Фестываль «Вялікая бард-рыбалка» традыцыйна праходзіць у апошнія выхадныя ліпеня і збірае на Магілёўшчыне аматараў песень пад гітару і рыбнай лоўлі з усёй Беларусі і з-за мяжы. Фестывальная пляцоўка размяшчаецца ў Быхаўскім раёне, каля вёскі Чачэвічы, на маляўнічым беразе Чыгірынскага вадасховішча. Менавіта тут тры дні запар звіняць гітары, спяваюцца песні і зіхаціць пад сонцам рыбіна луска. Сёлета хэдлайнерамі фестывалю выступілі Вячаслаў Малежык і Вадзім Мішчук. У госці да беларускіх бардаў прыехалі калегі з Сібіры – удзельнікі праекта «Сібірская дзясятка» Вадзім Кускоў, Аляксандр Чарнышоў і Ігар Іванчанка. Вялікая дэлегацыя прыбыла з Вязьмы – аўтар-выканаўца Лідзія Чынарова, паэт Валерый Балакіраў і юныя выхаванцы клуба аўтарскай песні «Дыялог», самаму малодшаму з юных бардаў 10 гадоў, самаму старэйшаму – 17 гадоў. У межах фестывалю таксама прайшоў конкурс аўтарскай песні і паэзіі «Свой круг», спаборніцтвы па рыбнай лоўлі і пляжным валейболе, майстар-класы па лазневым паранні і падрыхтоўцы страў беларускай кухні, кулінарны конкурс «Чыгірынская ушыца» і конкурс прыгажосці «Каралева бард-рыбалкі».
Пры выкарыстанні матэрыялаў актыўная гіперспасылка на mogilev-region.gov.by абавязковая
