На Прававым форуме Беларусі праводзіцца грамадскае абмеркаванне (спасылка на абмеркаванне) праекта пастановы Міністэрства архітэктуры і будаўніцтва Рэспублікі Беларусь «Аб атэстацыі юрыдычных асоб і індывідуальных прадпрымальнікаў».
Праект пастановы распрацаваны з мэтай удасканалення падыходаў па правядзенні атэстацыі, перагляду кваліфікацыйных патрабаванняў, якія прад'яўляюцца да юрыдычных асоб і індывідуальных прадпрымальнікаў для атрымання атэстата адпаведнасці.
Праектам пастановы ўстанаўліваецца:
- пералік асобных відаў архітэктурнай, горадабудаўнічай і будаўнічай дзейнасці, работ па абследаванні аб'ектаў;
- кваліфікацыйныя патрабаванні, якія прад'яўляюцца да юрыдычных асоб і індывідуальных прадпрымальнікаў, форма атэстата адпаведнасці і дадатку да яго.
Таксама праектам вызначана ўпаўнаважаная арганізацыя па правядзенні атэстацыі юрыдычных асоб, індывідуальных прадпрымальнікаў, якія ажыццяўляюць асобныя віды архітэктурнай, горадабудаўнічай і будаўнічай дзейнасці (іх складальнікі), якія выконваюць работы па абследаванні будаўнічых канструкцый аб'ектаў, аўтамабільных дарог і маставых збудаванняў на іх, аэрадромных пакрыццяў.
Арганізатар грамадскага абмеркавання – Міністэрства архітэктуры і будаўніцтва.
Выказацца ў спецыяльнай тэме на Прававым форуме Беларусі можна з 16 па 26 студзеня 2024 г.
Звяртаем увагу, што накіраваныя прапановы не будуць лічыцца электроннымі зваротамі, і адносна іх не будзе давацца адказ у адпаведнасці з заканадаўствам аб зваротах грамадзян і юрыдычных асоб.
