Паўднёва-ўсходнi рэгіён Магілёўскай вобласці

У мэтах комплекснага сацыяльна-эканамічнага развіцця паўднёва-ўсходняга рэгіёну Магілёўскай вобласці (тэрыторыя Крычаўскага, Клімавіцкага, Краснапольскага, Касцюковіцкага, Слаўгарадскага, Чэрыкаўскага і Хоцімскага раёнаў) былі прыняты ўказы Прэзідэнта Рэспублікі Беларусь ад 8 чэрвеня 2015 г. № 235 «Аб сацыяльна-эканамічным развіцці» і ад 28 мая 2020 г. № 177 «Аб мерах па развіццю паўднёва-ўсходняга рэгіёну Магілёўскай вобласці», якімі прадугледжаны льготы і прэферэнцыі для павышэння інвестыцыйнай актыўнасці і рэалізацыі інвестыцыйных праектаў, а таксама ўзроўню і якасці жыцця насельніцтва.

З пачатку дзеяння Указа № 235 і па 2025 год уключна ў эканоміку і сацыяльную сферу рэгіёну накіравана звыш 3,1 мільярда рублёў інвестыцый у асноўны капітал. Звыш 54 мільёнаў долараў прыцягнута прамых замежных інвестыцый на чыстай аснове. Створана звыш 380 новых камерцыйных арганізацый - суб'ектаў малога і сярэдняга бізнесу. На наваствораныя працоўныя месцы працаўладкавана больш за 3,5 тыс. чалавек.

У развіцці рэальнага сектара эканомікі праведзена мадэрнізацыя цэментных заводаў шляхам іх пераводу на мясцовыя віды паліва - торфабрыкет. У выніку доля мясцовых відаў паліва на заводах павялічылася да 30 працэнтаў.

Цэментны кластар папоўніў у Крычаўскім раёне новы завод па вытворчасці цэментава-стружкавых пліт. Харчовай - вытворчасць кукурузных палачак «Дамачая».

Пабудаваны дрэваапрацоўчыя цэхі ў Клімавіцкім, Касцюковіцкім, Краснапольскім лясгасах, сушыльныя комплексы - у Краснапольскім і Чэрыкаўскім. Таксама для лясгасаў была закуплена неабходная тэхніка.

З удзелам сродкаў ААТ «Банк развіцця Рэспублікі Беларусь» у вёсцы Перагон Слаўгарадскага раёна ААТ «Магілёўскі мясакамбінат» пабудаваны свінагадоўчы комплекс на 24 тысячы галоў. Таксама рэалізаваны праект па стварэнню інавацыйнай вытворчасці кандытарскіх вырабаў з устаноўкай лініі на ПТВП «Чырвоны харчавік-Слаўгарад» у г. Слаўгарадзе. У Клімавіцкім раёне рэалізаваны адзін з найбольш маштабных інвестыцыйных праектаў Магілёўскай вобласці - будаўніцтва свінагадоўчага рэпрадуктара на 3 600 галоў асноўных свінаматак у ААТ «Клімавіцкі камбінат хлебапрадуктаў». Рэалізаваны праект па ўзвядзенні трох будынкаў арачнага тыпу для вырошчвання і адкорму маладняку БРЖ узростам ад 6 да 12 месяцаў на тэрыторыі комплексу «Батвінаўка» КСУП «Маляцічы-АГРА» Крычаўскага раёна. Завершаны работы па стварэнні ў Краснапольскім і Хоцімскім раёнах комплексаў па вытворчасці вясёлкавай стронгі вытворчай магутнасцю 1 тысяча тон у год кожны, у Чэрыкаўскім раёне - рыбаводнага комплексу па вытворчасці аплодненай ікры вясёлкавай стронгі. Працягваецца будаўніцтва комплексу па адкорме свіней паблізу в. Барысавічы Клімавіцкага раёна ў ААТ «Клімавіцкі камбінат хлебапрадуктаў» на 51 000 галоў у год.