Узровень рэгіструемага беспрацоўя ў Магілёве за першае паўгоддзе склаў 0,3%

У Магілёве ўзровень зарэгістраванага беспрацоўя за першае паўгоддзе склаў 0,3% да колькасці эканамічна актыўнага насельніцтва. Пра гэта паведаміла начальнік упраўлення эканомікі Магілёўскага гарвыканкама Ала Багаценка падчас падвядзення вынікаў сацыяльна-эканамічнага развіцця абласнога цэнтра за першае паўгоддзе.

«Узровень рэгіструемага беспрацоўя па Магілёве на 1 ліпеня 2021 года склаў 0,3% да колькасці эканамічна актыўнага насельніцтва пры заданні не больш за 1,0%. На 1 ліпеня 2021 года на ўліку знаходзілася 476 беспрацоўных, наймальнікі падалі звесткі аб наяўнасці 2989 свабодных працоўных месцаў. Каэфіцыент напружанасці на рынку працы горада (колькасць беспрацоўных на адну вакансію) не змяніўся ў параўнанні з аналагічным перыядам 2020 года і склаў 0,2», – сказала Ала Багаценка.

Па выніках працы за 6 месяцаў бягучага года ў Магілёве перавыкананы прагнозныя паказчыкі па экспарце тавараў без арганізацый рэспубліканскай уласнасці –115,4% пры заданні 100%. Экспарт паслуг склаў 120,7% пры заданні 101,5%. «Паказчык па ўзроўні намінальнай налічанай сярэднямесячнай заработнай платы склаў больш за Br1,2 тыс. – гэта 100,6% ад задання. Тэмп росту аб’ёмаў рознічнага тавараабароту – 101,5% пры заданні 101,0%, – адзначыла Ала Багаценка. – Разам з тым у горадзе не забяспечаны заданні па ўводзе ў эксплуатацыю жылля, не дасягнуты жаданыя вынікі ў асваенні інвестыцый у асноўны капітал».

У прамысловым сектары горада за студзень-чэрвень 2021 года аб’ём прамысловай вытворчасці ў дзеючых цэнах склаў Br2 млрд. «Пры гэтым II квартал характарызуецца павелічэннем аб’ёмаў прамысловай вытворчасці на 6,4% у параўнанні з I кварталам бягучага года», – падкрэсліла начальнік упраўлення эканомікі.

Узровень запасаў гатовай прадукцыі на прадпрыемствах горада на 1 ліпеня склаў 51,3% да сярэднямесячнага аб’ёму вытворчасці, або больш за Br182 млн. за студзень-май 2021 года па арганізацыях без уліку рэспубліканскіх экспартаваных тавараў на суму амаль $168 млн з тэмпам росту 115,4% пры прагнозе 100%. Экспарт тавараў да аналагічнага перыяду 2020 года павялічыўся на больш чым $22 млн. «Высокі тэмп росту экспарту тавараў па прадпрыемствах камунальнай уласнасці ў аналізаваным перыядзе забяспечыла ААТ «Бабушкина крынка» (109,4%) і «Магілёўскі мясакамбінат» (163,7%)», – адзначыла Ала Багаценка.

На сённяшні дзень на тэрыторыі горада рэалізуецца 15 інвестыцыйных праектаў на суму больш за Br119 млн, з іх 4 праекты плануюць завяршыць у бягучым годзе. Асноўны аб’ём інвестыцый па гэтых праектах прыпадае на будаўніча-мантажныя работы – 85%.

«2021 год прыпадае на год запуску новага інвестыцыйнага цыклу. Такія прадпрыемствы горада, як «Магілёўхімвалакно», «Магілёўскі завод ліфтавага машынабудавання»і «Магілёўскі вагонабудаўнічы завод», у гэтым годзе запланавалі буйныя інвестыцыйныя праекты з агульнай сумай інвестыцый амаль Br284 млн, у тым ліку на 2021 год – Br148 млн. Аднак з‑за выкарыстання крэдытных рэсурсаў банкаў для рэалізацыі праектаў асваенне сродкаў плануецца толькі з 2022 года», – дадала Ала Багаценка.

БЕЛТА