Першая сесія Магілёўскага абласнога Савета дэпутатаў дваццаць дзявятага склікання адбылася сёння ў аблвыканкаме. У сесіі прынялі ўдзел старшыня Магілёўскага аблвыканкама Анатоль Ісачанка, памочнік Прэзідэнта - інспектар па Магілёўскай вобласці Леанід Мартынюк. Старшынёй абласнога Савета дэпутатаў большасцю галасоў абраны дэпутат выбарчай акругі Магілёўская паўночная № 51 Аляксандр Гарошкін. Намеснікамі старшыні абраны дэпутат выбарчай акругі Буйніцкая № 43 Міхаіл Жудро і дэпутат па Клічаўскай выбарчай акрузе №46 Аляксандр Старавойтаў. Таксама ўтвораны пяць пастаянных камісій абласнога Савета дэпутатаў, выбраны старшыні і іх намеснікі. Падчас правядзення сесіі Анатоль Ісачанка ўручыў пасведчанне аб прысваенні ганаровага звання «Чалавек года Магілёўшчыны» лідэру нацыянальнай зборнай Беларусі, трэнеру-выкладчыку Магілёўскага абласнога цэнтра алімпійскага рэзерву па лёгкай атлетыцы і гульнявым відам Вадзіму Бокачу, які нядаўна вярнуўся з чэмпіянату свету па пляжным футболе.
Фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая