Адной з пляцовак свята ў Бялынічах стаў парк «Ліпавы гай». Тут адбылося ўскладанне кветак да Вечнага агню на Алеі герояў, а таксама заклалі Алею гарадоў-сталіц Дня беларускага пісьменства, высадзіўшы больш за два дзясяткі клёнаў. Далей адбыўся гала-канцэрт пераможцаў рэгіянальнага конкурсу выканаўцаў маладзёжнай і патрыятычнай песні, прысвечаны памяці Героя Савецкага Саюза Леаніда Лорчанкі.
Дарэчы, «Ліпавы гай» да фестывалю ашаламляльна змяніўся. На месцы народных сцяжынак з’явіліся тратуары, абноўлены амфітэатр. Над возерам усталявалі масток, які стаў фотазонай для закаханых і маладых. І кожны турыст цяпер будзе ведаць, што гэта не проста парк, а помнік садова-паркавага мастацтва XVIII стагоддзя, закладзены яшчэ князямі Агінскімі: «Ліпавы гай» забяспечылі інфармацыйнай таблічкай.
Пры выкарыстанні матэрыялаў актыўная гіперспасылка на mogilev-region.gov.by абавязковая