Содержимое

Магілёў адзначыў Дзень горада. Традыцыйна па галоўнай вуліцы абласнога цэнтра прайшло тэатралізаванае шэсце «Усім сэрцам з табой, мой горад родны!». На пешаходнай вуліцы адбылося свята нацыянальных культур «Магілёў – наш агульны дом». Тут таксама працавала пляцоўка «Магілёў гасцінна запрашае!». Канцэрт ад кампаніі velcom / A1 сабраў магілёўцаў і гасцей горада на плошчы Зорак. Хэдлайнерамі сталі «Дзядзя Ваня» і Тэа.

Міжнародны фестываль народнай творчасці «Вянок дружбы» пройдзе ў Бабруйску 28-30 чэрвеня. Калектывы, якія прыехалі на мерапрыемства, прымуць удзел у конкурсе «Вянок як сімвал фестывалю – у падарунак фэсту», урачыстым адкрыцці і закрыцці, святочным тэатралізаваным шэсці, вечары дружбы з прэзентацыяй нацыянальных пачастункаў. Госці прывязуць з сабой сувеніры, якія аб'яднаюцца ў выставу. Па яе заканчэнні экспанаты перададуць у фонды Бабруйскага краязнаўчага музея.

Маштабны тэатралізаваны канцэрт з элементамі рэканструкцыі падзей Вялікай Айчыннай вайны «Салдатамі былі ўсё» прайшоў у Магілёве 28 чэрвеня ў рамках святкавання Дня горада і 75-годдзя вызвалення ад нямецка-фашысцкіх захопнікаў.

Фота - mogilevnews.by