4 пажары ў Бабруйску, Быхаве, Шклове і ў Клічаўскім раёне адбылося за суткі ў Магілёўскай вобласці. Пра гэта паведаміла старшы інспектар абласнога ўпраўлення МНС Вольга Нехарошых.
Так, 30 чэрвеня каля 7 гадзін вечара ў Быхаве загарэўся аўтамабіль «Citroen Xsara», 2000 года выпуску. У выніку пажару пашкоджаны салон аўтамабіля. Меркаваная прычына ўзгарання – парушэнне правілаў эксплуатацыі электрасетак і электраабсталявання.
У гэты ж дзень па не ўстаноўленай пакуль прычыне загарэлася нежылая двухпакаёвая кватэра па вул. Сако ў Бабруйску. Агонь пашкодзіў маёмасць у пакоі, сцены і перакрыцці. Дарэчы, у кватэру меўся свабодны доступ.
Яшчэ адно паведамленне аб пажары атрымалі супрацоўнікі МНС Клічаўскага раёна. У сенасховішчы каля аграгарадка Колбча ў выніку вогненнай стыхіі знішчана 36 тон сена ў рулонах, пашкоджаны навес. Пацярпелых няма. Прычына ўзгарання высвятляецца.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
19.07.2024 - 14:47
У Магілёўскай вобласці адноўлена энергазабеспячэнне ўсіх населеных пунктаў, якія пацярпелі ад стыхіі
19.07.2024 - 09:33
19.07.2024 - 09:27
Што рабіць, калі маёмасць пацярпела ад разгулу стыхіі? Фінансавая падтрымка ад райвыканкамаў (відэа)