Пастановай Савета Міністраў РБ ад 31.03.2018 № 239 вызначаны парадак аднясення працаздольных грамадзян да не занятых у эканоміцы.
Занятымі ў эканоміцы будуць лічыць:
тых, хто працуе па працоўным дагаворы (кантракце);
ІП, адвакатаў, натарыусаў, рамеснікаў, а таксама тых, якія займаюцца агратурызмам;
выканальнкаў работ па грамадзянска-прававых дагаворах;
тых, хто выплачвае адзіны падатак;
вайскоўцаў, супрацоўнікаў ваенізаванай арганізацыі, якія маюць спецыяльныя званні, ваеннаабавязаных на час праходжання ваенных або спецыяльных збораў, а таксама якія праходзяць альтэрнатыўную службу;
творчых работнікаў, статус якіх пацвярджаецца творчым саюзам або прафесійным сертыфікатам творчага работніка;
святароў, удзельнікаў (членаў) манастыра, манаскай супольнасці, а таксама навучэнцаў духоўных навучальных устаноў;
членаў нацыянальных і зборных каманд па відах спорту;
беспрацоўных, якія зарэгістраваны ў цэнтрах занятасці або праходзяць перанавучанне ад цэнтраў занятасці.
Тыя, хто выхоўвае дзяцей да 7 гадоў, дзяцей-інвалідаў ва ўзросце да 18 гадоў, траіх і больш непаўналетніх дзяцей, таксама трапляюць у лік занятых у эканоміцы.
Тыя, хто атрымлівае адукацыю ў дзённай форме, а таксама дома, таксама будуць лічыцца занятымі ў эканоміцы. Выключэнне – тыя, хто праходзіць навучальныя курсы (лекторыі, тэматычныя семінары, практыкумы, трэнінгі, афіцэрскія курсы) і адукацыйныя праграмы ўдасканалення магчымасцяў і здольнасцяў асобы.
Занятымі ў эканоміцы таксама лічацца тыя, хто займаецца вытворчасцю прадукцыі раслінаводства (за выключэннем прадукцыі кветкаводства, дэкаратыўных раслін, іх насення і расады), жывёлагадоўлі (за выключэннем гарадоў Брэста, Віцебска, Гомеля, Гродна, Мінска, Магілёва) на зямельным участку, прадастаўленым для вядзення асабістай падсобнай гаспадаркі, вядзення сялянскай (фермерскай) гаспадаркі, будаўніцтва і абслугоўвання жылога дома, у тым ліку будаўніцтва і (або) абслугоўвання аднакватэрнага, блакаванага жылога дома, абслугоўвання зарэгістраванай арганізацыяй па дзяржаўнай рэгістрацыі кватэры ў блакаваным жылым доме.
Спартсмены-навучэнцы спецыялізаваных вучэбна-спартыўных устаноў, дзіцяча-юнацкіх спартыўных школ (спецыялізаваных дзіцяча-юнацкіх школ алімпійскага рэзерву), уключаных у структуру клубаў па відзе (відах) спорту ў выглядзе адасобленых структурных падраздзяленняў таксама адносяць да занятых у эканоміцы.
Выключылі са спісу не занятых:
беларусаў, з якімі спынены працоўныя адносіны – на працягу квартала, наступнага за кварталам, у якім адбылося звальненне. Пры гэтым у выпадку скасавання працоўнага дагавора (кантракту) па прычыне скарачэння колькасці або штата работнікаў, неадпаведнасці работніка займаемай пасады або выконваемай працы з прычыны стану здароўя, які перашкаджае працягу дадзенай працы, заканчэння тэрміну дзеяння кантракту – на працягу 6 месяцаў з даты звальнення;
ваеннаслужачых, супрацоўнікаў (работнікаў) ваенізаванай арганізацыі, якія мелі спецыяльныя званні рэзервістаў падчас праходжання заняткаў і навучальных збораў, а таксама якія праходзілі альтэрнатыўную службу на працягу 6 месяцаў пачынаючы з месяца, у якім былі спынены названыя адносіны;
выпускнікоў дзённай формы атрымання адукацыі, а таксама адукацыі на даму, за выключэннем дадатковай адукацыі – да канца каляндарнага года, у якім быў атрыманы дыплом.
навучэнцаў духоўных навучальных устаноў – да заканчэння каляндарнага года, у якім былі спыненыя адукацыйныя адносіны;
прызнаных інвалідамі (незалежна ад групы, прычыны, даты наступлення і тэрміну інваліднасці), а таксама прызнаных па рашэнні суда недзеяздольнымі; якія знаходзяцца на прымусовым лячэнні;
тых, хто здае ў арэнду жылыя і нежылыя памяшканні, машына-месцы пры выплаце падаходнага падатку з фізічных асоб;
тых, хто выконваў на працягу поўнага сезона сезонныя працы;
тых, хто знаходзіўся пад медназіраннем ў перыяд цяжарнасці і родаў;
тых, хто адбывае пакаранне па прысудзе суда і знаходзіцца ў лячэбна-працоўных прафілакторыях;
мужа (мужа ці жонку) вайскоўца, які праходзіць ваенную службу па кантракце, ваенную службу афіцэраў па прызыву, а таксама маладога спецыяліста, які прыступіў да працы па размеркаванні (пераразмеркаванні) або накірунку (наступнаму накірунку) на працу, – на час іх сумеснага пражывання ў мясцовасці, дзе няма магчымасці працаўладкавацца;
алімпійскіх чэмпіёнаў, якія атрымліваюць дзяржстыпендыю.
Не будуць адносіць да не занятых у эканоміцы тых, хто атрымлівае пенсію па інваліднасці або з нагоды страты карміцеля па прычыне няшчаснага выпадку на вытворчасці або прафесійнага захворвання, хто атрымлівае штомесячныя страхавыя выплаты ад няшчасных выпадкаў на вытворчасці і прафесійных захворванняў.
Тыя, хто атрымлівае пенсіі, у тым ліку з іншых дзяржаў, дапамогі з ФСАН (акрамя аднаразовых), а таксама дапамогі па часовай непрацаздольнасці, таксама не падпадаюць пад дзеянне Дэкрэта. Як і тыя, да каго «ўжываліся прадугледжаныя заканадаўчымі актамі меры па арганізацыі бяспекі, якія не дазвалялі займацца рознымі відамі дзейнасці».
Не распаўсюджваецца дзеянне дакумента на працягу 6 месяцаў таксама на грамадзян Беларусі, якія прыбылі ў нашу краіну для пастаяннага пражывання, а таксама на замежнікаў або асоб без грамадзянства, якія атрымалі дазвол на пастаяннае пражыванне ў Беларусі і зарэгістраваны па месцы жыхарства. «Імунітэт» у іх на паўгода, пачынаючы з месяца, у якім яны былі зарэгістраваныя ў нашай краіне.
Дарэчы
У адпаведнасці з Дэкрэтам Прэзідэнта Рэспублікі Беларусь ад 2 красавіка 2015 г. №3 «Аб садзейнічанні занятасці насельніцтва» з 1 студзеня 2019 г. працаздольныя грамадзяне, не занятыя ў эканоміцы, аплачваюць паслугу гарачага водазабеспячэння па цэнах (тарыфах), якія забяспечваюць поўнае пакрыццё эканамічна абгрунтаваных выдаткаў на аказанне паслуг.
У цяперашні час фарміруецца папярэдні спіс грамадзян, не занятых у эканоміцы, якія будуць аплачваць паслугу гарачага водазабеспячэння па тарыфе, які забяспечвае поўнае пакрыццё эканамічна абгрунтаваных выдаткаў.
Жыхары абласнога цэнтра, у цяперашні час не занятыя ў эканоміцы, могуць звярнуцца па садзейнічанне ў працаўладкаванні ва ўпраўленне па працы, занятасці і сацыяльнай абароне Магілёўскага гарвыканкама па адрасе: г. Магілёў, вул. Касманаўтаў, 17, кантактны тэлефон: 41-88-25.
Інфармацыя аб парадку ўключэння ў спіс грамадзян, не занятых у эканоміцы, аб крытэрыях, паводле якіх будуць адносіць да занятых у эканоміцы, а таксама аб рэалізацыі Дэкрэта №3 Прэзідэнта Рэспублікі Беларусь, размешчана на афіцыйным сайце Магілёўскага гарвыканкама ў рубрыцы сацыяльная сфера «Дэкрэт №3 «Аб садзейнічанні занятасці насельніцтва»».
Таксама па пытаннях занятасці грамадзянам можна звярнуцца ў камісіі па садзейнічанні занятасці насельніцтва г. Магілёва:
Магілёўская гарадская камісія: для жыхароў, якія абслугоўваюцца РКЦ № № 3, 4 па тэл. 41-39-64.
Ленінская раённая камісія: для жыхароў, якія абслугоўваюцца РКЦ №№1, 2 па тэл. 73-76-78,73-76-86.
Кастрычніцкая раённая камісія: для жыхароў, якія абслугоўваюцца РКЦ №5 па тэл. 42-40-42.