На сённяшні дзень пытанне руху велікагрузаў – тэма, якая абмяркоўваецца на ўсіх узроўнях. Відавочна, што ў Магілёве шмат «лішніх» грузавікоў, якія ствараюць шэраг праблем для ўсяго горада.
Прыток грузавога транспарту ў абласным цэнтры абумоўлены тым, што на адносна кампактнай тэрыторыі горада размешчана мноства аб’ектаў гандлю і прамысловых прадпрыемстваў. Сваёй прысутнасцю ў горадзе яны ствараюць немалыя цяжкасці для кіроўцаў легкавых аўтамабіляў. Праблемай у горадзе застаецца і пытанне з паркоўкай грузавога транспарту.
На сённяшні дзень па даручэнні Магілёўскага гарвыканкама, каб скараціць рух грузавых транспартных сродкаў па вуліцах горада, на ўездах у Магілёў дадаткова ўстаноўлены дарожныя знакі 3.4 «Рух грузавых аўтамабіляў забаронены» (схема прыводзіцца ніжэй).
Для своечасовага інфармавання ўдзельнікаў дарожнага руху пры пад’ездзе да вышэйзгаданых месцаў устаноўлены дарожныя знакі 3.4 «Рух грузавых аўтамабіляў забаронены» з таблічкамі 7.1.1 «Адлегласць да аб’екта», на якіх паказана адлегласць ад знака да месца, з якога пачынае дзейнічаць абмежаванне руху грузавых аўтамабіляў.
Дзяржаўтаінспекцыя чарговы раз звяртае ўвагу вадзіцеляў грузавога транспарту:
Згодна з ч. 6 арт. 18.14 Кодэкса Рэспублікі Беларусь аб адміністрацыйных правапарушэннях невыкананне асобай, якая кіравала транспартным сродкам, патрабаванняў дарожных знакаў цягне адміністрацыйную адказнасць у выглядзе штрафу ў памеры ад 1 да 5 базавых велічынь.
За паўторнае на працягу года падобнае парушэнне прадугледжаны штраф у памеры ад 2 да 8 базавых велічынь (ч. 12 арт. 18.14 Каап Рэспублікі Беларусь).
У адпаведнасці з ПДР дарожны знак «Рух грузавых аўтамабіляў забаронены» забараняе рух грузавых аўтамабіляў, аўтацягнікоў з тэхнічна дапушчальнай агульнай масай больш за 3,5 тоны, а таксама колавых трактароў і самаходных машын.
Дзеянне дарожнага знака не распаўсюджваецца на транспартныя сродкі дарожна-эксплуатацыйнай і камунальнай службаў, аўтамабілі з нахільнай белай паласой на бартах і на іншыя транспартныя сродкі, якія абслугоўваюць гандлёвыя і іншыя арганізацыі, размешчаныя ў пазначанай зоне (грамадзян, якія пражываюць або працуюць у дадзенай зоне), а таксама на транспартныя сродкі, якія належаць грамадзянам, якія пражываюць або працуюць у гэтай зоне, пры адсутнасці іншых магчымасцяў пад’езду. Такія транспартныя сродкі павінны ўязджаць у пазначаную зону і выязджаць з яе на самым блізкім да месца прызначэння скрыжаванні.
Варта звярнуць увагу кіроўцаў грузавога транспарту: каб патрапіць да пункта прызначэння, пад’язджаць да ўстаноўленага месца варта па найкарацейшым шляху.
