У Магілёўскай вобласці гарачым харчаваннем забяспечаны ўсе ўдзельнікі ўборачнай кампаніі – прафсаюз
У Магілёўскай вобласці гарачым харчаваннем забяспечаны ўсе ўдзельнікі ўборачнай кампаніі. Пра гэта паведамілі ў Магілёўскай абласной арганізацыі Беларускага прафсаюза работнікаў АПК.
Узровень рэгіструемага беспрацоўя ў Магілёве за першае паўгоддзе склаў 0,3%
У Магілёве ўзровень зарэгістраванага беспрацоўя за першае паўгоддзе склаў 0,3% да колькасці эканамічна актыўнага насельніцтва. Пра гэта паведаміла начальнік упраўлення эканомікі Магілёўскага гарвыканкама Ала Багаценка падчас падвядзення вынікаў сацыяльна-эканамічнага развіцця абласнога цэнтра за першае паўгоддзе.
Пайшоў з жыцця вядомы беларускі вучоны-аграрый Мікалай Папкоў
Магілёўскі абласны выканаўчы камітэт і Магілёўскі абласны Савет дэпутатаў выказваюць глыбокія спачуванні родным і блізкім Мікалая Андрэевіча Папкова ў сувязі з яго заўчаснай смерцю. 15 ліпеня 2021 года наша краіна панесла цяжкую і незамяняльную страту. На 71-м годзе пайшоў з жыцця выдатны чалавек, прафесіянал сваёй справы, праўдзівы патрыёт Беларусі, вучоны з вялікай літары, заслужаны работнік сельскай гаспадаркі Рэспублікі Беларусь.
Электронны кірмаш вакансій пройдзе ў Магілёве 20 ліпеня
Электронны кірмаш вакансій пройдзе ў Магілёве 20 ліпеня. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама. Кірмаш будзе праходзіць на электроннай пляцоўцы e-vacancy.by. У саіскальнікаў і наймальнікаў будзе магчымасць правесці актыўны дыялог у анлайн-фармаце. Доступ да прадастаўленых вакансій захаваецца і пасля заканчэння электроннага кірмашу. Яны будуць аўтаматычна перанесены ў базу даных на партале службы занятасці.
Чырвоны ўзровень небяспекі ў Магілёве (відэа)
13 ліпеня сіноптыкі аб’яўляюць аранжавы ўзровень небяспекі па ўсёй Магілёўскай вобласці. А ў Магілёве — чырвоны. Паводле прагнозу сіноптыкаў, у аўторак–сонечна, вецер слабы, днём тэмпературны фон +30, +34, месцамі да +36 градусаў. Медыкі нагадваюць аб неабходнасці захавання мер засцярогі: без неабходнасці не знаходзіцца доўга на сонцы, піць больш вады і насіць галаўныя ўборы.
З мая месяца ў вадаёмах Магілёўскай вобласці патанула 12 чалавек (відэа)
З мая ў вадаёмах Магілёўскай вобласці патанула 12 чалавек, з іх трое дзяцей. Ратавальнікі папярэджваюць: купацца можна толькі ў прызначаных для гэтага месцах.
Сёлета гасцямі свята ў Александрыі сталі больш за 66 тыс. чалавек
Сёлета гасцямі свята ў Александрыі сталі больш за 66 тыс. чалавек. Пра гэта паведамілі ва УУС Магілёўскага аблвыканкама. «Больш за 66 тыс. чалавек сёлета наведалі свята «Купалле» («Александрыя збірае сяброў») у Шклоўскім раёне. Адзіны інцыдэнт, які здарыўся на купальскім полі, – здарэнне з дзіцячымі батутамі. У цэлым жа свята прайшло спакойна», – падкрэслілі ва УУС.
Забарона на наведванне лясоў уведзена ў 11 раёнах Магілёўскай вобласці
Забарона на наведванне лясоў уведзена ў 11 раёнах Магілёўскай вобласці. Такая інфармацыя размешчана на сайце абласнога ўпраўлення МНС.
Рэдактары сайта Магілёўскага аблвыканкама сталі пераможцамі конкурсу на самае лепшае асвятленне дзейнасці падатковых органаў рэгіёна ў намінацыі «Найлепшы інтэрнэт-праект»
Вызначаны пераможцы штогадовага абласнога конкурсу сярод журналістаў рэспубліканскіх і рэгіянальных СМІ на самае лепшае асвятленне дзейнасці падатковых органаў Магілёўскай вобласці ў 2020 годзе. Ушанаванне адбылося сёння ў Палацы культуры вобласці падчас урачыстага сходу, прысвечанага Дню работнікаў падатковых органаў. Прафесійнае свята будзе адзначацца ў Беларусі 11 ліпеня. Найлепшымі прызнаныя: у намінацыі «Найлепшая раённая газета» – рэдактар газеты «Трыбуна працы» Вольга Грэк – рэдактар інтэрнэт-рэсурсаў газеты «Сцяг Саветаў» Нурмырат Анамурадаў
Прыгожае аэравідэа: вадасховішча Рудзея знялі з дрона
Вадасховішча Рудзея размешчана ў Чавускім раёне Магілёўскай вобласці. Плошча вадаёма – 3,85 кв. км, максімальная глыбіня – 7,6 м. Берагі пясчаныя, звілістыя, парослыя дрэвамі і хмызнякамі, месцамі забалочаныя. Разліта возера на рацэ Раста – правым прытоку ракі Проня. У летні сезон сюды прыязджаюць выкупацца і пазагараць, спыніцца з палаткамі, а рыбакі любяць тут парыбачыць. Паблізу вадасховішча вёскі Гародня, Слабада, Вялікія і Малыя Ахмінічы. У вадасховішчы Рудзея водзіцца краснапёрка, плотка, лінь, лешч, карась, верхаводка, акунь, ёрш, гусцера і шчупак.
Новая імянная зорка ганаровага грамадзяніна горада з’явіцца на плошчы Зорак у Магілёве
Новая імянная зорка ганаровага грамадзяніна, прысвечаная Аляксандру Кічкайлу, з’явіцца на плошчы Зорак у Магілёве. Пра гэта паведаміў старшыня Магілёўскага гарадскога Савета дэпутатаў Максім Гурын.
Акцыя МНС «З клопатам аб бяспецы малой Радзімы» стартавала ў Магілёўскай вобласці
Лета–гэта гарачая пара для вяскоўцаў і дачнікаў. І для таго каб яна не стала «спапяляльнай», ратавальнікі двойчы на год – з ліпеня па жнівень і з верасня па кастрычнік–праводзяць акцыю«З клопатам пра бяспеку малой радзімы». 1 ліпеня ёй дадзены чарговы старт у Магілёўскай вобласці, паведаміла старшы інспектар абласнога ўпраўлення МНС Вольга Нехарошых. Мерапрыемствы праекта пройдуць у сельскіх населеных пунктах, гарадах, садовых таварыствах, сельскагаспадарчых прадпрыемствах і працоўных калектывах. Асноўная аўдыторыя–пенсіянеры і пажылыя людзі.
Рэканструкцыю паветранага бою пакажуць гледачам 3 ліпеня на Буйніцкім полі
Рэканструкцыю паветранага бою пакажуць гледачам у Дзень Незалежнасці на Буйніцкім полі. Пра гэта паведаміў начальнік Магілёўскага аэраклуба ДТСААФ імя А. М. Кулагіна Іван Касім. «Нашы пілоты прадэманструюць элементы паветранага бою часоў Вялікай Айчыннай вайны. У неба паднімуцца два самалёты, яны будуць адлюстроўваць савецкі і нямецкі знішчальнікі, – расказаў Іван Касім. – Тэхніка, якая будзе ўдзельнічаць у такім тэатралізаваным прадстаўленні, па хуткасці і манеўранасці дазволіць практычна дакладна перадаць паветраную бітву ў небе падчас вайны».
Дзіцячае свята «Усміхніся, Планета!!! У Магілёве – лета!» арганізуюць 3 ліпеня ў парку Падміколле
Дзіцячае свята «Усміхніся, Планета!!! У Магілёве – лета!» арганізуюць 3 ліпеня з 12.00 да 16.00 у парку Падміколле. Яно стане часткай мерапрыемстваў, прысвечаных Дню Незалежнасці Рэспублікі Беларусь і Дню горада.
У Магілёве ўвялі забарону на купанне ў трох месцах
Купанне і заняткі відамі воднага спорту ў зонах рэкрэацый Грабянёўскага і Пячэрскага вадасховішчаў, а таксама гарадскога пляжа ракі Днепр забаронена. Пра гэта паведамілі ў УАЗ «Магілёўскі занальны цэнтр гігіены і эпідэміялогіі». Як растлумачылі суразмоўцы, пробы вады, адабраныя з вышэйпералічаных вадаёмаў, не адпавядаюць гігіенічным нарматывам па мікрабіялагічных паказчыках.
Прэзентацыя прафесійных адукацыйных устаноў адбудзецца ў Магілёве 5 ліпеня
Упраўленне па працы, занятасці і сацыяльнай абароне Магілёўскага гарадскога выканаўчага камітэта 5 ліпеня з 11.00 да 13.00 арганізуе прэзентацыю прафесійных адукацыйных устаноў «Дзе вучыцца, каб спатрэбіцца». Мерапрыемства стане часткай месячніка прафарыентацыйных мерапрыемстваў, які праводзіцца з мэтай павышэння прэстыжу прафесійна-тэхнічнай і сярэдняй спецыяльнай адукацыі, азнаямлення з прафесіямі, якія карыстаюцца попытам на рынку працы, і магчымасцямі атрымання іх ва ўстановах адукацыі, у тым ліку пры садзейнічанні ўпраўлення па працы.
У БРУ адбылася дыскусія «Дзяржаўная маладзёжная палітыка – погляд у будучыню»
У Беларуска-Расійскім універсітэце сёння прайшла дыскусія «Дзяржаўная маладзёжная палітыка – погляд у будучыню». У мерапрыемстве прынялі ўдзел прадстаўнікі органаў улады, члены Маладзёжнага парламента пры Магілёўскім абласным Савеце дэпутатаў, лідары дзіцячых і маладзёжных арганізацый рэгіёна, актыў БРСМ, студэнцкая і працоўная моладзь.
Забарона на наведванне лесапаркавых зон уведзена ў Магілёве
Забарона на наведванне лесапаркавых зон аб’яўлена на тэрыторыі Магілёва ў сувязі з увядзеннем чацвёртага класа пажарнай небяспекі з-за ўмоў надвор’я. Адпаведнае рашэнне гарвыканкама было прынята 23 чэрвеня і звязана са спякотай, якая ўсталявалася ў рэгіёне, паведамілі ў Магілёўскім лясгасе.
Бяспечны маршрут, адкрытая вада і інжынерная формула – у Магілёўскім раёне рыхтуюцца да АрМГ
У 188-й гвардзейскай інжынернай брыгадзе ў Магілёўскім раёне працягваецца падрыхтоўка каманд да Армейскіх гульняў. Зараз тут рыхтуюцца 3 каманды – больш за 60 чалавек.
Спартландыя «Бітва двароў» сярод маладых сем’яў Магілёва пройдзе 27 чэрвеня
Гарадская спартландыя «Бітва двароў» сярод маладых сем’яў Магілёва пройдзе 27 чэрвеня з 11.00 на спартыўнай пляцоўцы 7 корпуса МАУВА «Беларуска-Расійскі ўніверсітэт» (вул. Ленінская, 89Б). У спаборніцтве прымуць удзел па 2–3 каманды ад Ленінскага і Кастрычніцкага раёнаў – бацькі ва ўзросце 30–42 гадоў і іх дзеці 10–12 гадоў. Яны прадставяць адну (ці дзве суседнія) дваровыя тэрыторыі. Удзельнікам трэба будзе праявіць сябе ў візітнай картцы, спартыўных эстафетах і конкурсе капітанаў.
Чырвоны ўзровень небяспекі аб’яўлены ў Магілёўскай вобласці (відэа)
Чырвоны ўзровень небяспекі аб’яўлены ў Магілёўскай вобласці. На тэрыторыі рэгіёна ўсталявалася спякота: ноччу тэмпературны фон да + 23 градусаў, днём +35 і больш. Атмасферны ціск пераважна расце. Паводле прагнозаў сіноптыкаў, толькі ў суботу магчымыя невялікія ападкі, месцамі навальніца. Але тэмпература паветра зменіцца нязначна. Днём прагназуецца +27, +32.
Выпускнік Магілёўскага абласнога ліцэя № 3 заняў трэцяе месца Еўрапейскай геаграфічнай алімпіяды
Выпускнік Магілёўскага абласнога ліцэя № 3 Леанід Палхоўскі заваяваў бронзавы медаль Еўрапейскай геаграфічнай алімпіяды. Пра гэта паведамілі ў галоўным упраўленні па адукацыі Магілёўскага аблвыканкама. II Еўрапейская геаграфічная алімпіяда (ЕGeo) праходзіла з 18 чэрвеня па 21 чэрвеня ў дыстанцыйным фармаце ў Бялградзе (Сербія). У іспытах прынялі ўдзел больш за 150 дзяцей з 13 еўрапейскіх краін. Рэд.
Інклюзіўны лагер адпачынку для дзяцей працуе пад Магілёвам (відэа)
Маяком надзеі для дзяцей з асаблівасцямі ў развіцці, а таксама іх бацькоў стаў інклюзіўны лагер адпачынку, які працуе пад Магілёвам. Гэта сацыяльны праект дабрачыннай арганізацыі «Благо». У лагеры працуе каля 30 валанцёраў. Яны імкнуцца, каб дзеці з інваліднасцю хоць бы на час забыліся пра свае дыягназы, змаглі займацца спортам, узяліся за пэндзлі і алоўкі, далучыліся да творчасці.
Забароны на наведванне лясоў уведзены ў шасці раёнах Магілёўскай вобласці
Забароны на наведванне лясоў уведзены ў шасці раёнах нашай вобласці: Бабруйскім, Горацкім, Дрыбінскім, Клічаўскім, Кіраўскім і Мсціслаўскім. Прычына – высокі клас пажарнай небяспекі. Сухое надвор’е, няма ападкаў, пажар узнікае ад найменшай іскры. Пры гэтым асноўнай прычынай пажараў па-ранейшаму застаецца чалавечы фактар. Людзі выпальваюць сухую расліннасць, у выніку парываў ветру агонь пераходзіць у лясны фонд, часта пакутуе асабістая маёмасць насельніцтва, адзначылі ў Міністэрстве лясной гаспадаркі.
Найлепшую медсястру выбралі ў Магілёўскай дзіцячай абласной бальніцы
Напярэдадні Дня медыцынскага работніка ў Магілёўскай абласной дзіцячай бальніцы прайшоў конкурс «Найлепшая медсястра-2021». Свае прафесійныя і творчыя навыкі прадэманстравала 11 канкурсантак.
Больш за 50 рэйдаў правядуць удзельнікі акцыі «Летні патруль» у Магілёўскай вобласці
Стартавала акцыя «Летні патруль», якую структурныя падраздзяленні МНС праводзяць сумесна з моладзевымі атрадамі аховы правапарадку БРСМ. Не засталася ўбаку і Магілёўская вобласць, дзе толькі ў чэрвені запланавана правесці больш за 50 мерапрыемстваў.
Забарона на наведванне лясоў уведзена ў трох раёнах Магілёўскай вобласці
Забарона на наведванне лясоў уведзена ў трох раёнах нашай вобласці: Горацкім, Дрыбінскім і Клічаўскім. Прычына – высокі клас пажарнай небяспекі. Стаіць сухое надвор’е, няма ападкаў, пажар узнікае ад найменшай іскры. Пры гэтым асноўнай прычынай пажараў па-ранейшаму застаецца чалавечы фактар. Людзі выпальваюць сухую расліннасць, у выніку парываў ветру агонь пераходзіць у лясны фонд, часта пакутуе асабістая маёмасць насельніцтва, адзначылі ў Міністэрстве лясной гаспадаркі.
Магілёўская вобласць 22 чэрвеня ў 12.00 разам з усёй краінай замрэ ў хвіліне маўчання
22 чэрвеня штогод у Беларусі адзначаецца жалобная дата – Дзень усенароднай памяці ахвяр Вялікай Айчыннай вайны. Гэта асаблівая дата ў беларускай гісторыі. Паўсюдна ў краіне ўспамінаюць тых, хто цаной свайго жыцця выканаў абавязак па абароне Радзімы, усіх загінулых, закатаваных у фашысцкай няволі, памерлых у тыле ад голаду і нягод.
У Шклоўскім раёне будзе сфарміраваны асобны стралковы батальён тэрытарыяльных войскаў
У Шклоўскім раёне будзе сфарміраваны асобны стралковы батальён тэрытарыяльных войскаў. Пра гэта паведаміў журналістам старшыня Шклоўскага райвыканкама Андрэй Камко, кажучы аб выніках сустрэчы з Прэзідэнтам па пытаннях тэрытарыяльнай абароны:
Паралімпіец Аляксей Талай правёў матывацыйную сустрэчу са студэнтамі Магілёўскага дзяржуніверсітэта імя А. А. Куляшова
Рэкардсмен Еўропы і свету па паралімпійскім плаванні, матывацыйны спікер і прадпрымальнік, бацька чацвярых дзяцей Аляксей Талай сёння сустрэўся са студэнтамі Магілёўскага дзяржаўнага ўніверсітэта імя А. А. Куляшова. Мерапрыемства, якое прайшло ў актавай зале ВНУ, пачалося з матывацыйнага відэа, галоўным героем якога выступіў госць. Міні-фільм апавядае пра тое, што дапамагае Талаю ісці наперад і дамагацца поспеху, як не здавацца пад ціскам абставінаў і праблем.