ПереводчикАрхіў навін
Чвэрць стагоддзя тут даюць магчымасць кожнаму з вучняў паверыць у сябе і свае магчымасці, атрымаць прафесію. За 25 гадоў існавання першага ў Беларусі цэнтра прафесійнай і сацыяльнай рэабілітацыі маладых людзей з асаблівасцямі псіхафізічнага развіцця ў Магілёўскім дзяржаўным эканамічным прамыслова-тэхналагічным каледжы ў вялікае жыццё выпусцілі больш за 2,5 тысячы чалавек. Праца працягваецца. І ва ўстанове адукацыі маюць намер пашырыць кола спецыяльнасцей для дыстанцыйнага навучання.
Прамую тэлефонную лінію 9 снежня ў Магілёўскім аблвыканкаме правядзе намеснік старшыні аблвыканкама Валерый Анатольевіч Малашка. Пытанні можна будзе задаць з 9.00 да 12.00 па тэлефоне: 8 (0222) 50-18-69.
Убраўшыся ў камізэлькі і ўзброіўшыся іншымі выратавальнымі сродкамі, каманда адправілася патруляваць найбольш папулярныя месцы ў рыбакоў. Пра гэта расказалі ў Магілёўскім абласным упраўленні МНС.
Ратавальнікі канстатуюць: лёд ёсць, але ўпэўненасць ён не выклікае.
Адкрыты рэгіянальны конкурс творчых работ «Навагодняя майстэрня» праходзіць у Магілёве. Пра гэта расказалі ў Палацы культуры вобласці.
Конкурс з'яўляецца адкрытым. Для ўдзелу трэба прадставіць творчую работу, прысвечаную зіме і навагоднім святам. Пераможцаў будуць вызначаць у некалькіх узроставых катэгорыях: 3-6 гадоў, 7-12, 13-16, а таксама 17 гадоў і старэйшыя.
Канкурсантам прапануюць тры намінацыі: навагоднія ўпрыгожанні, навагодні сімвал, калядная казка. Прыняць удзел можна як у адной, так і некалькіх намінацыях.
Міжнародны літаратурны праект «Сіманаўскія чытанні», прысвечаны памяці пісьменніка Канстанціна Сіманава і Году міру і стварэння ў Беларусі, прайшоў у Магілёве.
У Магілёве набірае абароты тэматычны навагодні гандаль. Кірмашы ўжо разгарнуліся на пляцоўках ля буйных гандлёвых цэнтраў горада. Пра гэта паведаміла намесніца начальніка ўпраўлення гандлю і паслуг Магілёўскага гарвыканкама Таццяна Савіцкая.
Набыць навагоднія цацкі і ўпрыгожанні, сувеніры і штучныя елкі ў Магілёве можна на пяці лакацыях.
«Галасы вёсак, якія зніклі» — такая грамадзянская ініцыятыва дзейнічае ў Краснапольскім раёне. Яе натхняльнікам выступіў Яноўскі сельскі савет. Сэнс праекту ў тым, каб захаваць памяць пра адселеныя пасьля чарнобыльскай катастрофы вёскі. Мясцовыя ўлады і былыя жыхары такіх вёсак вырашылі ўстанавіць памятныя знакі. Першы з іх, яшчэ да вялікага лістападаўскага снега, паставілі на месцы вёскі Сасновіца.
У першы дзень зімы ў іх з'явілася хата і сям'я. Новы дзіцячы дом сямейнага тыпу адкрыты ў Магілёве. Такой добрай падзеяй стартавала абласная дабрачынная акцыя «Сагрэем дзіцячыя сэрцы», якая з'яўляецца часткай рэспубліканскай акцыі «Нашы дзеці». Дом сямейнага тыпу Жукавых аб'яднаў 11 дзяцей. З наваселлем вялікую сям'ю віншавалі прадстаўнікі ўлады, спонсары, і, вядома, госці прыйшлі не з пустымі рукамі.
Валанцёры атрада «Божыя кароўкі» са Слаўгарада прыйшлі з падарункамі ў аддзяленне сацыяльнай рэабілітацыі, абілітацыі інвалідаў і забеспячэння дзённага знаходжання для грамадзян пажылога ўзросту. Дабрачынную акцыю назвалі «Мы разам!».
Памятны знак каля ракі Проня, непадалёк ад вёскі Дрануха прысвечаны падзеям часоў Вялікай Айчыннай вайны і ўсім загінуўшым у барацьбе з нямецка-фашысцкімі захопнікамі.
Упершыню аб узвядзенні помніка загаварылі яшчэ ў 2020 годзе. Тады мясцовыя жыхары, якія захоўваюць памяць аб падзеях ваенных гадоў, гісторыі роднага краю, звярнуліся ў выканкам з просьбай увекавечыць памяць герояў, якія ваявалі з фашызмам.
У Чэрыкаўскім лясгасе з'явіліся новыя пастаяльцы - маці з дзіцянём зубра. Пра гэта паведамілі ў Магілёўскім ДВЛГА.
Жывёлы дастаўлены 1 снежня з ляснога фонду Асіповіцкага доследнага лясгаса. Яны перанеслі чатырохгадзінны пераезд і ўжо прывыкаюць да новых умоў. Перадача зуброў прайшла па дзяржаўнай праграме на 2021-2025 гады «Беларускі лес».
У бліжэйшы час прапіску Асіповіцкага доследнага лясгаса на Чэрыкаўскі лясгас памяняюць 30 жывёлін. Для навасёлаў стварылі вальер плошчай 5 га, егеры нарыхтавалі для іх на зіму падкорм з сена і сіласу.
Дырэктар ААТ «Рассвет імя К. П. Арлоўскага» Кіраўскага раёна Аляксандр Багель: «Чалавек найбольш працаздольны, калі жыве ў дастатку»
Інклюзіўны праект «У мастацтве - жыццё!»: як людзі з парушэннем слыху выказваюць сябе праз мастацтва
Інклюзіўны праект беларускіх мастакоў з абмежаванымі магчымасцямі слыху «У мастацтве - жыццё!» адкрыўся 1 снежня ў Магілёве.
ІІ Рэспубліканскі злёт «сярэбраных» валанцёраў пройдзе ў Магілёве 5 снежня
Мерапрыемства збярэ каля 200 удзельнікаў.
Гасцямі сустрэчы стануць прадстаўнікі Мінпрацы і сацабароны, Магілёўскага аблвыканкама, ЮНФПА, дэпутацкага корпуса, камітэтаў па працы, занятасці і сацыяльнай абароне, тэрытарыяльных цэнтраў сацыяльнага абслугоўвання насельніцтва.
У праграме запланаваны паказ лепшых практык «сярэбранага» валанцёрства: кожная каманда раскажа пра свае вынікі і дасягненні праз прэзентацыі ініцыятыў, відэаролікаў і творчых нумароў.
У Магілёўскай вобласці ідзе падрыхтоўка каткоў, трас і горак для катання на каньках, лыжах і цюбінгах. Пра гэта расказала дырэктар Магілёўскага абласнога навучальна-метадычнага цэнтра фізічнага выхавання насельніцтва Алена Марчанка.
Снежнае надвор'е - нагода ўспомніць аб зімовых відах спорту. Дапамагаюць у гэтым спарткомплексы Магілёўшчыны. У Чавусах на радзіме знакамітых біятланістаў спартсмены пачалі трэніроўкі на лыжах. Чакаюць тут ажыятаж і ад звычайных аматараў актыўнага адпачынку.
Імя Аляксея Талая апошнія гады на слыху. Чалавек моцнай волі, які здолеў пераадолець найскладаную сітуацыю ў жыцці, калі ў 16 гадоў застаўся інвалідам без рук і ног. Ён навучыўся аптымістычна глядзець на свет, дабіўся поспеху і цяпер дзеліцца асабістым вопытам, дапамагае людзям у бядзе і ўсяляе веру ў дабро. Аляксей Канстанцінавіч - член Паралімпійскай зборнай, шматразовы рэкардсмен свету і Еўропы, матывацыйны спікер, прадпрымальнік, бацька 4 дзяцей.
Магілёўскі дзяржаўны электратэхнічны каледж - лідэр энергаэфектыўнасці Рэспублікі Беларусь у сістэме адукацыі. Такі ганаровы статус установа атрымала не толькі па распрацоўках, але па вытворчасці і прымяненні энергаэфектыўных, рэсурсазберагальных тэхналогій і праектаў на базе каледжа.
30 лістапада, на Грузаўскіх могілках Магілёва ўрачыста перапахавалі астанкі лётчыка - лейтэнанта Мікалая Андрэевіча Гужвіна, які загінуў у ліпені 1941 года ў Навадугінскім раёне Смаленскай вобласці. Герой не вярнуўся з палёту. Пра гэта распавяла намесніца кіраўніка Магілёўскага абласнога гісторыка-патрыятычнага пошукавага клуба «Вікру» Ала Казючыц.
Хакеісты «Дынама-Шынніка» перамогай завяршылі чарговую дамашнюю серыю ў рэгулярным чэмпіянаце Маладзёжнай хакейнай лігі.
У чацвер падапечныя Андрэя Міхалёва праводзілі другі са спараных матчаў супраць тульскага клуба «АКМ-Юніёр». Паядынак каманд напярэдадні скончыўся разгромнай перамогай гаспадароў лёду з лікам 8:2, сёння дамінаванне беларусаў працягнулася. У прамежак з шостай па дзевятую хвіліну юныя дынамаўцы адправілі ў чужыя вароты тры шайбы, аўтарамі якіх сталі Данііл Крыштафік, Мацвей Ладуцька і Уладзімір Сівірчукоў.
Калі кандыдат саспеў як кіраўнік маральна і прафесійна, важна даць яму магчымасць праявіць сябе. Такой думкай падзяліўся памочнік Прэзідэнта - інспектар па Магілёўскай вобласці Леанід Мартынюк.
Старшыня Магілёўскага аблвыканкама Анатоль Ісачанка правёў пасяджэнне абласнога выканаўчага камітэта па выкананні патрабаванняў Дырэктывы нумар 1 «Аб мерах па ўмацаванню грамадскай бяспекі і дысцыпліны» і распараджэння Прэзідэнта Рэспублікі Беларусь «Аб павышэнні эфектыўнасці работы сістэмы аховы здароўя».
Больш за 100 чалавек з ліку падапечных дамоў-інтэрнатаў для састарэлых і інвалідаў, а таксама з дамоў-інтэрнатаў для дзяцей-інвалідаў з асаблівасцямі псіхафізічнага развіцця сталі ўдзельнікамі абласной спартакіяды «Спорт для ўсіх» у спартыўным комплексе «Алімпіец» у Магілёве.
Прэзідэнт Беларусі Аляксандр Лукашэнка 20 лістапада падпісаў указы аб назначэнні выбараў у Палату прадстаўнікоў Нацыянальнага сходу восьмага склікання і мясцовыя Саветы дэпутатаў дваццаць дзевятага склікання. 25 лютага ў Беларусі - адзіны дзень галасавання. З 17 снежня вылучаць кандыдатаў у дэпутаты могуць грамадзяне шляхам збору подпісаў, працоўныя калектывы. За месцы ў органах прадстаўнічай улады плануюць пазмагацца і партыі.
У Магілёве пасля ўмяшання прафсаюза работніку даплацілі за працу ў выходныя і святочныя дні. Пра гэта расказаў старшыня Магілёўскай абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.
Будучая электаральная кампанія будзе адной з самых маштабных за ўсю гісторыю нашай дзяржавы. І зараз Беларуская партыя «Белая Русь» працягвае фармаваць эфектыўную згуртаваную каманду, каб працаваць на стварэнне моцнай і квітнеючай краіны. На канферэнцыі абралі каля паўтары сотні дэлегатаў, якія прымуць удзел у другім з'ездзе Беларускай партыі «Белая Русь» 23 снежня ў Мінску.
Пазачарговую пяцьдзесят першую сесію абласнога Савета дэпутатаў правяла сёння ў Магілёве старшыня абласнога Савета дэпутатаў Ірына Раінчык.
На пашыраным паседжанні Магілёўскага гарадскога аб'яднання прафсаюзаў прагучала статыстыка: летась першае працоўнае месца ў арганізацыях горада атрымалі больш за 1,5 тысячы маладых спецыялістаў, з іх больш за 800 чалавек - у арганізацыях прамысловасці. Пра гэта расказаў старшыня гарадскога аб'яднання прафсаюзаў Міхаіл Кулагін.
У Магілёве ўборку снегу праводзяць больш за 50 адзінак спецыялізаванай тэхнікі. Пра гэта паведаміў намеснік генеральнага дырэктара па добраўпарадкаванні МДКУП «Упраўленне камунальных прадпрыемстваў» Дзяніс Койда.
Камунальныя службы горада ўжо прайшлі праверку на трываласць зімовай непагаддзю, а таму сённяшні снегапад сустрэлі ў поўным узбраенні. «Апрацоўку дарожнага палатна, мастоў і пуцеправодаў супрацьгалалёднымі рэагентамі вядуць каля 35 адзінак спецыялізаванай тэхнікі», - расказаў ён.
За апошнія гады ў магазінах дасягнуты значны рост продажу беларускай бульбы, агародніны і яблыкаў. У міжсезонне нашы вітаміны былі прадстаўлены ва ўсіх гандлёвых аб'ектах краіны. Купіць гародніну можна было нават у чэрвені. У 2023 годзе аб'ёмы стабфонду - гэта амаль 123 тысячы тон прадукцыі. Акрамя гэтага, да навагодняга стала беларусы змогуць купіць яшчэ свежыя агуркі, таматы і зеляніну.