RU BY EN 中文
Twitter Instagram

МАРГ рэкамендуе не даваць свой мабільны незнаёмцам, каб не патрапіць на хуткі крэдыт

Сёння на рынку фінансавых паслуг шырока распаўсюджаная практыка хуткага крэдытавання грамадзян. З’явіўся такі фінансавы інструмент і ў сферы паслуг мабільнай сувязі – абанентам, якія падключыліся да паслугі v-banking (v-кашалёк), аператар сувязі прапануе 100 рублёў у якасці беспрацэнтнага крэдыту.

Разам з тым спажыўцы, якія падключылі такую паслугу, апынуліся ў зоне ўвагі нядобрасумленных грамадзян, якія звяртаюцца з просьбай даць ім мабільны тэлефон для тэрміновага званка, паколькі іх тэлефон нібыта разрадзіўся. За кароткі прамежак часу пад выглядам званка ашуканцы падключаюцца да паслугі v-banking (v-кашалёк) на тэлефоне спажыўца і пераводзяць з яго грошы, атрыманыя пры падключэнні ўказанай паслугі, на свой рахунак, а затым вяртаюць тэлефон гаспадару, які нічога не падазравае.

МАРГ перасцерагае карыстальнікаў паслугі v-banking (v-кашалёк), а таксама ўсіх грамадзян, якія карыстаюцца паслугамі мабільнай сувязі, і рэкамендуе не перадаваць незнаёмым асобам свае мабільныя тэлефоны. Лепш прапанаваць дапамогу і патэлефанаваць на названы нумар самастойна, не перадаючы свой мабільны тэлефон – асоба, якая мае патрэбу ў тэрміновым званку, атрымае дапамогу, а ў махляра не будзе шанцаў скарыстацца грашыма ўладальніка тэлефона.