Новы год – гэта свята, якое валодае асаблівай магіяй дабра, весялосці і чараўніцтва.
Вось толькі ў пагоні за святочным настроем некаторыя забываюць аб правілах бяспекі, што прыводзіць да павелічэння колькасці пажараў і траўм. З мэтай папярэджання падобных НС з 12 снежня ў вобласці стартуе рэспубліканская акцыя «Бяспечны Новы год!».
Акцыя будзе цікавая і пазнавальная як для падрастаючага пакалення, так і для дарослых людзей. Мерапрыемства пройдзе ў 3 этапы.
1-ы этап – з 12 па 16 снежня з забаўляльна-інфармацыйнай праграмай ратавальнікі наведаюць санаторыі, дамы ветэранаў, цэнтры сацыяльнага абслугоўвання насельніцтва. Мэтавая аўдыторыя – нашы паважаныя пенсіянеры. У праграме: тэматычныя конкурсы і віктарыны, гульня «Крокі выратавання», бяспройгрышныя латарэі, дэманстрацыя фільмаў і ролікаў па тэматыцы АБЖ, лекцыі, накіраваныя на папярэджанне НС у пераднавагодне-калядны перыяд. Запланавана таксама правядзенне тэатра-экспромта з выкарыстаннем герояў мультфільма «Чароўная кніга МНС».
2-і этап – для таго, каб школьнікі жылі бяспечна і бацькі забяспечвалі ім гэту бяспеку, у перыяд з 19 па 23 снежня ратавальнікі, а таксама Дзед Мароз і Снягурка адправяцца ў агульнаадукацыйныя ўстановы, установы пазашкольнай работы, у сем’і, дзе дзеці знаходзяцца ў сацыяльна небяспечным становішчы, а таксама ў дамы сямейнага тыпу. Акрамя тэматычных конкурсаў, віктарын і гутарак, спецыяльна для дзяцей (а таксама іх бацькоў), ратавальнікі падрыхтавалі правядзенне крэатыўнай і папулярнай рэкламнай кампаніі «Поўны адрыў». Сутнасць яе заключаецца ў тым, што ва ўстановах адукацыі, а таксама ў месцах верагоднага з’яўлення непаўналетніх (кінатэатры, гандлёва-забаўляльныя цэнтры) будуць размяшчацца рэкламныя аб’явы ў форме рукі. На кожным яе пальцы паказаны тэлефонны нумар аддзелаў МНС. Датэлефанаваўся з просьбай аб правілах бяспечнага выкарыстання піратэхнікі – адкажа работнік МНС і раскажа пра небяспеку выкарыстання піратэхнікі.
3-і этап – з 26 па 30 снежня акцыя праводзіцца ў месцах продажу піратэхнікі, на лядовых арэнах і катках, у дзіцячых установах аховы здароўя, а таксама ў месцах масавага знаходжання людзей (адкрытыя пляцоўкі, буйныя гандлёвыя цэнтры, рынкі, дзіцячыя забаўляльныя цэнтры і г. д.). Акцыю будуць праводзіць Дзед Мароз, Снягурка, Трус-Спасайкін і іншыя казачныя персанажы. Прафілактычныя гутаркі, карысныя інфармацыйныя прызы, непаўторныя сэлфі і мноства розных конкурсаў і віктарын – усё гэта абавязкова будзе!
Асаблівыя «фішкі» акцыі, якія дазваляюць праводзіць мерапрыемствы дыстанцыйна:
– конкурс «Навагодні дызайн МНС». Жадаючым прыняць удзел прапануецца на выбар прадставіць свой навагодні дызайн кватэры (дома) або афармленне прысядзібнага ўчастка, навагодняга дэкору вокнаў. Зразумела, акрамя навагодняй атрыбутыкі, дызайн павінен быць бяспечным;
– «На сувязі з вамі Дзед Мароз-выратавальнік» – тэматычнае віншаванне з Новым годам з дапамогай тэлефоннай або відэасувязі;
– «Бяспечная навагодняя карэспандэнцыя, пасылка!» – гэта адрасная паштовая рассылка навагодніх паштовак, буклетаў, календароў і тэматычных падарункаў ад МНС;
Далучайцеся і вы да нашай акцыі, і РАЗАМ МЫ ЗРОБІМ НОВЫ ГОД БЯСПЕЧНЫМ!
Старший инспектор областного управления МЧС Ольга Нехороших
