Важнай умовай эканамічнага росту з’яўляецца пашырэнне экспартнага патэнцыялу, з якім звязаны валютныя паступленні, неабходныя для структурнай перабудовы эканомікі, мадэрнізацыі вытворчасці, закупак паліўна-сыравінных рэсурсаў.
Магілёўская мытня на рэгулярнай аснове праводзіць працу, накіраваную на садзейнічанне экспарту беларускіх тавараў. З красавіка 2019 года арганізавана правядзенне эксперыменту па аддаленым выпуску тавараў, што змяшчаюцца пад мытную працэдуру экспарту. На сённяшні дзень у суб’екта гаспадарання маецца магчымасць падачы дэкларацыі на тавары ў электроннай форме ў мытны орган, у рэгіёне дзейнасці якога тавары не знаходзяцца. У першым паўгоддзі 2021 года ў межах эксперыменту выпушчана каля 15 000 дэкларацый на тавары, у 92% час выпуску складае менш за 5 хвілін.
Вынікам такой працы з’яўляецца скарачэнне як часовых, так і фінансавых выдаткаў экспарцёра.
Паводле матэрыялаў Магілёўскай мытні
