У Магілёве 1 ліпеня адкрылі новы бассейн. Ён размясціўся ў мікрараёне Казіміраўка на тэрыторыі, якая прылягае да сярэдняй школы №46. Па сутнасці, новы аб’ект з’яўляецца спартыўным комплексам. Тут ёсць басейн з дзвюма чашамі – вялікай на 7 дарожак па 25 метраў і малой для навучання плаванню дзяцей, трэнажорная зала і зала для заняткаў фітнесам, сухі басейн, метадычныя класы, буфет і адміністрацыйныя памяшканні. А побач з будынкам пабудаваны спартыўныя пляцоўкі для міні-футбола і валейбола. Басейн будзе выкарыстоўвацца як вучэбная база сярэдняй школы. Таксама плануецца арганізаваць сеансы для ўсіх жадаючых, стварыць групы навучання плаванню дзяцей. Дарэчы, у новым басейне камфортна будзе і людзям з асаблівасцямі развіцця: ён забяспечаны пад’ёмнікам для інвалідаў. Устаноўлена сучасная сістэма водападрыхтоўкі: камп’ютар сам вызначае, калі патрабуецца фільтраванне.
Пры выкарыстанні матэрыялаў актыўная гіперспасылка на mogilev-region.gov.by абавязковая
