На падрыхтоўку школ і дзіцячых садоў Магілёва да новага навучальнага года накіруюць каля Вr 2,5 млн.
У бюджэце Магілёва прадугледжана каля Вr 2,5 млн. на падрыхтоўку школ і дзіцячых садкоў да новага навучальнага года. Пра гэта паведамілі ва ўпраўленні па адукацыі гарвыканкама. З выдзеленых сродкаў больш за Вr 1,4 млн. накіруюць на капітальны рамонт будынкаў і памяшканняў, больш за Вr 950 тыс. – на бягучы рамонт. Асаблівую ўвагу маюць намер надаць рамонту дахаў. Паколькі большасць устаноў адукацыі пабудавана яшчэ ў савецкі перыяд, то да цяперашняга моманту іх дахі патрабуюць поўнай замены.
Больш за Br 250 тыс. накіруюць да канца года на рамонт інтэрнатаў у Магілёве
Больш за Br 250 тыс. накіруюць да канца года ў Магілёве на рамонт інтэрнатаў. Гэта будуць акумуляваныя сродкі, якія паступілі ад жыхароў на кошт плацяжоў за пражыванне. Пра гэта паведаміў генеральны дырэктар Упраўлення камунальных прадпрыемстваў Магілёва Андрэй Кіблоў.
Магілёўскі аблвыканкам і Банк ВТБ будуць узаемадзейнічаць па крэдытаванні прадпрымальнікаў
Магілёўскі аблвыканкам і ЗАТ «Банк ВТБ» сёння падпісалі пагадненні аб узаемадзеянні па пытаннях прадастаўлення льготных банкаўскіх крэдытаў, у тым ліку мікракрэдытаў суб’ектам малога прадпрымальніцтва рэгіёна. Подпісы пад дакументам паставілі намеснік старшыні аблвыканкама Руслан Страхар і намеснік старшыні праўлення банка Павел Мандрыка.
Падатковая Магілёўскай вобласці 17–21 чэрвеня правядзе акцыю «Здаеш кватэру – плаці падаткі»
Акцыя «Здаеш кватэру – плаці падаткі» пройдзе 17–21 чэрвеня ў Магілёўскай вобласці. Пра гэта паведамілі ў прэс-цэнтры інспекцыі МПЗ рэгіёна. Аб фактах здачы ўнаём памяшканняў без выплаты падаткаў можна будзе паведаміць штодня з 8.00 да 17.00 па тэлефоне 8 (0222) 29-40-94.
Малатанажны транспарт вызваляецца ад платы за праезд па дарогах Беларусі з 10 чэрвеня па 10 ліпеня
Уладальнікі транспартных сродкаў з тэхнічна дапушчальнай агульнай масай не больш як 3,5 т з прычэпамі з 10 чэрвеня па 10 ліпеня вызваляюцца ад платы за праезд па платных аўтамабільных дарогах Беларусі. Гэта прадугледжана ўказам нумар 292. На гэты перыяд уладальнікам названай катэгорыі транспартных сродкаў не трэба заключаць дагавор карыстання платнай аўтамабільнай дарогай, рэгістраваць транспартны сродак у сістэме BelToll і ўстанаўліваць на транспартны сродак устройства электроннай аплаты.
Больш за палову падаткаплацельшчыкаў Магілёўскай вобласці ўжывае спрошчаную сістэму падаткаабкладання
У Магілёўскай вобласці, паводле звестак на 1 мая 2019 года, спрошчаную сістэму падаткаабкладання (ССП) ужываў 21 521 плацельшчык (54% ад агульнай колькасці суб’ектаў гаспадарання), з іх – 15 402 індывідуальныя прадпрымальнікі, 6 119 – арганізацыі. Пра гэта паведамілі ў прэс-цэнтры інспекцыі МПЗ рэгіёна. У бюджэт вобласці названыя суб’екты гаспадарання заплацілі Br 40,5 млн. падаткаў і іншых плацяжоў. Доля названых паступленняў у бюджэце вобласці склала 9,1%.
У 1,6 раза павялічылася колькасць самазанятасці грамадзян у Магілёўскай вобласці
У рэгіёне больш за 2,9 тыс. фізічных асоб ажыццяўляе прадпрымальніцкую дзейнасць, якая не патрабуе рэгістрацыі ў якасці індывідуальнага прадпрымальніка. У студзені-красавіку 2019 года ў параўнанні з аналагічным перыядам мінулага іх колькасць вырасла на 1 159 чалавек або ў 1,6 раза, паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. Паступленні адзінага падатку ад гэтай катэгорыі плацельшчыкаў павялічыліся на 59,7%, або на Br 104,4 тыс. у фактычным вылічэнні, і склалі Br 279,4 тыс.
У бюджэт Магілёўскай вобласці за студзень-красавік 2019 года паступіла Br443,6 млн.
У бюджэт Магілёўскай вобласці за студзень-красавік 2019 года паступіла Br 443,6 млн. У параўнанні з аналагічным перыядам мінулага года даходы бюджэту павялічыліся на 7,5%, або на Br 30,9 млн. у фактычным вылічэнні, паведамілі ў прэс-цэнтры інспекцыі МПЗ Магілёўскай вобласці. Найбольшыя сумы складаюць паступленні падаходнага падатку – Br144,6 млн. (32,6%), падатку на дабаўленую вартасць – Br79,6 млн. (18,0%), падатку на прыбытак – Br44,8 млн. (10,1%), акцызаў – Br28, 5 млн. (6,4%).
Конкурс інвестыцыйных праектаў суб’ектаў малога прадпрымальніцтва аб’яўлены ў Магілёўскай вобласці
Конкурс інвестыцыйных праектаў суб’ектаў малога прадпрымальніцтва Магілёўскай вобласці абвешчаны ў рэгіёне. Пра гэта паведамілі ў камітэце эканомікі аблвыканкама.
Малочная прадукцыя «Бабушкиной крынки» паступіла ў магазіны кітайскай правінцыі Цзянсу
Малочная прадукцыя «Бабушкиной крынки» паступіла ў магазіны кітайскай правінцыі Цзянсу – пабраціма Магілёўскай вобласці, паведамілі ў генеральным консульстве Беларусі ў Шанхаі. У канцы красавіка першы кантэйнер пітнога малака магілёўскага прадпрыемства прыбыў у адміністрацыйны цэнтр правінцыі – горад Нанкін, а ўжо ў маі малако паступіла на прылаўкі чатырох магазінаў карпарацыі «Суга Супермаркет».
ААТ «Папяровая фабрыка “Спартак”» у ліку пераможцаў конкурсу «Найлепшы экспарцёр 2018 года»
Цырымонія ўзнагароджання пераможцаў конкурсу «Найлепшы экспарцёр 2018 года» адбылася ў Мінску ў малой зале Палаца Рэспублікі. У конкурсе, які праходзіў дванаццаты год запар, найлепшымі сталі 22 прадпрыемствы. У іх ліку наша ААТ «Папяровая фабрыка “Спартак”». Акрамя таго, шэраг прадпрыемстваў удастоены заахвочвальных дыпломаў. Гэта РВУП «Завод газетнай паперы», ЗТАА «ВМГ Індустры», ААТ «Магілёўскі металургічны завод», «Беларускі цэментны завод», сялянская (фермерская) гаспадарка «Дзіяна».
У студзені-красавіку ў Магілёўскай вобласці пабудавана больш за 1,1 тыс. новых кватэр
У студзені-красавіку 2019 года ў Магілёўскай вобласці арганізацыямі ўсіх формаў уласнасці пабудавана 1 126 новых кватэр. Уведзена ў эксплуатацыю 85,4 тыс. кв. м агульнай плошчы жылля. Пра гэта паведамілі ў галоўным статыстычным упраўленні рэгіёна. Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 47,2 тыс. кв. м, або 55,2% ад агульнага аб’ёму ўведзенага жылля. У тым ліку з выкарыстаннем дзяржаўнай падтрымкі – 37,3 тыс. кв. м.
Саўмін зацвердзіў меры па рэалізацыі Дырэктывы аб развіцці вёскі
Савет Міністраў Беларусі пастановай нумар 314 ад 21 мая 2019 года зацвердзіў комплекс мер па рэалізацыі палажэнняў Дырэктывы нумар 6 «Аб развіцці вёскі і павышэнні эфектыўнасці аграрнай галіны», паведамілі ў прэс-службе ўрада.
Напярэданні II Еўрапейскіх гульняў 2019 года ў Магілёўскай мытні створаны аператыўна-інфармацыйныя групы для інфармавання грамадзян і юрыдычных асоб
Напярэдадні II Еўрапейскіх гульняў 2019 года ў Магілёўскай мытні створаныя аператыўна-інфармацыйныя групы для інфармавання грамадзян і юрыдычных асоб. З 7 чэрвеня па 7 ліпеня інфармацыю аб парадку перамяшчэння тавараў і транспартных сродкаў праз мытную мяжу Еўразійскага эканамічнага саюза можна даведацца па нумарах тэлефонаў: – аператыўна-інфармацыйная група Магілёўскай мытні: 8 (0222) 29 90 09 (кругласутачна). – аператыўна-інфармацыйны цэнтр мытных органаў Рэспублікі Беларусь: 8 (017) 218 94 26 (кругласутачна).
Бясплатны семінар для не занятых у эканоміцы грамадзян арганізуюць у Магілёве
Бясплатны семінар па актуальных пытаннях самазанятасці і прадпрымальніцкай дзейнасці для грамадзян працаздольнага ўзросту, не занятых у эканоміцы, арганізуюць 28 мая ў Магілёве. Пра гэта паведамілі ў Магілёўскім гарадскім цэнтры развіцця малога прадпрымальніцтва, які выступае арганізатарам мерапрыемства. Зацікаўленых чакаюць у 10.00 у канферэнц-зале УКП «Магілёўскі ГЦРМП» (вул. Ленінская, 21, 3 паверх). Дадатковую інфармацыю можна атрымаць па тэлефонах: (80222) 23 09 21, 23 08 63.
Пілотны праект па энергаэфектыўнасці дамоў рэалізуюць у Магілёўскай вобласці
У Беларусі распрацаваны праекты ўказа Прэзідэнта і пастановы Савета Міністраў, якія прадугледжваюць ўкараненне энергаэфектыўных мерапрыемстваў у шматкватэрным жыллі. Пілотныя праекты плануецца рэалізаваць у Магілёўскай і Гродзенскай абласцях, паведаміў намеснік старшыні Дзяржаўнага камітэта па стандартызацыі – дырэктар дэпартамента па энергаэфектыўнасці Міхаіл Малашанка на адкрыцці Міжнароднага навучальнага семінара па рэалізацыі Парадку дня ў галіне ўстойлівага развіцця да 2030 года.
У Магілёве ўручылі дыпломы лаўрэатам конкурсу «Найлепшыя тавары Рэспублікі Беларусь»
У Магілёўскім аблвыканкаме сёння адбылося ўрачыстае ўзнагароджанне лаўрэатаў рэспубліканскага конкурсу «Найлепшыя тавары Рэспублікі Беларусь» па выніках 2018 года. Конкурс праводзіцца штогод, пачынаючы з 2002 года, па сумеснай ініцыятыве Дзяржстандарту, абласных выканаўчых камітэтаў і Мінгарвыканкама. Яго пераможцамі па выніках 2018 года сталі 173 прадпрыемствы і арганізацыі, а 274 тавары прызнаныя найлепшымі, з іх 29 вырабляюцца ў Магілёўскай вобласці.
Пагадненне аб устанаўленні адносін дружалюбнага абмену і супрацоўніцтва падпісалі кітайскі горад Цяньцзінь і Магілёўская вобласць
Дэлегацыя Магілёўскай вобласці з афіцыйным візітам наведала кітайскі горад Цяньцзінь. Пра гэта паведамілі ва ўпраўленні знешнеэканамічнай дзейнасці камітэта эканомікі Магілёўскага аблвыканкама.
У Асіповічах урачыста адкрылі новую вытворчасць па выпуску цеплаізаляцыйных матэрыялаў з экструзійнага пенапалістыролу
Новыя магутнасці створаны на тэрыторыі ЗТАА «Кровельны завод “Тэхнаніколь”» (уваходзіць у склад карпарацыі «Тэхнаніколь»). Гэта ўжо трэцяя вытворчасць тут і 8 завод па выпуску экструзійнага пенапалістыролу (XPS) карпарацыі ў свеце. Сюды інвеставана 800 млн расійскіх рублёў і створана дадаткова 30 новых высокааплатных працоўных месцаў. Гэта вытворчасць адкрывае для Беларусі доступ да самых высокатэхналагічных сегментаў сучаснага рынку цеплаізаляцыі: з аднаго боку, праектныя магутнасці дазваляюць цалкам закрыць унутраныя патрэбы грамадзянскага і прамысловага будаўніцтва, а з другога – каля 40% інавацыйнай прадукцыі плануецца экспартаваць.
Малочная прадукцыя «Бабулінай крынкі» паступіла ў гандлёвую сетку кітайскай правінцыі Цзянсу
Малочная прадукцыя «Бабулінай крынкі» паступіла ў чатыры магазіны гандлёвай сеткі кітайскай правінцыі Цзянсу, паведамілі ў генеральным консульстве Беларусі ў Шанхаі.
Прамая лінія па пытаннях ажыццяўлення аналізу эфектыўнасці работы арганізацый, якія ўваходзяць у кампетэнцыю аблвыканкама, адбудзецца 28 мая
Прамая лінія па пытаннях ажыццяўлення аналізу эфектыўнасці работы арганізацый, якія ўваходзяць у кампетэнцыю Магілёўскага аблвыканкама, адбудзецца 28 мая. З 9.00 да 11.00 па тэлефоне 8 (0222) 27-36-74 на пытанні жыхароў рэгіёна адкажа начальнік галоўнага кантрольна-аналітычнага ўпраўлення аблвыканкама Алег Мікалаевіч Дземенкавец.
Інфармацыйная сустрэча па рэалізацыі праекта «Падтрымка эканамічнага развіцця на мясцовым узроўні ў Рэспубліцы Беларусь» пройдзе 14 мая ў Магілёве
Інфармацыйная сустрэча па пытанні рэалізацыі ў Магілёўскай вобласці праекта міжнароднай тэхнічнай дапамогі «Падтрымка эканамічнага развіцця на мясцовым узроўні ў Рэспубліцы Беларусь» адбудзецца 14 мая ў 11.00 у ЗАТ «Тэхналагічны парк Магілёў» (вул. Ленінская, д. 63, 8 паверх). Праект фінансуецца Еўрапейскім Саюзам і рэалізуецца Праграмай развіцця Арганізацыі Аб’яднаных Нацый (ПРААН) у партнёрстве з Міністэрствам эканомікі Рэспублікі Беларусь.
Паступленні ў бюджэт Магілёўскай вобласці ад індывідуальных прадпрымальнікаў за I квартал 2019 года павялічыліся на 12%
За студзень-сакавік 2019 года індывідуальныя прадпрымальнікі заплацілі ў бюджэт рэгіёна Br 13,1 млн. падаткаў і плацяжоў. У параўнанні з аналагічным перыядам мінулага года паступленні павялічыліся на 12%, або на Br 1,4 млн. у фактычным вылічэнні, паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці. За гэты перыяд колькасць зарэгістраваных прадпрымальнікаў узрасла на 4,4% (на 1 003 чалавекі) і склала 23 743 ІП. Удзельная вага паступленняў ад гэтай катэгорыі плацельшчыкаў роўна 4,5 %.
У бюджэт Магілёўскай вобласці ў I квартале 2019 года паступіла Br 289,6 млн.
У бюджэт Магілёўскай вобласці за студзень-сакавік 2019 года паступіла Br 289,6 млн. У параўнанні з аналагічным перыядам мінулага года даходы бюджэту павялічыліся на 5,7%, або на Br 15,5 млн. у фактычным вылічэнні, паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. Найбольшыя сумы складаюць паступленні падаходнага падатку – Br 105 млн. (36,3%), падатку на дабаўленую вартасць – Br 51,8 млн. (17,9%), акцызаў – Br 21,7 млн. (7,5%), падатку на нерухомасць – Br 20,4 (7%).
Выкарыстанне зямельных рэсурсаў – на кантролі КДК Магілёўскай вобласці
Камітэт дзяржкантролю Магілёўскай вобласці правёў праверку Палыкавіцкага сельвыканкама па пытаннях эфектыўнасці выкарыстання зямельных рэсурсаў і выканання патрабаванняў зямельнага заканадаўства. Пра гэта паведаміў намеснік старшыні КДК Аляксей Іглікаў. Устаноўлена 13 выпадкаў невыканання ўмоў прадастаўлення зямель, у 4 з іх грамадзяне нават не прыступілі да заняцця ўчасткаў, у 9 – парушылі тэрміны будаўніцтва жылых дамоў. Пры гэтым прадугледжаныя ў названых выпадках меры ўздзеяння па «даўгабудах» сельвыканкам не прымаў.
У Магілёве на працягу месяца створаць рэестр састарэлага і пустога жылля
У Магілёве на працягу месяца абследуюць безгаспадарчыя домаўладанні і створаць рэестр старога і пустога жылля. Такую задачу паставіў на пашыранай нарадзе ў гарвыканкаме яго старшыня Уладзімір Цумараў.
У студзені-сакавіку ў Магілёўскай вобласці пабудавана 975 новых кватэр
У студзені-сакавіку 2019 года ў Магілёўскай вобласці арганізацыямі ўсіх формаў уласнасці пабудавана 975 новых кватэр. Уведзена ў эксплуатацыю 73 тыс. кв. м агульнай плошчы жылля. Пра гэта паведамілі ў галоўным статыстычным упраўленні рэгіёна. Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 39,4 тыс. кв. м, або 54% ад агульнага аб’ёму ўведзенага жылля. У тым ліку з выкарыстаннем дзяржаўнай падтрымкі – 29,5 тыс. кв. м. У сельскіх населеных пунктах уведзена ў эксплуатацыю 15,5 тыс. кв. м жылля, або 21,2% ад агульнага ўводу па рэгіёне.
Спецыяліст па ЗЭД з Германіі будзе аказваць дапамогу ў развіцці IT-бізнесу і прыцягненні інвестыцый магілёўцам
У ААТ «Магілёўскае Агенцтва рэгіянальнага развіцця» (МАРР) пачаў сваю дзейнасць інтэграваны спецыяліст па знешнеэканамічнай дзейнасці з Германіі Віктар Гусеў. Ён прыехаў у абласны цэнтр на два гады ў межах двухбаковага супрацоўніцтва гарадоў-пабрацімаў Магілёва і Айзенаха.
КДК Магілёўскай вобласці праверыў Горацкую цэнтральную раённую бальніцу
Камітэт дзяржкантролю Магілёўскай вобласці падчас праверкі Горацкай цэнтральнай раённай бальніцы выявіў шэраг парушэнняў і недахопаў пры ажыццяўленні фінансава-гаспадарчай дзейнасці. Пра гэта паведаміў першы намеснік старшыні кантралюючага ведамства Юрый Фралоў.
Аграрыі Магілёўскай вобласці завяршылі сяўбу ранніх яравых збожжавых і зернебабовых культур
Аграрыі Магілёўскай вобласці завяршылі сяўбу ранніх яравых збожжавых і зернебабовых культур. Пра гэта паведаміла начальнік аддзела інтэнсіфікацыі раслінаводства камітэта па сельскай гаспадарцы і харчаванні Магілёўскага аблвыканкама Лілія Гулінская.