ПереводчикАрхіў навін
Музейную экспазіцыю, прысвечаную пошукаваму руху, абсталююць у Магілёве. Пра гэта расказала начальнік штаба Магілёўскага абласнога гісторыка-патрыятычнага пошукавага клуба «Вікру», метадыст Магілёўскага абласнога цэнтра творчасці Святлана Барысенка.
Увага дваровым тэрыторыям і асвятленню: у Магілёве з надыходам вясны актывізаваліся работы па добраўпарадкаванні тэрыторый.
Сур'ёзныя планы па добраўпарадкаванні на гэты год у Ленінскім раёне Магілёва. Як адзначыў першы намеснік кіраўніка адміністрацыі Ленінскага раёна Аляксей Шарай, Год добраўпарадкавання будзе плённым і насычаным - будуць падтрымліваць тэмпы, узятыя ў мінулым годзе.
У пятніцу, 14 сакавіка, падапечныя Андрэя Міхалёва на сваім лёдзе разбілі «Амурскіх Тыграў» з Хабараўска. Ужо ў стартавай трэці бабруйчане адарваліся ад саперніка на тры галы, у другім перыядзе давялі адрыў да пяці шайб, а ў заключнай 20-хвілінцы паразілі чужыя вароты яшчэ чатыры разы. Фінальны лік — 9:0 на карысць «Дынама-Шынніка», пяць балаў за гаспадароў набраў Аляксандр Яцэнка (2+3). Таксама дубль аформіў Андрэй Краўчук, па адным дакладным кідку нанеслі Арсеній Елісееў, Мікалай Салыга, Мацвей Ладуцька і Дзмітрый Невера.
На XXXII Мінскую міжнародную кніжную выставу-кірмаш завіталі пісьменнікі Магілёўскага абласнога аддзялення Саюза пісьменнікаў Беларусі.
Старшыня Магілёўскага аблвыканкама Анатоль Ісачанка ўручыў сёння пашпарты 26 юным грамадзянам краіны. Выдатнікі вучобы, пераможцы прадметных алімпіяд, творчых конкурсаў, спартыўных спаборніцтваў, актыўныя ўдзельнікі грамадскага жыцця - хлопцы з усіх куткоў Магілёўшчыны сталі ўдзельнікамі Усебеларускай акцыі «Мы - грамадзяне Беларусі!». Урачыстая цырымонія прайшла ў Палацы культуры вобласці.
У насычанай праграме рабочага візіту былі два важныя для горада на Бярэзіне аб'екты - РУП «Днепра-Бярэзінскае прадпрыемства водных шляхоў» і будаўнічая пляцоўка смеццеперапрацоўчага завода.
Азнаёміўшыся з першым аб'ектам, Анатоль Сівак растлумачыў, што важна сёння шукаць у такіх месцах турыстычны патэнцыял і магчымасць пашырэння акваторыі (не спыняючыся толькі на здабычы пяску), бо глабальная змена клімату дыктуе карэкціроўку і структурныя змены ў дзейнасці такіх аб'ектаў, як Днепра-Бярэзінскае прадпрыемства водных шляхоў.
Выставачны праект «Павел Масленікаў. Тэатр вачыма мастака» будзе праходзіць у рамках правядзення XVIII Міжнароднага маладзёжнага тэатральнага форуму «M.@rt кантакт». Пра гэта расказалі ў Магілёўскім абласным мастацкім музеі ім. П.У. Масленікава.
Асабісты прыём грамадзян 28 сакавіка правядзе начальнік кантрольна-аналітычнага ўпраўлення Магілёўскага аблвыканкама Аляксандр Аляксандравіч Мураўёў.Прыём будзе праходзіць з 10.00 да 13.00 у Магілёўскім раённым выканаўчым камітэце (г. Магілёў, вул. Чалюскінцаў, 63а).
Папярэдні запіс на асабісты прыём па тэлефонах 8 (0222) 42 30 33, 8 (0222) 42 30 25.
Рэд.
У Віцебску завяршыўся Кубак Беларусі па скачках на батуце, паведамілі ў прэс-службе Беларускай асацыяцыі гімнастыкі.
У індывідуальных скачках у мужчын перамогу атрымаў двухразовы алімпійскі чэмпіён Іван Літвіновіч, які амаль на 3 балы апярэдзіў Станіслава Яскевіча, які стаў другім. Тройку прызёраў замкнуў Іван Мельнікаў. Сярод жанчын лепшы вынік паказала медалістка парыжскіх Гульняў Віялета Бардзілоўская, серабро выйграла Ксенія Пабудэй, бронза - у Златы Мініахметавай.
Каля 300 юных лёгкаатлетаў збяруцца ў Магілёве 15 сакавіка падчас трэцяга этапа спаборніцтваў «300 талентаў для Каралевы». Пра гэта расказаў старшы трэнер нацыянальнай каманды Беларусі па лёгкай атлетыцы па Магілёўскай вобласці Дзмітрый Сівоў.
Спаборніцтвы пройдуць у лёгкаатлетычным манежы спартыўнага комплексу «Алімпіец» у Магілёве. Трэці этап стане фінальным выпрабаваннем для юных лёгкаатлетаў Магілёўскай вобласці.
Напярэдадні Дня Канстытуцыі Аляксандр Басенка, старшыня Магілёўскай абласной арганізацыі Беларускага прафсаюза работнікаў аховы здароўя, выказаў сваё меркаванне аб Асноўным законе дзяржавы:
- 15 сакавіка ў нашай краіне адзначаецца адно з галоўных дзяржаўных святаў - Дзень Канстытуцыі Рэспублікі Беларусь. Гэты дзень сімвалізуе павагу да Асноўнага закона, а таксама нагадвае аб важнасці прававых асноў, на якіх будуецца дзяржава.
Президенты Беларуси и России Александр Лукашенко и Владимир Путин по итогам переговоров в Москве подписали совместное заявление.
Замацаваны меры дадатковай падтрымкі ветэранаў войн і асоб, якія пацярпелі ад іх наступстваў. Аб гэтым паведамілі ў прэс-службе Міністэрства працы і сацыяльнай абароны.
Так, 11 сакавіка Прэзідэнт Беларусі Аляксандр Лукашэнка падпісаў указ нумар 104, які прыводзіць у адпаведнасць з прынятымі законамі шэраг указаў кіраўніка дзяржавы.
Беларуская біятланістка Дынара Смольская атрымала перамогу на першым этапе чэмпіянату Расіі, які праходзіць у Цюмені.
Услед за мужчынамі на старт фіналу ў суперспрынце выйшлі дзяўчаты. Дыстанцыю ў 7,5 км з чатырма агнявымі рубяжамі хутчэй за ўсіх пераадолела наша Дынара Смольская, якая дапусціла ўсяго адзін недакладны стрэл. На фінішы беларуская біятланістка на чатыры секунды апярэдзіла Тамару Дзербушаву са Свярдлоўскай вобласці, тройку замкнула Лізавета Капліна з каманды Башкартастана (10 секунд адставання).
Міжнародны маладзёжны тэатральны форум «М.@rt.кантакт» пройдзе з 20 па 27 сакавіка ў Магілёве. Маштабнае мерапрыемства адбудзецца 18-ы раз і збярэ на адной пляцоўцы творчыя калектывы з Беларусі, Расіі і Азербайджана, паведамілі ў Міністэрстве культуры.
Член Савета Рэспублікі Нацыянальнага сходу Рэспублікі Беларусь, старшыня Магілёўскага абласнога Савета дэпутатаў Аляксандр Гарошкін упэўнены, што адносіны Расіі і Беларусі без перабольшання служаць узорам раўнапраўнага і ўзаемавыгаднага міждзяржаўнага супрацоўніцтва.
У Магілёве поўным ходам ідзе будаўніцтва новага корпуса рэабілітацыі Магілёўскай абласной дзіцячай бальніцы.
Рашэнне аб будаўніцтве было прынята ў 2022 годзе. Гэтую ідэю падтрымаў старшыня Магілёўскага аблвыканкама Анатоль Ісачанка.
Новы корпус рэабілітацыйна-аднаўленчага лячэння дасць магчымасць установе аховы здароўя кардынальна змяніць знаходжанне дзяцей-інвалідаў. Ён будзе аснашчаны інавацыйным абсталяваннем. Тут будзе водалячэбная база: два басейны для рэабілітацыі дзяцей-інвалідаў з дапамогай фізічных нагрузак у водным асяроддзі.
Фатаграфіі гарнітурных комплексаў Магілёўскай вобласці прадставяць на выставе «Славянская повада – душы ўцеха!» у Бранску. Пра гэта расказалі ў Магілёўскім абласным метадычным цэнтры народнай творчасці і культурна-асветнай работы.
Па словах суразмоўцаў, адкрыццё выставы адбудзецца 2 красавіка, у Дзень яднання народаў Беларусі і Расіі, у Бранскім абласным мастацкім музейна-выставачным цэнтры.
Член Савета Рэспублікі Нацыянальнага сходу Рэспублікі Беларусь, старшыня Магілёўскага абласнога Савета дэпутатаў Аляксандр Гарошкін правёў выязны прыём грамадзян і юрыдычных асоб у аграгарадку Пудаўня Дрыбінскага раёна.
Звароты тычыліся пытанняў водазабеспячэння ў аг. Разумна, прывядзення ў належны стан дарожнага пакрыцця ў аг. Пудаўня, а таксама добраўпарадкавання прыдамавых тэрыторый населенага пункта.
Усе пытанні ўзяты на асабісты кантроль сенатара. Даны канкрэтныя ўказанні службовым асобам Дрыбінскага раёна і Чэрнеўскага сельскага Савета дэпутатаў.
Ткацтва - адно з самых старажытных рамёстваў. Станкі, падобныя да сённяшніх, з'явіліся яшчэ да нашай эры. У розныя эпохі гэта лічылася то мужчынскім заняткам, то жаночым. Яшчэ ў пачатку мінулага стагоддзі амаль у кожнай хаце быў свой станок і дзяўчыны з малых гадоў умелі ткаць. Потым фабрычная вытворчасць паступова выцесніла гэтую ручную працу. Але ўсё ж там-сям у вёсачцы станкі захаваліся. З гарышчаў старых хатак яны перавандроўваюць у музеі. Нядаўна такім чынам з'явіўся станок у Доме культуры аграгарадка Почапы Краснапольскага раёна. Культарганізатар Наталля Паплыка расказвае, яна адразу ж захацела асвоіць гэтае рамяство.
Рамонтныя працы на фінішнай прамой. Чэрыкаўская раённая бальніца хутка паўстане абноўленай. Нагадаем, у ЦРБ быў запланаваны капітальны рамонт з рэканструкцыяй. Працы вяліся ў некалькі этапаў. Акрамя гэтага, у раённую бальніцу закупілі сучаснае медыцынскае абсталяванне, а значыць, - магчымасці мясцовых медыкаў у дыягностыцы і лячэнні значна павысяцца. Адпаведна - меддапамога стане больш якаснай.
У Мінску пачала работу 32-я міжнародная кніжная выстава-кірмаш. У гэтым мерапрыемстве ўдзельнічае 21 краіна. У экспазіцыі Магілёўскай вобласці прадстаўлены дзясяткі выданняў нашых землякоў. Сярод іх - дзве новыя кнігі Мікалая Барысенкі аб падзеях Вялікай Айчыннай вайны, напісаныя ў навукова-папулярным жанры.
Прэзідэнт Беларусі Аляксандр Лукашэнка 12 сакавіка падпісаў указ нумар 107 «Аб інфармацыйнай сістэме абмену звесткамі аб замежных грамадзянах і асобах без грамадзянства». Аб гэтым паведамілі ў прэс-службе беларускага лідэра.
Адзіны ўрок, прысвечаны Дню Канстытуцыі Беларусі, пройдзе ва ўстановах адукацыі 14 сакавіка. Аб гэтым паведамілі ў прэс-службе Міністэрства адукацыі.
Больш за 5 тыс. км рэспубліканскіх і мясцовых аўтамабільных дарог плануецца адрамантаваць у 2025 годзе, паведамілі ў прэс-службе Міністэрства транспарта і камунікацый.
У Брэсцкай вобласці абновяць 570 км дарожнага пакрыцця (з іх 232 км - рэспубліканскія дарогі, 338 км - мясцовыя), у Віцебскай - 844 км (240 і 604 км), Гомельскай - 808 км (218 і 590 км), Гродзенскай - 888 км (3 (306 і 1006 км), Магілёўскай - 661 км (288 і 373 км).
Акрамя таго, у 2025 годзе на 100 км дарог, якія вядуць ад раённых цэнтраў да аграгарадкоў, будзе наладжана ўдасканаленае дарожнае пакрыццё.
Выніковая калегія галоўнага ўпраўлення па ахове здароўя Магілёўскага аблвыканкама адбылася сёння пры ўдзеле старшыні абласнога Савета дэпутатаў Аляксандра Гарошкіна, намесніка міністра аховы здароўя - галоўнага дзяржаўнага санітарнага ўрача Рэспублікі Беларусь Святланы Нячай, а таксама прадстаўнікоў структурных падраздзяленняў аблвыканкама, намеснікаў старшынь прафсаюзных арганізацый устаноў аховы здароўя, галоўных пазаштатных спецыялістаў упраўлення аховы здароўя, галоўурачоў цэнтраў гігіены і эпідэміялогіі, кіраўніцтва Магілёўскага РУП «Фармацыя» і РУП «М
Дзяржаўны архіў Магілёўскай вобласці атрымаў яшчэ адзін будынак. Цяпер частка дакументаў і фондаў будуць знаходзіцца ў Магілёве па вуліцы Карла Маркса, 23. Будынак перадалі архіву пад пашырэнне плошчаў архівасховішчаў. Распрацоўка праектна-каштарыснай дакументацыі і першы этап рэканструкцыі будынка, разлічанага на 350 тысяч адзінак захоўвання, патрапіў у Інвестыцыйную праграму Магілёўскай вобласці на 2023 год. У новы будынак архіва на гэты момант перамешчана 57 тысяч адзінак захоўвання, фонды судоў, пракуратуры, натарыята, дакументы Вялікай Айчыннай вайны.
Паседжанне Камісіі Парламенцкага сходу Саюза Беларусі і Расіі пройдзе 19 сакавіка ў Маскве, паведамілі ў прэс-службе сходу.
Дэпутаты абмяркуюць пытанні падрыхтоўкі да рэалізацыі мерапрыемстваў Саюзнай дзяржавы, прадугледжаных бюджэтам Саюзнай дзяржавы на 2025 год, па накіраванню дзейнасці камісіі. Плануецца абмеркаванне ходу падрыхтоўкі і ўзгаднення праекта Саюзнай дзяржавы.
«Стварэнне экспазіцыі музея на тэрыторыі мемарыяльнага комплексу «Буйніцкае поле», - распавялі ў прэс-службе.
Магілёўскі электартэхнічны каледж. Там рыхтуюць будучых электраманцёраў, электрамантажнікаў, электраслесараў. І гэта толькі пачатак. А яшчэ там спяваюць, танчаць і малююць. Як удаецца сумяшчаць вучобу і творчасць, раскажам у сюжэце.
Беларускія кар'ерныя самазвалы вядомы ва ўсім свеце. Магілёўскі аўтамабільны завод імя С. М. Кірава, філіял кампаніі «БЕЛАЗ», славіцца высокімі тэхналогіямі. У развіцці прадпрыемства актыўна ўдзельнічаюць маладыя спецыялісты.