Асноўнай тэмай адзінага дня інфармавання, 18 красавіка, стане Усебеларускі народны сход

Інструктыўна-метадычную нараду ў рамках адзінага дня інфармавання правяла сёння ў Магілёўскім аблвыканкаме начальнік галоўнага ўпраўлення ідэалагічнай работы і па справах моладзі аблвыканкама Кацярына Музычэнка. Таксама на сустрэчы прысутнічалі прарэктар МДУ ім. А.А. Куляшова Дзмітрый Рагаўцоў, першы намеснік старшыні праўлення абласной арганізацыйнай структуры РДГА «Беларускае таварыства «Веды» Раіса Шугалеева, члены абласных інфармацыйна-прапагандысцкіх груп аблвыканкама, лідэры меркаванняў маладзёжнага асяроддзя – студэнты ВНУ. У студыях рэгіёнаў - члены раённых інфармацыйна-прапагандысцкіх груп.

Асноўны акцэнт АДІ, як адзначыла Кацярына Музычэнка, у гэтым месяцы зроблены на тэме «Усебеларускі народны сход - гарант палітычнай стабільнасці і суверэнітэту».

«Літаральна некалькі дзён аддзяляюць нас ад гістарычнай падзеі – першага паседжання Усебеларускага народнага сходу, пасля набыцця ім канстытуцыйнага статусу. З усёй краіны збяруцца 1200 дэлегатаў, якія будуць вырашаць важнейшыя пытанні развіцця нашай краіны. У іх ліку і 115 прадстаўнікоў нашай вобласці: старшыня абласнога выканаўчага камітэта, 23 старшыні гаррайвыканкамаў, 41 дэлегат з ліку дэпутацкага корпуса Магілёўшчыны, у тым ліку - 8 дэлегатаў ад абласнога Савета дэпутатаў, 17 ад гаррайсаветаў дэпутатаў і 16 прадстаўнікоў сельсаветаў. Яшчэ 50 прадстаўнікоў вобласці ўвайшлі ў склад ВНС ад грамадзянскай супольнасці - па 10 чалавек ад прафсаюзаў, БРСМ, БСЖ, Белай Русі і ветэранскай арганізацыі», - адзначыла яна.

Удзельнікам нарады прадэманстравалі відэафільм па пазначанай тэме, затым з дакладам перад імі выступіў Дзмітрый Рагаўцоў. Ён зазначыў, што літаральна сёння ЦВК Беларусі прынята рашэнне аб скліканні першага пасяджэння Усебеларускага народнага сходу, якое пройдзе ў горадзе Мінску 24-25 красавіка. А таксама нагадаў аб тым, што новая рэдакцыя Асноўнага Закона Рэспублікі Беларусь замацавала канстытуцыйны статус Усебеларускага народнага сходу як вышэйшага прадстаўнічага органа народаўладдзя і прывёў прыклады, калі беларускі народ пераканаўча прадэманстраваў, што з'яўляецца сапраўдным гаспадаром свайго лёсу. Таксама ён расказаў аб гісторыі станаўлення гэтага палітычнага інстытута, прызванага быць гарантам палітычнай стабільнасці і суверэнітэту краіны, які быў створаны яшчэ ў 1996 годзе па ініцыятыве кіраўніка дзяржавы.

Менавіта на першым УНС упершыню была сфармулявана парадыгма беларускай мадэлі сацыяльна-эканамічнага развіцця як спалучэння перавагі рыначнай гаспадаркі з забеспячэннем сацыяльнай справядлівасці і эфектыўнай сацыяльнай абароны грамадзян. Сход прадаставіў грамадзянам магчымасць непасрэднага абмеркавання і прыняцця рашэнняў па найбольш актуальных пытаннях жыцця дзяржавы і грамадства. Беларуская палітычная прастора стала набываць усё больш рысаў народнай дэмакратыі, калі паўнавартасным гаспадаром краіны з'яўляецца народ. І пасля стала сапраўдным калектыўным органам кіравання дзяржавай, дэманструючым ўдасканаленне ў Беларусі ўнікальнай мадэлі народнага самакіравання.

Як было адзначана ўдзельнікамі сустрэчы, у 2024 годзе ўсе асноўныя складальнікі беларускай палітычнай сістэмы паспяхова праходзяць праверку на якасць. І Усебеларускі народны сход стаў сімвалам народнага адзінства. Фарміраванне гэтага канстытуцыйнага органа сведчыць аб новым гістарычным этапе развіцця краіны.

У тэматыку адзінага дня інфармавання, які пройдзе ў гэты чацвер, 18 красавіка, таксама ўключаны матэрыялы па прафілактыцы кіберзлачыннасці, па міжнародным Дні аховы працы, актуальныя пытанні па лініі МНС. Для іх разгляду на месцах рэкамендавана прыцягваць супрацоўнікаў упраўленняў па працы, занятасці і сацыяльнай абароне, органаў унутраных спраў і МНС.

Юлія Таранава, фота Галіны Гаўрыловіч