Электронны кірмаш для беспрацоўных жанчын адбудзецца 19 кастрычніка ў Магілёве
Электронны кірмаш для беспрацоўных жанчын адбудзецца 19 кастрычніка з 10.00 да 12.00 у Магілёве на пляцоўцы e-vacancy.by. Пра гэта паведамілі ва ўпраўленні па працы, занятасці і сацыяльнай абароне гарвыканкама. У мерапрыемстве прымуць удзел арганізацыі абласнога цэнтра. Будзе прадстаўлена больш за 200 вакансій. Доступ да іх захаваецца і пасля заканчэння электроннага кірмашу. Яны будуць аўтаматычна перанесены ў базу даных на партале службы занятасці.
Журналісты Магілёўскай вобласці – у ліку пераможцаў рэспубліканскага конкурсу «Моцная сям’я – моцная дзяржава»
Вызначаны вынікі рэспубліканскага творчага конкурсу «Моцная сям’я – моцная дзяржава» – найлепшыя аўтары і самыя цікавыя матэрыялы на тэму сям’і. Сярод пераможцаў ёсць і журналісты Магілёўскай вобласці. Так, у намінацыі «Найлепшыя матэрыялы ў друкаваных рэспубліканскіх СМІ» другое месца заняла уласны карэспандэнт па Магілёўскай вобласці выдавецкага дома «Беларусь сёння» Вольга Кісляк. Асобна былі адзначаны фотапублікацыі. Тут першае месца заваяваў фотакарэспандэнт выдавецкага дома «Беларусь сегодня» Андрэй Сазонаў.
У Магілёўскай вобласці падчас аперацыі «Арсенал» канфіскавана больш за 70 адзінак зброі
У Магілёўскай вобласці падчас спецыяльнага комплекснага мерапрыемства «Арсенал» канфіскавана больш за 70 адзінак зброі. Пра гэта паведамілі ва УУС Магілёўскага аблвыканкама. З абароту канфіскавана 17 адзінак незарэгістраванай і 55 адзінак зарэгістраванай зброі, а таксама 407 адзінак боепрыпасаў рознага калібру і амаль 0,7 кг выбуховых рэчываў. У органы ўнутраных спраў паступіла 18 інфармацый аб незаконным захоўванні грамадзянамі зброі і боепрыпасаў, 14 з якіх пры праверцы пацвердзіліся.
Аляксей Талай сустрэўся з жыхарамі Расцянскага дома-інтэрната для састарэлых і інвалідаў
Вядомы матывацыйны трэнер, паралімпіец, прадпрымальнік Аляксей Талай сустрэўся з жыхарамі Расцянскага дома-інтэрната для састарэлых і інвалідаў. Гаворка ішла пра няпросты лёс Аляксея, яго шляхі пераадолення цяжкасцей і дасягненні пастаўленых мэтаў.
У Магілёўскай вобласці фарміруецца банк даных праектаў грамадзянскіх ініцыятыў
Магілёўская абласная асацыяцыя мясцовых Саветаў дэпутатаў выступіла з ініцыятывай сфарміраваць перспектыўны «банк даных» праектаў грамадзянскіх ініцыятыў Магілёўскай вобласці. З гэтай мэтай у цяперашні час паўсюдна праводзіцца інфармацыйна-тлумачальная праца сярод органаў мясцовага самакіравання і насельніцтва аб магчымасці ўдзелу ў конкурсе праектаў грамадзянскіх ініцыятыў.
Натарыусы бясплатна пракансультуюць шматдзетных мам 14 кастрычніка
Натарыусы Беларусі 14 кастрычніка бясплатна пракансультуюць шматдзетных мам, паведаміў памочнік старшыні Беларускай натарыяльнай палаты (БНП) Артур Стрэх. Сёлета рэспубліканскую дабрачынную акцыю прымеркавалі да святкавання Дня маці, яна пройдзе ў рэжыме анлайн. Удзел у ёй прымуць усе натарыяльныя канторы і натарыяльныя бюро краіны.
Прафсаюзная акцыя «Павіншуем маму разам!» праходзіць у Магілёўскай вобласці
Прафсаюзная акцыя «Павіншуем маму разам!» стартавала на Магілёўшчыне. Пра гэта паведамілі ў абласным аб’яднанні прафсаюзаў. Як адзначылі суразмоўцы, 14 кастрычніка ў Беларусі адзначаюць Дзень маці. Калі асабіста павіншаваць галоўнага чалавека ў жыцці не атрымліваецца, можна адправіць прыгожую паштоўку.
Акцыя «Мая мама – чараўніца» стартавала ў Магілёўскай вобласці
Акцыя «Мая мама – чараўніца» стартавала ў Магілёўскай вобласці. Праект ініцыяваны Магілёўскім абласным сацыяльна-педагагічным цэнтрам і прымеркаваны да Дня маці. Для ўдзелу ў акцыі раённыя сацыяльна-педагагічныя цэнтры да 14 кастрычніка дасылаюць па 4 фатаграфіі з арыгінальнымі подпісамі, у якіх адлюстравана пазітыўнае стаўленне да мамы, рысаў яе характару. Крэатыў і гумар вітаюцца.
«Экалагічны дэсант»: у Магілёўскім раёне студэнты і выкладчыкі высадзілі 4 тыс. саджанцаў алешыны
Студэнты і выкладчыкі Беларускага ўніверсітэта харчовых і хімічных тэхналогій правялі ў Магілёўскім раёне акцыю «Экалагічны дэсант», падчас якой высадзілі 4 тыс. саджанцаў алешыны. Пра гэта паведаміў намеснік дэкана інжынерна-тэхналагічнага факультэта ўстановы адукацыі Юрый Грабянцоў.
Камітэт па працы, занятасці і сацыяльнай абароне Магілёўскага аблвыканкама 12 кастрычніка правядзе «прамыя лініі»
У межах правядзення Тыдня маці ў камітэце па працы, занятасці і сацыяльнай абароне Магілёўскага аблвыканкама 12 кастрычніка з 15.00 да 16.00 будуць арганізаваны «прамыя лініі» па наступных пытаннях: – пытанні дзяржаўнай падтрымкі сем’яў з дзецьмі – Тарасенка Святлана Пятроўна, старшыня камітэта, па тэлефоне (80222)75 23 29; – аб прадастаўленні дадатковых гарантый маці пенсійным заканадаўствам – Васільева Наталля Зігмундаўна, начальнік упраўлення пенсій і дапамог, па тэлефоне (80222) 31 03 72;
Маладзёжны парламент пры Магілёўскім абласным Савеце дэпутатаў ініцыяваў акцыі да Дня маці
Напярэдадні Дня маці маладзёжны парламент пры Магілёўскім абласным Савеце дэпутатаў выйшаў з ініцыятывай павіншаваць маці-выхавальнікаў дамоў сямейнага тыпу, а таксама арганізаваць Інтэрнэт-флэшмоб «#пазвані маме».
Навагодняя дабрачынная акцыя «Нашы дзеці» пройдзе з 14 снежня па 14 студзеня
Навагодняя дабрачынная акцыя «Нашы дзеці» пройдзе з 14 снежня 2021 года па 14 студзеня 2022-га. Гэта прадугледжана пастановай Савета Міністраў ад 6 кастрычніка 2021 года № 563, паведамляе Нацыянальны прававы інтэрнэт-партал.
Ва Уладзівастоку адкрылася аддзяленне пасольства Беларусі
Аддзяленне пасольства Беларусі адкрылася ва Уладзівастоку. У цырымоніі прынялі ўдзел губернатар Прыморскага краю Алег Кажамяка і Надзвычайны і Паўнамоцны Пасол Беларусі ў РФ Уладзімір Сямашка, перадае ТАСС.
Конкурс кіроўцаў смеццявозаў пройдзе ў Магілёве 8 кастрычніка
Конкурс прафесійнага майстэрства «Магілёўскі майстар» сярод кіроўцаў смеццявозаў пройдзе ў Магілёве 8 кастрычніка. Ён збярэ каля 20 работнікаў прадпрыемстваў жыллёва-камунальнай гаспадаркі з усёй вобласці. Спаборніцтвы адбудуцца пяты раз, пра што паведаміў старшыня Магілёўскага абласнога камітэта Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.
Пагадненне аб супрацоўніцтве падпісалі ветэранскія арганізацыі Магілёўскай вобласці і Прыморскага краю
Пагадненне аб супрацоўніцтве падпісалі ветэранскія арганізацыі Магілёўскай вобласці і Прыморскага краю. Зацверджванне дакумента адбылося падчас двухбаковай сустрэчы, якая прайшла сёння ў фармаце відэаканферэнцыі і стала часткай мерапрыемстваў, якія праводзяцца ў межах Дзён Рэспублікі Беларусь у Прыморскім краі.
Аздараўленне пацярпелых ад аварыі на ЧАЭС юных жыхароў Магілёўшчыны ідзе па нарастальнай
У Магілёўскай вобласці за апошні год актывізавалася аздараўленне і санаторна-курортнае лячэнне насельніцтва рэгіёна, пацярпелага ад катастрофы на ЧАЭС. – За 9 месяцаў бягучага года ў Магілёўскай вобласці скарысталіся санаторна-курортным лячэннем і аздараўленнем 6662 чалавекі, пацярпелыя ад катастрофы на ЧАЭС, – праінфармавалі ў Рэспубліканскім цэнтры па аздараўленні і санаторна-курортным лячэнні насельніцтва. – З гэтай колькасці 6122 чалавекі – дзеці, у тым ліку 562 – ва ўзросце ад 3 да 6 гадоў. Непасрэдна санаторна-курортнае лячэнне было праведзена для 1662 дзяцей.
Устаноўлены парадак праектавання і рэканструкцыі размеркавальных электрасетак для жылых дамоў
Прэзідэнт Беларусі Аляксандр Лукашэнка 5 кастрычніка падпісаў указ № 381 «Аб будаўніцтве размеркавальных электрычных сетак». Пра гэта паведамілі ў прэс-службе кіраўніка дзяржавы. Указам устанаўліваецца парадак фінансавання работ па праектаванні і рэканструкцыі размеркавальных электрычных сетак для электразабеспячэння адасобленых жылых дамоў. Энергазабеспячальным арганізацыям Мінэнерга прадастаўляецца права выступаць заказчыкамі па праектаванні і ўзвядзенні такіх сетак.
Цэнтр методык дашкольнай адукацыі адкрыюць у Магілёўскім дзяржуніверсітэце
У Магілёўскім дзяржаўным універсітэце імя А. А. Куляшова адкрыюць цэнтр методык дашкольнай адукацыі. Пра гэта паведаміла загадчык кафедры педагогікі дзяцінства і сям’і ВНУ Вольга Пракоф’ева.
У акцыі «Чысты лес» прыме ўдзел больш за 7,4 тыс. жыхароў Магілёўскай вобласці
У Магілёўскай вобласці ўдзельнікамі рэспубліканскай акцыі «Чысты лес» стане больш за 7,4 тыс. чалавек. Пра гэта расказаў намеснік кіраўніка па ідэалагічнай працы Магілёўскага вытворчага лесагаспадарчага аб’яднання Сяргей Шах.
Дзень пажылога чалавека: за апошнія дзесяць гадоў доўгажыхароў у Магілёўскай вобласці стала больш амаль у два разы
1 кастрычніка адзначаецца Дзень пажылога чалавека. Гэта дата мае міжнародны статус і вельмі сімвалічная. Бо ў фразы «залатая восень», акрамя прыроднага сэнсу, ёсць і яшчэ адзін. Залатым часам чалавека называюць менавіта пажылы ўзрост–перыяд мудрасці, жыццёвага вопыту і перыяду, калі можна заняцца тым, на што раней не хапала часу. Сёння Дзень пажылога чалавека свет адзначае 31-ым разам (абвешчаны на 45-й сесіі Генасамблеі ААН 14 снежня 1990 года). Дарэчы, у свята нават ёсць свой лагатып–раскрытая далонь як сімвал дабрыні і дапамогі.
Сезон сельскагаспадарчых кірмашоў стартуе ў Магілёве 2 кастрычніка
У Магілёве ў кастрычніку пройдзе паўтара дзясятка восеньскіх сельскагаспадарчых кірмашоў. Пра гэта расказалі ў Магілёўскім гарвыканкаме. Першы восеньскі кірмаш «Багач» адбудзецца ўжо ў гэтыя выхадныя, 2 кастрычніка. Ён будзе арганізаваны з 11.00 да 17.00 у скверы 40-годдзя Перамогі і па вул. Міронава. Удзельнікамі стануць сельскагаспадарчыя, перапрацоўчыя і гандлёвыя прадпрыемствы, а таксама фермерскія гаспадаркі, індывідуальныя прадпрымальнікі, рамеснікі і фізічныя асобы.
У праекце новай Канстытуцыі паўнамоцтвы па фарміраванні ўрада замацаваны за прэм’ер-міністрам
У праекце новай Канстытуцыі Беларусі паўнамоцтвы па фарміраванні ўрада прапануецца перадаць прэм’ер-міністру. Пра гэта расказаў дырэктар інфармацыйна-аналітычнай установы «Круглы стол дэмакратычных сіл», член Канстытуцыйнай камісіі Юрый Васкрасенскі ў праграме «Аб’ектыўна» на тэлеканале АНТ.
У Магілёўскім Падміколлі будуюць вялікую аўтапаркоўку (відэа)
У Магілёўскім парку «Падміколле» хутка з’явіцца паркоўка больш чым для сотні аўтамабіляў. Яе будуюць непадалёк ад скейт-пляцоўкі. Таксама ў планах – новыя фігуры для экстрэмальных відаў спорту.
Лесапарк «Пячэрскі» ў Магілёве стаў заказнікам мясцовага значэння
Па рашэнні Магілёўскага гарадскога выканаўчага камітэта «Пячэрскі» абвешчаны заказнікам мясцовага значэння. Яго плошча ўключана ў склад зямель ахоўнай зоны і перададзена ва ўпраўленне прадпрыемству «Магілёўзеленбуд». Заказнік мясцовага значэння будзе ўключаны ў дзяржаўны інфармацыйны рэсурс «Рэестр асабліва ахоўных прыродных тэрыторый Рэспублікі Беларусь». Тэрыторыя зоны складаецца з трох адасобленых зямельных участкаў, агульная плошча якіх больш за 256 гектараў.
Акцыя па зборы цёплых рэчаў і абутку для маючых патрэбу стартавала ў Магілёве (відэа)
Дабрачынную акцыю «Скрыня дапамогі» ў Магілёве праводзіць абласная арганізацыя Беларускага таварыства Чырвонага Крыжа. Яе мэта – сабраць цёплыя рэчы і абутак для тых, хто ў гэтым мае патрэбу. Спецыяльны скрыню ўстанавілі на ўваходзе ў гандлёвы цэнтр у мікрараёне Казіміраўка. Арганізатары просяць магілёўцаў прыносіць чыстыя рэчы, у добрым стане. Сабранае цёплае адзенне і абутак будуць адпраўлены пераважна ў шматдзетныя сем’і.
У Магілёве да памятнага знака «Чэкістам Магілёўшчыны» людзі нясуць кветкі
У Магілёве людзі нясуць кветкі да памятнага знака «Чэкістам Магілёўшчыны», каб ушанаваць памяць супрацоўніка, які загінуў пры выкананні службовага абавязку.
Дэпутаты Магілёўскай вобласці ўнеслі ўдакладненні ў некаторыя раней прынятыя рашэнні
У аблвыканкаме ў рэжыме відэаканферэнцыі сёння адбылася пазачарговая трыццаць другая сесія Магілёўскага абласнога Савета дэпутатаў. Было разгледжана сем пытанняў, якія тычацца ўдакладнення некаторых рашэнняў аблсавета: у прыватнасці, бюджэту, інвестыцыйнай праграмы, рэгіянальных комплексаў некаторых дзяржаўных праграм.
Восень у Магілёве. Відэа
Залатой восенню Магілёў «гучыць» па-асабліваму камфортна. Гораду да твару жоўта-вохрыстае ўбранне алей і паркаў, якое падкрэслівае цеплыню раёнаў і цэнтральных вуліц.
Ці можна атрымаць толькі біяметрычны пашпарт, не атрымліваючы ID-карту?
Жыхар Горак Алег Нікалаеў цікавіцца, ці можна атрымаць толькі біяметрычны пашпарт, не атрымліваючы ID-карту
Першы этап рэпетыцыйнага тэсціравання стартуе ў кастрычніку
Першы этап рэпетыцыйнага тэсціравання 2021/2022 навучальнага года стартуе ў кастрычніку, паведаміў дырэктар РІКВ Юрый Міксюк. РТ можна прайсці непасрэдна ў пункце тэсціравання або анлайн. Каб прайсці тэсціраванне, трэба зарэгістравацца ў асабістым кабінеце на сайце РІКВ.