Сем дзяўчат-курсантаў Магілёўскага інстытута МУС паспрачаюцца за званне «Сапраўдная лэдзі»

На шляху да запаветнага тытула ім трэба пераадолець некалькі тураў. Адкрые праграму «Візітная картка». Затым прыгажуні пакажуць сябе ў «Фольк-дэфіле» і дэфіле ў вячэрніх сукенках. Не абыдзецца і без традыцыйнага інтэлектуальнага конкурсу – гэтым разам пад назвай «Ведай гісторыю сваёй краіны!». Яркім абяцае быць і творчы тур.

У склад журы ўвойдуць медыйныя персоны Магілёва. Спонсарамі выступяць грамадскія і камерцыйныя арганізацыі.

– Конкурс «Сапраўдная лэдзі» прысвечаны Году гістарычнай памяці, таму гэта тэма чырвонай ніткай пройдзе праз усё мерапрыемства, – удакладняе афіцыйны прадстаўнік ВНУ Марына Грамыка. – Немалаважна і тое, што конкурс адбудзецца напярэдадні дня стварэння нашай навучальнай установы: 2 красавіка міліцэйскай ВНУ споўніцца 74 гады!

СБ