Лаўрэаты прэміі «За духоўнае адраджэнне» ахвяравалі грошы на стварэнне мемарыяла ў памяць аб трагедыі спаленых вёсак у Магілёўскай вобласці
У студзені Прэзідэнт узнагародзіў прэміяй «За духоўнае адраджэнне» калектыў аўтараў, якія стварылі фундаментальнае картаграфічнае выданне «Вялікі гістарычны атлас Беларусі». Лаўрэаты аднадушна вырашылі накіраваць грошы на будаўніцтва мемарыяла ў памяць аб трагедыі спаленых вёсак у Магілёўскай вобласці, які плануецца адкрыць у чэрвені.
Магілёўскі фестываль навукі збярэ маладых навукоўцаў 20–21 лютага ў Беларуска-Расійскім універсітэце
Форум стаў значным грамадскім мерапрыемствам у жыцці абласнога цэнтра, які традыцыйна збірае гасцей з розных краін. Гэта навучэнцы старэйшых класаў школ, ліцэяў, каледжаў, студэнты, магістранты, аспіранты, выкладчыкі сярэдніх і вышэйшых навучальных устаноў, якія прымаюць удзел у любых формах навукова-тэхнічнай творчасці моладзі. Сёлета ў Магілёве збяруцца прадстаўнікі Беларусі, Расіі, Польшчы, Грузіі, Таджыкістана, Эстоніі.
Леанід Заяц сустрэўся з расійскім мастаком Нікасам Сафронавым
Знакаміты расійскі мастак Нікас Сафронаў сёння прыехаў у Магілёў. Афіцыйную праграму візіту адкрыла сустрэча са старшынёй Магілёўскага аблвыканкама Леанідам Зайцам, на якой таксама прысутнічаў сын майстра Лука.
Інвестыцыі ў будучыню
Аксіёма: у эканоміку, каб яна развівалася, трэба пастаянна «ўліваць» інвестыцыі. Эх, калі б Беларусь мела высокаліквідныя карысныя выкапні накшталт каштоўных металаў або вуглевадародаў, за кошт якіх падняліся, напрыклад, Саудаўская Аравія ці Арабскія Эміраты!
Начальнік Магілёўскай мытні Сяргей Іваноў 12 лютага правядзе выязны прыём грамадзян у Крычаве
Начальнік Магілёўскай мытні Сяргей Валер’евіч Іваноў 12 лютага з 11.00 да 13.00 правядзе выязны прыём грамадзян у Крычаўскім раённым выканаўчым камітэце. Папярэдні запіс ажыццяўляецца па тэлефоне Магілёўскай мытні (8 0222) 29 90 12 і нумарах Крычаўскага райвыканкама (802241) 26 611, 26 638.
У Магілёве прыступаюць да будаўніцтва аб’язной дарогі. Відэа
Яшчэ адна важная магістраль з’явіцца ў Магілёве. У горадзе прыступаюць да будаўніцтва аб’язной дарогі. Яна будзе дубляваць Загарадную шашу. Цяпер рыхтуецца будаўнічая пляцоўка. Расчыстка тэрыторыі зойме каля паўгода. Пабудуюць новую дарогу з бетону. Працы падзялілі на тры этапы. Першы завершыцца ў наступным годзе.
Новыя легкавікі папоўнілі аўтапарк Магілёўскай абласной структуры ДТСААФ
Дванаццаць новых аўтамабіляў перадалі сёння прадстаўнікам падраздзяленняў ДТСААФ Магілёўскай вобласці. Аўтапарк папоўнілі легкавыя машыны Volkswagen Polo. Пра гэта карэспандэнту БелТА паведаміў старшыня абласной арганізацыйнай структуры ДТСААФ Аляксандр Мазур.
Прыём грамадзян правёў у Магілёўскім аблвыканкаме Леанід Заяц
Прыём грамадзян правёў сёння ў Магілёўскім аблвыканкаме Леанід Заяц. Са сваімі пытаннямі да кіраўніка рэгіёна звярнулася чатыры чалавекі.
У сферу адукацыі ў 2020 годзе плануецца накіраваць больш за трэць бюджэту Магілёўскай вобласці
У сферу адукацыі ў 2020 годзе плануецца накіраваць 31,4% кансалідаванага бюджэту Магілёўскай вобласці. Гэта крыху больш, чым у папярэднім годзе, паведаміў сёння на выніковай калегіі галоўнага ўпраўлення па адукацыі яго начальнік Андрэй Заблоцкі.
Дзмітрый Харытончык пакінуў пасаду старшыні Магілёўскага абласнога Савета дэпутатаў
У Магілёўскім аблвыканкаме прайшла пазачарговая 19-я сесія Магілёўскага абласнога Савета дэпутатаў. Адной з падстаў сходу стала вызваленне старшыні Магілёўскага абласнога Савета дэпутатаў Дзмітрыя Харытончыка ад займаемай пасады ў сувязі з прызначэннем яго намеснікам міністра прамысловасці. Таксама аднагалосна было падтрымана рашэнне Дзмітрыя Іванавіча аб датэрміновымспыненні паўнамоцтваў дэпутата аблсавета дваццаць восьмага склікання па Юбілейнай выбарчай акрузе №36.
Медустановы Магілёўшчыны ў 2020 год будуць працаваць над удасканаленнем лагістыкі, нарошчваннем экспарту паслуг і выбудоўваннем электроннай аховы здароўя
Медустановы Магілёўскай вобласці ў 2020 годзе будуць працаваць над удасканаленнем лагістыкі аказання дапамогі жыхарам рэгіёна, нарошчваннем экспарту паслуг і пазабюджэтнай дзейнасці, выбудоўваннем электроннай аховы здароўя. Акрамя таго, працягнецца праца па падрыхтоўцы кадраў і замацавання іх на рабочых месцах, аснашчэнні дыягнастычным абсталяваннем, аптымізацыі бюджэтных расходаў. Пра гэта паведаміў сёння на выніковай калегіі галоўнага ўпраўлення па ахове здароўя Магілёўскай вобласці яго начальнік Аляксандр Старавойтаў.
Банк развіцця перадаў Магілёўскаму радзільнаму дому новае абсталяванне
Аддзяленне анестэзіялогіі і рэанімацыі для нованароджаных магілёўскай радзільні, дзякуючы падтрымцы Банка развіцця Рэспублікі Беларусь, значна папоўніла медыцынскі арсенал.
Старшыня Магілёўскага аблвыканкама правёў выязны прыём па асабістых пытаннях
Выкуп жылых дамоў, якія знаходзяцца ва ўласнасці ў гаспадаркі, нездавальняльная якасць камунальных паслуг, зямельныя спрэчкі. Пра ўсё гэта гаварылі людзі старшыні Магілёўскага аблвыканкама Леаніду Зайцу падчас выязнога прыёму па асабістых пытаннях, які прайшоў у аграгарадку Рэчкі Магілёўскага раёна.
У Крычаве з’явяцца два новыя мікрараёны і зона адпачынку ля ракі Сож
Да 2030 года Крычаў будзе развівацца па новым генплане. У раённым цэнтры з’явяцца два новыя мікрараёны і зона адпачынку ўздоўж заходняга берага ракі Сож. Стартавала грамадскае абмеркаванне дакладу па стратэгічнай экалагічнай ацэнцы горадабудаўнічага праекта агульнага планавання «Генеральны план Крычава», паведамілі ў Крычаўскім райвыканкаме. Абмеркаванне будзе доўжыцца да 24 лютага. З электроннай версіяй дакумента можна азнаёміцца на сайце райвыканкама.
Прамую тэлефонную лінію правядзе 8 лютага кіраўнік спраў аблвыканкама Рыгор Варонін
Прамую тэлефонную лінію правядзе 8 лютага кіраўнік спраў аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
На абласны этап рэспубліканскага конкурсу праектаў па эканоміі і беражлівасці «Энергамарафон» было прадстаўлена больш за 400 работ
На абласны этап XI Рэспубліканскага конкурсу праектаў устаноў адукацыі па эканоміі і беражлівасці «Энергамарафон –2019» было прадстаўлена 439 работ з усіх раёнаў Магілёўшчыны. Пра гэта паведамілі ў галоўным упраўленні па адукацыі Магілёўскага аблвыканкама. Абарона работ і ўзнагароджанне ўдзельнікаў праходзіла ў Магілёўскім дзяржаўным абласным інстытуце развіцця адукацыі.
Старшыня Савета Рэспублікі Нацыянальнага сходу Наталля Качанава з рабочым візітам наведвае Магілёў
Старшыня Савета Рэспублікі Нацыянальнага сходу Наталля Качанава сёння праводзіць сустрэчу з дэпутацкім актывам Магілёўскай вобласці. Нарада з удзелам кіраўнікоў гарадскіх і раённых Саветаў дэпутатаў праходзіць у аблвыканкаме.
За 2019 год у кансалідаваны бюджэт Магілёўскай вобласці паступіла Br1 305,3 млн.
За 2019 год у кансалідаваны бюджэт рэгіёна паступіла Br1 305,3 млн. У параўнанні з 2018-м даходы бюджэту павялічыліся на 9,4%, або Br112,3 млн. у фактычным вылічэнні. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. Значную долю паступленняў прынеслі бюджэту падаходны падатак – 35,5% (Br463,9 млн.), падатак на дабаўленую вартасць – 12,5% (Br162,6 млн.), падатак на прыбытак – 10,1% (Br131,4 млн.), акцызы – 7,2% (Br93,9 млн.). Аб’ёмы плацяжоў па падатку на нерухомасць склалі 5,9%, падатку пры спрошчанай сістэме падаткаабкладання – 4,2%.
У Магілёўскай вобласці за парушэнні пры знешнегандлёвых здзелках аштрафавана 25 арганізацый на Br171,4 тыс.
Камітэт дзяржаўнага кантролю Магілёўскай вобласці ў 2019 годзе выявіў парушэнні парадку завяршэння знешнегандлёвых аперацый у 25 арганізацыях рэгіёна. Пра гэта паведаміў першы намеснік старшыні ведамства Юрый Фралоў. Суб’екты гаспадарання і 28 службовых асоб, якія працуюць у гэтых арганізацыях, былі аштрафаваныя на Br171,4 тыс. З нядобрасумленных контрагентаў спагналі і прадугледжаныя кантрактамі няўстойкі. Таксама былі прыняты меры па ліквідацыі выяўленых парушэнняў і недапушчэнні іх у далейшым.
Новая спецыяльнасць з’явіцца ў архітэктурна-будаўнічым каледжы БРУ
Новая спецыяльнасць «Водазабеспячэнне, водаадвядзенне і ахова водных рэсурсаў»з’явіцца з новага навучальнага года ў архітэктурна-будаўнічым каледжы ў складзе міждзяржаўнай адукацыйнай установы вышэйшай адукацыі «Беларуска-Расійскі ўніверсітэт». Пра гэта паведамілі ва ўстанове адукацыі.
Больш за Br232 млн. паступіла ў бюджэт Бабруйска за 2019 год
За 2019 год у кансалідаваны бюджэт Бабруйска паступіла Br232,2 млн. Даходы бюджэту ў параўнанні з 2018-м павялічыліся на 8,3%, або Br17,9 млн. у фактычным вылічэнні. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. Удзельная вага плацяжоў арганізацый у агульнай суме паступленняў за 2019 год склала 89,7%, або Br208,4 млн. Індывідуальнымі прадпрымальнікамі ў бюджэт выплачана Br12,7 млн. (5,5%), паступленні ад фізічных асоб склалі Br11,1 млн. (4,8%).
Прэзідэнт Беларусі Аляксандр Лукашэнка ўзгадніў прызначэнне Дзмітрыя Харытончыка намеснікам міністра прамысловасці
Прэзідэнт Беларусі Аляксандр Лукашэнка ўзгадніў сёння прызначэнне Дзмітрыя Харытончыка і Андрэя Буйневіча намеснікамі міністра прамысловасці.
«Гарачую лінію» па пытаннях прафілактыкі інфекцыі, выкліканай каранавірусам 2019-nCoV, праводзіць санэпідслужба Беларусі
Рэспубліканскі цэнтр гігіены, эпідэміялогіі і грамадскага здароўя праводзіць у працоўныя дні «гарачую лінію» па пытаннях прафілактыкі інфекцыі, выкліканай каранавірусам 2019-nCoV. Пра гэта паведамляецца на сайце службы. Задаць пытанні насельніцтва можа па тэлефоне + 375 (29) 156-85-65, званкі прымаюцца з панядзелка па пятніцу з 8.30 да 13.00 і з 13.30 да 18.00.
Экспедыцыі абласнога гісторыка-патрыятычнага клуба «Віккру» на працягу 2020 года будуць працаваць у Бабруйскім раёне
Пошукавыя экспедыцыі абласнога гісторыка-патрыятычнага клуба «Віккру» на працягу года будуць працаваць на тэрыторыі Бабруйскага раёна. Як паведамілі ў Бабруйскім райвыканкаме, у лютым-снежні 2020 года «Віккру» запланаваў правесці пошукавыя экспедыцыі (вахты памяці) па зборы інфармацыі аб невядомых воінскіх пахаваннях абаронцаў Айчыны, патанулай бранятэхніцы, збітых савецкіх самалётах і зніклых без вестак экіпажах у гады Вялікай Айчыннай вайны ў 1941–1944 гадах.
Сучасны ультрагукавы апарат пачаў працаваць у Бялыніцкай цэнтральнай раённай бальніцы
Сучасны ультрагукавы апарат пачаў працаваць у Бялыніцкай цэнтральнай раённай бальніцы. Абсталяванне дазволіць удасканаліць дыягнастычны працэс ва ўстанове аховы здароўя.
У Магілёве абмеркавалі перспектывы супрацоўніцтва рэгіёна з Еўрасаюзам
У горадзе на Дняпры сёння прайшла інфармацыйная сустрэча «Супрацоўніцтва ЕС–Беларусь: Магілёўская вобласць». Абмяркоўваліся дзелавыя кантакты паміж нашай краінай і Еўрасаюзам і, вядома, мясцовыя ініцыятывы ў самых розных сферах.
Старшыня абласнога выканаўчага камітэта Леанід Заяц 3 лютага правядзе прыём грамадзян у Магілёўскім раёне
У Магілёўскім раёне 3 лютага выязны прыём грамадзян, іх прадстаўнікоў, прадстаўнікоў юрыдычных асоб правядзе старшыня абласнога выканаўчага камітэта Леанід Канстанцінавіч Заяц. Пачатак прыёму–10.00. Месца правядзення: адміністрацыйны будынак «Агракамбінат “Зара”» (аг. Рэчкі, 2-і паверх, зала пасяджэнняў). Папярэдні запіс на асабісты прыём ажыццяўляецца па тэлефонах: (80222) 42 30 26, 42 30 33.
У Магілёўскай вобласці ў 2019 годзе пабудавана больш за 4 тыс. новых кватэр
У Магілёўскай вобласці ў 2019 годзе арганізацыямі ўсіх формаў уласнасці пабудавана 4016 новых кватэр. Уведзена ў эксплуатацыю 328,1 тыс. кв. м агульнай плошчы жылля. Пра гэта паведамілі ў галоўным статыстычным упраўленні рэгіёна. Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 158,9 тыс. кв. м, або 48,4% ад агульнага аб’ёму ўведзенага жылля. У тым ліку з выкарыстаннем дзяржаўнай падтрымкі – 124,1 тыс. кв. м. У сельскіх населеных пунктах уведзена ў эксплуатацыю 73,5 тыс. кв. м жылля, або 22,4% ад агульнага ўводу па рэгіёне.
У Магілёве міліцыянераў навучаюць мове жэстаў
У Магілёўскім інстытуце МУС навучаюць мове жэстаў. Многім супрацоўнікам не раз даводзілася аказваць дапамогу людзям з парушэннямі слыху або дапытваць іх. Часам у такіх выпадках звяртаюцца да дапамогі сурдаперакладчыкаў, але іх не хапае – прыкладна па два ў кожным рэгіёне краіны. Моўны курс працягваецца чатыры дні. Спачатку тэорыя: вывучаюць асаблівасці псіхалогіі і паводзін людзей, якія слаба чуюць. Затым пачынаецца практыка – дактыльны алфавіт і нацыянальная мова жэстаў –калі адным рухам можна растлумачыць цэлую фразу.
Магілёўская каманда згуляе ў вышэйшай лізе КВЗ
Магілёўская каманда КВЗ «Доктар Хаус» згуляе ў вышэйшай лізе КВЗ. Першая 1/8 фіналу з удзелам нашых хлопцаў адбудзецца 12 лютага. Пра гэта стала вядома пасля аб’яўлення вынікаў міжнароднага фестывалю «КиВиН–2020».