У мэтах папярэджання парушэнняў заканадаўства інфармуем аб тым, што загадам Дзяржаўнага камітэта па маёмасці Рэспублікі Беларусь ад 22.12.2017 №268 устаноўлены формы ведамаснай справаздачнасці на 2018 год, у тым ліку форма ведамаснай справаздачнасці «Справаздача аб выкарыстанні будынкаў, збудаванняў, ізаляваных памяшканняў, якія знаходзяцца ў дзяржаўнай уласнасці» (далей – форма ведамаснай справаздачнасці).
Справаздача па форме ведамаснай справаздачнасці прадастаўляецца, пачынаючы са справаздачы за студзень – сакавік 2018 г.
Пры запаўненні формы ведамаснай справаздачнасці ў параўнанні з раней устаноўленай формай падлягаюць адлюстраванню (новаўвядзенні):
• звесткі аб уліковым нумары плацельшчыка справаздачнай арганізацыі (запаўняе арганізацыя, якая прадастаўляе справаздачу) – на тытульным лісце;
• нумар кантактнага тэлефона.
Справаздачу па форме ведамаснай справаздачнасці прадстаўляюць:
• юрыдычныя асобы, якія маюць у гаспадарчым вядзенні, аператыўным упраўленні капітальныя будынкі (будынкі, збудаванні), ізаляваныя памяшканні, машына-месцы, іх часткі, якія знаходзяцца ў дзяржаўнай уласнасці (далей – юрыдычныя асобы);
• рэспубліканскія дзяржаўна-грамадскія аб’яднанні і акцыянерныя таварыствы, створаныя ў працэсе пераўтварэння арэндных прадпрыемстваў, калектыўных (народных) прадпрыемстваў, дзяржаўных прадпрыемстваў, дзяржаўных унітарных прадпрыемстваў і прыватызацыі арэндных прадпрыемстваў, якім капітальныя будынкі (будынкі, збудаванні), ізаляваныя памяшканні, машына-месцы, іх часткі, якія знаходзяцца ў дзяржаўнай уласнасці, перададзены ў бязвыплатнае карыстанне (далей – акцыянерныя таварыствы).
Дадаткова звяртаем увагу на неабходнасць безумоўнага выканання тэрмінаў прадастаўлення справаздачы па форме ведамаснай справаздачнасці:
• юрыдычнымі асобамі, рэспубліканскімі дзяржаўна-грамадскімі аб’яднаннямі і акцыянернымі таварыствамі – не пазней за 20-га чысла месяца, наступнага за справаздачным перыядам;
• органамі дзяржаўнага кіравання, якія прадастаўляюць зводную справаздачу ў цэлым па органе дзяржаўнага кіравання, – не пазней за 25-га чысла месяца, наступнага за справаздачным перыядам.
Справаздачу не прадастаўляюць юрыдычныя асобы і акцыянерныя таварыствы, у дачыненні да якіх прынята рашэнне аб ліквідацыі, аб адкрыцці ліквідацыйнай вытворчасці ў справе аб эканамічнай неплацежаздольнасці (банкруцтве).
Даведачна:
Згодна з артыкулам 13 Закона Рэспублікі Беларусь «Аб эканамічнай неплацежаздольнасці (банкруцтве)» пры разглядзе справы аб эканамічнай неплацежаздольнасці (банкруцтве) даўжніка – юрыдычнай асобы– прымяняюцца наступныя працэдуры эканамічнай неплацежаздольнасці (банкруцтва):
• ахоўны перыяд;
• конкурсная вытворчасць;
• мірнае пагадненне.
Конкурсная вытворчасць уключае наступныя працэдуры:
• завяршэнне падрыхтоўкі справы да судовага разбору;
• санацыю;
• ліквідацыйную вытворчасць.
