Магілёўская вобласць прыняла ўдзел у шостай Кітайскай міжнароднай выставе імпарту ў Шанхаі (КНР). Візіт дэлегацыі дзелавых колаў Прыдняпроўскага краю адбыўся з 7 па 8 лістапада. Рэгіён на выставе прадставілі прадстаўнікі Магілёўскага аблвыканкама, адміністрацыі СЭЗ «Магілёў», ААТ «Магілёўскі мясакамбінат» і ААТ «Чырвоны харчавік». У час правядзення Дня Магілёўскай вобласці ў Шанхаі адбылася прэзентацыя экспартнага і інвестыцыйнага патэнцыялу нашага рэгіёну, былі прадстаўлены пляцоўкі для рэалізацыі праектаў у галіне прамысловай кааперацыі, прадэманстраваны магчымасці СЭЗ «Магілёў», а таксама асобным блокам прэзентаваны турыстычны патэнцыял Прыдняпроўскага краю.
Фота перададзены камітэтам эканомікі Магілёўскага аблвыканкама
Пры выкарыстанні матэрыялаў актыўная гіперспасылка на mogilev-region.gov.by абавязковая
