Беларуская гандлёва-прамысловая палата аб’яўляе аб правядзенні рэспубліканскага конкурсу «Найлепшы экспарцёр 2020 года» і запрашае беларускія прадпрыемствы прыняць у ім удзел. Гэта адкрыты, заснаваны на аб’ектыўных дадзеных конкурс, мэта якога – стымуляванне развіцця экспартна арыентаванай вытворчасці і павышэнне прэстыжу айчынных вытворцаў на сусветным рынку.
Перавагі ўдзелу ў конкурсе «Найлепшы экспарцёр года»:
прызнанне поспеху кампаніі і яе ўкладу ў развіццё эканомікі краіны
павышэнне прэстыжу і пазнавальнасці брэнда
права выкарыстання знака «Найлепшы экспарцёр года» для маркіроўкі прадукцыі, у рэкламе і PR
публікацыя матэрыялаў пра лаўрэатаў у інфармацыйным бюлетэні «Меркурый» Беларускай гандлёва-прамысловай палаты
размяшчэнне інфармацыі аб пераможцах і дыпламантах на сайце Беларускай гандлёва-прамысловай палаты
Конкурс з’яўляецца штогадовым. Беларуская гандлёва-прамысловая палата праводзіць яго сумесна з зацікаўленымі міністэрствамі, дзяржкамітэтамі, канцэрнамі, аблвыканкамамі і Мінскім гарвыканкамам, бізнес-саюзамі, Беларускай універсальнай таварнай біржай, страхавой кампаніяй «Белэксімгарант» і адміністрацыяй Парку высокіх тэхналогій.
Конкурс праводзіцца ў 22 намінацыях і складаецца з 2 этапаў:
Адборачны – адбор суб’ектаў гаспадарання, якія маюць найлепшыя паказчыкі фінансава-гаспадарчай дзейнасці, ведамаснымі (рэгіянальнымі) конкурснымі камісіямі. Пачатак этапу – 3 лютага 2021 г.
Фінальны – вызначэнне пераможцаў конкурсу рэспубліканскай камісіяй пры БелГПП. Пачатак этапу – 18 сакавіка 2021 г.
Для ўдзелу ў адборачным этапе конкурсу неабходна:
1. Запоўніць конкурсную карту.
2. Накіраваць яе ў адпаведную конкурсную камісію.
Удзел у конкурсе бясплатны.
Кантактная асоба па пытаннях удзелу ў конкурсе – Валянціна Авакумава, тэл. +375 17 290 72 46.
Палажэнне аб конкурсе
Больш падрабязная інфармацыя аб конкурсе размешчана на сайце БелДПП.