Максім Рыжанкоў: трэба больш актыўна развіваць прадпрыемствы малых гарадоў

Развіццё малых гарадоў – важная задача на найбліжэйшую пяцігодку. Для таго каб такія тэрыторыі расцвіталі, стаўку трэба рабіць у ліку іншага на абнаўленне прадпрыемстваў. У Слаўгарадскім раёне ёсць такія прыклады. На ВТУП «Чырвоны харчавік-Слаўгарад» мадэрнізуюць вытворчасць мёду. Дакладней, укараняюць новую групу прадукцыі. Тут ужо ўстаноўлена абсталяванне новай лініі па вытворчасці жавальнага мармеладу і цукерак. З ходам мадэрнізацыі прадпрыемства азнаёміўся першы намеснік кіраўніка Адміністрацыі Прэзідэнта Максім Рыжанкоў.

На прадпрыемстве ўжо прайшоў мантаж могульнай лініі па вытворчасці новага віду прадукцыі, магутнасць якой складзе каля 3 тысяч тон прадукту на год.

- Мы добраўпарадкавалі таксама прылеглую тэрыторыю, завяршылі будаўніцтва участкаў: гаспадарча-бытавога корпуса (гардэробы, бытоўкі, душавыя і гэтак далей). Неўзабаве прыступім да пуска-наладачных работ, – адзначае дырэктар прадпрыемства Андрэй Галянкоў.

З’яўленне новай лініі ў Слаўгарадзе прадаставіць мясцовым жыхарам дадатковыя працоўныя месцы – для працы тут неабходна каля 100 чалавек. Акрамя таго, на беларускім рынку з’явяцца карысныя прысмакі з мясцовай сыравіны.

– Да пэўнага часу ўсе вытворчасці мы цягнулі ў вялікія гарады. Мінск перанасыцілі вытворчымі магутнасцямі, абласныя цэнтры таксама. І трохі забыліся пра нашы раёны, малыя гарады, – адзначыў падчас наведвання прадпрыемства Максім Рыжанкоў. – Любая вытворчасць – гэта цэнтр прываблівання рабочай сілы, сацыяльнага жыцця, зносін паміж людзьмі. У Слаўгарадзе рэалізуецца ўнікальны праект. Тут будзе працаваць да ста чалавек, але для райцэнтра гэта важная падзея: людзі знойдуць працу. Пакуль ідзе мантаж новага абсталявання і пуска-наладачныя працы, сярэдняя зарплата ўжо складае каля 900 рублёў. А калі яны выйдуць на поўную магутнасць, стане істотна больш.

Максім Уладзіміравіч упэўнены, што такім жа шляхам трэба рухацца і ў іншых раённых цэнтрах:

– І не трэба скнарнічаць нашым найбуйнейшым прадпрыемствам, а рабіць так, як зрабіў Бабруйскі «Чырвоны харчавік». Знайшлі тут гатовую пляцоўку, якая не спатрэбілася пад іншыя праекты, зрабілі акцэнт на развіцці новых і інавацыйных харчовых прадуктах. Навучылі ў Бабруйску людзей, як працаваць на гэтых лініях, паставілі сюды некалькі тэхнолагаў. І цяпер тут ведаюць: з аднаго боку будзе развівацца новая вытворчасць, з другога – зрабілі вельмі важную справу для такога горада, як Слаўгарад.

Базавыя віды прадукцыі, якую будуць вырабляць на прадпрыемстве ў Слаўгарадзе – мармелады на аснове жэлаціну, агара, карагінана, а таксама мармелад фруктова-жэлейны на аснове пекціну. Акрамя традыцыйных прысмакаў, на рынак будуць прадстаўлены і інавацыйныя варыянты карысных цукерак: мармелад на жэлаціне павышанай харчовай каштоўнасці (з вітамінамі) для харчавання дзяцей школьнага і дашкольнага ўзросту, для тых, хто аддае перавагу нізкавугляродным прадуктам харчавання, у тым ліку дыябетычны. Усё гэта дазволіць зрабіць слаўгарадскія прысмакі імпартазамяшчальнай прадукцыяй.

СБ