Што чакае Бабруйск у першы дзень XVI Міжнароднага фестывалю народнай творчасці «Вянок дружбы»

XVI Міжнародны фестываль народнай творчасці «Вянок дружбы» пройдзе з 23 па 27 чэрвеня.

Госці пачнуць прыбываць ужо 23 чэрвеня, пройдуць рэпетыцыі цырымоній адкрыцця і закрыцця фестывалю. Майстар-клас пераможцаў міжнароднага конкурсу гульнявых праграм «Сузор’е гульні» (Петраградскі раён Санкт-Пецярбурга) пройдзе з 11.00 да 12.00 у Палацы мастацтваў.

Працягне сваю працу выстава мастацкіх галаграм у мастацкім музеі горада на Горкага. А ў выставачнай зале Сацыялкі а 17.00 адбудзецца прэзентацыя выставы квілт-клуба «Валошкі» (Мінск) «ТэкСтыльны Букет» з удзелам мастацкага кіраўніка клуба Матусевіч В. М.

Увечары таго ж дня бабруйчане могуць наведаць гандлёвыя рады ля пляцоўкі хакейнага клуба «Бабруйск» з 17.00 да 21.00. Знойдуць аддушыну і прыхільнікі Мельпамены. Прэм’еру мюзікла «Магія» 23 чэрвеня прадставіць гледачу Беларускі дзяржаўны ўніверсітэт культуры і мастацтваў. Выступленне адбудзецца з 19.00 да 20.40.

bobrlife.by