 10.00 да 12.00 на электроннай пляцоўцы e-vacancy.by. У саіскальнікаў будзе магчымасць анлайн даць наймальнікам сваё рэзюмэ, пагутарыць з прадстаўнікамі арганізацый і прадпрыемстваў горада і задаць пытанні. БЕЛТА
У рэспубліканскай акцыі «Чысты лес» прыняло ўдзел каля 7,5 тыс. жыхароў Магілёўскай вобласці
У рэспубліканскай акцыі «Чысты лес» прыняло ўдзел каля 7,5 тыс. жыхароў Магілёўскай вобласці, у тым ліку 3,7 тыс. работнікаў лясной гаспадаркі. Пра гэта паведамілі ў Магілёўскім дзяржаўным вытворчым лесагаспадарчым аб’яднанні.
За мінулыя выхадныя ў Магілёўскай вобласці адбылося 7 пажараў
За мінулыя выхадныя ў Магілёўскай вобласці адбылося 7 пажараў. Пра гэта карэспандэнту сайта паведаміла старшы інспектар абласнога ўпраўлення МНС Вольга Нехарошых.
Прамая тэлефонная лінія па пытаннях прафадукацыі беспрацоўных пройдзе ў Магілёве
Прамая тэлефонная лінія па пытаннях прафадукацыі беспрацоўных пройдзе ў Магілёве 22 кастрычніка. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама. На пытанні магілёўцаў адкажа начальнік аддзела прафесійнай арыентацыі і прафесійнага навучання ўпраўлення па працы, занятасці і сацыяльнай абароне гарвыканкама Ірэна Католікава. Задаць пытанні можна будзе з 9.00 да 12.00 па тэлефоне 8 (0222) 76-89-82. БЕЛТА
Канстытуцыйнае рэфармаванне і партыйнае будаўніцтва – тэма дыялогавай пляцоўкі ў Бабруйску
За круглым сталом сабраліся прадстаўнікі палітычных партый і грамадскіх аб’яднанняў.
Моладзь Магілёўскай вобласці запрашаюць да ўдзелу ў конкурсе праектаў «Yes, you!»
Цэнтр гарадскіх ініцыятыў запрашае моладзь Магілёва і вобласці ад 14 да 35 гадоў прыняць удзел у конкурсе праектаў «Yes, you!», які пройдзе ў кастрычніку–лістападзе. Ініцыятывы могуць быць звязаныя з наступнымі напрамкамі: • Медыя • Культура • Экалогія і здаровы лад жыцця • Устойлівае развіццё гарадоў • Адукацыя для моладзі
Гандлёва-забаўляльны цэнтр з’явіцца на вуліцы Бялінскага ў Магілёве
Шматфункцыянальны гандлёва-забаўляльны цэнтр плануюцьпабудаваць на вуліцы Бялінскага ў Магілёве. Яшчэ ў красавіку 2019 года праект вынеслі на грамадскае абмеркаванне. Сёлета плануецца пачаць першы этап – знос прыватнага сектара. Поўная рэалізацыя праекта чакаецца да 2022 года.
Магілёўскі дзяржуніверсітэт імя А. А. Куляшова адзначыў Дзень нараджэння
Адной са старэйшых навучальных устаноў Магілёўскай вобласці – МДУ імя А. А. Куляшова – 107 гадоў. У гонар гэтага ў навучальнай установе прайшоў Тыдзень ВНУ. Для студэнтаў ладзілі спартыўна-забаўляльныя мерапрыемствы, сустрэчы з вядомымі выпускнікамі, песенны флэшмоб, вялікі святочны канцэрт. Узнагароды атрымалі найлепшыя выкладчыкі і студэнты. На 7 факультэтах ВНУ вучыцца каля 5 тыс. чалавек, сярод якіх 1,5 тыс. – замежныя студэнты.
Работнікі МНС павіншавалі жанчын Магілёўскай вобласці з Днём маці
Работнікі МНС павіншавалі жанчын Магілёўскай вобласці з Днём маці.
Акцыю да Дня маці правядуць у Беларуска-Расійскім універсітэце
Традыцыйную акцыю правядзе прафсаюзны камітэт студэнтаў і супрацоўнікаў Беларуска-Расійскага ўніверсітэта сёння ў ВНУ. Пра гэта паведамілі ў Магілёўскім абласным аб’яднанні прафсаюзаў. «Штогод у ВНУ праходзіць мерапрыемства ў Дзень маці. Мы стараемся стварыць атмасферу свята для мам, якія вучацца або працуюць ва ўніверсітэце, і яшчэ раз сказаць ім дзякуй», – адзначыла старшыня першаснай арганізацыі студэнтаў БРУ Марына Бяляева.
Ацяпленне на аб’ектах сацыяльнай сферы ў Магілёве пачнуць уключаць 14 кастрычніка
Ацяпленне на аб’ектах сацыяльнай сферы ў Магілёве пачнуць уключаць 14 кастрычніка. Падключэнне жылога сектара маюць намер пачаць 15 кастрычніка. Пра гэта расказаў начальнік аддзела жыллёва-камунальнай гаспадаркі Магілёўскага гарвыканкама Ігар Данькоў. Паводле яго слоў, старт ацяпляльнага сезона прадыктаваны ўмовамі надвор’я: паводле даных Магілёўаблгідрамета, з чацвярга на гэтым тыдні чакаецца пахаладанне і да выхадных начныя тэмпературы апусцяцца да мінус 2 градусаў, а мінімальная дзённая па вобласці складзе плюс 3–4 градусы.
Месячнік па прапагандзе бяспечных метадаў карыстання газам у побыце і ахове сістэм газазабеспячэння абвешчаны ў Магілёўскай вобласці
Штогод напярэдадні ацяпляльнага сезона для прадухілення няшчасных выпадкаў у Магілёўскай вобласці праводзіцца месячнік па прапагандзе бяспечных метадаў карыстання газам у побыце і ахове сістэм газаснабжэння. У гэтым годзе ён будзе доўжыцца да 13 лістапада. РУП «Магілёўаблгаз» нагадвае: пры эксплуатацыі газавых пліт неабходна выконваць наступныя правілы: – пераканацца, што ўсе краны зачыненыя; – пасля гэтага цалкам адкрыць кран на газаправодзе;
Аўтапрабег у падтрымку законнасці і правапарадку правядуць у Магілёве 14 кастрычніка
Аўтапрабег у падтрымку законнасці і правапарадку «За Беларусь!» правядуць у Магілёве 14 кастрычніка. Удзельнікі акцыі стартуюць а 18.00 ад аўтастаянкі каля ГЦ «Е-сіці». Далей іх маршрут будзе пралягаць праз вул. Гагарына – пр-т Пушкінскі – пл. Арджанікідзэ – вул. Піянерская – пр-т Міру – вул. Якубоўскага. Завершыцца аўтапрабег на аўтастаянцы каля ГЦ «Парк Сіці». Арганізатарам мерапрыемства выступае моладзевы ініцыятыўны рух #ямыбацька МАГІЛЁЎ.
Конкурс кіроўцаў смеццявозаў пройдзе ў Магілёве 16 кастрычніка
Конкурс прафесійнага майстэрства «Магілёўскі майстар» сярод кіроўцаў смеццявозаў пройдзе ў Магілёве 16 кастрычніка. Ён збярэ каля 20 работнікаў прадпрыемстваў жыллёва-камунальнай гаспадаркі з усёй вобласці. Спаборніцтвы адбудуцца чацвёртым разам, як расказаў старшыня Магілёўскага абласнога камітэта Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.