Содержимое

Абласны фестываль творчасці інвалідаў «Разам мы зможам больш» прайшоў 14 снежня ў Магілёве. У фестывалі прынялі ўдзел творчыя дэлегацыі з розных раёнаў рэгіёна. У горад на Дняпры прыехалі калектывы мастацкай творчасці і індывідуальныя выканаўцы з ліку людзей з абмежаванымі фізічнымі магчымасцямі, якія прадстаўляюць абласныя арганізацыі ГА «Беларускае таварыства інвалідаў па зроку», «Беларускае таварыства глухіх», «Беларускае таварыства інвалідаў».

У Беларусі праходзіць першы этап адбору ўдзельнікаў Міжнароднага конкурсу выканаўцаў эстраднай песні «Віцебск-2019» і Міжнароднага дзіцячага музычнага конкурсу «Віцебск-2019». Старт быў дадзены 5 снежня ў Гродне, а сёння эстафету прымаў Магілёў.

Дабрачынная акцыя «Цуды на Каляды» стартавала ў Магілёўскай вобласці 6 снежня. Традыцыйны праект адкрыўся ля «Ёлкі жаданняў» ў ААТ «Універмаг «Цэнтральны»». На зялёнай прыгажуні развешаны паштоўкі з запаветнымі марамі дзяцей. Пад ёй усталяваны куфар «Добрых сэрцаў», куды любы жадаючы можа пакласці навагодні падарунак. Сабраныя сюрпрызы будуць перададзены навучэнцам цэнтра карэкцыйна-развіваючага навучання і рэабілітацыі Касцюковіцкага раёна, у якім навучаецца 48 дзяцей ад нараджэння да 18 гадоў з асаблівасцямі развіцця.