Выязное пашыранае пасяджэнне прэзідыуму абласнога Савета дэпутатаў прайшло ў аграгарадку Александрыя

У аграгарадку Александрыя 13 верасня прайшло выязное пашыранае пасяджэнне прэзідыуму Магілёўскага абласнога Савета дэпутатаў. Удзел у ім прынялі дэпутаты гарадскіх, раённых і сельскіх Саветаў дэпутатаў, прадстаўнікі маладзёжнага парламента і іншыя. Цэнтральнай тэмай абмеркавання стаў праект «Вёска будучыні», які рэалізуецца ў гэтым аграгарадку.

На выставе-прэзентацыі сельскіх Саветаў дэпутатаў старшыня кожнага з іх расказаў аб напрамках работы, падрабязна спыніўшыся на рэалізацыі грамадзянскіх ініцыятыў, формах работы з насельніцтвам, у тым ліку ў садовых таварыствах, а таксама аб мерапрыемствах па навядзенні парадку на зямлі і добраўпарадкаванні населеных пунктаў, рэалізацыі на практыцы Указа № 116 «Аб адчужэнні жылых дамоў у сельскай мясцовасці і ўдасканаленні працы з пустуючымі дамамі», прафілактычнай і працы з маладымі спецыялістамі і многіх іншых. Дадаткам да сказанага сталі фатаграфіі, метадычныя матэрыялы, вырабы дэкаратыўна-прыкладнога мастацтва.

Азнаёміўшыся з праграмай выязнога пасяджэння, прагледзелі фільм аб сацыяльна-эканамічным развіцці Шклоўскага раёна. Затым удзельнікі пасяджэння азнаёміліся з рэсурсным патэнцыялам Александрыйскай сярэдняй школы па грамадзянска-патрыятычным выхаванні і наведалі гісторыка-краязнаўчы музей установы адукацыі і клас, у якім вучыўся Прэзідэнт Рэспублікі Беларусь Аляксандр Лукашэнка. Аб арганізацыі фізкультурна-аздараўленчай работы з насельніцтвам раёна даведаліся пры наведванні ўніверсальнага спартыўнага цэнтра «Александрыя». Пабывалі і ў маладзёжным парку аграгарадка. А затым удзельнікі пасяджэння ўсклалі кветкі да помніка Балеснай маці ў Александрыі.

Падчас пленарнай часткі пасяджэння быў разгледжаны шэраг пытанняў. Гаворка ішла аб ходзе выканання рэгіянальнага плана развіцця перспектыўных сельскіх населеных пунктаў у межах праекта «Вёска будучыні» на прыкладзе Шклоўскага раёна, аб практыцы работы раённага Савета дэпутатаў па павышэнні ролі органаў кіравання і самакіравання ў вырашэнні пытанняў жыццезабеспячэння насельніцтва. Таксама разгледзелі працу Гарадзішчанскага сельскага Савета дэпутатаў па ўстойлівым развіцці тэрыторыі сельсавета і павышэнні якасці жыцця насельніцтва і працу органа тэрытарыяльнага грамадскага самакіравання на прыкладзе дзейнасці старасты в. Крывель Гарадзецкага сельскага Савета дэпутатаў.

У завяршэнне выязнога пасяджэння яго ўдзельнікі адправіліся на Трафімаву крыніцу, дзе змаглі не толькі выпіць гаючай вады, але і акунуцца ў купелі.

– Сёння на пашыраным выязным пасяджэнні ў аграгарадку Александрыя мы разглядалі пытанні статусу вёскі будучыні. На тэрыторыі Магілёўскай вобласці ў адпаведнасці з рашэннем аблвыканкама і Пастановай Савета Міністраў такі статус маюць два аграгарадкі – Александрыя Шклоўскага раёна і Мышкавічы Кіраўскага раёна. Нам трэба разумець і вывучыць, як на сёння раённыя выканаўчыя ўлады, дэпутацкі корпус працуюць у гэтым напрамку, і з насельніцтвам у тым ліку, – адзначыла старшыня Магілёўскага абласнога Савета дэпутатаў Ірына Раінчык. – План мерапрыемстваў на ўзроўні вобласці зацверджаны, вызначана і фінансаванне. Гэта сродкі раённага бюджэту, арганізацый і прадпрыемстваў, якія знаходзяцца на тэрыторыі аграгарадкоў, крэдытныя сродкі. І мы павінны разумець, што і дэпутаты, і насельніцтва павінны прымаць актыўны ўдзел у рэалізацыі гэтага праекта. Мы ўбачылі, наколькі ў Александрыі развітая інфраструктура і ўмовы для камфортнага і спрыяльнага пражывання насельніцтва. Важна, што тут развіваецца вытворчая сфера і сельгаспрадпрыемства мае нават свой перапрацоўчы цэх. Мы пазнаёміліся з шэрагам аб’ектаў і паглядзелі, як працуе раённы і сельскія саветы дэпутатаў з насельніцтвам па ўсіх напрамках дзейнасці, якія прапісаны заканадаўствам. І хочацца адзначыць, што кожны сельсавет мае сваю адметнасць, асаблівасці ў працы. Мы ўбачылі тыя практыкі працы, якія іншыя могуць прымяняць у сябе. Упэўнена, што ўсе ўдзельнікі пасяджэння павязуць часцінку ветлівасці і гасціннасці Шклоўшчыны і тыя формы і метады працы, якія эфектыўна выкарыстоўваюцца ў вас. На сёння рэалізуюцца і грамадзянскія ініцыятывы, працуе маладзёжны парламент. І, вядома ж, праца раённага і сельскіх Саветаў дэпутатаў патрабуе ўдасканалення. Зараз пастаўлены задачы максімальна менавіта ў раённых цэнтрах прывабліваць калегіяльныя органы самакіравання – Саветы мікразон, камітэты, дамавыя камітэты. Хочацца адзначыць актыўную працу і супрацоўніцтва з сельвыканкамамі, раённым Саветам дэпутатаў, органамі раённай улады старастаў сельскіх населеных пунктаў. Але і насельніцтва павінна актыўна падключацца да гэтай працы. Быў пастаўлены шэраг задач, якія пакладзены ў аснову нашых рашэнняў. Упэўнена, яны будуць паспяхова рэалізоўвацца сумесна з органамі выканаўчай улады на тэрыторыі Магілёўскай вобласці.

shklovinfo.by