Згодна з Канстытуцыяй Рэспублікі Беларусь, гісторыка-культурная спадчына прызнана фактарам развіцця нашай дзяржавы. За яго захаванне нясуць адказнасць як дзяржава, так і грамадзяне нашай краіны. І, як адзначаў Прэзідэнт Рэспублікі Беларусь А.Р. Лукашэнка: «Нашы галоўныя задачы ў сферы культурнай палітыкі заключаюцца ў тым, каб падтрымліваць патрыятычную лінію ў беларускай культуры, ствараць умовы для развіцця яе традыцыйных і сучасных напрамкаў».
Гісторыка-культурная спадчына Беларусі ўяўляе сабой сукупнасць найбольш адметных вынікаў і сведчанняў гістарычнага, культурнага і духоўнага развіцця народа Беларусі, увасобленых у гісторыка-культурных каштоўнасцях, уключаных у Дзяржаўны спіс гісторыка-культурных каштоўнасцей Рэспублікі Беларусь (далей - Дзяржспіс). У Дзяржспіс, які штогод пашыраецца, уключаны найбольш значныя аб'екты спадчыны (помнікі археалогіі, архітэктуры і горадабудаўніцтва, гісторыі, мастацтва, нематэрыяльныя праявы творчасці чалавека (звычаі, традыцыі, абрады)).
Магілёўшчына мае значны рэсурс у частцы захавання і прыцягнення турыстычнай прасторы да яе гісторыка-культурнай спадчыны.
За апошнія гады ў Дзяржспіс уключаны шэраг аб'ектаў. Так, Міністэрствам культуры Рэспублікі Беларусь статус гісторыка-культурнай каштоўнасці 2 катэгорыі прысвоены шлему княжаму старажытнарускага перыяду другой паловы Х - першай паловы XI стагоддзяў (г. Бабруйск). 3 катэгорыя каштоўнасці прысвоена гарадзішчам «Замкавая гара» і «Гарадзец» у г. Крычаве, 122-мм палявой гаўбіцы ўзору 1930-1941 гадоў у г. Асіповічы, камплекты царкоўных прадметаў Свята-Троіцкай царквы г.п. Хоцімска. Спіс нематэрыяльнай спадчыны папоўніўся мастацкай практыкай саломапляцення і выцінанкі Магілёўскай вобласці.
У 2022 годзе рашэннем Магілёўскага аблвыканкама нададзены статус ІКЦ гістарычнаму цэнтру г. Бабруйска. Рашэннем Беларускай рэспубліканскай навукова-метадычнай рады па пытаннях гісторыка-культурнай спадчыны статус прысвоены элементу «Традыцыйныя вобразы і тэхналогія вырабу гліняных народных цацак-свістулек Магілёўскага Падняпроўя», распаўсюджаны ў Крычаўскім раёне і г. Магілёве.
Праводзіцца работа па аднаўленні і абнаўленні знакавых помнікаў архітэктуры і археалогіі. Сярод іх мемарыяльная капліца ў гонар 100-годдзя перамогі ў Айчыннай вайне 1812 года ў в. Салтанаўка Магілёўскага раёна; комплекс сельскагаспадарчай акадэміі, будынкі стаматалагічнай паліклінікі і былой аптэкі (раённы музей) у г. Горкі; у г. Мсціслаўлі на «Замкавай гары» завершаны работы па аднаўленні замкавага комплексу ХIII стагоддзя, адноўлена Траецкая царква, уведзена ў эксплуатацыю царква Покрыва Прасвятой Багародзіцы Свята-Пустынкаўскага Успенскага мужчынскага манастыра (Мсціслаўскі раён); у г. Магілёве адрэстаўраваны былы дом купца Анташкевіча (сучасны музей Бялыніцкага-Бірулі), кансервацыя касцёла Былога калегіума езуітаў (1745-1750 гады) у г. Мсціславе і інш.
У 2022 годзе ў рамках Дзяржаўнай інвестыцыйнай праграмы працягнуліся рэстаўрацыйныя працы на аб'екце «Помнік архітэктуры XVIII-XIX стст. – Палацава-паркавы ансамбль у в.Жылічы Кіраўскага раёна Магілёўскай вобласці. Рэканструкцыя з рэстаўрацыяй і прыстасаваннем. 3-я чарга – Галоўны корпус і частка Паўночнага (музей, карцінная галерэя і бібліятэка)».
Ролік Жылічы
У г. Шклове за кошт спонсарскіх сродкаў скончаны кансервацыйныя працы на гісторыка-культурнай каштоўнасці «Каменная іудзейская культавая пабудова (чысцец)». Праведзена добраўпарадкаванне прылеглай тэрыторыі.
Ахова гісторыка-культурнай спадчыны - абавязковая ўмова ўстойлівага развіцця дзяржавы, умацавання яе прэстыжу ў міжнароднай супольнасці. Матэрыяльныя і духоўныя каштоўнасці грамадства з`яўляюцца аб'ектамі нацыянальнай бяспекі Беларусі і прыярытэтнымі напрамкамі культурнай палітыкі нашай краіны.
У адпаведнасці з Кодэксам Рэспублікі Беларусь аб культуры, Нацыянальнай стратэгіяй устойлівага сацыяльнага-эканамічнага развіцця Рэспублікі Беларусь на перыяд да 2030 года, захаванне і памнажэнне гісторыка-культурнай спадчыны краіны з'яўляецца важным фактарам нацыянальнай ідэнтычнасці і беларускай дзяржаўнасці, адыгрывае значную ролю ў фарміраванні грамадзянскасці і патрыятызму асобы. , уцягнута практычна ва ўсе сферы сацыяльна-эканамічнага жыцця рэспублікі.
Сумеснымі намаганнямі мы захаваем нашу спадчыну!
Быхаўскі раён – http://bykhov.gov.by/schet
Дрыбінскі раён – http://dribin.gov.by/downloads/blago-schet.jpg
Крычаўскі раён – http://krichev.gov.by/nasledie/itemlist/category/347-blagotvoritelnyj-sc...
Магілёўскі раён – https://mogilev.mogilev-region.by/ru/kostel-knyazh/
Мсціслаўскі раён – http://mstislavl.mogilev-region.by/ru/fond-ru/
Шклоўскі раён – http://shklov.mogilev-region.by/ru/vozrozhdenie/
Нацыянальны інвентар нематэрыяльнай культурнай спадчыны Беларусі
Нематэрыяльная гісторыка-культурная спадчына Магілёўскай вобласці
Пералік адміністрацыйных працэдур, якія ажыццяўляюцца аддзелам па арганізацыінавукова-праектнага і метадычнага забеспячэння ўпраўлення па ахове гісторыка-культурнай спадчыны па заявах грамадзян (згодна з пералікам адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджаным Указам Прэзідэнта Рэспублікі Беларусь ад 26.04.2010 № 200)
Культурныя каштоўнасці, якія знаходзяцца за межамі Рэспублікі Беларусь
