Міжнародны дзень энергазберажэння адзначаецца 11 лістапада. З 10 па 21 лістапада Магілёўская вобласць далучаецца да рэспубліканскай інфармацыйна-адукацыйнай акцыі «Беларусь - энергаэфектыўная краіна». Пра гэта паведамілі ў абласным упраўленні па наглядзе за рацыянальным выкарыстаннем ПЭР.
Пытанні энергаэфектыўнасці і рэсурсазберажэння з'яўляюцца прыярытэтамі нацыянальнай эканомікі. Магілёўская вобласць удзельнічае ў рэалізацыі дзяржаўнай праграмы «Энергазберажэнне» на 2021-2025 гады.
На XI рэспубліканскім конкурсе «Лідар энергаэфектыўнасці Рэспублікі Беларусь – 2025» Магілёўскі абласны выканаўчы камітэт быў узнагароджаны Ганаровым дыпломам у намінацыі «Лепшы рэгіён Рэспублікі Беларусь у сферы энергазберажэння». Узнагарода прысуджана за выкананне мэтавых паказчыкаў дзяржаўнай праграмы, работу па рэалізацыі мерапрыемстваў у сферы энергазберажэння і папулярызацыю прынцыпаў энергаэфектыўнасці.
Дзяржаўнай праграмай перад рэгіёнам была пастаўлена задача па эканоміі паліўна-энергетычных рэсурсаў у аб'ёме 270000 тон умоўнага паліва. Паводле даных за перыяд з 2021 года - 9 месяцаў 2025 года, эканомія ПЭР у вобласці склала 276,5 тыс. т у.т., што азначае датэрміновае выкананне ўстаноўленага на пяцігодку задання.
У лік прадпрыемстваў вобласці, прызнаных лідэрамі энергаэфектыўнасці, увайшлі: РУП «Магілёўэнерга», ААТ «Зеніт», ААТ «Бабуліна крынка» - кіруючая кампанія холдынгу «Магілёўская малочная кампанія «Бабулін гладыш», РУП «Магілёўаблгаз», ААТ «Магілёўскі завод ліфтавага машынабудавання», ААТ «Магілёўскі завод ліфтавага машынабудавання».
На гэтых прадпрыемствах рэалізуюцца мерапрыемствы па ўкараненні энергаэфектыўных тэхналогій і абсталявання, аптымізацыі цеплазабеспячэння, мадэрнізацыі сістэм асвятлення, тэрмарэнавацыі будынкаў і павышэнні эфектыўнасці кацельняў.
У рамках акцыі «Беларусь - энергаэфектыўная краіна» супрацоўнікі Магілёўскага абласнога ўпраўлення па наглядзе за рацыянальным выкарыстаннем ПЭР правядуць тэматычныя мерапрыемствы для энергетыкаў прадпрыемстваў, педагогаў і навучэнцаў устаноў адукацыі, выхаванцаў дзіцячых садоў і іх бацькоў. Інфармацыйная работа будзе таксама арганізавана праз акаўнты кіравання ў сацыяльных сетках.
Дэпартамент па энергаэфектыўнасці запрашае арганізацыі і грамадзян узяць удзел у акцыі. Інфармацыю аб спосабах энергазберажэння, у тым ліку ў побыце, можна знайсці на сайце Дэпартамента ў раздзеле «Папулярна аб энергазберажэнні/Карысныя парады».
Спецыялісты Магілёўскага абласнога ўпраўлення па наглядзе за рацыянальным выкарыстаннем ПЭР гатовы правесці бясплатныя інфармацыйна-навучальныя лекцыі і семінары, а таксама пракансультаваць па пытаннях у сферы энергазберажэння.
Рэд.
