У Чэрыкаўскім раёне каля крыніцы вёскі Норкі 13 ліпеня пройдзе свята «Бразгун». Пра гэта паведамілі ў Магілёўскім абласным метадычным цэнтры народнай творчасці і культурна-асветнай працы.
Абрад «Бразгун» і яго складовы элемент – ушанаванне іконы Святых апосталаў Пятра і Паўла – з’яўляецца традыцыйным і ўнесены ў дзяржаўны спіс аб’ектаў гісторыка-культурных каштоўнасцей Беларусі.
У гэты дзень на маляўнічай лясной паляне збяруцца паломнікі і госці, якія прыедуць памаліцца перад абразом, пажадаць сабе і блізкім здароўя, шчасця, дабрабыту, набраць вады з жыватворнай крыніцы, акунуцца ў купелі.
Мерапрыемствы пачнуцца ў 10.00 з адкрыцця свята. Падчас культурнай падзеі з 10.00 да 12.00 адбудзецца рэгіянальны конкурс ансамбляў фальклорнай і народнай песні «Са стагоддзя ў стагоддзе», у якім прымуць удзел выканаўцы з раёнаў Магілёўскай вобласці.
З 12 да 13.00 пройдзе асвяшчэнне крыніцы, а пасля–з 13.00 да 14.00–царкоўныя і духоўныя спевы.
З 10.00 да 15.30 таксама будзе арганізавана работа гандлёвых радоў, выстаўка-продаж прадукцыі рамеснікаў, выязная экспазіцыя з фондаў гісторыка-краязнаўчага музея «Карагод беларускіх рушнікоў».
Арганізатарамі мерапрыемстваў выступаюць аддзел ідэалагічнай работы, культуры і па справах моладзі Чэрыкаўскага райвыканкама, а таксама спецыялісты Цэнтралізаванай клубнай сістэмы Чэрыкаўскага раёна.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.04.2024 - 12:04
16.04.2024 - 16:54
У Кісялевічах пачалася рэканструкцыя Брацкай магілы воінаў і партызан